Shiva Stotram

Sadashiva Mahendra Stutih Lyrics in Malayalam | Malayalam Shlokas

Sadashiva Mahendra Stutih in Malayalam:

॥ സദാശിവ മഹേന്ദ്ര സ്തുതിഃ ॥
സദാശിവമഹേന്ദ്രസ്തുതിഃ |

പരതത്ത്വലീനമനസേ പ്രണമദ്ഭവബന്ധമോചനായാശു |
പ്രകടിതപരതത്ത്വായ പ്രണതിം കുര്മഃ സദാശിവേന്ദ്രായ ॥ ൧ ॥

പരമശിവേന്ദ്രകരാംബുജസംഭൂതായ പ്രണമ്രവരദായ |
പദധൂതപങ്കജായ പ്രണതിം കുര്മഃ സദാശിവേന്ദ്രായ ॥ ൨ ॥

വിജനനദീകുഞ്ജഗൃഹേ മഞ്ജുളപുലിനൈകമഞ്ജുതരതല്പേ |
ശയനം കുര്വാണായ പ്രണതിം കുര്മഃ സദാശിവേന്ദ്രായ ॥ ൩ ॥

കാമാഹിദ്വിജപതയേ ശമദമമുഖദിവ്യരത്നവാരിധയേ |
ശമനായ മോഹവിതതേഃ പ്രണതിം കുര്മഃ സദാശിവേന്ദ്രായ ॥ ൪ ॥

നമദാത്മബോധദാത്രേ രമതേ പരമാത്മതത്ത്വസൗധാഗ്രേ |
സമബുദ്ധയേഽശ്മഹേമ്നോഃ പ്രണതിം കുര്മഃ സദാശിവേന്ദ്രായ ॥ ൫ ॥

ഗിലിതാവിദ്യാഹാലാഹലഹതപുര്യഷ്ടകായ ബോധേന |
മോഹാന്ധകാരരവയേ പ്രണതിം കുര്മഃ സദാശിവേന്ദ്രായ ॥ ൬ ॥

ശമമുഖഷട്കമുമുക്ഷാവിവേകവൈരാഗ്യദാനനിരതായ |
തരസാ നതജനതതയേ പ്രണതിം കുര്മഃ സദാശിവേന്ദ്രായ ॥ ൭ ॥

സിദ്ധാന്തകല്പവല്ലീമുഖകൃതികര്ത്രേ കപാലിഭക്തികൃതേ |
കരതലമുക്തിഫലായ പ്രണതിം കുര്മഃ സദാശിവേന്ദ്രായ ॥ ൮ ॥

തൃണപങ്കലിപ്തവപുഷേ തൃണതോഽപ്യധരം ജഗദ്വിലോകയതേ |
വനമധ്യവിഹരണായ പ്രണതിം കുര്മഃ സദാശിവേന്ദ്രായ ॥ ൯ ॥

നിഗൃഹീതഹൃദയഹരയേ പ്രഗൃഹീതാത്മസ്വരൂപരത്നായ |
പ്രണതാബ്ധിപൂര്ണശശിനേ പ്രണതിം കുര്മഃ സദാശിവേന്ദ്രായ ॥ ൧൦ ॥

അജ്ഞാനതിമിരരവയേ പ്രജ്ഞാനാംഭോധിപൂര്ണചന്ദ്രായ |
പ്രണതാഘവിപിനശുചയേ പ്രണതിം കുര്മഃ സദാശിവേന്ദ്രായ ॥ ൧൧ ॥

മതിമലമോചനദക്ഷപ്രത്യഗ്ബ്രഹ്മൈക്യദാനനിരതായ |
സ്മൃതിമാത്രതുഷ്ടമനസേ പ്രണതിം കുര്മഃ സദാശിവേന്ദ്രായ ॥ ൧൨ ॥

നിജഗുരുപരമശിവേന്ദ്രശ്ലാഘിതവിജ്ഞാന കാഷ്ഠായ |
നിജതത്ത്വനിശ്ചലഹൃദേ പ്രണതിം കുര്മഃ സദാശിവേന്ദ്രായ ॥ ൧൩ ॥

പ്രവിലാപ്യ ജഗദശേഷം പരിശിഷ്ടഖണ്ഡവസ്തുനിരതായ |
ആസ്യപ്രാപ്താന്നഭുജേ പ്രണതിം കുര്മഃ സദാശിവേന്ദ്രായ ॥ ൧൪ ॥

ഉപധാനീകൃതബാഹുഃ പരിരബ്ധവിരക്തിരാമോ യഃ |
വസനീകൃതഖായാസ്മൈ പ്രണതിം കുര്മഃ സദാശിവേന്ദ്രായ ॥ ൧൫ ॥

സകലാഗമാന്തസാരപ്രകടനദക്ഷായ നമ്രപക്ഷായ |
സച്ചിത്സുഖരൂപായ പ്രണതിം കുര്മഃ സദാശിവേന്ദ്രായ ॥ ൧൬ ॥

