Shiva Stuti (Narayana Pandita Krutha) in Bengali:
॥ শ্রীশিবস্তুতী নারায়ণপণ্ডিতকৃত ॥
শ্রীগণেশায় নমঃ ॥
স্ফুটং স্ফটিকসপ্রভং স্ফটিতহারকশ্রীজটং
শশাঙ্কদলশেখরং কপিলফুল্লনেত্রত্রয়ম্ ।
তরক্ষুবরকৃত্তিমদ্ভুজগভূষণং ভূতিমৎ-
কদা নু শিতিকণ্ঠ তে বপুরবেক্ষতে বীক্ষণম্ ॥ ১ ॥
ত্রিলোচন বিলোচনে লসতি তে ললামায়িতে
স্মরো নিয়মঘস্মরো নিয়মিনামভূদ্ভস্মসাৎ ।
স্বভক্তিলতয়া বশীকৃতবতীসতীয়ং সতী
স্বভক্তবশতো ভবানপি বশী প্রসীদ প্রভো ॥ ২ ॥
মহেশ মহিতোঽসি তৎপুরুষ পূরুষাগ্র্যো ভবান্-
অঘোররিপুঘোর তেঽনবম বামদেবাঞ্জলিঃ ।
নমঃ সপদি জাত তে ৎবমিতি পঞ্চরূপোচিত-
প্রপঞ্চচয়পঞ্চবৃন্মম মনস্তমস্তাডয় ॥ ৩ ॥
রসাঘনরসানলানিলবিয়দ্বিবস্বদ্বিধু-
প্রয়ষ্টৃষু নিবিষ্টমিত্যজ ভজামি মূর্ত্যষ্টকম্ ।
প্রশান্তমুত ভীষণং ভুবনমোহনং চেত্যহো
বপূংষি গুণপূষিতেঽহমহমাত্মনোঽহংভিদে ॥ ৪ ॥
বিমুক্তিপরমাধ্বনাং তব পডধ্বনামাস্পদং
পদং নিগমবেদিনো জগতি বামদেবাদয়ঃ ।
কথঞ্চিদুপশিক্ষিতা ভগবতৈব সংবিদ্রতে
বয়ং তু বিরলান্তরাঃ কথমুমেশ তন্মন্মহে ॥ ৫ ॥
কঠোরিতকুঠারয়া ললিতশূলয়া বাহয়া
রণড্ডমরুণা স্ফুরদ্ধরিণয়া সখট্বাঙ্গয়া ।
চলাভিরচলাভিরপ্যগণিতাভিরুন্নৃত্যতশ্-
চতুর্দশ জগন্তি তে জয়জয়েত্যযুর্বিস্ময়ম্ ॥ ৬ ॥
পুরা ত্রিপুররন্ধনং বিবিধদৈত্যবিধ্বংসনং
পরাক্রমপরম্পরা অপি পরা ন তে বিস্ময়ঃ ।
অমর্ষিবলহর্ষিতক্ষুভিতবৃত্তনেত্রোজ্জ্বলজ্-
জ্বলজ্জ্বলনহেলয়া শলভিতং হি লোকত্রয়ম্ ॥ ৭ ॥
সহস্রনয়নো গুহঃ সহসহস্ররশ্মির্বিধুর্-
বৃহস্পতিরুতাপ্পতিঃ সসুরসিদ্ধবিদ্যাধরাঃ ।
ভবৎপদপরায়ণাঃ শ্রিয়মিমাং যয়ুঃ প্রার্থিতাং
ভবান্ সুরতরুর্ভৃশং শিব শিবাং শিবাবল্লভ ॥ ৮ ॥
তব প্রিয়তমাদতিপ্রিয়তমং সদৈবান্তরং
পয়স্যুপহিতং ভৃতং স্বয়মিব শ্রিয়ো বল্লভম্ ।
বিবুধ্য লঘুবুদ্ধয়ঃ স্বপরপক্ষলক্ষ্যায়িতং
পঠন্তি হি লুঠন্তি তে শঠহৃদঃ শুচা শুণ্ঠিতাঃ ॥ ৯ ॥
নিবাসনিলয়াচিতা তব শিরস্ততির্মালিকা
কপালমপি তে করে ৎবমশিবোস্যনন্তর্ধিয়াম্ ।
তথাপি ভবতঃ পদং শিবশিবেত্যদো জল্পতাং
অকিঞ্চন ন কিঞ্চন বৃজিনমস্তি ভস্মীভবেৎ ॥ ১০ ॥
ৎবমেব কিল কামধুক্ সকলকামমাপূরয়ন্
সদা ত্রিনয়নো ভবান্বহতি চার্চিনেত্রোদ্ভবম্ ।
বিষং বিষধরান্দধৎপিবসি তেন চানন্দবান্
বিরুদ্ধচরিতোচিতা জগদধীশ তে ভিক্ষুতা ॥ ১১ ॥
নমঃ শিবশিবাশিবাশিবশিবার্থং কৃন্তাশিবং
নমো হরহরাহরাহরহরান্তরীং মে দৃশম্ ।
নমো ভবভবাভবপ্রভবভূতয়ে মে ভবান্
নমো মৃড নমো নমো নম উমেশ তুভ্যং নমঃ ॥ ১২ ॥
সতাং শ্রবণপদ্ধতিং সরতু সন্নতোক্তেত্যসৌ
শিবস্য করুণাঙ্কুরাৎপ্রতিকৃতাৎসদা সোচিতা ।
ইতি প্রথিতমানসো ব্যধিত নাম নারায়ণঃ
শিবস্তুতিমিমাং শিবং লিকুচিসূরিসূনুঃ সুধীঃ ॥ ১৩ ॥
ইতি শ্রীমল্লিকুচিসূরিসূনুনারায়ণপণ্ডিতাচার্যবিরচিতা
শিবস্তুতিঃ সম্পূর্ণা ॥
Also Read:
Shiva Stuti Narayana Pandita Krita Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil