Kashi Panchakam in Oriya:
॥ କାଶୀପଞ୍ଚକମ୍ ॥
ମନୋନିଵୃତ୍ତିଃ ପରମୋପଶାନ୍ତିଃ
ସା ତୀର୍ଥଵର୍ୟା ମଣିକର୍ଣିକା ଚ ।
ଜ୍ଞାନପ୍ରଵାହା ଵିମଲାଦିଗଙ୍ଗା
ସା କାଶିକାହଂ ନିଜବୋଧରୂପା ॥ ୧ ॥
ୟସ୍ୟାମିଦଂ କଲ୍ପିତମିନ୍ଦ୍ରଜାଲଂ
ଚରାଚରଂ ଭାତି ମନୋଵିଲାସମ୍ ।
ସଚ୍ଚିତ୍ସୁଖୈକା ପରମାତ୍ମରୂପା
ସା କାଶିକାହଂ ନିଜବୋଧରୂପା ॥ ୨ ॥
କୋଶେଷୁ ପଞ୍ଚସ୍ଵଧିରାଜମାନା
ବୁଦ୍ଧିର୍ଭଵାନୀ ପ୍ରତିଦେହଗେହମ୍ ।
ସାକ୍ଷୀ ଶିଵଃ ସର୍ଵଗତୋଽନ୍ତରାତ୍ମା
ସା କାଶିକାହଂ ନିଜବୋଧରୂପା ॥ ୩ ॥
କାଶ୍ୟାଂ ହି କାଶ୍ୟତେ କାଶୀ କାଶୀ ସର୍ଵପ୍ରକାଶିକା ।
ସା କାଶୀ ଵିଦିତା ୟେନ ତେନ ପ୍ରାପ୍ତା ହି କାଶିକା ॥ ୪ ॥
କାଶୀକ୍ଷେତ୍ରଂ ଶରୀରଂ ତ୍ରିଭୁଵନ-ଜନନୀ ଵ୍ୟାପିନୀ ଜ୍ଞାନଗଙ୍ଗା ।
ଭକ୍ତିଃ ଶ୍ରଦ୍ଧା ଗୟେୟଂ ନିଜଗୁରୁ-ଚରଣଧ୍ୟାନୟୋଗଃ ପ୍ରୟାଗଃ ।
ଵିଶ୍ଵେଶୋଽୟଂ ତୁରୀୟଃ ସକଲଜନ-ମନଃସାକ୍ଷିଭୂତୋଽନ୍ତରାତ୍ମା
ଦେହେ ସର୍ଵଂ ମଦୀୟେ ୟଦି ଵସତି ପୁନସ୍ତୀର୍ଥମନ୍ୟତ୍କିମସ୍ତି ॥ ୫ ॥
ଇତି ଶ୍ରୀମଦ୍ ଶଙ୍କରାଚାର୍ୟଵିରଚିତଂ କଶିପନ୍ଚକଂ ସମାପ୍ତମ୍ ।
Also Read:
Kashipanchakam in Hindi | English | Bengali | Marathi | Gujarati | Punjabi | Kannada | Malayalam | Oriya | Telugu | Tamil