Himalaya Krutam Shiva Stotram in Oriya:
॥ ଶ୍ରୀଶିବସ୍ତୋତ୍ରଂ ହିମାଲୟକୃତ ବ୍ରହ୍ମବୈବର୍ତେ ॥
ଶ୍ରୀଗଣେଶାୟ ନମଃ ।
ହିମାଲୟ ଉବାଚ ।
ତ୍ୱଂ ବ୍ରହ୍ମା ସୃଷ୍ଟିକର୍ତା ଚ ତ୍ୱଂ ବିଷ୍ଣୁଃ ପରିପାଲକଃ ।
ତ୍ୱଂ ଶିବଃ ଶିବଦୋଽନନ୍ତଃ ସର୍ୱସଂହାରକାରକଃ ॥ ୧ ॥
ତ୍ୱମୀଶ୍ୱରୋ ଗୁଣାତୀତୋ ଜ୍ୟୋତୀରୂପଃ ସନାତନଃ ।
ପ୍ରକୃତିଃ ପ୍ରକୃତୀଶଶ୍ଚ ପ୍ରାକୃତଃ ପ୍ରକୃତେଃ ପରଃ ॥ ୨ ॥
ନାନାରୂପବିଧାତା ତ୍ୱଂ ଭକ୍ତାନାଂ ଧ୍ୟାନହେତବେ ।
ଯେଷୁ ରୂପେଷୁ ଯତ୍ପ୍ରୀତିସ୍ତତ୍ତଦ୍ରୂପଂ ବିଭର୍ଷି ଚ ॥ ୩ ॥
ସୂର୍ୟସ୍ତ୍ୱଂ ସୃଷ୍ଟିଜନକ ଆଧାରଃ ସର୍ୱତେଜସାମ୍ ।
ସୋମସ୍ତ୍ୱଂ ଶସ୍ୟପାତା ଚ ସତତଂ ଶୀତରଶ୍ମିନା ॥ ୪ ॥
ବାୟୁସ୍ତ୍ୱଂ ବରୁଣସ୍ତ୍ୱଂ ଚ ତ୍ୱମଗ୍ନିଃ ସର୍ୱଦାହକଃ ।
ଇନ୍ଦ୍ରସ୍ତ୍ୱଂ ଦେବରାଜଶ୍ଚ କାଲୋ ମୃତ୍ୟୁର୍ୟମସ୍ତଥା ॥ ୫ ॥
ମୃତ୍ୟୁଞ୍ଜୟୋ ମୃତ୍ୟୁମୃତ୍ୟୁଃ କାଲକାଲୋ ଯମାନ୍ତକଃ ।
ବେଦସ୍ତ୍ୱଂ ବେଦକର୍ତା ଚ ବେଦବେଦାଙ୍ଗପାରଗଃ ॥ ୬ ॥
ବିଦୁଷାଂ ଜନକସ୍ତ୍ୱଂ ଚ ବିଦ୍ୱାଂଶ୍ଚ ବିଦୁଷାଂ ଗୁରୁଃ ।
ମନ୍ତ୍ରସ୍ତ୍ୱଂ ହି ଜପସ୍ତ୍ୱଂ ହି ତପସ୍ତ୍ୱଂ ତତ୍ଫଲପ୍ରଦଃ ॥ ୭ ॥
ବାକ୍ ତ୍ୱଂ ରାଗାଧିଦେବୀ ତ୍ୱଂ ତତ୍କର୍ତା ତଦ୍ଗୁରୁଃ ସ୍ୱୟମ୍ ।
ଅହୋ ସରସ୍ୱତୀବୀଜଂ କସ୍ତ୍ୱାଂ ସ୍ତୋତୁମିହେଶ୍ୱରଃ ॥ ୮ ॥
ଇତ୍ୟେବମୁକ୍ତ୍ୱାଶୈଲେନ୍ଦ୍ରସ୍ତସ୍ଥୌ ଧୃତ୍ୱା ପଦାମ୍ବୁଜମ୍ ।
ତତ୍ରୋବାସ ତମାବୋଧ୍ୟ ଚାବରୁହ୍ୟ ବୃଷାଚ୍ଛିବଃ ॥ ୯ ॥
ସ୍ତୋତ୍ରମେତନ୍ମହାପୁଣ୍ୟଂ ତ୍ରିସନ୍ଧ୍ୟଂ ଯଃ ପଠେନ୍ନରଃ ।
ମୁଚ୍ୟତେ ସର୍ୱପାପେଭ୍ୟୋ ଭୟେଭ୍ୟଶ୍ଚ ଭବାର୍ଣବେ ॥ ୧୦ ॥
ଅପୁତ୍ରୋ ଲଭତେ ପୁତ୍ରଂ ମାସମେକଂ ପଠେଦ୍ୟଦି ।
ଭାର୍ୟାହୀନୋ ଲଭେଦ୍ଭାର୍ୟାଂ ସୁଶୀଲାଂ ସୁମନୋହରାମ୍ ॥ ୧୧ ॥
ଚିରକାଲଗତଂ ବସ୍ତୁ ଲଭତେ ସହସା ଧ୍ରୁବମ୍ ॥ ୧୨ ॥
ରାଜ୍ୟଭ୍ରଷ୍ଟୋ ଲଭେଦ୍ରାଜ୍ୟଂ ଶଙ୍କରସ୍ୟ ପ୍ରସାଦତଃ ।
କାରାଗାରେ ଶ୍ମଶାନେ ଚ ଶତ୍ରୁଗ୍ରସ୍ତେଽତିସଙ୍କଟେ ।
ଗଭୀରେଽତିଜଲାକୀର୍ଣେ ଭଗ୍ନପୋତେ ବିଷାଦନେ ॥ ୧୩ ॥
ରଣମଧ୍ୟେ ମହାଭୀତେ ହିଂସ୍ରଜନ୍ତୁସମନ୍ୱିତେ ।
ସର୍ୱତୋ ମୁଚ୍ୟତେ ସ୍ତୁତ୍ୱା ଶଙ୍କରସ୍ୟ ପ୍ରସାଦତଃ ॥ ୧୪ ॥
ଇତି ଶ୍ରୀବ୍ରହ୍ମବୈବର୍ତେ ମହାପୁରାଣେ ଶ୍ରୀକୃଷ୍ଣଜନ୍ମଖଣ୍ଡେ
ହିମାଲୟକୃତଂ ଶିବସ୍ତୋତ୍ରମ୍ ସମ୍ପୂର୍ଣମ୍ ॥
ଶ୍ରୀକୃଷ୍ଣଜନ୍ମଖଣ୍ଡ ଅଧ୍ୟାୟ ୩୮ ଶ୍ଲୋକାନି ୬୫-୭୮
Also Read:
Himalaya Krutam Shiva Stotram Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil