Shiva Upanishads in Tamil:
॥ ஶ்ரீஶிவோபநிஷத் ॥
கைலாஸஶிக²ராஸீனமஶேஷாமரபூஜிதம் ।
காலக்⁴னம்ʼ ஶ்ரீமஹாகாலமீஶ்வரம்ʼ ஜ்ஞானபாரக³ம் ॥ 1-1 ॥
ஸம்பூஜ்ய விதி⁴வத்³ப⁴க்த்யா ருʼஷ்யாத்ரேய꞉ ஸுஸம்ʼயத꞉ ।
ஸர்வபூ⁴தஹிதார்தா²ய பப்ரச்சே²த³ம்ʼ மஹாமுனி꞉ ॥ 1-2 ॥
ஜ்ஞானயோக³ம்ʼ ந விந்த³ந்தி யே நரா மந்த³பு³த்³த⁴ய꞉ ।
தே முச்யந்தே கத²ம்ʼ கோ⁴ராத்³ப⁴க³வன்ப⁴வஸாக³ராத் ॥ 1-3 ॥
ஏவம்ʼ ப்ருʼஷ்ட꞉ ப்ரஸன்னாத்மா ருʼஷ்யாத்ரேயேண தீ⁴மதா ।
மந்த³பு³த்³தி⁴விமுக்த்யர்த²ம்ʼ மஹாகால꞉ ப்ரபா⁴ஷதே ॥ 1-4 ॥
மஹாதே³வ உவாச
புரா ருத்³ரேண க³தி³தா꞉ ஶிவத⁴ர்மா꞉ ஸனாதனா꞉ ।
தே³வ்யா꞉ ஸர்வக³ணானாம்ʼ ச ஸங்க்ஷேபாத்³க்³ரந்த²கோடிபி⁴꞉ ॥ 1-5 ॥
ஆயு꞉ ப்ரஜ்ஞாம்ʼ ததா² ஶக்திம்ʼ ப்ரஸமீக்ஷ்ய ந்ரூʼணாமிஹ ।
தாபத்ரயப்ரபீடா³ம்ʼ ச போ⁴க³த்ருʼஷ்ணாவிமோஹினீம் ॥ 1-6 ॥
தே த⁴ர்மா꞉ ஸ்கந்த³னந்தி³ப்⁴யாமன்யைஶ்ச முநிஸத்தமை꞉ ।
ஸாரமாதா³ய நிர்தி³ஷ்டா꞉ ஸம்யக்ப்ரகரணாந்தரை꞉ ॥ 1-7 ॥
ஸாராத³பி மஹாஸாரம்ʼ ஶிவோபநிஷத³ம்ʼ பரம் ।
அல்பக்³ரந்த²ம்ʼ மஹார்த²ம்ʼ ச ப்ரவக்ஷ்யாமி ஜக³த்³தி⁴தம் ॥ 1-8 ॥
ஶிவ꞉ ஶிவ இமே ஶாந்த- நாம சாத்³யம்ʼ முஹுர்முஹு꞉ ।
உச்சாரயந்தி தத்³ப⁴க்த்யா தே ஶிவா நாத்ர ஸம்ʼஶய꞉ ॥ 1-9 ॥
அஶிவா꞉ பாஶஸம்ʼயுக்தா꞉ பஶவ꞉ ஸர்வசேதனா꞉ ।
யஸ்மாத்³விலக்ஷணாஸ்தேப்⁴யஸ்தஸ்மாதீ³ஶ꞉ ஶிவ꞉ ஸ்ம்ருʼத꞉ ॥ 1-10 ॥
கு³ணோ பு³த்³தி⁴ரஹங்காரஸ்தன்மாத்ராணீந்த்³ரியானி ச ।
பூ⁴தானி ச சதுர்விம்ʼஶதி³தி பாஶா꞉ ப்ரகீர்திதா꞉ ॥ 1-11 ॥
பஞ்சவிம்ʼஶகமஜ்ஞானம்ʼ ஸஹஜம்ʼ ஸர்வதே³ஹினாம் ।
பாஶாஜாலஸ்ய தன்மூலம்ʼ ப்ரக்ருʼதி꞉ காரணாய ந꞉ ॥ 1-12 ॥
ஸத்யஜ்ஞானே நிப³த்⁴யந்தே புருஷா꞉ பாஶப³ந்த⁴னை꞉ ।
மத்³பா⁴வாச்ச விமுச்யந்தே ஜ்ஞானின꞉ பாஶபஞ்ஜராத் ॥ 1-13 ॥
ஷட்³விம்ʼஶகஶ்ச புருஷ꞉ பஶுரஜ்ஞ꞉ ஶிவாக³மே ।
ஸப்தவிம்ʼஶ இதி ப்ரோக்த꞉ ஶிவ꞉ ஸர்வஜக³த்பதி꞉ ॥ 1-14 ॥
யஸ்மாச்சி²வ꞉ ஸுஸம்பூர்ண꞉ ஸர்வஜ்ஞ꞉ ஸர்வக³꞉ ப்ரபு⁴꞉ ।
தஸ்மாத்ஸ பாஶஹரித꞉ ஸ விஶுத்³த⁴꞉ ஸ்வபா⁴வத꞉ ॥ 1-15 ॥
பஶுபாஶபர꞉ ஶாந்த꞉ பரமஜ்ஞானதே³ஶிக꞉ ।
ஶிவ꞉ ஶிவாய பூ⁴தானாம்ʼ தம்ʼ விஜ்ஞாய விமுச்யதே ॥ 1-16 ॥
ஏததே³வ பரம்ʼ ஜ்ஞானம்ʼ ஶிவ இத்யக்ஷரத்³வயம் ।
விசாராத்³யாதி விஸ்தாரம்ʼ தைலபி³ந்து³ரிவாம்ப⁴ஸி ॥ 1-17 ॥
ஸக்ருʼது³ச்சாரிதம்ʼ யேன ஶிவ இத்யக்ஷரத்³வயம் ।
ப³த்³த⁴꞉ பரிகரஸ்தேன மோக்ஷோபக³மனம்ʼ ப்ரதி ॥ 1-18 ॥
த்³வ்யக்ஷர꞉ ஶிவமந்த்ரோ (அ)யம்ʼ ஶிவோபநிஷதி³ ஸ்ம்ருʼத꞉ ।
ஏகாக்ஷர꞉ புனஶ்சாயமோமித்யேவம்ʼ வ்யவஸ்தி²த꞉ ॥ 1-19 ॥
நாமஸங்கீர்தணாதே³வ ஶிவஸ்யாஶேஷபாதகை꞉ ।
யத꞉ ப்ரமுச்யதே க்ஷிப்ரம்ʼ மந்த்ரோ (அ)யம்ʼ த்³வ்யக்ஷர꞉ பர꞉ ॥ 1-20 ॥
ய꞉ ஶிவம்ʼ ஶிவமித்யேவம்ʼ த்³வ்யக்ஷரம்ʼ மந்த்ரமப்⁴யஸேத் ।
ஏகாக்ஷரம்ʼ வா ஸததம்ʼ ஸ யாதி பரமம்ʼ பத³ம் ॥ 1-21 ॥
மித்ரஸ்வஜனப³ந்தூ⁴னாம்ʼ குர்யாந்நாம ஶிவாத்மகம் ।
அபி தத்கீர்தநாத்³யாதி பாபமுக்த꞉ ஶிவம்ʼ புரம் ॥ 1-22 ॥
விஜ்ஞேய꞉ ஸ ஶிவ꞉ ஶாந்தோ நரஸ்தத்³பா⁴வபா⁴வித꞉ ।
ஆஸ்தே ஸதா³ நிருத்³விக்³ன꞉ ஸ தே³ஹாந்தே விமுச்யதே ॥ 1-23 ॥
ஹ்ருʼத்³யந்த꞉கரணம்ʼ ஜ்ஞேயம்ʼ ஶிவஸ்ய ஆயதனம்ʼ பரம் ।
ஹ்ருʼத்பத்³மம்ʼ வேதி³கா தத்ர லிங்க³மோங்காரமிஷ்யதே ॥ 1-24 ॥
புருஷ꞉ ஸ்தா²பகோ ஜ்ஞேய꞉ ஸத்யம்ʼ ஸம்ʼமார்ஜனம்ʼ ஸ்ம்ருʼதம் ।
அஹிம்ʼஸா கோ³மயம்ʼ ப்ரோக்தம்ʼ ஶாந்திஶ்ச ஸலிலம்ʼ பரம் ॥ 1-25 ॥
குர்யாத்ஸம்ʼமார்ஜனம்ʼ ப்ராஜ்ஞோ வைராக்³யம்ʼ சந்த³னம்ʼ ஸ்ம்ருʼதம் ।
பூஜயேத்³த்⁴யானயோகே³ன ஸந்தோஷை꞉ குஸுமை꞉ ஸிதை꞉ ॥ 1-26 ॥
தூ⁴பஶ்ச கு³க்³கு³லுர்தே³ய꞉ ப்ராணாயாமஸமுத்³ப⁴வ꞉ ।
ப்ரத்யாஹாரஶ்ச நைவேத்³யமஸ்தேயம்ʼ ச ப்ரத³க்ஷிணம் ॥ 1-27 ॥
இதி தி³வ்யோபசாரைஶ்ச ஸம்பூஜ்ய பரமம்ʼ ஶிவம் ।
ஜபேத்³த்⁴யாயேச்ச முக்த்யர்த²ம்ʼ ஸர்வஸங்க³விவர்ஜித꞉ ॥ 1-28 ॥
ஜ்ஞானயோக³விநிர்முக்த꞉ கர்மயோக³ஸமாவ்ருʼத்த꞉ ।
ம்ருʼத꞉ ஶிவபுரம்ʼ க³ச்சே²த்ஸ தேன ஶிவகர்மணா ॥ 1-29 ॥
தத்ர பு⁴க்த்வா மஹாபோ⁴கா³ன்ப்ரலயே ஸர்வதே³ஹினாம் ।
ஶிவத⁴ர்மாச்சி²வஜ்ஞானம்ʼ ப்ராப்ய முக்திமவாப்னுயாத் ॥ 1-30 ॥
ஜ்ஞானயோகே³ன முச்யந்தே தே³ஹபாதாத³னந்தரம் ।
போ⁴கா³ன்பு⁴க்த்வா ச முச்யந்தே ப்ரலயே கர்மயோகி³ன꞉ ॥ 1-31 ॥
தஸ்மாஜ்ஜ்ஞானவிதோ³ யோகா³த்ததா²ஜ்ஞா꞉ கர்மயோகி³ன꞉ ।
ஸர்வ ஏவ விமுச்யந்தே யே நரா꞉ ஶிவமாஶ்ரிதா꞉ ॥ 1-32 ॥
ஸ போ⁴க³꞉ ஶிவவித்³யார்த²ம்ʼ யேஷாம்ʼ கர்மாஸ்தி நிர்மலம் ।
தே போ⁴கா³ன்ப்ராப்ய முச்யந்தே ப்ரலயே ஶிவவித்³யயா ॥ 1-33 ॥
வித்³யா ஸங்கீர்தனீயா ஹி யேஷாம்ʼ கர்ம ந வித்³யதே ।
தே சாவர்த்ய விமுச்யந்தே யாவத்கர்ம ந தத்³ப⁴வேத் ॥ 1-34 ॥
ஶிவஜ்ஞானவித³ம்ʼ தஸ்மாத்பூஜயேத்³விப⁴வைர்கு³ரும் ।
வித்³யாதா³னம்ʼ ச குர்வீத போ⁴க³மோக்ஷஜிகீ³ஷயா ॥ 1-35 ॥
ஶிவயோகீ³ ஶிவஜ்ஞானீ ஶிவஜாபீ தபோ(அ)தி⁴க꞉ ।
க்ரமஶ꞉ கர்மயோகீ³ ச பஞ்சைதே முக்திபா⁴ஜனா꞉ ॥ 1-36 ॥
கர்மயோக³ஸ்ய யன்மூலம்ʼ தத்³வக்ஷ்யாமி ஸமாஸத꞉ ।
லிங்க³மாயதனம்ʼ சேதி தத்ர கர்ம ப்ரவர்ததே ॥ 1-37 ॥
॥ இதி ஶிவோபநிஷதி³ முக்திநிர்தே³ஶாத்⁴யாய꞉ ப்ரத²ம꞉ ॥
அத² பூர்வஸ்தி²தோ லிங்கே³ க³ர்ப⁴꞉ ஸ த்ரிகு³ணோ ப⁴வேத் ।
க³ர்பா⁴த்³வாபி விபா⁴கே³ன ஸ்தா²ப்ய லிங்க³ம்ʼ ஶிவாலயே ॥ 2-1 ॥
யாவல்லிங்க³ஸ்ய தை³ர்க்⁴யம்ʼ ஸ்யாத்தாவத்³வேத்³யாஶ்ச விஸ்தர꞉ ।
லிங்க³த்ருʼதீயபா⁴கே³ன ப⁴வேத்³வேத்³யா꞉ ஸமுச்ச்²ரய꞉ ॥ 2-2 ॥
பா⁴க³மேகம்ʼ ந்யஸேத்³பூ⁴மௌ த்³விதீயம்ʼ வேதி³மத்⁴யத꞉ ।
த்ருʼதீயபா⁴கே³ பூஜா ஸ்வாதி³தி லிங்க³ம்ʼ த்ரிதா⁴ ஸ்தி²தம் ॥ 2-3 ॥
பூ⁴மிஸ்த²ம்ʼ சதுரஶ்ரம்ʼ ஸ்வாத³ஷ்டாஶ்ரம்ʼ வேதி³மத்⁴யத꞉ ।
பூஜார்த²ம்ʼ வர்துலம்ʼ கார்யம்ʼ தை³ர்க்⁴யாத்த்ரிகு³ணவிஸ்தரம் ॥ 2-4 ॥
அதோ⁴பா⁴கே³ ஸ்தி²த꞉ ஸ்கந்த³꞉ ஸ்தி²தா தே³வீ ச மத்⁴யத꞉ ।
ஊர்த்⁴வம்ʼ ருத்³ர꞉ க்ரமாத்³வாபி ப்³ரஹ்மவிஷ்ணுமஹேஶ்வரா꞉ ॥ 2-5 ॥
ஏத ஏவ த்ரயோ லோகா ஏத ஏவ த்ரயோ கு³ணா꞉ ।
ஏத ஏவ த்ரயோ வேதா³ ஏதச்சான்யத்ஸ்தி²தம்ʼ த்ரிதா⁴ ॥ 2-6 ॥
நவஹஸ்த꞉ ஸ்ம்ருʼதோ ஜ்யேஷ்ட²꞉ ஷட்³ட⁴ஸ்தஶ்சாபி மத்⁴யம꞉ ।
வித்³யாத்கனீயஸ்த்ரைஹஸ்தம்ʼ லிங்க³மானமித³ம்ʼ ஸ்ம்ருʼதம் ॥ 2-7 ॥
க³ர்ப⁴ஸ்யானத꞉ ப்ரவிஸ்தாரஸ்ததூ³னஶ்ச ந ஶஸ்யதே ।
க³ர்ப⁴ஸ்யானத꞉ ப்ரவிஸ்தாராத்³தது³பர்யபி ஸம்ʼஸ்தி²தம் ॥ 2-8 ॥
ப்ராஸாத³ம்ʼ கல்பயேச்ச்²ரீமான்விப⁴ஜேத த்ரிதா⁴ புன꞉ ।
பா⁴க³ ஏகோ ப⁴வேஜ்ஜங்கா⁴ த்³வௌ பா⁴கௌ³ மஞ்ஜரீ ஸ்ம்ருʼதா ॥ 2-9 ॥
மஞ்ஜர்யா அர்த⁴பா⁴க³ஸ்த²ம்ʼ ஶுகனாஸம்ʼ ப்ரகல்பயேத் ।
க³ர்பா⁴த³ர்தே⁴ன விஸ்தாரமாயாமம்ʼ ச ஸுஶோப⁴னம் ॥ 2-10 ॥
க³ர்பா⁴த்³வாபி த்ரிபா⁴கே³ன ஶுகனாஸம்ʼ ப்ரகல்பயேத் ।
க³ர்பா⁴த³ர்தே⁴ன விஸ்தீர்ணா க³ர்பா⁴ச்ச த்³விகு³ணாயதா ॥ 2-11 ॥
ஜங்கா⁴பி⁴ஶ்ச ப⁴வேத்கார்யா மஞ்ஜர்யங்கு³லராஶினா ।
ப்ராஸாதா³ர்தே⁴ன விஜ்ஞேயோ மண்ட³பஸ்தஸ்ய வாமத꞉ ॥ 2-12 ॥
மண்ட³பாத்பாத³விஸ்தீர்ணா ஜக³தீ தாவது³ச்ச்²ரிதா ।
ப்ராஸாத³ஸ்ய ப்ரமாணேன ஜக³த்யா ஸார்த⁴மங்க³ணம் ॥ 2-13 ॥
ப்ராகாரம்ʼ தத்ஸமந்தாச்ச கு³புராதா³லபூ⁴ஷிதம் ।
ப்ராகாராந்த꞉ ஸ்தி²தம்ʼ கார்யம்ʼ வ்ருʼஷஸ்தா²னம்ʼ ஸமுச்ச்²ரிதம் ॥ 2-14 ॥
நந்தீ³ஶ்வரமஹாகாலௌ த்³வாரஶாகா²வ்யவஸ்தி²தௌ ।
ப்ராகாராத்³த³க்ஷிணே கார்யம்ʼ ஸர்வோபகரணான்விதம் ॥ 2-15 ॥
பஞ்சபௌ⁴மம்ʼ த்ரிபௌ⁴மம்ʼ வா யோகீ³ந்த்³ராவஸத²ம்ʼ மஹத் ।
ப்ராகாரகு³ப்தம்ʼ தத்கார்யம்ʼ மைத்ரஸ்தா²னஸமன்விதம் ॥ 2-16 ॥
ஸ்தா²நாத்³த³ஶஸமாயுக்தம்ʼ ப⁴வ்யவ்ருʼக்ஷஜலான்விதம் ।
தன்மஹானஸமாக்³னேய்யாம்ʼ பூர்வத꞉ ஸத்த்ரமண்ட³பம் ॥ 2-17 ॥
ஸ்தா²னம்ʼ சண்டே³ஶமைஶான்யாம்ʼ புஷ்பாராமம்ʼ ததோ²த்தரம் ।
கோஷ்டா²கா³ரம்ʼ ச வாயவ்யாம்ʼ வாருண்யாம்ʼ வருணாலயம் ॥ 2-18 ॥
ஶமீந்த⁴னகுஶஸ்தா²னமாயுதா⁴னாம்ʼ ச நைர்ருʼதம் ।
ஸர்வலோகோபகாராய நக³ரஸ்த²ம்ʼ ப்ரகல்பயேத் ॥ 2-19 ॥
ஶ்ரீமதா³யதனம்ʼ ஶம்போ⁴ர்யோகி³னாம்ʼ விஜனே வனே ।
ஶிவஸ்யாயதனே யாவத்ஸமேதா꞉ பரமாணவ꞉ ॥ 2-20 ॥
மன்வந்தராணி தாவந்தி கர்துர்போ⁴கா³꞉ ஶிவே புரே ।
மஹாப்ரதிமலிங்கா³னி மஹாந்த்யாயதனானி ச ॥ 2-21 ॥
க்ருʼத்வாப்னோதி மஹாபோ⁴கா³னந்தே முக்திம்ʼ ச ஶாஶ்வதீம் ।
லிங்க³ப்ரதிஷ்டா²ம்ʼ குர்வீத யதா³ தல்லக்ஷணம்ʼ க்ருʼதீ ॥ 2-22 ॥
பஞ்சக³வ்யேன ஸம்ʼஶோத்⁴ய பூஜயித்வாதி⁴வாஸயேத் ।
பாலாஶோது³ம்ப³ராஶ்வத்த²- ப்ருʼஷதா³ஜ்யதிலைர்யவை꞉ ॥ 2-23 ॥
அக்³னிகார்யம்ʼ ப்ரகுர்வீத த³த்³யாத்பூர்ணாஹுதித்ரயம் ।
ஶிவஸ்யாஷ்டஶதம்ʼ ஹுத்வா லிங்க³மூலம்ʼ ஸ்ப்ருʼஶேத்³பு³த⁴꞉ ॥ 2-24 ॥
ஏவம்ʼ மத்⁴யே (அ)வஸானே தன்மூர்திமந்த்ரைஶ்ச மூர்திஷு ।
அஷ்டௌ மூர்தீஶ்வரா꞉ கார்யா꞉ நவம꞉ ஸ்தா²பக꞉ ஸ்ம்ருʼத꞉ ॥ 2-25 ॥
ப்ராத꞉ ஸம்ʼஸ்தா²பயேல்லிங்க³ம்ʼ மந்த்ரைஸ்து நவபி⁴꞉ க்ரமாத் ।
மஹாஸ்னாபனபூஜாம்ʼ ச ஸ்தா²ப்ய லிங்க³ம்ʼ ப்ரபூஜயேத் ॥ 2-26 ॥
கு³ரோர்மூர்தித⁴ராணாம்ʼ ச த³த்³யாது³த்தமத³க்ஷிணாம் ।
யதீனாம்ʼ ச ஸமஸ்தானாம்ʼ த³த்³யான்மத்⁴யமத³க்ஷிணாம் ॥ 2-27 ॥
தீ³னாந்த⁴க்ருʼபணேப்⁴யஶ்ச ஸர்வாஸாமுபகல்பயேத் ।
ஸர்வப⁴க்ஷ்யான்னபாநாத்³யைரநிஷித்³த⁴ம்ʼ ச போ⁴ஜனம் ॥ 2-28 ॥
கல்பயேதா³க³தானாம்ʼ ச பூ⁴தேப்⁴யஶ்ச ப³லிம்ʼ ஹரேத் ।
ராத்ரௌ மாத்ருʼக³ணானாம்ʼ ச ப³லிம்ʼ த³த்³யாத்³விஶேஷத꞉ ॥ 2-29 ॥
ஏவம்ʼ ய꞉ ஸ்தா²பயேல்லிங்க³ம்ʼ தஸ்ய புண்யப²லம்ʼ ஶ்ருʼணு ।
குலத்ரிம்ʼஶகமுத்³த்⁴ருʼத்ய ப்⁴ருʼத்யைஶ்ச பரிவாரித꞉ ॥ 2-30 ॥
கலத்ரபுத்ரமித்ராத்³யை꞉ ஸஹித꞉ ஸர்வபா³ந்த⁴வை꞉ ।
விமுச்ய பாபகலிலம்ʼ ஶிவலோகம்ʼ வ்ரஜேன்னர꞉ ।
தத்ர பு⁴க்த்வா மஹாபோ⁴கா³ன்ப்ரலயே முக்திமாப்னுயாத் ॥ 2-31 ॥
॥ இதி ஶிவோபநிஷதி³ லிங்கா³யதனாத்⁴யாயோ த்³விதீய꞉ ॥
அதா²ன்யைரல்பவித்தைஶ்ச ந்ருʼபைஶ்ச ஶிவபா⁴விதை꞉ ।
ஶக்தித꞉ ஸ்வாஶ்ரமே கார்யம்ʼ ஶிவஶாந்திக்³ருʼஹத்³வயம் ॥ 3-1 ॥
க்³ருʼஹஸ்யேஶானதி³க்³பா⁴கே³ கார்யமுத்தரதோ (அ)பி வா ।
கா²த்வா பூ⁴மிம்ʼ ஸமுத்³த்⁴ருʼத்ய ஶல்யானாகோட்ய யத்னத꞉ ॥ 3-2 ॥
ஶிவதே³வக்³ருʼஹம்ʼ கார்யமஷ்டஹஸ்தப்ரமாணத꞉ ।
த³க்ஷிணோத்தரதி³க்³பா⁴கே³ கிஞ்சிச்தீ³ர்க⁴ம்ʼ ப்ரகல்பயேத் ॥ 3-3 ॥
ஹஸ்தமாத்ரப்ரமாணம்ʼ ச த்³ருʼட⁴பட்டசதுஷ்டயம் ।
சதுஷ்கோணேஷு ஸம்ʼயோஜ்யமர்க்⁴யபாத்ராதி³ஸம்ʼஶ்ரயம் ॥ 3-4 ॥
க³ர்ப⁴மத்⁴யே ப்ரகுர்வீத ஶிவவேதி³ம்ʼ ஸுஶோப⁴னாம் ।
