Skandha 11 Adhyaya 13 Bhagavata Purana.
Hamsa Geetaa from Shrimad Bhagavata Purana Skandha 11 in Bengali:
॥ হংসগীতা ভাগবতপুরাণে একাদশস্কন্ধে ॥
শ্রীভগবানুবাচ ।
সত্ত্বং রজস্তম ইতি গুণা বুদ্ধের্ন চাত্মনঃ ।
সত্ত্বেনান্যতমৌ হন্যাৎসত্ত্বং সত্ত্বেন চৈব হি ॥ ১৩.১ ॥
সত্ত্বাদ্ধর্মো ভবেদ্বৃদ্ধাৎপুংসো মদ্ভক্তিলক্ষণঃ ।
সাত্ত্বিকোপাসয়া সত্ত্বং ততো ধর্মঃ প্রবর্ততে ॥ ১৩.২ ॥
ধর্মো রজস্তমো হন্যাৎসত্ত্ববৃদ্ধিরনুত্তমঃ ।
আশু নশ্যতি তন্মূলো হ্যধর্ম উভয়ে হতে ॥ ১৩.৩ ॥
আগমোঽপঃ প্রজা দেশঃ কালঃ কর্ম চ জন্ম চ ।
ধ্যানং মন্ত্রোঽথ সংস্কারো দশৈতে গুণহেতবঃ ॥ ১৩.৪ ॥
তত্তৎসাত্ত্বিকমেবৈষাং যদ্যদ্বৃদ্ধাঃ প্রচক্ষতে ।
নিন্দন্তি তামসং তত্তদ্রাজসং তদুপেক্ষিতম্ ॥ ১৩.৫ ॥
সাত্ত্বিকান্যেব সেবেত পুমান্সত্ত্ববিবৃদ্ধয়ে ।
ততো ধর্মস্ততো জ্ঞানং যাবৎস্মৃতিরপোহনম্ ॥ ১৩.৬ ॥
বেণুসঙ্ঘর্ষজো বহ্নির্দগ্ধ্বা শাম্যতি তদ্বনম্ ।
এবং গুণব্যত্যযজো দেহঃ শাম্যতি তৎক্রিয়ঃ ॥ ১৩.৭ ॥
উদ্ধব উবাচ ।
বিদন্তি মর্ত্যাঃ প্রায়েণ বিষয়ান্পদমাপদাম্ ।
তথাপি ভুঞ্জতে কৃষ্ণ তৎকথং শ্বখরাজবৎ ॥ ১৩.৮ ॥
শ্রীভগবানুবাচ ।
অহমিত্যন্যথাবুদ্ধিঃ প্রমত্তস্য যথা হৃদি ।
উৎসর্পতি রজো ঘোরং ততো বৈকারিকং মনঃ ॥ ১৩.৯ ॥
রজোয়ুক্তস্য মনসঃ সঙ্কল্পঃ সবিকল্পকঃ ।
ততঃ কামো গুণধ্যানাদ্দুঃসহঃ স্যাদ্ধি দুর্মতেঃ ॥ ১৩.১০ ॥
করোতি কামবশগঃ কর্মাণ্যবিজিতেন্দ্রিয়ঃ ।
দুঃখোদর্কাণি সম্পশ্যন্ রজোবেগবিমোহিতঃ ॥ ১৩.১১ ॥
রজস্তমোভ্যাং যদপি বিদ্বান্বিক্ষিপ্তধীঃ পুনঃ ।
অতন্দ্রিতো মনো যুঞ্জন্দোষদৃষ্টির্ন সজ্জতে ॥ ১৩.১২ ॥
অপ্রমত্তোঽনুয়ুঞ্জীত মনো ময়্যর্পয়ঞ্ছনৈঃ ।
অনির্বিণ্ণো যথাকালং জিতশ্বাসো জিতাসনঃ ॥ ১৩.১৩ ॥
এতাবান্যোগ আদিষ্টো মচ্ছিষ্যৈঃ সনকাদিভিঃ ।
সর্বতো মন আকৃষ্য ময়্যদ্ধাবেশ্যতে যথা ॥ ১৩.১৪ ॥
উদ্ধব উবাচ ।
যদা ৎবং সনকাদিভ্যো যেন রূপেণ কেশব ।
