Templesinindiainfo

Best Spiritual Website

Manki Gita Lyrics in Bengali

Manki Geetaa in Bengali:

॥ মঙ্কিগীতা ॥ (Mahabharata Shantiparva)
অধ্যায়ঃ ১৭১
যুধিস্থির
ঈহমানঃ সমারম্ভান্যদি নাসাদয়েদ্ধনম্ ।
ধনতৃষ্ণাভিভূতশ্চ কিং কুর্বন্সুখমাপ্নুয়াৎ ॥ ১ ॥

ভীষ্ম
সর্বসাম্যমনায়াসঃ সত্যবাক্যং চ ভারত ।
নির্বেদশ্চাবিবিৎসা চ যস্য স্যাৎস সুখী নরঃ ॥ ২ ॥

এতান্যেব পদান্যাহুঃ পঞ্চ বৃদ্ধাঃ প্রশান্তয়ে ।
এষ স্বর্গশ্চ ধর্মশ্চ সুখং চানুত্তমং সতাম্ ॥ ৩ ॥

অত্রাপ্যুদাহরন্তীমমিতিহাসং পুরাতনম্ ।
নির্বেদান্মঙ্কিনা গীতং তন্নিবোধ যুধিষ্ঠির ॥ ৪ ॥

ঈহমানো ধনং মঙ্কির্ভগ্নেহশ্চ পুনঃ পুনঃ ।
কেন চিদ্ধনশেষেণ ক্রীতবান্দম্য গোয়ুগম্ ॥ ৫ ॥

সুসম্বদ্ধৌ তু তৌ দম্যৌ দমনায়াভিনিঃসৃতৌ ।
আসীনমুষ্ট্রং মধ্যেন সহসৈবাভ্যধাবতাম্ ॥ ৬ ॥

তয়োঃ সম্প্রাপ্তয়োরুষ্ট্রঃ স্কন্ধদেশমমর্ষণঃ ।
উত্থায়োৎক্ষিপ্য তৌ দম্যৌ প্রসসার মহাজবঃ ॥ ৭ ॥

হ্রিয়মাণৌ তু তৌ দম্যৌ তেনোষ্ট্রেণ প্রমাথিনা ।
ম্রিয়মাণৌ চ সম্প্রেক্ষ্য মঙ্কিস্তত্রাব্রবীদিদম্ ॥ ৮ ॥

ন চৈবাবিহিতং শক্যং দক্ষেণাপীহিতুং ধনম্ ।
যুক্তেন শ্রদ্ধয়া সম্যগীহাং সমনুতিষ্ঠতা ॥ ৯ ॥

কৃতস্য পূর্বং চানর্থৈর্যুক্তস্যাপ্যনুতিষ্ঠতঃ ।
ইমং পশ্যত সঙ্গত্যা মম দৈবমুপপ্লবম্ ॥ ১০ ॥

উদ্যম্যোদ্যম্য মে দম্যৌ বিষমেনেব গচ্ছতি ।
উৎক্ষিপ্য কাকতালীয়মুন্মাথেনেব জম্বুকঃ ॥ ১১ ॥

মনী বোষ্ট্রস্য লম্বেতে প্রিয়ৌ বৎসতরৌ মম ।
শুদ্ধং হি দৈবমেবেদমতো নৈবাস্তি পৌরুষম্ ॥ ১২ ॥

যদি বাপ্যুপপদ্যেত পৌরুষং নাম কর্হি চিৎ ।
অন্বিষ্যমাণং তদপি দৈবমেবাবতিষ্ঠতে ॥ ১৩ ॥

তস্মান্নির্বেদ এবেহ গন্তব্যঃ সুখমীপ্সতা ।
সুখং স্বপিতি নির্বিণ্ণো নিরাশশ্চার্থসাধনে ॥ ১৪ ॥

অহো সম্যক্ষুকেনোক্তং সর্বতঃ পরিমুচ্যতা ।
প্রতিষ্ঠতা মহারণ্যং জনকস্য নিবেশনাৎ ॥ ১৫ ॥

যঃ কামান্প্রাপ্নুয়াৎসর্বান্যশ্চৈনান্কেবলাংস্ত্যজেৎ ।
প্রাপনাৎসর্বকামানাং পরিত্যাগো বিশিষ্যতে ॥ ১৬ ॥

নান্তং সর্ববিবিৎসানাং গতপূর্বোঽস্তি কশ্ চন ।
শরীরে জীবিতে চৈব তৃষ্ণা মন্দস্য বর্ধতে ॥ ১৭ ॥

নিবর্তস্ব বিবিৎসাভ্যঃ শাম্য নির্বিদ্য মামক ।
অসকৃচ্চাসি নিকৃতো ন চ নির্বিদ্যসে তনো ॥ ১৮ ॥

যদি নাহং বিনাশ্যস্তে যদ্যেবং রমসে ময়া ।
মা মাং যোজয় লোভেন বৃথা ৎবং বিত্তকামুক ॥ ১৯ ॥

সঞ্চিতং সঞ্চিতং দ্রব্যং নষ্টং তব পুনঃ পুনঃ ।
কদা বিমোক্ষ্যসে মূঢ ধনেহাং ধনকামুক ॥ ২০ ॥

অহো নু মম বালিশ্যং যোঽহং ক্রীদনকস্তব ।
কিং নৈব জাতু পুরুষঃ পরেষাং প্রেষ্যতামিয়াৎ ॥ ২১ ॥

ন পূর্বে নাপরে জাতু কামানামন্তমাপ্নুবন্ ।
ত্যক্ত্বা সর্বসমারম্ভান্প্রতিবুদ্ধোঽস্মি জাগৃমি ॥ ২২ ॥

নূনং তে হৃদয়ং কামবজ্র সারময়ং দৃধম্ ।
যদনর্থশতাবিষ্টং শতধা ন বিদীর্যতে ॥ ২৩ ॥

ত্যজামি কামৎবাং চৈব যচ্চ কিং চিৎপ্রিয়ং তব ।
তবাহং সুখমন্বিচ্ছন্নাত্মন্যুপলভে সুখম্ ॥ ২৪ ॥

কামজানামি তে মূলং সঙ্কল্পাৎকিল জায়সে ।
ন ৎবাং সঙ্কল্পয়িষ্যামি সমূলো ন ভবিষ্যতি ॥ ২৫ ॥

ঈহা ধনস্য ন সুখা লব্ধ্বা চিন্তা চ ভূয়সী ।
লব্ধানাশো যথা মৃত্যুর্লব্ধং ভবতি বা ন বা ॥ ২৬ ॥

পরেত্য যো ন লভতে ততো দুঃখতরং নু কিম্ ।
ন চ তুষ্যতি লব্ধেন ভূয় এব চ মার্গতি ॥ ২৭ ॥

অনুতর্ষুল এবার্থঃ স্বাদু গাঙ্গমিবোদকম্ ।
মদ্বিলাপনমেতত্তু প্রতিবুদ্ধোঽস্মি সন্ত্যজ ॥ ২৮ ॥

য ইমং মামকং দেহং ভূতগ্রামঃ সমাশ্রিতঃ ।
স যাৎবিতো যথাকামং বসতাং বা যথাসুখম্ ॥ ২৯ ॥

ন যুষ্মাস্বিহ মে প্রীতিঃ কামলোভানুসারিষু ।
তস্মাদুৎসৃজ্য সর্বান্বঃ সত্যমেবাশ্রয়াম্যহম্ ॥ ৩০ ॥

সর্বভূতান্যহং দেহে পশ্যন্মনসি চাত্মনঃ ।
যোগে বুদ্ধিং শ্রুতে সত্ত্বং মনো ব্রহ্মণি ধারয়ন্ ॥ ৩১ ॥

বিহরিষ্যাম্যনাসক্তঃ সুখী লোকান্নিরাময়ঃ ।
যথা মা ৎবং পুনর্নৈবং দুঃখেষু প্রনিধাস্যসি ॥ ৩২ ॥

ৎবয়া হি মে প্রনুন্নস্য গতিরন্যা ন বিদ্যতে ।
তৃষ্ণা শোকশ্রমাণাং হি ৎবং কামপ্রভবঃ সদা ॥ ৩৩ ॥

ধননাশোঽধিকং দুঃখং মন্যে সর্বমহত্তরম্ ।
জ্ঞাতয়ো হ্যবমন্যন্তে মিত্রাণি চ ধনচ্যুতম্ ॥ ৩৪ ॥

অবজ্ঞান সহস্রৈস্তু দোষাঃ কস্ততরাধনে ।
ধনে সুখকলা যা চ সাপি দুঃখৈর্বিধীয়তে ॥ ৩৫ ॥

ধনমস্যেতি পুরুষং পুরা নিঘ্নন্তি দস্যবঃ ।
ক্লিশ্যন্তি বিবিধৈর্দন্দৈর্নিত্যমুদ্বেজয়ন্তি চ ॥ ৩৬ ॥

মন্দলোলুপতা দুঃখমিতি বুদ্ধিং চিরান্ময়া ।
যদ্যদালম্বসে কামতত্তদেবানুরুধ্যসে ॥ ৩৭ ॥

