Devi Aparadha Kshamapana Stotram in English:
॥ dēvyaparādha kṣamāpaṇa stōtram ॥
na mantraṁ nō yantraṁ tadapi ca na jānē stuti mahō
na cāhvānaṁ dhyānam tadapi ca na jānē stuti kathāḥ
na jānē mudrāstē tadapi ca na jānē vilapanaṁ
paraṁ jānē mātastvadanusaraṇaṁ klēśaharaṇam || 1 ||
vidhērajñānēna draviṇa virahēṇālasatayā
vidhēyā śakyatvāttava caraṇayōryācyutirabhūt
tadētat kṣantavyaṁ janani sakalōddhāriṇi śivē
kuputrō jāyēta kvacidapi kumātā na bhavati || 2 ||
pr̥thivyāṁ putrāstē janani bahavaḥ santi saralāḥ
paraṁ tēṣāṁ madhyē virala viralō:’haṁ tava sutaḥ
madīyō:’yaṁ tyāgaḥ samucita midaṁ nō tava śivē
kuputrō jāyēta kvacidapi kumātā na bhavati || 3 ||
jaganmātarmātastava caraṇa sēvā na racitā
na vā dattaṁ dēvi draviṇamapi bhūyastava mayā
tathāpi tvaṁ snēhaṁ mayi nirupamaṁ yatprakuruṣē
kuputrō jāyēta kvacidapi kumātā na bhavati || 4 ||
parityaktā dēvā vividha vidha sēvākulatayā
mayā pañcāśītēradhika mapanītē tu vayasi
idānīṁ cēnmātastava yadi kr̥pā nā:’pi bhavitā
nirālambō lambōdarajanani kaṁ yāmi śaraṇam || 5 ||
śvapākō jalpākō bhavati madhupākōpamagirā
nirāntaṅkōraṅkō viharati ciraṁ kōṭikanakaiḥ
tavāparṇē karṇē viśati manu varṇē phalamidaṁ
janaḥ kō jānītē janani japanīyaṁ japa vidhau || 6 ||
citābhasmālēpō garalamaśanaṁ dikpaṭadharō
jaṭādhārī kaṇṭhē bhujagapatihārī paśupatiḥ
kapālī bhūtēśō bhajati jagadīśaikapadavīṁ
bhavānī tvatpāṇigrahaṇa paripāṭīphalamidam || 7 ||
na mōkṣāsyākāṅkṣā na ca vibhavavāñchāpi ca na mē
na vijñānāpēkṣā śaśimukhi! sukhēcchāpi na punaḥ
ata stvāṁ samyācē janani jananaṁ yātu mama vai
mr̥ḍānī rudrāṇī śiva śiva bhavānīti japataḥ || 8 ||
nārādhitāsi vidhinā vividhōpacāraiḥ |
kiṁ sūkṣmacintanaparairna kr̥taṁ vacōbhiḥ ||
śyāmē! tvamēva yadi kiñcana mayyanāthē |
dhatsē kr̥pāmucitamamba paraṁ tavaiva || 9 ||
āpatsumagnassmaraṇaṁ tvadīyaṁ |
karōmi durgē karuṇārṇavē śivē |
naitacchaṭhatvaṁ mama bhāvayēthāḥ |
kṣudhātr̥ṣārtā jananīṁ smaranti || 10 ||
jagadamba vicitra matra kiṁ paripūrṇā karuṇāsti cē nmayi |
aparādhaparamparāvr̥taṁ na hi mātā samupēkṣatē sutam || 11 ||
matsamaḥ pātakī nāsti pāpaghnī tvatsamā na hi |
ēvaṁ jñātvā mahādēvī yathā yōgyaṁ tathā kuru || 12 ||
Also Read:
Devi Aparadha Kshamapana Stotram Lyrics in English | Hindi |Kannada | Telugu | Tamil
