Dharmavyadha Geetaa or Vana Parva of Mahabharata in Telugu:
॥ ధర్మవ్యాధగీతా ॥
॥ అథ ధర్మవ్యాధగీతా ॥
వ్యాధ ఉవాచ –
విజ్ఞానార్థం మనుష్యాణాం మనః పూర్వ ప్రవర్తతే ।
తత్ప్రాప్య కామం భజతే క్రోధం చ ద్విజసత్తమ ॥ 1 ॥
తతస్తదర్థం యతతే కర్మ చారభతే మహత్ ।
ఇష్టానాం రూపగంధానామభ్యాసం చ నిషేవతే ॥ 2 ॥
తతో రాగః ప్రభవతి ద్వేషశ్చ తదనంతరం ।
తతో లోభః ప్రభవతి మోహశ్చ తదనంతరం ॥ 3 ॥
తతో లోభాభిభూతస్య రాగద్వేషహతస్య చ ।
న ధర్మే జాయతే బుద్ధిర్వ్యాజాద్ధర్మ కరోతి చ ॥ 4 ॥
వ్యాజేన చరతే ధర్మమర్థం వ్యాజేన రోచతే ।
వ్యాజేన సిద్ధమానేషు ధనేషు ద్విజసత్తమ ॥ 5 ॥
తత్రైవ రమతే బుద్ధిస్తతః పాపం చికీర్షతి ।
సుత్దృద్భిఃర్వార్యమాణశ్చ పండితైశ్చ ద్విజోత్తమ ॥ 6 ॥
ఉత్తరం శ్రుతిసంబద్ధం బ్రవీత్యశ్రుతియోజితం ।
అధర్మస్త్రివిధస్తస్య వర్తతే రాగదోషజః ॥ 7 ॥
పాపం చింతయతే చైవ బవీతి చ కరోతి చ ।
తస్యాధర్మప్రవృత్తస్య గుణ నశ్యంతి సాధవః ॥ 8 ॥
ఏకాశీలైశ్చ మిత్రత్వం భజంతే పాపకర్మిణః ।
సతేన దుఃఖమాప్నోతి పరత్ర చ విపద్యతే ॥ 9 ॥
పాపాత్మా భవతి హ్యేవం ధర్మలాభం తు మే శ్రుణు ।
యస్త్వేతాన్ప్రజ్ఞయా దోషాన్పూర్వమేవానుపశ్యతి ॥ 10 ॥
కుశలః సుఖదుఃఖేషు సాధూంశ్చాప్యుపసేవతే ।
తస్య సాధుసమారంభాద్బుద్ధిర్ధర్మేషు రాజతే ॥ 11 ॥
ఇదం విశ్వం జగత్సర్వమజయ్యం చాపి నిత్యశః ।
మహాభూతాత్మకం బ్రహ్మ నాతః పరతరం భవేత్ ॥ 12 ॥
బ్రాహ్మణ ఉవాచ –
సత్త్వస్య రజసశ్చైవ తమసశ్చ యథాతథం ।
గుణాంస్తత్త్వేన మే బ్రూహి యథావదిహ పృచ్ఛతః ॥ 13 ॥
వ్యాధ ఉవాచ –
హంత తే కథయిష్యామి యన్మాం త్వం పరిపృచ్ఛసి ।
ఏషాం గుణాన్ పృథక్త్వేన నిబోధ గదతో మమ ॥ 14 ॥
మోహాత్మకం తమస్తేషాం రజ ఏషాం ప్రవర్తకం ।
ప్రకాశబహులత్వాచ్చ సత్త్వం జ్యాయ ఇహోచ్యతే ॥ 15 ॥
అవిద్యాబహులో మూఢః స్వప్నశీలో విచేతనః ।
దుర్త్దృషీకస్తతోధ్యస్తః సక్రోధస్తామసోఽలసః ॥ 16 ॥
ప్రవృత్తవాక్యో మంత్రీ చ యో నరాగ్ర్యోఽనసూయకః ।
విధిత్సమానో విప్రర్షే స్తబ్ధో మానీ స రాజసః ॥ 17 ॥
ప్రకాశబహులో ధీరో నిర్విధిత్సోఽనసూయకః ।
అక్రోధనో నరో ధీమాన్ దాంత్రశ్చైవ స సాత్త్వికః ॥ 18 ॥
ఇతి ధర్మవ్యాధగీతా సమాప్తా ॥
Also Read:
Dharmavyadha Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil