Shiva Stotram

Rudra Panchamukha Dhyanam Lyrics in English

Rudra Panchamukha Dhyanam in English:

॥ rudra pañcamukha dhyānam ॥
saṁvartāgnitaṭitpradīptakanaka praspardhitējōmayaṁ |
gambhīradhvanimiśritōgradahana prōdbhāsitāmrādharam ||
ardhēndudyutilōlapiṅgalajaṭābhāraprabaddhōragaṁ |
vandē siddhasurāsurēndranamitaṁ pūrvaṁ mukhaḥ śūlinaḥ || 1 ||

kālabhrabhramarāñjanadyutinibhaṁ vyāvr̥ttapiṅgēkṣaṇaṁ |
karṇōdbhāsitabhōgimastakamaṇi prōdbhinnadamṣṭrāṅkuram ||
sarpaprōtakapālaśuktiśakala vyākīrṇasañcāragaṁ |
vandē dakṣiṇamīśvarasya kuṭila bhrūbhaṅgaraudraṁ mukham || 2 ||

prālēyācalacandrakundadhavalaṁ gōkṣīraphēnaprabhaṁ |
bhasmābhyaktamanaṅgadēhadahana jvālāvalīlōcanam ||
brahmēndrādimarudgaṇaisstutiparairabhyarcitaṁ yōgibhiḥ |
vandē:’haṁ sakalaṁ kalaṅkarahitaṁ sthāṇōrmukhaṁ paścimam || 3 ||

gauraṁ kuṅkumapaṅkilaṁ sutilakaṁ vyāpāṇḍugaṇḍasthalaṁ |
bhrūvikṣēpakaṭākṣavīkṣaṇalasatsaṁsaktakarṇōtpalam ||
snigdhaṁ bimbaphalādharaprahasitaṁ nīlālakālaṅkr̥taṁ |
vandē pūrṇaśaśāṅkamaṇḍalanibhaṁ vaktraṁ harasyōttaram || 4 ||

vyaktāvyaktaguṇētaraṁ suvimalaṁ ṣaṭtrimśatatvātmakaṁ |
tasmāduttaratattvamakṣaramiti dhyēyaṁ sadā yōgibhiḥ ||
vandē tāmasavarjitaṁ triṇayanaṁ sūkṣmātisūkṣmātparaṁ |
śāntaṁ pañcamamīśvarasya vadanaṁ khavyāpitējōmayam || 5 ||

Also Read:

Rudra Panchamukha Dhyanam in Sanskrit | English |  Kannada | Telugu | Tamil

Add Comment

Click here to post a comment