॥ జానకీపఞ్చకమ్ ॥
మాతృకే సర్వవిశ్వైకధాత్రీం క్షమాం
త్వాం సుధాం శీతలాం పుత్రపుత్రీనుతామ్ ।
స్నేహవాత్సల్యధారాయుతాం జానకీం
తాం నమామీశ్వరీం మాతరం ప్రేమదామ్ ॥ ౧॥
నూపురానన్దదాం కిఙ్కణీమేఖలాం
శాతకుమ్భాఙ్గదాం హారరత్నాకరామ్ ।
కుణ్డలాభూషణాం మౌలిహీరోజ్జ్వలాం
తాం నమామీశ్వరీం మాతరం ప్రేమదామ్ ॥ ౨॥
మేఘవృన్దాలకాం మన్దహాసప్రభాం
కాన్తిగేహాక్షిణీ స్వర్ణవర్ణాశ్రయామ్ ।
రక్తబిమ్బాధరాం శ్రీముఖీం సున్దరీం
తాం నమామీశ్వరీం మాతరం ప్రేమదామ్ ॥ ౩॥
పద్మమాలాధరాం పద్మపుష్పారితాం
పద్యవర్ణామ్బరాం పాణిపద్మాశ్రయామ్ ।
పద్మపీఠస్థితాం పాదపద్మావృతాం
తాం నమామీశ్వరీం మాతరం ప్రేమదామ్ ॥ ౪॥
భుక్తిముక్తిప్రదాం పుష్టితుష్టిప్రదాం
జ్ఞానవిద్యాదదాం పుష్కలానన్దదామ్ ।
శుద్ధిదాం బుద్ధిదాం శక్తిదాం సిద్ధిదాం
తాం నమామీశ్వరీం మాతరం ప్రేమదామ్ ॥ ౫॥
ఇతి జానకీపఞ్చకం సమ్పూర్ణమ్ ।
Janakipanchakam Lyrics in Telugu ॥ జానకీపఞ్చకమ్ ॥