Pradosha Stotram in Malayalam:
॥ പ്രദോഷ സ്തോത്രം ॥
ജയ ദേവ ജഗന്നാഥ ജയ ശങ്കര ശാശ്വത |
ജയ സര്വസുരാധ്യക്ഷ ജയ സര്വസുരാര്ച്ചിത || ൧ ||
ജയ സര്വഗുണാതീത ജയ സര്വവരപ്രദ ||
ജയ നിത്യ നിരാധാര ജയ വിശ്വംഭരാവ്യയ || ൨ ||
ജയ വിശ്വൈകവന്ദ്യേശ ജയ നാഗേന്ദ്രഭൂഷണ |
ജയ ഗൗരീപതേ ശംഭോ ജയ ചന്ദ്രാര്ധശേഖര || ൩ ||
ജയ കോട്യര്ക്കസങ്കാശ ജയാനന്തഗുണാശ്രയ |
ജയ ഭദ്ര വിരൂപാക്ഷ ജയാചിന്ത്യ നിരഞ്ജന || ൪ ||
ജയ നാഥ കൃപാസിന്ധോ ജയ ഭക്താര്ത്തിഭഞ്ജന |
ജയ ദുസ്തരസംസാരസാഗരോത്താരണ പ്രഭോ || ൫ ||
പ്രസീദ മേ മഹാദേവ സംസാരാര്ത്തസ്യ ഖിദ്യതഃ |
സര്വപാപക്ഷയം കൃത്വാ രക്ഷ മാം പരമേശ്വര || ൬ ||
മഹാദാരിദ്ര്യമഗ്നസ്യ മഹാപാപഹതസ്യ ച ||
മഹാശോകനിവിഷ്ടസ്യ മഹാരോഗാതുരസ്യ ച || ൭ ||
ഋണഭാരപരീതസ്യ ദഹ്യമാനസ്യ കര്മഭിഃ ||
ഗ്രഹൈഃ പ്രപീഡ്യമാനസ്യ പ്രസീദ മമ ശങ്കര || ൮ ||
ദരിദ്രഃ പ്രാര്ഥയേദ്ദേവം പ്രദോഷേ ഗിരിജാപതിം ||
അര്ഥാഢ്യോ വാഽഥ രാജാ വാ പ്രാര്ഥയേദ്ദേവമീശ്വരം || ൯ ||
ദീര്ഘമായുഃ സദാരോഗ്യം കോശവൃദ്ധിര്ബലോന്നതിഃ ||
മമാസ്തു നിത്യമാനന്ദഃ പ്രസാദാത്തവ ശങ്കര || ൧൦ ||
ശത്രവഃ സംക്ഷയം യാന്തു പ്രസീദന്തു മമ പ്രജാഃ ||
നശ്യന്തു ദസ്യവോ രാഷ്ട്രേ ജനാഃ സന്തു നിരാപദഃ || ൧൧ ||
ദുര്ഭിക്ഷമാരിസന്താപാഃ ശമം യാന്തു മഹീതലേ ||
സര്വസസ്യസമൃദ്ധിശ്ച ഭൂയാത്സുഖമയാ ദിശഃ || ൧൨ ||
ഏവമാരാധയേദ്ദേവം പൂജാന്തേ ഗിരിജാപതിം ||
ബ്രാഹ്മണാന്ഭോജയേത് പശ്ചാദ്ദക്ഷിണാഭിശ്ച പൂജയേത് || ൧൩ ||
സര്വപാപക്ഷയകരീ സര്വരോഗനിവാരണീ |
ശിവപൂജാ മയാഽഽഖ്യാതാ സര്വാഭീഷ്ടഫലപ്രദാ || ൧൪ ||
ഇതി പ്രദോഷസ്തോത്രം സംപൂര്ണം ||
Also Read:
Pradosha Stotram Lyrics in Gujarati | Bengali | Marathi | Kannada | Malayalam | Telugu
