Ishaanastavah in Telugu:
॥ ఈశానస్తవః ॥
యః షడ్వక్త్రగజాననాద్భుతసుతావిష్కారణవ్యజితా-
చిన్త్యోత్పాదనవైభవాం గిరిసుతాం మాయాం నిజాఙ్గే దధత్ |
సేవ్యాం సంసృతిహానయే త్రిపథగాం విద్యాం చ మూర్ధ్నా వహన్
స్వం బ్రహ్మత్వమభివ్యనక్తి భజతః పాయాత్ స గఙ్గాధరః ॥ ౧ ॥
యస్యాలోచ్య కపర్దదుర్గవిలుఠద్గఙ్గాంబుశౌక్ల్యాచ్ఛతా-
మాధుర్యాణి పరాజయోదితశుచా క్షీణః కలామాత్రతామ్ |
బిభ్రత్ పిత్సతి నూనముత్కటజటాజూటోచ్చకూటాచ్ఛశీ
లాలాటాక్షిశిఖాసు సోఽస్తు భజతాం భవ్యాయ గఙ్గాధరః ॥ ౨ ॥
యల్లాలాటకృపీటయోనిసతతాసఙ్గాద్విలీనః శశీ
గఙ్గారూపముపేత్య తత్ప్రశమనాశక్తః కృశాఙ్గః శుచా |
ఉద్బధ్నాతి తనుం త్రపాపరవశో మన్యే జటాదామభిః
పాయాత్ స్తవ్యవిభావ్యనవ్యచరితో భక్తాన్ స గఙ్గాధరః ॥ ౩ ॥
అఙ్కారూఢధరాధరాధిపసుతాసౌన్దర్యసన్తర్జితా
గఙ్గా యస్య కపర్దదుర్గమవనే లీనా విలీనా హ్రియా |
చిన్తాపాణ్డుతనుః స్ఖలన్త్యవిరతం పార్వత్యసూయాస్మితై-
రన్తర్ధి బహు మన్యతేఽస్తు భజతాం భూత్యై స గఙ్గాధరః ॥ ౪ ॥
ముగ్ధాం స్న్రిగ్ధ ఇవ ప్రతార్య గిరిజామర్ధాఙ్గదానచ్ఛలా-
న్నిత్యోద్యద్వహులభ్రమాం త్రిపథగామాత్మోత్తమాఙ్గే వహన్ |
స్థానే యో విషమేక్షణత్వపదవీమారోప్యతే కోవిదైః
ప్రచ్ఛన్నప్రణయక్రమోఽస్తు భజతాం ప్రీత్యై స గఙ్గాధరః ॥ ౫ ॥
సేవాసజ్జసురార్షిపరిషద్వ్యాకీర్ణపుష్పాఞ్జలిప్రశ్చ-
యోతన్మకరన్దబిన్దుసతతాసారః పతన్మస్తకే |
యస్యావిశ్రమసంభృతస్త్రిపథగానామ్నా జనైః ఖ్యాప్యతే
స త్రైలోక్యనిషేవితాఙ్ఘ్రియుగళః పుష్ణాతు గఙ్గాధరః ॥ ౬ ॥
యస్మిన్నుద్ధతతాణ్డవైకరసతాసాటోపనాఠ్యక్రమే
విస్రస్తాసు జటాసు భాసుర తనుర్ధారాశతైః పాతుకా |
గఙ్గాజఙ్గమవారిపర్వతధియం చిత్తే విధత్తే సతా-
మేతం చిత్రవిభూతిరస్తు భజతాం భవ్యాయ గఙ్గాధరః ॥ ౭ ॥
యో గఙ్గాపయసి ప్రభో తవ మహానత్యాదరః కల్పతే
సంమూర్చ్ఛద్విషయాపనాయ విధయే క్రుధ్యస్యసత్యోక్తయే |
ఈశానస్తవసాగరాన్తగమనే వాణ్యః పురాణ్యోఽక్షమాః
సఙ్క్షిప్యేత్థమభిష్టుతః ససితగుః ప్రీతోఽస్తు గఙ్గాధరః ॥ ౮ ॥
ఇతీశానస్తవః సంపూర్ణః ॥
Also Read:
Ishaanastavah Lyrics in Marathi | Gujarati | Bengali | Kannada | Malayalam | Telugu