অতত্ত্বজ্ঞোঽসি বালশ্চ দুস্তোষোঽপূরণোঽনলঃ ।
নৈব ৎবং বেত্থ সুলভং নৈব ৎবং বেত্থ দুর্লভম্ ॥ ৩৮ ॥

পাতালমিব দুষ্পূরো মাং দুঃখৈর্যোক্তুমিচ্ছসি ।
নাহমদ্য সমাবেষ্টুং শক্যঃ কামপুনস্ত্বয়া ॥ ৩৯ ॥

নির্বেদমহমাসাদ্য দ্রব্যনাশাদ্যদৃচ্ছয়া ।
নির্বৃতিং পরমাং প্রাপ্য নাদ্য কামান্বিচিন্তয়ে ॥ ৪০ ॥

অতিক্লেশান্সহামীহ নাহং বুধ্যাম্যবুদ্ধিমান্ ।
নিকৃতো ধননাশেন শয়ে সর্বাঙ্গবিজ্বরঃ ॥ ৪১ ॥

পরিত্যজামি কামৎবাং হিৎবা সর্বমনোগতীঃ ।
ন ৎবং ময়া পুনঃ কামনস্যোতেনেব রংস্যসে ॥ ৪২ ॥

ক্ষমিষ্যেঽক্ষমমাণানাং ন হিংসিষ্যে চ হিংসিতঃ ।
দ্বেষ্য মুক্তঃ প্রিয়ং বক্ষ্যাম্যনাদৃত্য তদপ্রিয়ম্ ॥ ৪৩ ॥

তৃপ্তঃ স্বস্থেন্দ্রিয়ো নিত্যং যথা লব্ধেন বর্তয়ন্ ।
ন সকামং করিষ্যামি ৎবামহং শত্রুমাত্মনঃ ॥ ৪৪ ॥

নির্বেদং নির্বৃতিং তৃপ্তিং শান্তিং সত্যং দমং ক্ষমাম্ ।
সর্বভূতদয়াং চৈব বিদ্ধি মাং শরণাগতম্ ॥ ৪৫ ॥

তস্মাৎকামশ্চ লোভশ্চ তৃষ্ণা কার্পণ্যমেব চ ।
ত্যজন্তু মাং প্রতিষ্ঠন্তং সত্ত্বস্থো হ্যস্মি সাম্প্রতম্ ॥ ৪৬ ॥

প্রহায় কামং লোভং চ ক্রোধং পারুষ্যমেব চ ।
নাদ্য লোভবশং প্রাপ্তো দুঃখং প্রাপ্স্যাম্যনাত্মবান্ ॥ ৪৭ ॥

যদ্যত্ত্যজতি কামানাং তৎসুখস্যাভিপূর্যতে ।
কামস্য বশগো নিত্যং দুঃখমেব প্রপদ্যতে ॥ ৪৮ ॥

কামান্ব্যুদস্য ধুনুতে যৎকিং চিৎপুরুষো রজঃ ।
কামক্রোধোদ্ভবং দুঃখমহ্রীররতিরেব চ ॥ ৪৯ ॥

এষ ব্রহ্ম প্রবিষ্টোঽহং গ্রীস্মে শীতমিব হ্রদম্ ।
শাম্যামি পরিনির্বামি সুখমাসে চ কেবলম্ ॥ ৫০ ॥

যচ্চ কামসুখং লোকে যচ্চ দিব্যং মহৎসুখম্ ।
তৃষ্ণা ক্ষয়সুখস্যৈতে নার্হতঃ সোদশীং কলাম্ ॥ ৫১ ॥

আত্মনা সপ্তমং কামং হৎবা শত্রুমিবোত্তমম্ ।
প্রাপ্যাবধ্যং ব্রহ্ম পুরং রাজেব স্যামহং সুখী ॥ ৫২ ॥

এতাং বুদ্ধিং সমাস্থায় মঙ্কির্নির্বেদমাগতঃ ।
সর্বান্কামান্পরিত্যজ্য প্রাপ্য ব্রহ্ম মহৎসুখম্ ॥ ৫৩ ॥

দম্য নাশ কৃতে মঙ্কিরমরৎবং কিলাগমৎ ।
অছিনৎকামমূলং স তেন প্রাপ মহৎসুখম্ ॥ ৫৪ ॥

॥ ইতি মঙ্কিগীতা সমাপ্তা ॥

Also Read:

Manki Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

Manki Gita Lyrics in Bengali

Leave a Reply

Your email address will not be published. Required fields are marked *

Scroll to top