Templesinindiainfo

Best Spiritual Website

Hamsa Gita from Shrimad Bhagavata Purana Skandha 11 Lyrics in Oriya

Skandha 11 Adhyaya 13 Bhagavata Purana.

Hamsa Geetaa from Shrimad Bhagavata Purana Skandha 11 in Oriya:

॥ ହଂସଗୀତା ଭାଗବତପୁରାଣେ ଏକାଦଶସ୍କନ୍ଧେ ॥
ଶ୍ରୀଭଗବାନୁବାଚ ।
ସତ୍ତ୍ୱଂ ରଜସ୍ତମ ଇତି ଗୁଣା ବୁଦ୍ଧେର୍ନ ଚାତ୍ମନଃ ।
ସତ୍ତ୍ୱେନାନ୍ୟତମୌ ହନ୍ୟାତ୍ସତ୍ତ୍ୱଂ ସତ୍ତ୍ୱେନ ଚୈବ ହି ॥ ୧୩.୧ ॥

ସତ୍ତ୍ୱାଦ୍ଧର୍ମୋ ଭବେଦ୍ୱୃଦ୍ଧାତ୍ପୁଂସୋ ମଦ୍ଭକ୍ତିଲକ୍ଷଣଃ ।
ସାତ୍ତ୍ୱିକୋପାସୟା ସତ୍ତ୍ୱଂ ତତୋ ଧର୍ମଃ ପ୍ରବର୍ତତେ ॥ ୧୩.୨ ॥

ଧର୍ମୋ ରଜସ୍ତମୋ ହନ୍ୟାତ୍ସତ୍ତ୍ୱବୃଦ୍ଧିରନୁତ୍ତମଃ ।
ଆଶୁ ନଶ୍ୟତି ତନ୍ମୂଲୋ ହ୍ୟଧର୍ମ ଉଭୟେ ହତେ ॥ ୧୩.୩ ॥

ଆଗମୋଽପଃ ପ୍ରଜା ଦେଶଃ କାଲଃ କର୍ମ ଚ ଜନ୍ମ ଚ ।
ଧ୍ୟାନଂ ମନ୍ତ୍ରୋଽଥ ସଂସ୍କାରୋ ଦଶୈତେ ଗୁଣହେତବଃ ॥ ୧୩.୪ ॥

ତତ୍ତତ୍ସାତ୍ତ୍ୱିକମେବୈଷାଂ ଯଦ୍ୟଦ୍ୱୃଦ୍ଧାଃ ପ୍ରଚକ୍ଷତେ ।
ନିନ୍ଦନ୍ତି ତାମସଂ ତତ୍ତଦ୍ରାଜସଂ ତଦୁପେକ୍ଷିତମ୍ ॥ ୧୩.୫ ॥

ସାତ୍ତ୍ୱିକାନ୍ୟେବ ସେବେତ ପୁମାନ୍ସତ୍ତ୍ୱବିବୃଦ୍ଧୟେ ।
ତତୋ ଧର୍ମସ୍ତତୋ ଜ୍ଞାନଂ ଯାବତ୍ସ୍ମୃତିରପୋହନମ୍ ॥ ୧୩.୬ ॥

ବେଣୁସଙ୍ଘର୍ଷଜୋ ବହ୍ନିର୍ଦଗ୍ଧ୍ୱା ଶାମ୍ୟତି ତଦ୍ୱନମ୍ ।
ଏବଂ ଗୁଣବ୍ୟତ୍ୟଯଜୋ ଦେହଃ ଶାମ୍ୟତି ତତ୍କ୍ରିୟଃ ॥ ୧୩.୭ ॥

ଉଦ୍ଧବ ଉବାଚ ।
ବିଦନ୍ତି ମର୍ତ୍ୟାଃ ପ୍ରାୟେଣ ବିଷୟାନ୍ପଦମାପଦାମ୍ ।
ତଥାପି ଭୁଞ୍ଜତେ କୃଷ୍ଣ ତତ୍କଥଂ ଶ୍ୱଖରାଜବତ୍ ॥ ୧୩.୮ ॥

ଶ୍ରୀଭଗବାନୁବାଚ ।
ଅହମିତ୍ୟନ୍ୟଥାବୁଦ୍ଧିଃ ପ୍ରମତ୍ତସ୍ୟ ଯଥା ହୃଦି ।
ଉତ୍ସର୍ପତି ରଜୋ ଘୋରଂ ତତୋ ବୈକାରିକଂ ମନଃ ॥ ୧୩.୯ ॥

ରଜୋୟୁକ୍ତସ୍ୟ ମନସଃ ସଙ୍କଲ୍ପଃ ସବିକଲ୍ପକଃ ।
ତତଃ କାମୋ ଗୁଣଧ୍ୟାନାଦ୍ଦୁଃସହଃ ସ୍ୟାଦ୍ଧି ଦୁର୍ମତେଃ ॥ ୧୩.୧୦ ॥

କରୋତି କାମବଶଗଃ କର୍ମାଣ୍ୟବିଜିତେନ୍ଦ୍ରିୟଃ ।
ଦୁଃଖୋଦର୍କାଣି ସମ୍ପଶ୍ୟନ୍ ରଜୋବେଗବିମୋହିତଃ ॥ ୧୩.୧୧ ॥

ରଜସ୍ତମୋଭ୍ୟାଂ ଯଦପି ବିଦ୍ୱାନ୍ୱିକ୍ଷିପ୍ତଧୀଃ ପୁନଃ ।
ଅତନ୍ଦ୍ରିତୋ ମନୋ ଯୁଞ୍ଜନ୍ଦୋଷଦୃଷ୍ଟିର୍ନ ସଜ୍ଜତେ ॥ ୧୩.୧୨ ॥

ଅପ୍ରମତ୍ତୋଽନୁୟୁଞ୍ଜୀତ ମନୋ ମୟ୍ୟର୍ପୟଞ୍ଛନୈଃ ।
ଅନିର୍ୱିଣ୍ଣୋ ଯଥାକାଲଂ ଜିତଶ୍ୱାସୋ ଜିତାସନଃ ॥ ୧୩.୧୩ ॥

ଏତାବାନ୍ୟୋଗ ଆଦିଷ୍ଟୋ ମଚ୍ଛିଷ୍ୟୈଃ ସନକାଦିଭିଃ ।
ସର୍ୱତୋ ମନ ଆକୃଷ୍ୟ ମୟ୍ୟଦ୍ଧାବେଶ୍ୟତେ ଯଥା ॥ ୧୩.୧୪ ॥

ଉଦ୍ଧବ ଉବାଚ ।
ଯଦା ତ୍ୱଂ ସନକାଦିଭ୍ୟୋ ଯେନ ରୂପେଣ କେଶବ ।
ଯୋଗମାଦିଷ୍ଟବାନେତଦ୍ରୂପମିଚ୍ଛାମି ବେଦିତୁମ୍ ॥ ୧୩.୧୫ ॥

ଶ୍ରୀଭଗବାନୁବାଚ ।
ପୁତ୍ରା ହିରଣ୍ୟଗର୍ଭସ୍ୟ ମାନସାଃ ସନକାଦୟଃ ।
ପପ୍ରଚ୍ଛୁଃ ପିତରଂ ସୂକ୍ଷ୍ମାଂ ଯୋଗସ୍ୟୈକାନ୍ତିକୀଂ ଗତିମ୍ ॥ ୧୩.୧୬ ॥

ସନକାଦୟ ଊଚୁଃ ।
ଗୁଣେଷ୍ୱାବିଶତେ ଚେତୋ ଗୁଣାଶ୍ଚେତସି ଚ ପ୍ରଭୋ ।
କଥମନ୍ୟୋନ୍ୟସନ୍ତ୍ୟାଗୋ ମୁମୁକ୍ଷୋରତିତିତୀର୍ଷୋଃ ॥ ୧୩.୧୭ ॥

ଶ୍ରୀଭଗବାନୁବାଚ ।
ଏବଂ ପୃଷ୍ଟୋ ମହାଦେବଃ ସ୍ୱୟମ୍ଭୂର୍ଭୂତଭାବନଃ ।
ଧ୍ୟାୟମାନଃ ପ୍ରଶ୍ନବୀଜଂ ନାଭ୍ୟପଦ୍ୟତ କର୍ମଧୀଃ ॥ ୧୩.୧୮ ॥

ସ ମାମଚିନ୍ତୟଦ୍ଦେବଃ ପ୍ରଶ୍ନପାରତିତୀର୍ଷୟା ।
ତସ୍ୟାହଂ ହଂସରୂପେଣ ସକାଶମଗମଂ ତଦା ॥ ୧୩.୧୯ ॥

ଦୃଷ୍ଟ୍ୱା ମାଂ ତ ଉପବ୍ରଜ୍ୟ କୃତ୍ୱା ପାଦାଭିବନ୍ଦନମ୍ ।
ବ୍ରହ୍ମାଣମଗ୍ରତଃ କୃତ୍ୱା ପପ୍ରଚ୍ଛୁଃ କୋ ଭବାନିତି ॥ ୧୩.୨୦ ॥

ଇତ୍ୟହଂ ମୁନିଭିଃ ପୃଷ୍ଟସ୍ତତ୍ତ୍ୱଜିଜ୍ଞାସୁଭିସ୍ତଦା ।
ଯଦବୋଚମହଂ ତେଭ୍ୟସ୍ତଦୁଦ୍ଧବ ନିବୋଧ ମେ ॥ ୧୩.୨୧ ॥

ବସ୍ତୁନୋ ଯଦ୍ୟନାନାତ୍ୱ ଆତ୍ମନଃ ପ୍ରଶ୍ନ ଈଦୃଶଃ ।
କଥଂ ଘଟେତ ବୋ ବିପ୍ରା ବକ୍ତୁର୍ୱା ମେ କ ଆଶ୍ରୟଃ ॥ ୧୩.୨୨ ॥

ପଞ୍ଚାତ୍ମକେଷୁ ଭୂତେଷୁ ସମାନେଷୁ ଚ ବସ୍ତୁତଃ ।
କୋ ଭବାନିତି ବଃ ପ୍ରଶ୍ନୋ ବାଚାରମ୍ଭୋ ହ୍ୟନର୍ଥକଃ ॥ ୧୩.୨୩ ॥

ମନସା ବଚସା ଦୃଷ୍ଟ୍ୟା ଗୃହ୍ୟତେଽନ୍ୟୈରପୀନ୍ଦ୍ରିୟୈଃ ।
ଅହମେବ ନ ମତ୍ତୋଽନ୍ୟଦିତି ବୁଧ୍ୟଧ୍ୱମଞ୍ଜସା ॥ ୧୩.୨୪ ॥

ଗୁଣେଷ୍ୱାବିଶତେ ଚେତୋ ଗୁଣାଶ୍ଚେତସି ଚ ପ୍ରଜାଃ ।
ଜୀବସ୍ୟ ଦେହ ଉଭୟଂ ଗୁଣାଶ୍ଚେତୋ ମଦାତ୍ମନଃ ॥ ୧୩.୨୫ ॥

ଗୁଣେଷୁ ଚାବିଶଚ୍ଚିତ୍ତମଭୀକ୍ଷ୍ଣଂ ଗୁଣସେବୟା ।
ଗୁଣାଶ୍ଚ ଚିତ୍ତପ୍ରଭବା ମଦ୍ରୂପ ଉଭୟଂ ତ୍ୟଜେତ୍ ॥ ୧୩.୨୬ ॥

ଜାଗ୍ରତ୍ସ୍ୱପ୍ନଃ ସୁଷୁପ୍ତଂ ଚ ଗୁଣତୋ ବୁଦ୍ଧିବୃତ୍ତୟଃ ।
ତାସାଂ ବିଲକ୍ଷଣୋ ଜୀବଃ ସାକ୍ଷିତ୍ୱେନ ବିନିଶ୍ଚିତଃ ॥ ୧୩.୨୭ ॥

