Samba Dasakam in Gujarati:
॥ સામ્બ દશકમ ॥
સામ્બો નઃ કુલદૈવતં પશુપતે સામ્બ ત્વદીયા વયં
સામ્બં સ્તૌમિ સુરાસુરોરગગણાઃ સામ્બેન સન્તારિતાઃ |
સામ્બાયાસ્તુ નમો મયા વિરચિતં સામ્બાત પરં નો ભજે
સામ્બસ્યાનુચરોઽસ્મ્યહં મમ રતિઃ સામ્બે પરબ્રહ્મણિ ॥ ૧ ॥
વિષ્ણ્વાદ્યાશ્ચ પુરઞ્જયં સુરગણા જેતું ન શક્તા સ્વયં
યં શમ્ભું ભગવન વયં તુ પશવોઽસ્માકં ત્વમેવેશ્વરઃ |
સ્વસ્વસ્થાનનિયોજિતાઃ સુમનસઃ સ્વસ્થા બભૂવુસ્તત-
સ્તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ૨ ॥
ક્ષોણી યસ્ય રતો રથાઙ્ગયુગળં ચન્દ્રાર્કબિમ્બદ્વયં
કોદણ્ડઃ કનકાચલો હરિરભૂદ્બાણો વિધિઃ સારથિઃ |
તૂણીરોજલધિર્હયાઃ શ્રુતિચયો મૌર્વી ભુજઙ્ગાધિપ-
સ્તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ૩ ॥
યેનાપાદિતમઙ્ગજાઙ્ગભસિતં દિવ્યાઙ્ગરાગૈઃ સમં
યેન સ્વીકૃતમબ્જસંભવશિરઃ સૌવર્ણપાત્રૈઃ સમમ |
યેનાઙ્ગીકૃતમચ્યુતસ્ય નયનં પૂજારવિન્દૈઃ સમં
તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ૪ ॥
ગોવિન્દાદધિકં ન દૈવતમિતિ પ્રોચ્ચાર્ય હસ્તાવુભા-
વુદ્ધત્યાથ શિવસ્ય સંનિધિગતો વ્યાસો મુનીનાં વરઃ |
યસ્ય સ્તમ્ભિતપાણિરાનતિકૃતા નન્દીશ્વરેણાભવ-
ત્તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ૫ ॥
આકાશશ્ચિકુરાયતે દશદિશાભોગો દુકૂલાયતે
શીતંશુઃ પ્રસવાયતે સ્થિરતરાનન્દઃ સ્વરૂપાયતે |
વેદાન્તો નિલયાયતે સુવિનયો યસ્ય સ્વભાવાયતે
તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ॥ ૬ ॥
વિષ્ણુર્યસ્ય સહસ્રનામનિયમાદમ્ભોરુહાણ્યર્ચયન-
નેકોનોપચિતેપુ નેત્રકમલં નૈજં પદાબ્જદ્વયે |
સંપૂજ્યાસુરસંહતિં વિદલયંસ્ત્રૈલોક્યપાલોઽભવ-
ત્તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ૭ ॥
સૌરિં સત્યગિરં વરાહવપુષં પાદામ્બુજાદર્શને
ચક્રં યો દયયા સમ્સ્તજગતાં નાથં શિરોદર્શને |
મિથ્યાવાચમપૂજ્યમેવ સતતં હંસસ્વરૂપં વિધિમ
તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ૮ ॥
યસ્યાસન ધરણીજલાગ્નિપવનવ્યોમાર્કચન્દ્રાદયો
વિખ્યાતાસ્તનવોઽષ્ટધા પરિણતા નાન્યત્તતો વર્તતે |
ઓઙ્કારાર્થવિવેચની શ્રુતિરિયં ચાચષ્ટ તુર્યં શિવં
તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ૯ ॥
વિષ્ણુબ્રહ્મસુરાધિપપ્રભૃતયઃ સર્વેઽપિ દેવા યદા
સંભૂતાજ્જલધેર્વિષાત્પરિભવં પ્રાપ્તાસ્તદા સત્વરમ |
તાનાર્તાચ્છરણાગતાનિતિ સુરાન યોઽરક્ષદર્ધક્ષણા-
ત્તસ્મિન્મે હૃદયં સુખેન રમતાં સામ્બે પરબ્રહ્મણિ ॥ ૧૦ ॥
ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય
શ્રીમચ્છઙ્કરભગવતઃ કઋતૌ સામ્બદશકં સંપૂર્ણમ ॥
Also Read:
Saambadashakam Lyrics in Marathi | Gujarati | Bengali | Kannada | Malayalam | Telugu
