Baka Geetaa in Oriya:
॥ ବକଗୀତା ॥
॥ ଅଥ ବକଗୀତା ॥
ବୈଶମ୍ପାୟନ ଉବାଚ –
ମାର୍କଣ୍ଡେୟମୃଷୟୋ ବ୍ରାହ୍ମଣା ଯୁଧିଷ୍ଠିରଶ୍ଚ ପର୍ୟପୃଚ୍ଛନ୍ନୃଷିଃ ।
କେନ ଦୀର୍ଘାୟୁରାସୀଦ୍ବକୋ ମାର୍କଣ୍ଡେୟସ୍ତୁ ତାନ୍ସର୍ୱାନୁବାଚ ॥ ୧ ॥
ମହାତପା ଦୀର୍ଘାୟୁଶ୍ଚ ବକୋ ରାଜର୍ଷିର୍ନାତ୍ରକାର୍ୟା ବିଚାରଣା ॥ ୨ ॥
ଏତଚ୍ଛୃତ୍ୱା ତୁ କୌନ୍ତେୟୋ ଭ୍ରାତୃଭିଃ ସହ ଭାରତ ।
ମାର୍କଣ୍ଡେୟଂ ପର୍ୟପୃଚ୍ଛଦ୍ଧର୍ମରାଜୋ ଯୁଧିଷ୍ଠିରଃ ॥ ୩ ॥
ବକଦାଲ୍ଭ୍ୟୌ ମହାତ୍ମାନୌ ଶ୍ରୂୟେତେ ଚିରଜୀବିନୌ ।
ସଖାୟୌ ଦେବରାଜସ୍ୟ ତାବୃଷୀ ଲୋକସଂମିତୌ ॥ ୪ ॥
ଏତଦିଚ୍ଛାମି ଭଗବନ୍ ବକଶକ୍ରସମାଗମମ୍ ।
ସୁଖଦୁଃଖସମାୟୁକ୍ତଂ ତତ୍ତ୍ୱେନ କଥୟସ୍ୱ ମେ ॥ ୫ ॥
ମାର୍କଣ୍ଡେୟ ଉବାଚ –
ବୃତ୍ତେ ଦେବାସୁରେ ରାଜନ୍ସଂଗ୍ରାମେ ଲୋମହର୍ଷଣେ ।
ତ୍ରୟାଣାମପି ଲୋକାନାମିନ୍ଦ୍ରୋ ଲୋକାଧିପୋ ଭବତ୍ ॥ ୬ ॥
ସମ୍ୟଗ୍ୱର୍ଷତି ପର୍ଜନ୍ୟେ ସୁଖସମ୍ପଦ ଉତ୍ତମାଃ ।
ନିରାମୟାସ୍ତୁ ଧର୍ମିଷ୍ଠାଃ ପ୍ରଜା ଧର୍ମପରାୟଣାଃ ॥ ୭ ॥
ମୁଦିତଶ୍ଚ ଜନଃ ସର୍ୱଃ ସ୍ୱଧର୍ମେ ସୁବ୍ୟବସ୍ଥିତଃ ।
ତାଃ ପ୍ରଜା ମୁଦିତାଃ ସର୍ୱା ଦୃଷ୍ଟାବଲନିଷୂଦନଃ ॥ ୮ ॥
ତତସ୍ତୁ ମୁଦିତୋ ରାଜନ୍ ଦେବରାଜଃ ଶତକ୍ରତୁଃ ।
ଐରାବତଂ ସମାସ୍ଥାୟ ତାଃ ପଶ୍ୟନ୍ମୁଦିତାଃ ପ୍ରଜାଃ ॥ ୯ ॥
ଆଶ୍ରମାଂଶ୍ଚ ବିଚିତ୍ରାଂଶ୍ଚ ନଦୀଶ୍ଚ ବିବିଧାଃ ଶୁଭାଃ ।
ନଗରାଣି ସମୃଦ୍ଧାନି ଖେଟାଞ୍ଜନପଦାଂସ୍ତଥା ॥ ୧୦ ॥
ପ୍ରଜାପାଲନଦକ୍ଷାଂଶ୍ଚ ନରେନ୍ଦ୍ରାନ୍ଧର୍ମଚାରିଣଃ ।
ଉଦପାନପ୍ରପାବାପୀତଡାଗାନିସରାଂସିଚ ॥ ୧୧ ॥
ନାନାବ୍ରହ୍ମସମାଚାରୈଃ ସେବିତାନି ଦ୍ୱିଜୋତ୍ତମୈଃ ।
ତତୋବତୀର୍ୟ ରମ୍ୟାୟାଂ ପୃଥ୍ୱ୍ୟାଂ ରାଜଞ୍ଛତକ୍ରତୁଃ ॥ ୧୨ ॥
ତତ୍ର ରମ୍ୟେ ଶିବେ ଦେଶେ ବହୁବୃକ୍ଷସମାକୁଲେ ।
