Sri Shankara Ashtakam in Telugu:
॥ శఙ్కరాష్టకమ్ ॥
శ్రీగణేశాయ నమః ।
శీర్షజటాగణభారం గరలాహారం సమస్తసంహారమ్ ।
కైలాసాద్రివిహారం పారం భవవారిధేరహం వన్దే ॥ ౧ ॥
చన్ద్రకలోజ్జ్వలభాలం కణ్ఠవ్యాలం జగత్త్రయీపాలమ్ ।
కృతనరమస్తకమాలం కాలం కాలస్య కోమలం వన్దే ॥ ౨ ॥
కోపేక్షణహతకామం స్వాత్మారామం నగేన్ద్రజావామమ్ ।
సంసృతిశోకవిరామం శ్యామం కణ్ఠేన కారణం వన్దే ॥ ౩ ॥
కటితటవిలసితనాగం ఖణ్డితయాగం మహాద్భుతత్యాగమ్ ।
విగతవిషయరసరాగం భాగం యజ్ఞేషు బిభ్రతం వన్దే ॥ ౪ ॥
త్రిపురాదికదనుజాన్తం గిరిజాకాన్తం సదైవ సంశాన్తమ్ ।
లీలావిజితకృతాన్తం భాన్తం స్వాన్తేపు దేహినాం వన్దే ॥ ౫ ॥
సురసరిదాప్లుతకేశం త్రిదశకులేశం హృదాలయావేశమ్ ।
విగతాశేషక్లేశం దేశం సర్వేష్టసమ్పదాం వన్దే ॥ ౬ ॥
కరతలకలితపినాకం విగతజరాకం సుకర్మణాం పాకమ్ ।
పరపదవీతవరాకం నాకఙ్గమపూగవన్దితం వన్దే ॥ ౭ ॥
భూతివిభూషితకాయం దుస్తరమాయం వివర్జితాపాయమ్ ।
ప్రమథసమూహసహాయం సాయం ప్రాతర్నిరన్తరం వన్దే ॥ ౮ ॥
యస్తుపదాష్టకమేతద్బ్రహ్మానన్దేన నిర్మితం నిత్యమ్ ।
పఠతి సమాహితచేతాః ప్రాప్నోత్యన్తే స శైవమేవ పదమ్ ॥ ౯ ॥
ఇతి శ్రీమత్పరమహంసస్వామిబ్రహ్మానన్దవిరచితం శ్రీశఙ్కరాష్టకం సమ్పూర్ణమ్ ।
Also Read:
Shankara Ashtakam Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