ଯର୍ହି ସଂସୃତିବନ୍ଧୋଽୟମାତ୍ମନୋ ଗୁଣବୃତ୍ତିଦଃ ।
ମୟି ତୁର୍ୟେ ସ୍ଥିତୋ ଜହ୍ୟାତ୍ତ୍ୟାଗସ୍ତଦ୍ଗୁଣଚେତସାମ୍ ॥ ୧୩.୨୮ ॥

ଅହଙ୍କାରକୃତଂ ବନ୍ଧମାତ୍ମନୋଽର୍ଥବିପର୍ୟଯମ୍ ।
ବିଦ୍ୱାନ୍ନିର୍ୱିଦ୍ୟ ସଂସାରଚିନ୍ତାଂ ତୁର୍ୟେ ସ୍ଥିତସ୍ତ୍ୟଜେତ୍ ॥ ୧୩.୨୯ ॥

ଯାବନ୍ନାନାର୍ଥଧୀଃ ପୁଂସୋ ନ ନିବର୍ତେତ ଯୁକ୍ତିଭିଃ ।
ଜାଗର୍ତ୍ୟପି ସ୍ୱପନ୍ନଜ୍ଞଃ ସ୍ୱପ୍ନେ ଜାଗରଣଂ ଯଥା ॥ ୧୩.୩୦ ॥

ଅସତ୍ତ୍ୱାଦାତ୍ମନୋଽନ୍ୟେଷାଂ ଭାବାନାଂ ତତ୍କୃତା ଭିଦା ।
ଗତୟୋ ହେତବଶ୍ଚାସ୍ୟ ମୃଷା ସ୍ୱପ୍ନଦୃଶୋ ଯଥା ॥ ୧୩.୩୧ ॥

ଯୋ ଜାଗରେ ବହିରନୁକ୍ଷଣଧର୍ମିଣୋଽର୍ଥାନ୍
ଭୁଙ୍କ୍ତେ ସମସ୍ତକରଣୈର୍ହୃଦି ତତ୍ସଦୃକ୍ଷାନ୍ ।
ସ୍ୱପ୍ନେ ସୁଷୁପ୍ତ ଉପସଂହରତେ ସ ଏକଃ
ସ୍ମୃତ୍ୟନ୍ୱୟାତ୍ତ୍ରିଗୁଣବୃତ୍ତିଦୃଗିନ୍ଦ୍ରିୟେଶଃ ॥ ୧୩.୩୨ ॥

ଏବଂ ବିମୃଶ୍ୟ ଗୁଣତୋ ମନସସ୍ତ୍ର୍ୟବସ୍ଥା
ମନ୍ମାୟଯା ମୟି କୃତା ଇତି ନିଶ୍ଚିତାର୍ଥାଃ ।
ସଞ୍ଛିଦ୍ୟ ହାର୍ଦମନୁମାନସଦୁକ୍ତିତୀକ୍ଷ୍ଣ-
ଜ୍ଞାନାସିନା ଭଜତ ମାଖିଲସଂଶୟାଧିମ୍ ॥ ୧୩.୩୩ ॥

ଈକ୍ଷେତ ବିଭ୍ରମମିଦଂ ମନସୋ ବିଲାସଂ
ଦୃଷ୍ଟଂ ବିନଷ୍ଟମତିଲୋଲମଲାତଚକ୍ରମ୍ ।
ବିଜ୍ଞାନମେକମୁରୁଧେବ ବିଭାତି ମାୟା
ସ୍ୱପ୍ନସ୍ତ୍ରିଧା ଗୁଣବିସର୍ଗକୃତୋ ବିକଲ୍ପଃ ॥ ୧୩.୩୪ ॥

ଦୃଷ୍ଟିଂ ତତଃ ପ୍ରତିନିବର୍ତ୍ୟ ନିବୃତ୍ତତୃଷ୍ଣ-
ସ୍ତୂଷ୍ଣୀଂ ଭବେନ୍ନିଜସୁଖାନୁଭବୋ ନିରୀହଃ ।
ସନ୍ଦୃଶ୍ୟତେ କ୍ୱ ଚ ଯଦୀଦମବସ୍ତୁବୁଦ୍ଧ୍ୟା
ତ୍ୟକ୍ତଂ ଭ୍ରମାୟ ନ ଭବେତ୍ସ୍ମୃତିରାନିପାତାତ୍ ॥ ୧୩.୩୫ ॥

