Ashtaka

Kaveri Ashtakam Lyrics in Telugu | కావేర్యష్టకమ్

కావేర్యష్టకమ్ Lyrics in Telugu:

మరుద్వృధే మాన్యజలప్రవాహే
కవేరకన్యే నమతాం శరణ్యే ।
మాన్యే విధేర్మానసపుత్రి సౌమ్యే
కావేరి కావేరి మమ ప్రసీద ॥ ౧॥

దేవేశవన్ద్యే విమలే నదీశి
పరాత్పరే పావని నిత్యపూర్ణే ।
సమస్తలోకోత్తమతీర్థపాదే
కావేరి కావేరి మమ ప్రసీద ॥ ౨॥

వేదానువేద్యే విమలప్రవాహే
విశుద్ధయోగీన్ద్రనివాసయోగ్యే ।
రఙ్గేశభోగాయతనాత్తపారే
కావేరి కావేరి మమ ప్రసీద ॥ ౩॥

భక్తానుకమ్పే హ్యతిభాగ్యలబ్ధే
నిత్యే జగన్మఙ్గలదానశీలే ।
నిరఞ్జనే దక్షిణదేశగఙ్గే
కావేరి కావేరి మమ ప్రసీద ॥ ౪॥

కలిప్రమాదాఖిలదోషనాశే
కారుణ్యపూర్ణే కమలాయతాక్షే ।
కదమ్బకల్హారసుగన్ధిపూరే
కావేరి కావేరి మమ ప్రసీద ॥ ౫॥

అనన్తదివ్యామలమోక్షదాత్రి
దురన్తసంసారవిమోచనాఙ్ఘ్ర్యే
సహ్యాచలోత్పన్నవిశ్వస్వరూపే
కావేరి కావేరి మమ ప్రసీద ॥ ౬॥

దేవాలయాపూరితదివ్యతీరే
సమస్తలోకోత్తమతీర్థమూర్ధే
కాశ్మీరభూఃకల్పితచోలదేశే
కావేరి కావేరి మమ ప్రసీద ॥ ౭॥

ప్రసీద కల్యాణగుణాభిరామే
ప్రసీద కావేరి మమ ప్రసీద
ప్రసీద కామాదిహరే పవిత్రే
కావేరి కావేరి మమ ప్రసీద ॥ ౮॥

కాకారో కల్మషం హన్తి
వేకారో వాఞ్ఛితప్రదః
రీకారో మోక్షదో నౄణాం
కావేరీత్యుచ్యతే బుధైః ॥ ౯॥

॥ ఇతి కావేర్యష్టకం సమ్పూర్ణమ్ ॥

Ads