Sri Shankara Ashtakam in Gujarati:
॥ શઙ્કરાષ્ટકમ્ ॥
શ્રીગણેશાય નમઃ ।
શીર્ષજટાગણભારં ગરલાહારં સમસ્તસંહારમ્ ।
કૈલાસાદ્રિવિહારં પારં ભવવારિધેરહં વન્દે ॥ ૧ ॥
ચન્દ્રકલોજ્જ્વલભાલં કણ્ઠવ્યાલં જગત્ત્રયીપાલમ્ ।
કૃતનરમસ્તકમાલં કાલં કાલસ્ય કોમલં વન્દે ॥ ૨ ॥
કોપેક્ષણહતકામં સ્વાત્મારામં નગેન્દ્રજાવામમ્ ।
સંસૃતિશોકવિરામં શ્યામં કણ્ઠેન કારણં વન્દે ॥ ૩ ॥
કટિતટવિલસિતનાગં ખણ્ડિતયાગં મહાદ્ભુતત્યાગમ્ ।
વિગતવિષયરસરાગં ભાગં યજ્ઞેષુ બિભ્રતં વન્દે ॥ ૪ ॥
ત્રિપુરાદિકદનુજાન્તં ગિરિજાકાન્તં સદૈવ સંશાન્તમ્ ।
લીલાવિજિતકૃતાન્તં ભાન્તં સ્વાન્તેપુ દેહિનાં વન્દે ॥ ૫ ॥
સુરસરિદાપ્લુતકેશં ત્રિદશકુલેશં હૃદાલયાવેશમ્ ।
વિગતાશેષક્લેશં દેશં સર્વેષ્ટસમ્પદાં વન્દે ॥ ૬ ॥
કરતલકલિતપિનાકં વિગતજરાકં સુકર્મણાં પાકમ્ ।
પરપદવીતવરાકં નાકઙ્ગમપૂગવન્દિતં વન્દે ॥ ૭ ॥
ભૂતિવિભૂષિતકાયં દુસ્તરમાયં વિવર્જિતાપાયમ્ ।
પ્રમથસમૂહસહાયં સાયં પ્રાતર્નિરન્તરં વન્દે ॥ ૮ ॥
યસ્તુપદાષ્ટકમેતદ્બ્રહ્માનન્દેન નિર્મિતં નિત્યમ્ ।
પઠતિ સમાહિતચેતાઃ પ્રાપ્નોત્યન્તે સ શૈવમેવ પદમ્ ॥ ૯ ॥
ઇતિ શ્રીમત્પરમહંસસ્વામિબ્રહ્માનન્દવિરચિતં શ્રીશઙ્કરાષ્ટકં સમ્પૂર્ણમ્ ।
Also Read:
Shankara Ashtakam Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