ପୂର୍ୱସ୍ୟାଂ ଦିଶି ରମ୍ୟାୟାଂ ସମୁଦ୍ରାଭ୍ୟାଶତୋ ନୃପ ॥ ୧୩ ॥
ତତ୍ରାଶ୍ରମପଦଂ ରମ୍ୟଂ ମୃଗଦ୍ୱିଜନିଷେବିତମ୍ ।
ତତ୍ରାଶ୍ରମପଦେ ରମ୍ୟେ ବକଂ ପଶ୍ୟତି ଦେବରାଟ୍ ॥ ୧୪ ॥
ବକସ୍ତୁ ଦୃଷ୍ଟ୍ୱା ଦେବେନ୍ଦ୍ରଂ ଦୃଢଂ ପ୍ରୀତମନାଭବତ୍ ।
ପାଦ୍ୟାସନାର୍ଘଦାନେନ ଫଲମୂଲୈରଥାର୍ଚୟତ୍ ॥ ୧୫ ॥
ସୁଖୋପବିଷ୍ଟୋ ବରଦସ୍ତତସ୍ତୁ ବଲସୂଦନଃ ।
ତତଃ ପ୍ରଶ୍ନଂ ବକଂ ଦେବ ଉବାଚ-ତ୍ରିଦଶେଶ୍ୱରଃ ॥ ୧୬ ॥
ଶତଂ ବର୍ଷସହସ୍ରାଣି ମୁନେ ଜାତସ୍ୟ ତେନଘ ।
ସମାଖ୍ୟାହି ମମ ବ୍ରହ୍ମନ୍ କିଂ ଦୁଃଖଂ ଚିରଜୀବିନାମ୍ ॥ ୧୭ ॥
ବକ ଉବାଚ –
ଅପ୍ରିୟୈଃ ସହ ସଂବାସଃ ପ୍ରିୟୈଶ୍ଚାପି ବିନାଭବଃ ।
ଅସଦ୍ଭିଃ ସମ୍ପ୍ରୟୋଗଶ୍ଚ ତଦ୍ଦୁଃଖଂ ଚିର୍ଜୀବିନାମ୍ ॥ ୧୮ ॥
ପୁତ୍ରଦାରବିନାଶୋତ୍ର ଜ୍ଞାତୀନାଂ ସୁହୃଦାମପି ।
ପରେଷ୍ୱାପତତେ କୃଛ୍ରଂ କିଂନୁ ଦୁଃଖତରଂ ତତଃ ॥ ୧୯ ॥
ନାନ୍ୟଦ୍ଦୁଃଖତରଂ କିଂଚିଲ୍ଲୋକେଷୁ ପ୍ରତିଭାତି ମେ ।
ଅର୍ଥୈର୍ୱିହୀନଃ ପୁରୁଷଃ ପରୈଃ ସମ୍ପରିଭୂୟତେ ॥ ୨୦ ॥
ଅକୁଲାନାଂ କୁଲେ ଭାବଂ କୁଲୀନାନାଂ କୁଲକ୍ଷୟମ୍ ।
ସଂୟୋଗଂ ବିପ୍ରୟୋଗଂ ଚ ପଶ୍ୟନ୍ତି ଚିରଜୀବିନଃ ॥ ୨୧ ॥
ଅପି ପ୍ରତ୍ୟକ୍ଷମେବୈତଦ୍ଦେବଦେବ ଶତକ୍ରତୋ ।
ଅକୁଲାନାଂ ସମୃଦ୍ଧାନାଂ କଥଂ କୁଲବିପର୍ୟଯଃ ॥ ୨୨ ॥
ଦେବଦାନବଗନ୍ଧର୍ୱମନୁଷ୍ୟୋରଗରାକ୍ଷସାଃ ।
ପ୍ରାପ୍ନୁବନ୍ତି ବିପର୍ୟାସଂ କିଂନୁ ଦୁଃଖତରଂ ତତଃ ॥ ୨୩ ॥
କୁଲେ ଜାତାଶ୍ଚ କ୍ଲିଶ୍ୟନ୍ତେ ଦୌଷ୍କୁଲେ ଯବଶାନୁଗାଃ ।
ଆଢ୍ୟୈର୍ଦରିଦ୍ରାବମତାଃ କିଂନୁ ଦୁଃଖତରଂ ତତଃ ॥ ୨୪ ॥
ଲୋକେ ବୈଧର୍ମ୍ୟମେତତ୍ତୁ ଦୃଶ୍ୟତେ ବହୁବିସ୍ତରମ୍ ।
ହୀନଜ୍ଞାନାଶ୍ଚ ଦୃଶ୍ୟନ୍ତେ କ୍ଲିଶ୍ୟନ୍ତେ ପ୍ରାଜ୍ଞକୋବିଦାଃ ॥ ୨୫ ॥
ବହୁଦୁଃଖପରିକ୍ଲେଶଂ ମାନୁଷ୍ୟମିହ ଦୃଶ୍ୟତେ ।
ଇନ୍ଦ୍ର ଉବାଚ –
