॥ jānakīpañcakam ॥
mātṛke sarvaviśvaikadhātrīṃ kṣamāṃ
tvāṃ sudhāṃ śītalāṃ putraputrīnutām ।
snehavātsalyadhārāyutāṃ jānakīṃ
tāṃ namāmīśvarīṃ mātaraṃ premadām ॥ 1॥
nūpurānandadāṃ kiṅkaṇīmekhalāṃ
śātakumbhāṅgadāṃ hāraratnākarām ।
kuṇḍalābhūṣaṇāṃ maulihīrojjvalāṃ
tāṃ namāmīśvarīṃ mātaraṃ premadām ॥ 2॥
meghavṛndālakāṃ mandahāsaprabhāṃ
kāntigehākṣiṇī svarṇavarṇāśrayām ।
raktabimbādharāṃ śrīmukhīṃ sundarīṃ
tāṃ namāmīśvarīṃ mātaraṃ premadām ॥ 3॥
padmamālādharāṃ padmapuṣpāritāṃ
padyavarṇāmbarāṃ pāṇipadmāśrayām ।
padmapīṭhasthitāṃ pādapadmāvṛtāṃ
tāṃ namāmīśvarīṃ mātaraṃ premadām ॥ 4॥
bhuktimuktipradāṃ puṣṭituṣṭipradāṃ
jñānavidyādadāṃ puṣkalānandadām ।
śuddhidāṃ buddhidāṃ śaktidāṃ siddhidāṃ
tāṃ namāmīśvarīṃ mātaraṃ premadām ॥ 5॥
iti jānakīpañcakaṃ sampūrṇam ।
