ഭുവന-കേലികലാ-രസികേ ശിവേ
ഝടിതി ഝഞ്ഝണ-ഝങ്കൃത-നൂപൂരേ ।
ധ്വനിമയം ഭവ-ബീജമനശ്വരം
ജഗദിദം തവ ശബ്ദമയം വപുഃ ॥ 1॥
വിവിധ-ചിത്ര-വിചിത്രമദ്ഭുതം
സദസദാത്മകമസ്തി ചിദാത്മകം ।
ഭവതി ബോധമയം ഭജതാം ഹൃദി
ശിവ ശിവേതി ശിവേതി വചോഽനിശം ॥ 2॥
ജനനി മഞ്ജുല-മങ്ഗല-മന്ദിരം
ജഗദിദം ജഗദംബ തവേപ്സിതം ।
ശിവ-ശിവാത്മക-തത്ത്വമിദം പരം
ഹ്യഹമഹോ നു നതോഽസ്മി നതോഽസ്ംയഹം ॥ 3॥
സ്തുതിമഹോ കില കിം തവ കുര്‍മഹേ
സുരഗുരോരപി വാക്പടുതാ കുതഃ ।
ഇതി വിചാര്യ പരേ പരമേശ്വരി
ഹ്യഹമഹോ നു നതോഽസ്മി നതോഽസ്ംയഹം ॥ 4॥
ചിതി ചമത്കൃതിചിന്തനമസ്തു മേ
നിജപരം ഭവഭേദ-നികൃന്തനം ।
പ്രതിപലം ശിവശക്തിമയം ശിവേ
ഹ്യഹമഹോ നു നതോഽസ്മി നതോഽസ്ംയഹം ॥ 5॥
ഇതി ശ്രീദത്താത്രേയാനന്ദനാഥവിരചിതം പ്രണതിപഞ്ചകം സമ്പൂര്‍ണം ।
Pranatipanchakam Lyrics in Malayalam | പ്രണതിപഞ്ചകം