মহাপ্রভোরাষ্টকম্ Lyrics in Bengali:
স্বরূপ ভবতো ভবত্বয়মিতি স্মিতস্নিগ্ধয়া
গিরৈব রঘুনাথমুত্পুলিকগাত্রমুল্লাসয়ন্ ।
রহস্যুপদিশন্ নিজপ্রণয়গূঢমুদ্রাং স্বয়ং
বিরাজতু চিরায় মে হৃদি স গৌরচন্দ্রঃ প্রভুঃ ॥ ১॥
স্বরূপ মম হৃদ্ব্রণং বত বিবেদ রূপঃ কথং
লিলেখ য়দয়ং পঠ ত্বমপি তালপত্রেঽক্ষরম্ ।
ইতি প্রণয়বেল্লিতং বিদধদাশু রূপান্তরং
বিরাজতু চিরায় মে হৃদি স গৌরচন্দ্রঃ প্রভুঃ ॥ ২॥
স্বরূপ পরকীয়সত্প্রবরবস্তুনাশেচ্ছতাং
দধজ্জন ইহ ত্বয়া পরিচিতো ন বেতীক্ষয়ন্ ।
সনাতনমুদিত্য বিস্মিতমুখং মহাবিস্মিতং
বিরাজতু চিরায় মে হৃদি স গৌরচন্দ্রঃ প্রভুঃ ॥ ৩॥
স্বরূপ হরিনাম য়জ্জগদঘোষয়ং তেন কিং
ন বাচয়িতুমপ্যথাশকমিমং শিবানন্দজম্ ।
ইতি স্বপদলেহনৈঃ শিশুমচীকরদ্ য়ঃ কবিং
বিরাজতু চিরায় মে হৃদি স গৌরচন্দ্রঃ প্রভুঃ ॥ ৪॥
স্বরূপ রসরীতিরম্বুজদৃশাম্ ব্রজে ভণ্যতাং
ঘনপ্রণয়মানজা শ্রুতিয়ুগং মমোত্কণ্ঠতে ।
রমা য়দিহ মানিনী তদপি লোকয়েতি ব্রুবন্
বিরাজতু চিরায় মে হৃদি স গৌরচন্দ্রঃ প্রভুঃ ॥ ৫॥
স্বরূপ রসমন্দিরং ভবসি মন্মুদামাস্পদং
ত্বমত্র পুরুষোত্তমে ব্রজভুবীব মে বর্তসে ।
ইতি স্বপরিরম্ভণৈঃ পুলকিনং ব্যধাত্ তং চ য়ো
বিরাজতু চিরায় মে হৃদি স গৌরচন্দ্রঃ প্রভুঃ ॥ ৬॥
স্বরূপ কিমপীক্ষিতং ক্ব নু বিভো নিশি স্বপ্নতঃ
প্রভো কথয় কিম্ নু তম্ নবয়ুবা বরাম্ভোধরঃ ।
ব্যধাত্ কিময়মীক্ষ্যতে কিমু ন হীত্যগাত্ তাং দশাং
বিরাজতু চিরায় মে হৃদি স গৌরচন্দ্রঃ প্রভুঃ ॥ ৭॥
স্বরূপ মম নেত্রয়োঃ পুরত এব কৃষ্ণো হসন্ন্
অপৈতি ন করগ্রহং বত দদাতি হা কিং সখে ।
ইতি স্খলতি ধাবতি শ্বসিতি ঘূর্ণতে য়ঃ সদা
বিরাজতু চিরায় মে হৃদি স গৌরচন্দ্রঃ প্রভুঃ ॥ ৮॥
স্বরূপচরিতামৃতং কিল মহাপ্রভোরষ্টকং
রহস্যতমমদ্ভুতং পঠতি য়ঃ কৃতী প্রত্যহম্ ।
স্বরূপপরিবারতাং নয়তি তআ শচীনন্দনো
ঘনপ্রণয়মাধুরীং স্বপদয়োঃ সমাস্বাদয়ন্ ॥ ৯॥
ইতি শ্রীবিশ্বনাথচক্রবর্তীঠাকুরবিরচিতং মহাপ্রভোরাষ্টকং সম্পূর্ণম্ ।