ദ്രാക്ഷാശിക്ഷണചതുരവ്യാഹാരായ പ്രഭൂതകരുണായ |
വീക്ഷാപാവിതജഗതേ പ്രണതിം കുര്മഃ സദാശിവേന്ദ്രായ ॥ ൧൭ ॥

യോഽനുത്പന്നവികാരോ ബാഹൗ മ്ലേച്ഛേന ഛിന്നപതിതേഽപി |
അവിദിതമമതായാസ്മൈ പ്രണതിം കുര്മഃ സദാശിവേന്ദ്രായ ॥ ൧൮ ॥

ന്യപതന്സുമാനി മൂര്ധനി യേനോച്ചരിതേഷു നാമസൂഗ്രസ്യ |
തസ്മൈ സിദ്ധവരായ പ്രണതിം കുര്മഃ സദാശിവേന്ദ്രായ ॥ ൧൯ ॥

യഃ പാപോനോഽപി ലോകാന് തരസാ പ്രകരോതി പുണ്യഃ നിഷ്ഠാഗ്ര്യാന് |
കരുണാംബുരാശയേഽസ്മൈ പ്രണതിം കുര്മഃ സദാശിവേന്ദ്രായ ॥ ൨൦ ॥

സിദ്ധേശ്വരായ ബുദ്ധേഃ ശുദ്ധിപ്രദപാദപദ്മനമനായ |
ബദ്ധേ പ്രമോചകായ പ്രണതിം കുര്മഃ സദാശിവേന്ദ്രായ ॥ ൨൧ ॥

ഹൃദ്യായ ലോകവിതതേഃ പദ്യാവലിദായ ജന്മമൂകേഭ്യഃ |
പ്രണതേഭ്യഃ പദയുഗളേ പ്രണതിം കുര്മഃ സദാശിവേന്ദ്രായ ॥ ൨൨ ॥

ജിഹ്വോപസ്ഥരതാനപ്യാഹ്വോച്ചാരേണ ജാതു നൈജസ്യ |
കുര്വാണായ വിരക്താന്പ്രണതിം കുര്മഃ സദാശിവേന്ദ്രായ ॥ ൨൩ ॥

കമനീയകവനകര്ത്രേ ശമനീയഭയാപഹാരചതുരായ |
തപനീയസദ്ദശവപുഷേ പ്രണതിം കുര്മഃ സദാശിവേന്ദ്രായ ॥ ൨൪ ॥

താരകവിദ്യാദാത്രേ താരകപതിഗര്വവാരകാസ്യായ |
താരജപപ്രവണായ പ്രണതിം കുര്മഃ സദാശിവേന്ദ്രായ ॥ ൨൫ ॥

മൂകോഽപി യത്കൃപാ ചേല്ലോകോത്തരകീര്ത്തിരാശു ജായേത |
അദ്ഭുതചരിതായാസ്മൈ പ്രണതിം കുര്മഃ സദാശിവേന്ദ്രായ ॥ ൨൬ ॥

ദുര്ജനദൂരായ തരാം സജ്ജനസുലഭായ ഹസ്തപാത്രായ |
തരുതലനികേതനായ പ്രണതിം കുര്മഃ സദാശിവേന്ദ്രായ ॥ ൨൭ ॥

ഭവസിന്ധുധാരയിത്രേ ഭവഭക്തായ പ്രണമ്രവശ്യായ |
ഭവബന്ധവിരഹിതായ പ്രണതിം കുര്മഃ സദാശിവേന്ദ്രായ ॥ ൨൮ ॥

ത്രിവിധസ്യാപി ത്യാഗം വപുഷഃ കര്തും സ്ഥലത്രയേ യ ഇവ |
അകരോത്സമാധിമസ്മൈ പ്രണതിം കുര്മഃ സദാശിവേന്ദ്രായ ॥ ൨൯ ॥

കാമിനമപി ജിതഹൃദയം ക്രൂരം ശാന്തം ജഡം സുധിയം |
കുരുതേ യത്കരുണാഽസ്മൈ പ്രണതിം കുര്മഃ സദാശിവേന്ദ്രായ ॥ ൩൦ ॥

വേദസ്മൃതിസ്ഥവിദ്വല്ലക്ഷണലക്ഷ്യേഷു സന്ദിഹാനാനാം |
നിശ്ചയകൃതേ വിഹര്ത്രേ പ്രണതിം കുര്മഃ സദാശിവേന്ദ്രായ ॥ ൩൧ ॥

ബാലാരുണനിഭവപുഷേ ലീലാനിര്ധൂതകാമഗര്വായ |
ലോലായ ചിതിപരസ്യാം പ്രണതിം കുര്മഃ സദാശിവേന്ദ്രായ ॥ ൩൨ ॥

ശരണീകൃതായ സുഗുണൈണീകൃതരക്തപങ്കജാതായ |
ധരണീസദ്ദക്ക്ഷമായ പ്രണതിം കുര്മഃ സദാശിവേന്ദ്രായ ॥ ൩൩ ॥

പ്രണതായ യതിവരേണ്യൈര്ഗണനാഥേനാപ്യസാധ്യവിഘ്നഹൃതേ |
ഗുണദാസീകൃതജഗതേ പ്രണതിം കുര്മഃ സദാശിവേന്ദ്രായ ॥ ൩൪ ॥

സഹമാനായ സഹസ്രാണ്യപ്യപരാധാന്പ്രണമ്രജനരചിതാന് |
സഹസൈവ മോക്ഷദാത്രേ പ്രണതിം കുര്മഃ സദാശിവേന്ദ്രായ ॥ ൩൫ ॥

ധൃതദേഹായ നതാവലിതൂണപ്രജ്ഞാപ്രദാനവാഞ്ഛാതഃ |
ശ്രീദക്ഷിണവക്ത്രായ പ്രണതിം കുര്മഃ സദാശിവേന്ദ്രായ ॥ ൩൬ ॥

താപത്രയാര്തഹൃദയസ്താപത്രയഹാരദക്ഷനമനമഹം |
ഗുരുവരബോധിതമഹിമന് ശരണം യാസ്യേ തവാങ്ഘ്രികമലയുഗം ॥ ൩൭ ॥

സദാത്മനി വിലീനഹൃത്സകലവേദശാസ്ത്രാര്ഥവിത് സരിത്തടവിഹാരകൃത് സകലലോകഹൃത്താപഹൃത് |
സദാശിവപദാംബുജപ്രണതലോകലഭ്യ പ്രഭോ സദാശിവയതീട് സദാ മയി കൃപാമപാരാം കുരു ॥ ൩൮ ॥

പുരാ യവനകര്തനസ്രവദമന്ദരക്തോഽപി യഃ പുനഃ പദസരോരുഹപ്രണതമേനമേനോവിധിം |
കൃപാപരവശഃ പദം പതനവര്ജിതം പ്രാപ യത്സദാശിവയതീട് സ മയ്യനവധിം കൃപാം സിഞ്ചതു ॥ ൩൯ ॥

ഹൃഷീകഹൃതചേതസി പ്രഹൃതദേഹകേ രോഗകൈരനേകവൃജിനാലയേ ശമദമാദിഗന്ധോജ്ഝിതേ |
തവാങ്ഘ്രിപതിതേ യതൗ യതിപതേ മഹായോഗിരാട് സദാശിവ കൃപാം മയി പ്രകുരു ഹേതുശൂന്യാം ദ്രുതം ॥ ൪൦ ॥

ന ചാഹമതിചാതുരീരചിതശബ്ദസങ്ഘൈഃ സ്തുതിം വിധാതുമപി ച ക്ഷമോ ന ച ജപാദികേഽപ്യസ്തി മേ |
ബലം ബലവതാം വര പ്രകുരു ഹേതുശൂന്യാം വിഭോ സദാശിവ കൃപാം മയി പ്രവര യോഗിനാം സത്വരം ॥ ൪൧ ॥

ശബ്ദാര്ഥവിജ്ഞാനയുതാ ഹി ലോകേ വസന്തി ലോകാ ബഹവഃ പ്രകാമം |
നിഷ്ഠായുതാ ന ശ്രുതദ്രുഷ്ടപൂര്വാ ബിനാ ഭവന്തം യതിരാജ നൂനം ॥ ൪൨ ॥

സ്തോകാര്ചനപ്രീതഹൃദംബുജായ പാദാബ്ജചൂഡാപരരൂപധര്ത്രേ |
ശോകാപഹര്ത്രേ തരസാ നതാനാം പാകായ പുണ്യസ്യ നമോ വതീശ ॥ ൪൩ ॥

നാഹം ഹൃഷീകാണി വിജേതുമീശോ നാഹം സപര്ബാഭജനാദി കര്തും |
നിസര്ഗയാ ത്വം ദയയൈവ പാഹി സദാശിവേമം കരുണാപയോധേ ॥ ൪൪ ॥

കൃതയാഽനയാനതാവലികോടിഗതേനാതിമന്ദബോധേന |
മുദമേഹി നിത്യതൃപ്തപ്രവര സ്തുത്യാ സദാശിവായാശു ॥ ൪൫ ॥

ഇതി ശ്രീമജ്ജഗദ്ഗുരുശൃങ്ഗഗിരി ശ്രീസച്ചിദാനന്ദശിവാഭിനവനൃസിംഹഭാരതീസ്വാമിഭിര്വിരചിതാ സദാശിവമഹേന്ദ്രസ്തുതിഃ

Also Read:

Sadashiva Mahendra Stutih Lyrics in English | Marathi | GujaratiBengali | Kannada | Malayalam | Telugu

Add Comment

Click here to post a comment