যোগমাদিষ্টবানেতদ্রূপমিচ্ছামি বেদিতুম্ ॥ ১৩.১৫ ॥
শ্রীভগবানুবাচ ।
পুত্রা হিরণ্যগর্ভস্য মানসাঃ সনকাদয়ঃ ।
পপ্রচ্ছুঃ পিতরং সূক্ষ্মাং যোগস্যৈকান্তিকীং গতিম্ ॥ ১৩.১৬ ॥
সনকাদয় ঊচুঃ ।
গুণেষ্বাবিশতে চেতো গুণাশ্চেতসি চ প্রভো ।
কথমন্যোন্যসন্ত্যাগো মুমুক্ষোরতিতিতীর্ষোঃ ॥ ১৩.১৭ ॥
শ্রীভগবানুবাচ ।
এবং পৃষ্টো মহাদেবঃ স্বয়ম্ভূর্ভূতভাবনঃ ।
ধ্যায়মানঃ প্রশ্নবীজং নাভ্যপদ্যত কর্মধীঃ ॥ ১৩.১৮ ॥
স মামচিন্তয়দ্দেবঃ প্রশ্নপারতিতীর্ষয়া ।
তস্যাহং হংসরূপেণ সকাশমগমং তদা ॥ ১৩.১৯ ॥
দৃষ্ট্বা মাং ত উপব্রজ্য কৃৎবা পাদাভিবন্দনম্ ।
ব্রহ্মাণমগ্রতঃ কৃৎবা পপ্রচ্ছুঃ কো ভবানিতি ॥ ১৩.২০ ॥
ইত্যহং মুনিভিঃ পৃষ্টস্তত্ত্বজিজ্ঞাসুভিস্তদা ।
যদবোচমহং তেভ্যস্তদুদ্ধব নিবোধ মে ॥ ১৩.২১ ॥
বস্তুনো যদ্যনানাৎব আত্মনঃ প্রশ্ন ঈদৃশঃ ।
কথং ঘটেত বো বিপ্রা বক্তুর্বা মে ক আশ্রয়ঃ ॥ ১৩.২২ ॥
পঞ্চাত্মকেষু ভূতেষু সমানেষু চ বস্তুতঃ ।
কো ভবানিতি বঃ প্রশ্নো বাচারম্ভো হ্যনর্থকঃ ॥ ১৩.২৩ ॥
মনসা বচসা দৃষ্ট্যা গৃহ্যতেঽন্যৈরপীন্দ্রিয়ৈঃ ।
অহমেব ন মত্তোঽন্যদিতি বুধ্যধ্বমঞ্জসা ॥ ১৩.২৪ ॥
গুণেষ্বাবিশতে চেতো গুণাশ্চেতসি চ প্রজাঃ ।
জীবস্য দেহ উভয়ং গুণাশ্চেতো মদাত্মনঃ ॥ ১৩.২৫ ॥
গুণেষু চাবিশচ্চিত্তমভীক্ষ্ণং গুণসেবয়া ।
গুণাশ্চ চিত্তপ্রভবা মদ্রূপ উভয়ং ত্যজেৎ ॥ ১৩.২৬ ॥
জাগ্রৎস্বপ্নঃ সুষুপ্তং চ গুণতো বুদ্ধিবৃত্তয়ঃ ।
তাসাং বিলক্ষণো জীবঃ সাক্ষিৎবেন বিনিশ্চিতঃ ॥ ১৩.২৭ ॥
যর্হি সংসৃতিবন্ধোঽয়মাত্মনো গুণবৃত্তিদঃ ।
ময়ি তুর্যে স্থিতো জহ্যাত্ত্যাগস্তদ্গুণচেতসাম্ ॥ ১৩.২৮ ॥
অহঙ্কারকৃতং বন্ধমাত্মনোঽর্থবিপর্যযম্ ।
বিদ্বান্নির্বিদ্য সংসারচিন্তাং তুর্যে স্থিতস্ত্যজেৎ ॥ ১৩.২৯ ॥
যাবন্নানার্থধীঃ পুংসো ন নিবর্তেত যুক্তিভিঃ ।
জাগর্ত্যপি স্বপন্নজ্ঞঃ স্বপ্নে জাগরণং যথা ॥ ১৩.৩০ ॥
অসত্ত্বাদাত্মনোঽন্যেষাং ভাবানাং তৎকৃতা ভিদা ।
গতয়ো হেতবশ্চাস্য মৃষা স্বপ্নদৃশো যথা ॥ ১৩.৩১ ॥
যো জাগরে বহিরনুক্ষণধর্মিণোঽর্থান্
ভুঙ্ক্তে সমস্তকরণৈর্হৃদি তৎসদৃক্ষান্ ।
স্বপ্নে সুষুপ্ত উপসংহরতে স একঃ
স্মৃত্যন্বয়াত্ত্রিগুণবৃত্তিদৃগিন্দ্রিয়েশঃ ॥ ১৩.৩২ ॥
এবং বিমৃশ্য গুণতো মনসস্ত্র্যবস্থা
মন্মায়যা ময়ি কৃতা ইতি নিশ্চিতার্থাঃ ।
সঞ্ছিদ্য হার্দমনুমানসদুক্তিতীক্ষ্ণ-
জ্ঞানাসিনা ভজত মাখিলসংশয়াধিম্ ॥ ১৩.৩৩ ॥
ঈক্ষেত বিভ্রমমিদং মনসো বিলাসং
দৃষ্টং বিনষ্টমতিলোলমলাতচক্রম্ ।
বিজ্ঞানমেকমুরুধেব বিভাতি মায়া
স্বপ্নস্ত্রিধা গুণবিসর্গকৃতো বিকল্পঃ ॥ ১৩.৩৪ ॥
দৃষ্টিং ততঃ প্রতিনিবর্ত্য নিবৃত্ততৃষ্ণ-
স্তূষ্ণীং ভবেন্নিজসুখানুভবো নিরীহঃ ।
সন্দৃশ্যতে ক্ব চ যদীদমবস্তুবুদ্ধ্যা
ত্যক্তং ভ্রমায় ন ভবেৎস্মৃতিরানিপাতাৎ ॥ ১৩.৩৫ ॥
দেহং চ নশ্বরমবস্থিতমুত্থিতং বা
সিদ্ধো ন পশ্যতি যতোঽধ্যগমৎস্বরূপম্ ।
দৈবাদপেতমথ দৈববশাদুপেতং
বাসো যথা পরিকৃতং মদিরামদান্ধঃ ॥ ১৩.৩৬ ॥
দেহোঽপি দৈববশগঃ খলু কর্ম যাবৎ
স্বারম্ভকং প্রতিসমীক্ষত এব সাসুঃ ।
তং সপ্রপঞ্চমধিরূঢসমাধিয়োগঃ
স্বাপ্নং পুনর্ন ভজতে প্রতিবুদ্ধবস্তুঃ ॥ ১৩.৩৭ ॥
ময়ৈতদুক্তং বো বিপ্রা গুহ্যং যৎসাঙ্খ্যযোগয়োঃ ।
জানীত মাঽঽগতং যজ্ঞং যুষ্মদ্ধর্মবিবক্ষয়া ॥ ১৩.৩৮ ॥
অহং যোগস্য সাঙ্খ্যস্য সত্যস্যর্তস্য তেজসঃ ।
পরায়ণং দ্বিজশ্রেষ্ঠাঃ শ্রিয়ঃ কীর্তের্দমস্য চ ॥ ১৩.৩৯ ॥
মাং ভজন্তি গুণাঃ সর্বে নির্গুণং নিরপেক্ষকম্ ।
সুহৃদং প্রিয়মাত্মানং সাম্যাসঙ্গাদয়োঽগুণাঃ ॥ ১৩.৪০ ॥
ইতি মে ছিন্নসন্দেহা মুনয়ঃ সনকাদয়ঃ ।
সভাজয়িৎবা পরয়া ভক্ত্যাগৃণত সংস্তবৈঃ ॥ ১৩.৪১ ॥
তৈরহং পূজিতঃ সম্যক্সংস্তুতঃ পরমর্ষিভিঃ ।
প্রত্যেয়ায় স্বকং ধাম পশ্যতঃ পরমেষ্ঠিনঃ ॥ ১৩.৪২ ॥
॥ ইতি ভাগবতপুরাণে একাদশস্কন্ধান্তর্ত্গতা হংসগীতা সমাপ্তা ॥
Also Read:
Hamsagita from Shrimad Bhagavata Purana Skandha 11 Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
