Templesinindiainfo

Best Spiritual Website

Chaitanyashtakam 3 Lyrics in Oriya| ଚୈତନ୍ୟାଷ୍ଟକମ୍ ୩

ଚୈତନ୍ୟାଷ୍ଟକମ୍ ୩ Lyrics in Oriya:

ଅଥ ଶ୍ରୀଚୈତନ୍ୟଦେଵସ୍ୟ ତୃତୀୟାଷ୍ଟକଂ
ଉପାସିତପଦାମ୍ବୁଜସ୍ତ୍ଵମନୁରକ୍ତରୁଦ୍ରାଦିଭିଃ
ପ୍ରପଦ୍ୟ ପୁରୁଷୋତ୍ତମଂ ପଦମଦଭ୍ରମୁଦ୍ଭ୍ରାଜିତଃ ।
ସମସ୍ତନତମଣ୍ଡଲୀସ୍ଫୁରଦଭୀଷ୍ଟକଲ୍ପଦ୍ରୁମଃ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୧॥

ନ ଵର୍ଣୟିତୁମୀଶତେ ଗୁରୁତରାଵତାରାୟିତା
ଭଵନ୍ତମୁରୁବୁଦ୍ଧୟୋ ନ ଖଲୁ ସାର୍ଵଭୌମାଦୟଃ ।
ପରୋ ଭଵତୁ ତତ୍ର କଃ ପଟୁରତୋ ନମସ୍ତେ ପରଂ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୨॥

ନ ୟତ୍ କଥମପି ଶ୍ରୁତାଵୁପନିଷଦ୍ଭିରପ୍ୟାହିତଂ
ସ୍ଵୟଂ ଚ ଵିଵୃତଂ ନ ୟଦ୍ ଗୁରୁତରାଵତାରାନ୍ତରେ ।
କ୍ଷିପନ୍ନସି ରସାମ୍ବୁଧେ ତଦିହ ଭାକ୍ତରତ୍ନଂ କ୍ଷିତୌ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୩॥

ନିଜପ୍ରଣୟଵିସ୍ଫୁରନ୍ନଟନରଙ୍ଗଵିସ୍ମାପିତ
ତ୍ରିନେତ୍ରନତମଣ୍ଡଲପ୍ରକଟିତାନୁରାଗାମୃତ ।
ଅହଙ୍କୃତିକଲଙ୍କିତୋଦ୍ଧତଜନାଦିଦୁର୍ବୋଧ ହେ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୪॥

ଭଵନ୍ତି ଭୁଵି ୟେ ନରାଃ କଲିତଦୁଷ୍କୁଲୋତ୍ପତ୍ତୟ-
ସ୍ତ୍ଵମୁଦ୍ଧରସି ତାନ୍ ଅପି ପ୍ରଚୁରଚାରୁକାରୁଣ୍ୟତଃ ।
ଇତି ପ୍ରମୁଦିତାନ୍ତରଃ ଶରଣମାଶ୍ରିତସ୍ତ୍ଵାମହଂ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୫॥

ମୁଖାମ୍ବୁଜପରିସ୍ଖଲନ୍ମୃଦୁଲଵାଙ୍ମଧୂଲୀରସ
ପ୍ରସଙ୍ଗଜନିତାଖିଲପ୍ରଣତଭୃଙ୍ଗରଙ୍ଗୋତ୍କର ।
ସମସ୍ତଜନମଙ୍ଗଲପ୍ରଭଵନାମରତ୍ନାମ୍ବୁଧେ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୬॥

ମୃଗାଙ୍କମଧୁରାନନ ସ୍ଫୁରଦନିଦ୍ରପଦ୍ମେକ୍ଷଣ
ସ୍ମିତସ୍ତଵକସୁନ୍ଦରାଧର ଵିଶଙ୍କଟୋରସ୍ତଟେ ।
ଭୁଜୋଦ୍ଧତଭୁଜଙ୍ଗମପ୍ରଭ ମନୋଜକୋଟିଦ୍ୟୁତେ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୭॥

ଅହଂ କନକକେତକୀକୁସୁମଗୌର ଦୁଷ୍ଟଃ କ୍ଷିତୌ
ନ ଦୋଷଲଵଦର୍ଶିତା ଵିଵିଧଦୋଷପୂର୍ଣେଽପି ତେ ।
ଅତଃ ପ୍ରଵଣୟା ଧିୟା କୃପଣଵତ୍ସଲ ତ୍ଵାଂ ଭଜେ
ଶଚୀସୁତ ମୟି ପ୍ରଭୋ କୁରୁ ମୁକୁନ୍ଦ ମନ୍ଦେ କୃପାମ୍ ॥ ୮॥

ଇଦଂ ଧରଣିମଣ୍ଡଲୋତ୍ସଵ ଭଵତ୍ପଦାଙ୍କେଷୁ ୟେ
ନିଵିଷ୍ଟମନସୋ ନରାଃ ପରିପଠନ୍ତି ପଦ୍ୟାଷ୍ଟକମ୍ ।
ଶଚୀହୃଦୟନନ୍ଦନ ପ୍ରକଟକୀର୍ତିଚନ୍ଦ୍ର ପ୍ରଭୋ
ନିଜପ୍ରଣୟନିର୍ଭରଂ ଵିତର ଦେଵ ତେଭ୍ୟଃ ଶୁଭମ୍ ॥ ୯॥

ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଚୈତନ୍ୟାଷ୍ଟକଂ ତୃତୀୟଂ ସମ୍ପୂର୍ଣମ୍ ।

Chaitanyashtakam 3 Lyrics in Oriya| ଚୈତନ୍ୟାଷ୍ଟକମ୍ ୩

Leave a Reply

Your email address will not be published. Required fields are marked *

Scroll to top