Hanumath Ashtakam in Oriya:
॥ ହନୁମଦଷ୍ଟକମ୍ ॥
ଵୀର! ତ୍ଵମାଦିଥ ରଵିଂ ତମସା ତ୍ରିଲୋକୀ
ଵ୍ୟାପ୍ତା ଭୟଂ ତଦିହ କୋଽପି ନ ହର୍ତ୍ତୁମୀଶଃ ।
ଦେଵୈଃ ସ୍ତୁତସ୍ତମଵମୁଚ୍ୟ ନିଵାରିତା ଭୀ-
ର୍ଜାନାତି କୋ ନ ଭୁଵି ସଙ୍କଟମୋଚନଂ ତ୍ଵାମ୍ ॥ ୧ ॥
ଭ୍ରାତୁର୍ଭୟାଦଵସଦଦ୍ରିଵରେ କପୀଶଃ
ଶାପାନ୍ମୁନେ ରଧୁଵରଂ ପ୍ରତିଵୀକ୍ଷମାଣଃ ।
ଆନୀୟ ତଂ ତ୍ଵମକରୋଃ ପ୍ରଭୁମାର୍ତ୍ତିହୀନଂ
ଜାନାତି କୋ ନ ଭୁଵି ସଙ୍କଟମୋଚନଂ ତ୍ଵାମ୍ ॥ ୨ ॥
ଵିଜ୍ଞାପୟଞ୍ଜନକଜା -ସ୍ଥିତିମୀଶଵର୍ୟଂ
ସୀତାଵିମାର୍ଗଣପରସ୍ୟ କପେର୍ଗଣସ୍ୟ ।
ପ୍ରାଣାନ୍ ରରକ୍ଷିଥ ସମୁଦ୍ରତଟସ୍ଥିତସ୍ୟ
ଜାନାତି କୋ ନ ଭୁଵି ସଙ୍କଟମୋଚନଂ ତ୍ଵାମ୍ ॥ ୩ ॥
ଶୋକାନ୍ଵିତାଂ ଜନକଜାଂ କୃତଵାନଶୋକାଂ
ମୁଦ୍ରାଂ ସମର୍ପ୍ୟ ରଘୁନନ୍ଦନନାମୟୁକ୍ତାମ ।
ହତ୍ଵା ରିପୂନରିପୁରଂ ହୁତଵାନ୍ କୃଶାନୌ
ଜାନାତି କୋ ନ ଭୁଵି ସଙ୍କଟମୋଚନଂ ତ୍ଵାମ୍ ॥ ୪ ॥
ଶ୍ରୀଲକ୍ଷ୍ମଣ ନିହତଵାନ୍ ୟୁଧି ମେଘନାଦୋ
ଦ୍ରୋଣାଚଲଂ ତ୍ଵମୁଦପାଟୟ ଔଷଧାର୍ଥମ୍ ।
ଆନୀୟ ତଂ ଵିହିତଵାନସୁମନ୍ତମାଶୁ
ଜାନାତି କୋ ନ ଭୁଵି ସଙ୍କଟମୋଚନଂ ତ୍ଵାମ୍ ॥ ୫ ॥
ୟୁଦ୍ଧେ ଦଶାସ୍ୟଵିହିତେ କିଲ ନାଗପାଶୈ-
ର୍ବଦ୍ଧାଂ ଵିଲୋକ୍ୟ ପୃତନାଂ ମୁମୁହେ ଖରାରିଃ ।
ଆନୀୟ ନାଗଭୁଜମାଶୁ ନିଵାରିତା ଭୀ-
ର୍ଜାନାତି କୋ ନ ଭୁଵି ସଙ୍କଟମୋଚନଂ ତ୍ଵାମ୍ ॥ ୬ ॥
ଭ୍ରାତ୍ରାନ୍ଵିତଂ ରଘୁଵରଂ ତ୍ଵହିଲୋକମେତ୍ୟ
ଦେଵ୍ୟୈ ପ୍ରଦାତୁମନସଂ ତ୍ଵହିରାଵଣଂ ତ୍ଵାମ୍ ।
ସୈନ୍ୟାନ୍ଵିତଂ ନିହତଵାନନିଲାତ୍ମଜଂ ଦ୍ରାକ୍
ଜାନାତି କୋ ନ ଭୁଵି ସଙ୍କଟମୋଚନଂ ତ୍ଵାମ୍ ॥ ୭ ॥
ଵୀର! ତ୍ଵୟା ହି ଵିହିତଂ ସୁରସର୍ଵକାର୍ୟଂ
ମତ୍ସଙ୍କଟଂ କିମିହ ୟତ୍ତ୍ଵୟକା ନ ହାର୍ୟମ୍ ।
ଏତଦ୍ ଵିଚାର୍ୟ ହର ସଙ୍କଟମାଶୁ ମେ ତ୍ଵଂ
ଜାନାତି କୋ ନ ଭୁଵି ସଙ୍କଟମୋଚନଂ ତ୍ଵାମ୍ ॥ ୮ ॥
ରକ୍ତଵର୍ଣୋ ମହାକାୟୋ ରକ୍ତଲାଙ୍ଗୁଲଵାଞ୍ଛୁଚିଃ ।
ହନୂମାନ୍ ଦୁଷ୍ଟଦଲନଃ ସଦା ଵିଜୟତେତରାମ୍ ॥ ୯ ॥
ହନୁମଦଷ୍ଟକମେତଦନୁତ୍ତମଂ ସୁକଵି-ଭକ୍ତ-ସୁଧୀ-ତୁଲସୀକୃତମ୍ ।
କପିଲଦେଵବୁଧାଽନୁକୃତଂ ତଥା ସୁରଗିରାଽଭୟଦଂ ସକଲାର୍ଥଦମ୍ ॥ ୧୦ ॥
ଇତି ଵାରାଣସେୟ-ସଂସ୍କୃତ-ଵିଶ୍ଵଵିଦ୍ୟାଲୟ-ଵ୍ୟାଖ୍ୟାତା-
ପଣ୍ଡିତଶ୍ରୀକପିଲଦେଵତ୍ରିପାଠିନା ଵିରଚିତଂ ହନୁମଦଷ୍ଟକଂ ସମାପ୍ତମ୍ ।
Also Read:
Hanumad Ashtakam 1 Lyrics Hindi | English | Telugu | Tamil | Kannada | Malayalam | Bengali | Oriya | Gujarati | Punjabi