உத³க³ர்வாக்ச்ச்²ரிதாம்ʼ(?) கிஞ்சிச்சது꞉ஶீர்ஷகஸம்ʼயுதாம் ॥ 3-5 ॥
த்ரிஹஸ்தாயாமவிஸ்தாராம்ஷோட³ஶாங்கு³லமுச்ச்²ரிதாம் ।
தச்சீ²ர்ஷாணீவ ஹஸ்தார்த⁴மாயாமாத்³விஸ்தரேண ச ॥ 3-6 ॥
ஶிவஸ்த²ண்டி³லமித்யேதச்சதுர்ஹஸ்தம்ʼ ஸமம்ʼ ஶிர꞉ ।
மூர்திநைவேத்³யதீ³பானாம்ʼ விந்யாஸார்த²ம்ʼ ப்ரகல்பயேத் ॥ 3-7 ॥
ஶைவலிங்கே³ன கார்யம்ʼ ஸ்யாத்கார்யம்ʼ மணிஜபார்தி²வை꞉ ।
ஸ்த²ண்டி³லார்தே⁴ ச குர்வந்தி வேதி³மன்யாம்ʼ ஸவர்துலாம் ॥ 3-8 ॥
ஷோட³ஶாங்கு³லமுத்ஸேதா⁴ம்ʼ விஸ்தீர்ணாம்ʼ த்³விகு³ணேன ச ।
க்³ருʼஹே ந ஸ்தா²பயேச்சை²லம்ʼ லிங்க³ம்ʼ மணிஜமர்சயேத் ॥ 3-9 ॥
த்ரிஸந்த்⁴யம்ʼ பார்தி²வம்ʼ வாபி குர்யாத³ன்யத்³தி³னேதி³னே ।
ஸர்வேஷாமேவ வர்ணானாம்ʼ ஸ்பா²டிகம்ʼ ஸர்வகாமத³ம் ॥ 3-10 ॥
ஸர்வதோ³ஷவிநிர்முக்தமன்யதா² தோ³ஷமாவஹேத் ।
ஆயுஷ்மான்ப³லவாஞ்ஶ்ரீமான்புத்ரவாந்த⁴னவான்ஸுகீ² ॥ 3-11 ॥
வரமிஷ்டம்ʼ ச லப⁴தே லிங்க³ம்ʼ பார்தி²வமர்சயன் ।
தஸ்மாத்³தி⁴ பார்தி²வம்ʼ லிங்க³ம்ʼ ஜ்ஞேயம்ʼ ஸர்வார்த²ஸாத⁴கம் ॥ 3-12 ॥
நிர்தோ³ஷம்ʼ ஸுலப⁴ம்ʼ சைவ பூஜயேத்ஸததம்ʼ பு³த⁴꞉ ।
யதா² யதா² மஹாலிங்க³ம்ʼ பூஜா ஶ்ரத்³தா⁴ யதா² யதா² ॥ 3-13 ॥
ததா² ததா² மஹத்புண்யம்ʼ விஜ்ஞேயமனுரூபத꞉ ।
ப்ரதிமாலிங்க³வேதீ³ஷு யாவந்த꞉ பரமாணவ꞉ ।
தாவத்கல்பான்மஹாபோ⁴க³ஸ்தத்கர்தாஸ்தே ஶிவே புரே ॥ 3-14 ॥
॥ இதி ஶிவோபநிஷதி³ ஶிவக்³ருʼஹாத்⁴யாயஸ்த்ருʼதீய꞉ ॥
அதை²கபி⁴ன்னாவிச்சி²ன்னம்ʼ புரத꞉ ஶாந்திமண்ட³பம் ।
பூர்வாபராஷ்டஹஸ்தம்ʼ ஸ்யாத்³த்³வாத³ஶோத்தரத³க்ஷிணே ॥ 4-1 ॥
தத்³த்³வாரபி⁴த்திஸம்ப³த்³த⁴ம்ʼ கபிச்சு²கஸமாவ்ருʼதம் ।
படத்³வயம்ʼ ப⁴வேத்ஸ்தா²ப்ய ஸ்ருவாத்³யாவாரஹேதுனா ॥ 4-2 ॥
த்³வாரம்ʼ த்ரிஶாக²ம்ʼ விஜ்ஞேயம்ʼ நவத்யங்கு³லமுச்ச்²ரிதம் ।
தத³ர்தே⁴ன ச விஸ்தீர்ணம்ʼ ஸத்கவாடம்ʼ ஶிவாலயே ॥ 4-3 ॥
தீ³ர்க⁴ம்ʼ பஞ்சனவத்யா ச பஞ்சஶாகா²ஸுஶோபி⁴தம் ।
ஸத்கவாடத்³வயோபேதம்ʼ ஶ்ரீமத்³வாஹனமண்டபம் ॥ 4-4 ॥
த்³வாரம்ʼ பஶ்சான்முக²ம்ʼ ஜ்ஞேயமஶேஷார்த²ப்ரஸாத⁴கம் ।
