Narayaneeyam

Narayaniyam Ekapancasattamasakam Lyrics in Kannada | Narayaneyam Dasakam 51

Narayaniyam Ekapancasattamasakam in Kannada:

॥ ನಾರಾಯಣೀಯಂ ಏಕಪಞ್ಚಾಶತ್ತಮಶಕಮ್ ॥

ನಾರಾಯಣೀಯಂ ಏಕಪಞ್ಚಾಶತ್ತಮಶಕಮ್ (೫೧) – ಅಘಾಸುರವಧಮ್

ಕದಾಚನ ವ್ರಜಶಿಶುಭಿಃ ಸಮಂ ಭವಾನ್
ವನಾಶನೇ ವಿಹಿತಮತಿಃ ಪ್ರಗೇತರಾಮ್ |
ಸಮಾವೃತೋ ಬಹುತರವತ್ಸಮಣ್ಡಲೈಃ
ಸತೇಮನೈರ್ನಿರಗಮದೀಶ ಜೇಮನೈಃ || ೫೧-೧ ||

ವಿನಿರ್ಯತಸ್ತವ ಚರಣಾಂಬುಜದ್ವಯಾ-
ದುದಞ್ಚಿತಂ ತ್ರಿಭುವನಪಾವನಂ ರಜಃ |
ಮಹರ್ಷಯಃ ಪುಲಕಧರೈಃ ಕಲೇಬರೈ-
ರುದೂಹಿರೇ ಧೃತಭವದೀಕ್ಷಣೋತ್ಸವಾಃ || ೫೧-೨ ||

ಪ್ರಚಾರಯತ್ಯವಿರಲಶಾದ್ವಲೇ ತಲೇ
ಪಶೂನ್ವಿಭೋ ಭವತಿ ಸಮಂ ಕುಮಾರಕೈಃ |
ಅಘಾಸುರೋ ನ್ಯರುಣದಘಾಯ ವರ್ತನೀಂ
ಭಯಾನಕಃ ಸಪದಿ ಶಯಾನಕಾಕೃತಿಃ || ೫೧-೩ ||

ಮಹಾಚಲಪ್ರತಿಮತನೋರ್ಗುಹಾನಿಭ-
ಪ್ರಸಾರಿತಪ್ರಥಿತಮುಖಸ್ಯ ಕಾನನೇ |
ಮುಖೋದರಂ ವಿಹರಣಕೌತುಕಾದ್ಗತಾಃ
ಕುಮಾರಕಾಃ ಕಿಮಪಿ ವಿದೂರಗೇ ತ್ವಯಿ || ೫೧-೪ ||

ಪ್ರಮಾದತಃ ಪ್ರವಿಶತಿ ಪನ್ನಗೋದರಂ
ಕ್ವಥತ್ತನೌ ಪಶುಪಕುಲೇ ಸವಾತ್ಸಕೇ |
ವಿದನ್ನಿದಂ ತ್ವಮಪಿ ವಿವೇಶಿಥ ಪ್ರಭೋ
ಸುಹೃಜ್ಜನಂ ವಿಶರಣಮಾಶು ರಕ್ಷಿತುಮ್ || ೫೧-೫ ||

ಗಲೋದರೇ ವಿಪುಲಿತವರ್ಷ್ಮಣಾ ತ್ವಯಾ
ಮಹೋರಗೇ ಲುಠತಿ ನಿರುದ್ಧಮಾರುತೇ |
ದ್ರುತಂ ಭವಾನ್ವಿದಲಿತಕಣ್ಠಮಣ್ಡಲೋ
ವಿಮೋಚಯನ್ಪಶುಪಪಶೂನ್ ವಿನಿರ್ಯಯೌ || ೫೧-೬ ||

ಕ್ಷಣಂ ದಿವಿ ತ್ವದುಪಗಮಾರ್ಥಮಾಸ್ಥಿತಂ
ಮಹಾಸುರಪ್ರಭವಮಹೋ ಮಹೋ ಮಹತ್ |
ವಿನಿರ್ಗತೇ ತ್ವಯಿ ತು ನಿಲೀನಮಞ್ಜಸಾ
ನಭಃಸ್ಥಲೇ ನನೃತುರಥೋ ಜಗುಸ್ಸುರಾಃ || ೫೧-೭ ||

ಸವಿಸ್ಮಯೈಃ ಕಮಲಭವಾದಿಭಿಃ ಸುರೈ-
ರನುದ್ರುತಸ್ತದನು ಗತಃ ಕುಮಾರಕೈಃ |
ದಿನೇ ಪುನಸ್ತರುಣದಶಾಮುಪೇಯುಷಿ
ಸ್ವಕೈರ್ಭವಾನತನುತ ಭೋಜನೋತ್ಸವಮ್ || ೫೧-೮ ||

ವಿಷಾಣಿಕಾಮಪಿ ಮುರಲೀಂ ನಿತಂಬಕೇ
ನಿವೇಶಯನ್ಕಬಲಧರಃ ಕರಾಂಬುಜೇ |
ಪ್ರಹಾಸಯನ್ಕಲವಚನೈಃ ಕುಮಾರಕಾನ್
ಬುಭೋಜಿಥ ತ್ರಿದಶಗಣೈರ್ಮುದಾ ನುತಃ || ೫೧-೯ ||

ಸುಖಾಶನಂ ತ್ವಿಹ ತವ ಗೋಪಮಣ್ಡಲೇ
ಮಖಾಶನಾತ್ಪ್ರಿಯಮಿವ ದೇವಮಣ್ಡಲೇ |
ಇತಿ ಸ್ತುತಸ್ತ್ರಿದಶವರೈರ್ಜಗತ್ಪತೇ
ಮರುತ್ಪುರೀನಿಲಯ ಗದಾತ್ಪ್ರಪಾಹಿ ಮಾಮ್ || ೫೧-೧೦ ||

ಇತಿ ಏಕಪಞ್ಚಾಶತ್ತಮದಶಕಂ ಸಮಾಪ್ತಮ್ |

Also Read:

Narayaniyam Ekapancasattamasakam Lyrics in English | Kannada | Telugu | Tamil

Add Comment

Click here to post a comment