Ashtaka

Agastya Ashtakam Lyrics in Gujarati

અગસ્ત્યાષ્ટકમ્ Lyrics in Gujarati:

અદ્ય મે સફલં જન્મ ચાદ્ય મે સફલં તપઃ ।
અદ્ય મે સફલં જ્ઞાનં શમ્ભો ત્વત્પાદદર્શનાત્ ॥ ૧॥

કૃતાર્થોઽહં કૃતાર્થોઽહં કૃતાર્થોઽહં મહેશ્વર ।
અદ્ય તે પાદપદ્મસ્ય દર્શનાત્ભક્તવત્સલ ॥ ૨॥

શિવશ્શમ્ભુઃ શિવશ્શંભુઃ શિવશ્શંભુઃ શિવશ્શિવઃ ।
ઇતિ વ્યાહરતો નિત્યં દિનાન્યાયાન્તુ યાન્તુ મે ॥ ૩॥

શિવે ભક્તિશ્શિવે ભક્તિશ્શિવે ભક્તિર્ભવેભવે ।
સદા ભૂયાત્ સદા ભૂયાત્સદા ભૂયાત્સુનિશ્ચલા ॥ ૪॥

આજન્મ મરણં યસ્ય મહાદેવાન્યદૈવતમ્ ।
માજનિષ્યત મદ્વંશે જાતો વા દ્રાગ્વિપદ્યતામ્ ॥ ૫॥

જાતસ્ય જાયમાનસ્ય ગર્ભસ્થસ્યાઽપિ દેહિનઃ ।
માભૂન્મમ કુલે જન્મ યસ્ય શમ્ભુર્ન-દૈવતમ્ ॥ ૬॥

વયં ધન્યા વયં ધન્યા વયં ધન્યા જગત્ત્રયે ।
આદિદેવો મહાદેવો યદસ્મત્કુલદૈવતમ્ ॥ ૭॥

હર શંભો મહાદેવ વિશ્વેશામરવલ્લભ ।
શિવશઙ્કર સર્વાત્મન્નીલકણ્ઠ નમોઽસ્તુ તે ॥ ૮॥

અગસ્ત્યાષ્ટકમેતત્તુ યઃ પઠેચ્છિવસન્નિધૌ ।
શિવલોકમવાપ્નોતિ શિવેન સહ મોદતે ॥ ૯॥

॥ ઇત્યગસ્ત્યાષ્ટકમ્ ॥