Ashtaka Hanuman Stotras

Hanumad Ashtakam Lyrics in Malayalam | Hanuman Ashtakam

Hanumath Ashtakam in Malayalam:

॥ ഹനുമദഷ്ടകം ॥

വീര! ത്വമാദിഥ രവിം തമസാ ത്രിലോകീ
വ്യാപ്താ ഭയം തദിഹ കോഽപി ന ഹര്‍ത്തുമീശഃ ।
ദേവൈഃ സ്തുതസ്തമവമുച്യ നിവാരിതാ ഭീ-
ര്‍ജാനാതി കോ ന ഭുവി സങ്കടമോചനം ത്വാം ॥ 1 ॥

ഭ്രാതുര്‍ഭയാദവസദദ്രിവരേ കപീശഃ
ശാപാന്‍മുനേ രധുവരം പ്രതിവീക്ഷമാണഃ ।
ആനീയ തം ത്വമകരോഃ പ്രഭുമാര്‍ത്തിഹീനം
ജാനാതി കോ ന ഭുവി സങ്കടമോചനം ത്വാം ॥ 2 ॥

വിജ്ഞാപയഞ്ജനകജാ -സ്ഥിതിമീശവര്യം
സീതാവിമാര്‍ഗണപരസ്യ കപേര്‍ഗണസ്യ ।
പ്രാണാന്‍ രരക്ഷിഥ സമുദ്രതടസ്ഥിതസ്യ
ജാനാതി കോ ന ഭുവി സങ്കടമോചനം ത്വാം ॥ 3 ॥

ശോകാന്വിതാം ജനകജാം കൃതവാനശോകാം
മുദ്രാം സമര്‍പ്യ രഘുനന്ദനനാമയുക്താമ ।
ഹത്വാ രിപൂനരിപുരം ഹുതവാന്‍ കൃശാനൌ
ജാനാതി കോ ന ഭുവി സങ്കടമോചനം ത്വാം ॥ 4 ॥

ശ്രീലക്ഷ്മണ നിഹതവാന്‍ യുധി മേഘനാദോ
ദ്രോണാചലം ത്വമുദപാടയ ഔഷധാര്‍ഥം ।
ആനീയ തം വിഹിതവാനസുമന്തമാശു
ജാനാതി കോ ന ഭുവി സങ്കടമോചനം ത്വാം ॥ 5 ॥

യുദ്ധേ ദശാസ്യവിഹിതേ കില നാഗപാശൈ-
ര്‍ബദ്ധാം വിലോക്യ പൃതനാം മുമുഹേ ഖരാരിഃ ।
ആനീയ നാഗഭുജമാശു നിവാരിതാ ഭീ-
ര്‍ജാനാതി കോ ന ഭുവി സങ്കടമോചനം ത്വാം ॥ 6 ॥

ഭ്രാത്രാന്വിതം രഘുവരം ത്വഹിലോകമേത്യ
ദേവ്യൈ പ്രദാതുമനസം ത്വഹിരാവണം ത്വാം ।
സൈന്യാന്വിതം നിഹതവാനനിലാത്മജം ദ്രാക്
ജാനാതി കോ ന ഭുവി സങ്കടമോചനം ത്വാം ॥ 7 ॥

വീര! ത്വയാ ഹി വിഹിതം സുരസര്‍വകാര്യം
മത്സങ്കടം കിമിഹ യത്ത്വയകാ ന ഹാര്യം ।
ഏതദ് വിചാര്യ ഹര സങ്കടമാശു മേ ത്വം
ജാനാതി കോ ന ഭുവി സങ്കടമോചനം ത്വാം ॥ 8 ॥

രക്തവര്‍ണോ മഹാകായോ രക്തലാങ്ഗുലവാഞ്ഛുചിഃ ।
ഹനൂമാന്‍ ദുഷ്ടദലനഃ സദാ വിജയതേതരാം ॥ 9 ॥

ഹനുമദഷ്ടകമേതദനുത്തമം സുകവി-ഭക്ത-സുധീ-തുലസീകൃതം ।
കപിലദേവബുധാഽനുകൃതം തഥാ സുരഗിരാഽഭയദം സകലാര്‍ഥദം ॥ 10 ॥

ഇതി വാരാണസേയ-സംസ്കൃത-വിശ്വവിദ്യാലയ-വ്യാഖ്യാതാ-
പണ്ഡിതശ്രീകപിലദേവത്രിപാഠിനാ വിരചിതം ഹനുമദഷ്ടകം സമാപ്തം ।

Also Read:

Hanumad Ashtakam 1 Lyrics Hindi | English | Telugu | Tamil | Kannada | Malayalam | Bengali | Oriya | Gujarati | Punjabi

Add Comment

Click here to post a comment