ଦେହଂ ଚ ନଶ୍ୱରମବସ୍ଥିତମୁତ୍ଥିତଂ ବା
ସିଦ୍ଧୋ ନ ପଶ୍ୟତି ଯତୋଽଧ୍ୟଗମତ୍ସ୍ୱରୂପମ୍ ।
ଦୈବାଦପେତମଥ ଦୈବବଶାଦୁପେତଂ
ବାସୋ ଯଥା ପରିକୃତଂ ମଦିରାମଦାନ୍ଧଃ ॥ ୧୩.୩୬ ॥

ଦେହୋଽପି ଦୈବବଶଗଃ ଖଲୁ କର୍ମ ଯାବତ୍
ସ୍ୱାରମ୍ଭକଂ ପ୍ରତିସମୀକ୍ଷତ ଏବ ସାସୁଃ ।
ତଂ ସପ୍ରପଞ୍ଚମଧିରୂଢସମାଧିୟୋଗଃ
ସ୍ୱାପ୍ନଂ ପୁନର୍ନ ଭଜତେ ପ୍ରତିବୁଦ୍ଧବସ୍ତୁଃ ॥ ୧୩.୩୭ ॥

ମୟୈତଦୁକ୍ତଂ ବୋ ବିପ୍ରା ଗୁହ୍ୟଂ ଯତ୍ସାଙ୍ଖ୍ୟଯୋଗୟୋଃ ।
ଜାନୀତ ମାଽଽଗତଂ ଯଜ୍ଞଂ ଯୁଷ୍ମଦ୍ଧର୍ମବିବକ୍ଷୟା ॥ ୧୩.୩୮ ॥

ଅହଂ ଯୋଗସ୍ୟ ସାଙ୍ଖ୍ୟସ୍ୟ ସତ୍ୟସ୍ୟର୍ତସ୍ୟ ତେଜସଃ ।
ପରାୟଣଂ ଦ୍ୱିଜଶ୍ରେଷ୍ଠାଃ ଶ୍ରିୟଃ କୀର୍ତେର୍ଦମସ୍ୟ ଚ ॥ ୧୩.୩୯ ॥

ମାଂ ଭଜନ୍ତି ଗୁଣାଃ ସର୍ୱେ ନିର୍ଗୁଣଂ ନିରପେକ୍ଷକମ୍ ।
ସୁହୃଦଂ ପ୍ରିୟମାତ୍ମାନଂ ସାମ୍ୟାସଙ୍ଗାଦୟୋଽଗୁଣାଃ ॥ ୧୩.୪୦ ॥

ଇତି ମେ ଛିନ୍ନସନ୍ଦେହା ମୁନୟଃ ସନକାଦୟଃ ।
ସଭାଜୟିତ୍ୱା ପରୟା ଭକ୍ତ୍ୟାଗୃଣତ ସଂସ୍ତବୈଃ ॥ ୧୩.୪୧ ॥

ତୈରହଂ ପୂଜିତଃ ସମ୍ୟକ୍ସଂସ୍ତୁତଃ ପରମର୍ଷିଭିଃ ।
ପ୍ରତ୍ୟେୟାୟ ସ୍ୱକଂ ଧାମ ପଶ୍ୟତଃ ପରମେଷ୍ଠିନଃ ॥ ୧୩.୪୨ ॥

॥ ଇତି ଭାଗବତପୁରାଣେ ଏକାଦଶସ୍କନ୍ଧାନ୍ତର୍ତ୍ଗତା ହଂସଗୀତା ସମାପ୍ତା ॥

Also Read:

Hamsagita from Shrimad Bhagavata Purana Skandha 11 Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

Hamsa Gita from Shrimad Bhagavata Purana Skandha 11 Lyrics in Oriya

Leave a Reply

Your email address will not be published. Required fields are marked *

Scroll to top