ପୁନରେବ ମହାଭାଗ ଦେବର୍ଷିଗଣସେବିତ ॥ ୨୬ ॥
ସମାଖ୍ୟାହି ମମ ବ୍ରହ୍ମନ୍ କିଂ ସୁଖଂ ଚିରଜୀବିନାମ୍ ।
ବକ ଉବାଚ –
ଅଷ୍ଟମେ ଦ୍ୱାଦଶେ ବାପି ଶାକଂ ଯଃ ପଚତେ ଗୃହେ ॥ ୨୭ ॥
କୁମିତ୍ରାଣ୍ୟନପାଶ୍ରିତ୍ୟ କିଂ ବୈ ସୁଖତରଂ ତତଃ ।
ଯତ୍ରାହାନି ନ ଗଣ୍ୟନ୍ତେ ନୈନମାହୁର୍ମହାଶନମ୍ ॥ ୨୮ ॥
ଅପି ଶାକଂପଚାନସ୍ୟ ସୁଖଂ ବୈ ମଘବନ୍ ଗୃହେ ।
ଅର୍ଜିତଂ ସ୍ୱେନ ବୀର୍ୟେଣ ନାପ୍ୟପାଶ୍ରିତ୍ୟ କଞ୍ଚନ ॥ ୨୯ ॥
ଫଲଶାକମପି ଶ୍ରେୟୋ ଭୋକ୍ତୁଂ ହ୍ୟକୃପଣେ ଗୃହେ ।
ପରସ୍ୟ ତୁ ଗୃହେ ଭୋକ୍ତୁଃ ପରିଭୂତସ୍ୟ ନିତ୍ୟଶଃ ॥ ୩୦ ॥
ସୁମୃଷ୍ଟମପି ନେ ଶ୍ରେୟୋ ବିକଲ୍ପୋୟମତଃ ସତାମ୍ ।
ଶ୍ୱବତ୍କୀଲାଲପୋ ଯସ୍ତୁ ପରାନ୍ନଂ ଭୋକ୍ତୁମିଚ୍ଛତି ॥ ୩୧ ॥
ଧିଗସ୍ତୁ ତସ୍ୟତଦ୍ଭୁକ୍ତଂ କୃପଣସ୍ୟ ଦୁରାତ୍ମନଃ ।
ଯୋ ଦତ୍ତ୍ୱାତିଥିଭୂତେଭ୍ୟଃ ପିତୃଭ୍ୟଶ୍ଚ ଦ୍ୱିଜୋତ୍ତମଃ ॥ ୩୨ ॥
ଶିଷ୍ଟାନ୍ୟନାନି ଯୋ ଭୁଙ୍କ୍ତେ କିଂବୈ ସୁଖତରଂ ତତଃ ।
ଅତୋ ମୃଷ୍ଟତରଂ ନାନ୍ୟତ୍ପୂତଂ କିଞ୍ଚିଚ୍ଛ୍ତକ୍ରତୋ ॥ ୩୩ ॥
ଦତ୍ୱା ଯସ୍ତ୍ୱତିଥିଭ୍ୟୋ ବୈ ଭୁଙ୍କ୍ତେ ତେନୈବ ନିତ୍ୟଶଃ ।
ଯାବତୋହ୍ୟଂଧସଃ ପିଣ୍ଡାନଶ୍ନାତି ସତତଂ ଦ୍ୱିଜଃ ॥ ୩୪ ॥
ତାବତାଂ ଗୋସହସ୍ରାଣାଂ ଫଲଂ ପ୍ରାପ୍ନୋତି ଦାୟକଃ ।
ଯଦେନୋ ଯୌବନକୃତଂ ତତ୍ସର୍ୱ ନଶ୍ୟତେ ଧ୍ରୁବମ୍ ॥ ୩୫ ॥
ସଦକ୍ଷିଣସ୍ୟ ଭୁକ୍ତସ୍ୟ ଦ୍ୱିଜସ୍ୟ ତୁ କରେ ଗତମ୍ ।
ଯଦ୍ୱାରି ବାରିଣା ସିଂଚେତ୍ତଦ୍ଧ୍ୟେନସ୍ତରତେ କ୍ଷଣାତ୍ ॥ ୩୬ ॥
ଏତଶ୍ଚାନ୍ୟାଶ୍ଚବୈ ବହ୍ୱୀଃ କଥୟିତ୍ୱା କଥାଃ ଶୁଭାଃ ।
ବକେନ ସହ ଦେବେନ୍ଦ୍ର ଆପୃଚ୍ଛ୍ୟ ତ୍ରିଦିବଂ ଗତଃ ॥ ୩୭ ॥
॥ ଇତି ବକ ଶକ୍ର ସଂବାଦ ଏବଂ ବକଗୀତା ସମାପ୍ତା ॥
Also Read:
Baka Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