அபா⁴வே ப்ராங்முக²ம்ʼ கார்யமுத³க்³த³க்ஷிணதோ ந ச ॥ 4-5 ॥
க³வாக்ஷகத்³வயம்ʼ கார்யமபிதா⁴னம்ʼ ஸுஶோப⁴னம் ।
தூ⁴மநிர்க³மனார்தா²ய த³க்ஷிணோத்தரகுட்³யயோ꞉ ॥ 4-6 ॥
ஆக்³னேயபா⁴கா³த்பரித꞉ கார்யா ஜாலக³வாக்ஷகா꞉ ।
ஊர்த்⁴வஸ்தூபிகயா யுக்தா ஈஷச்சி²த்³ரபிதா⁴னயா ॥ 4-7 ॥
ஶிவாக்³னிஹோத்ரகுண்ட³ம்ʼ ச வ்ருʼத்தம்ʼ ஹஸ்தப்ரமாணத꞉ ।
சதுரஶ்ரவேதி³(kA) ஶ்ரீமன்மேக²லாத்ரயபூ⁴ஷிதம் ॥ 4-8 ॥
குட்³யம்ʼ த்³விஹஸ்தவிஸ்தீருʼணம்ʼ பஞ்சஹஸ்தஸமுச்ச்²ரிதம் ।
ஶிவாக்³னிஹோத்ரஶரணம்ʼ கர்தவ்யமதிஶோப⁴னம் ॥ 4-9 ॥
ஜக³தீஸ்தம்ப⁴பட்டாத்³யம்ʼ ஸப்தஸங்க்²யம்ʼ ச கல்பயேத் ।
ப³ந்த⁴யோக³விநிர்முக்தம்ʼ துல்யஸ்தா²னபதா³ந்தரம் ॥ 4-10 ॥
ஐஷ்டகம்ʼ கல்பயேத்³யத்னாச்சி²வாக்³ந்யாயதனம்ʼ மஹத் ।
சது꞉ப்ரேகீ³வகோபேதம்(?) ஏகப்ரேகீ³வகேன வா(?) ॥ 4-11 ॥
ஸுதா⁴ப்ரலிப்தம்ʼ கர்தவ்யம்ʼ பஞ்சாண்ட³கபி³பூ⁴ஷிதம் ।
ஶிவாக்³னிஹோத்ரஶரணம்ʼ சதுரண்ட³கஸம்ʼயுதம் ॥ 4-12 ॥
ப³ஹிஸ்ததே³வ ஜக³தீ த்ரிஹஸ்தா வா ஸுகுட்டிமா ।
தாவதே³வ ச விஸ்தீர்ணா மேக²லாதி³விபூ⁴ஷிதா ॥ 4-13 ॥
கர்தவ்யா சாத்ர ஜக³தீ தஸ்யாஶ்சாத⁴꞉ ஸமந்தத꞉ ।
த்³விஹஸ்தமாத்ரவிஸ்தீர்ணா தத³ர்தா⁴ர்த⁴ஸமுச்ச்²ரிதா ॥ 4-14 ॥
அன்யா வ்ருʼத்தா ப்ரகர்தவ்யா ருத்³ரவேதீ³ ஸுஶோப⁴னா ।
த³ஶஹஸ்தப்ரமாணா ச சதுரங்கு³லமுச்ச்²ரிதா ॥ 4-15 ॥
ருத்³ரமாத்ருʼக³ணானாம்ʼ ச தி³க்பதீனாம்ʼ ச ஸர்வதா³ ।
ஸர்வாக்³ரபாகஸம்ʼயுக்தம்ʼ தாஸு நித்யப³லிம்ʼ ஹரேத் ॥ 4-16 ॥
வேத்³யன்யா ஸர்வபூ⁴தானாம்ʼ ப³ஹி꞉ கார்யா த்³விஹஸ்திகா ।
வ்ருʼஷஸ்தா²னம்ʼ ச கர்தவ்யம்ʼ ஶிவாலோகனஸம்ʼமுக²ம் ॥ 4-17 ॥
அக்³ரார்ஷஸவிதுர்வ்யோம வ்ருʼஷ꞉ கார்யஶ்ச பஶ்சிமே ।
வ்யோம்னஶ்சாத⁴ஸ்த்ரிக³ர்ப⁴ம்ʼ ஸ்யாத்பித்ருʼதர்பணவேதி³கா ॥ 4-18 ॥
ப்ராகாராந்தர்ப³ஹி꞉ கார்யம்ʼ ஶ்ரீமத்³கோ³புரபூ⁴ஷிதம் ।
புஷ்பாராமஜலோபேதம்ʼ ப்ராகாராந்தம்ʼ ச காரயேத் ॥ 4-19 ॥
ம்ருʼத்³தா³ருஜம்ʼ த்ருʼணச்ச²ன்னம்ʼ ப்ரகுர்வீத ஶிவாலயம் ।
பூ⁴மிகாத்³வயவிந்யாஸாது³த்க்ஷிப்தம்ʼ கல்பயேத்³பு³த⁴꞉ ॥ 4-20 ॥
ஶிவத³க்ஷிணத꞉ கார்யம்ʼ தபு⁴க்தேர்யோக்³யமாலயம் ।
ஶய்யாஸனஸமாயுக்தம்ʼ வாஸ்துவித்³யாவிநிர்மிதம் ॥ 4-21 ॥
த்⁴வஜஸிம்ʼஹௌ வ்ருʼஷக³ஜௌ சத்வார꞉ ஶோப⁴னா꞉ ஸ்ம்ருʼதா꞉ ।
தூ⁴மஶ்வக³ர்த³ப⁴த்⁴வாங்க்ஷாஶ்சத்வாரஶ்சார்த²நாஶகா꞉ ॥ 4-22 ॥
க்³ருʼஹஸ்யாயாமவிஸ்தாரம்ʼ க்ருʼத்வா த்ரிகு³ணமாதி³த꞉ ।
அஷ்டபி⁴꞉ ஶோத⁴யேதா³பை꞉ ஶேஷஶ்ச க்³ருʼஹமாதி³ஶேத் ॥ 4-23 ॥
இதி ஶாந்திக்³ருʼஹம்ʼ க்ருʼத்வா ருத்³ராக்³னிம்ʼ ய꞉ ப்ரவர்தயேத் ।
அப்யேகம்ʼ தி³வஸம்ʼ ப⁴க்த்யா தஸ்ய புண்யப²லம்ʼ ஶ்ருʼணு ॥ 4-24 ॥
கலத்ரபுத்ரமித்ராத்³யை꞉ ஸ ப்⁴ருʼத்யை꞉ பரிவாரித꞉ ।
குலைகவிம்ʼஶது³த்தார்ய தே³வலோகமவாப்னுயாத் ॥ 4-25 ॥
நீலோத்பலத³லஶ்யாமா꞉ பீனவ்ருʼத்தபயோத⁴ரா꞉ ।
ஹேமவர்ணா꞉ ஸ்த்ரியஶ்சான்யா꞉ ஸுந்த³ர்ய꞉ ப்ரியத³ர்ஶனா꞉ ॥ 4-26 ॥
தாபி⁴꞉ ஸார்த⁴ம்ʼ மஹாபோ⁴கை³ர்விமானை꞉ ஸார்வகாமிகை꞉ ।
இச்ச²யா க்ரீட³தே தாவத்³யாவதா³பூ⁴தஸம்ப்லவம் ॥ 4-27 ॥
தத꞉ கல்பாக்³னினா ஸார்த⁴ம்ʼ த³ஹ்யமானம்ʼ ஸுவிஹ்வலம் ।
த்³ருʼஷ்ட்வா விரஜ்யதே பூ⁴யோ ப⁴வபோ⁴க³மஹார்ணவாத் ॥ 4-28 ॥
தத꞉ ஸம்ப்ருʼச்ச²தே ருத்³ராம்ʼஸ்தத்ரஸ்தா²ன்ஜ்ஞானபாரகா³ன் ।
தேப்⁴ய꞉ ப்ராப்ய ஶிவஜ்ஞானம்ʼ ஶாந்தம்ʼ நிர்வாணமாப்னுயாத் ॥ 4-29 ॥
அவிரக்தஶ்ச போ⁴கே³ப்⁴ய꞉ ஸப்த ஜன்மானி ஜாயதே ।
ப்ருʼதி²வ்யதி⁴பதி꞉ ஶ்ரீமானிச்ச²யா வா த்³விஜோத்தம꞉ ॥ 4-30 ॥
ஸப்தமாஜ்ஜன்மனஶ்சாந்தே ஶிவஜ்ஞானமனாப்னுயாத் ।
ஜ்ஞாநாத்³விரக்த꞉ ஸம்ʼஸாராச்சு²த்³த⁴꞉ கா²ன்யதி⁴திஷ்ட²தி ॥ 4-31 ॥
இத்யேதத³கி²லம்ʼ கார்யம்ʼ ப²லமுக்தம்ʼ ஸமாஸத꞉ ।
உத்ஸவே ச புனர்ப்³ரூம꞉ ப்ரத்யேகம்ʼ த்³ரவ்யஜம்ʼ ப²லம் ॥ 4-32 ॥
ஸத்³க³ந்த⁴கு³டிகாமேகாம்ʼ லாக்ஷாம்ʼ ப்ராண்யங்க³வர்ஜிதாம் ।
கர்பாஸாஸ்தி²ப்ரமாணம்ʼ ச ஹுத்வாக்³னௌ ஶ்ருʼணுயாத்ப²லம் ॥ 4-33 ॥
யாவத்ஸத்க³ந்த⁴கு³டிகா ஶிவாக்³னௌ ஸங்க்²யயா ஹுதா ।
தாவத்கோட்யஸ்து வர்ஷாணி போ⁴கா³ன்பு⁴ங்க்தே ஶிவே புரே ॥ 4-34 ॥
ஏகாங்கு³லப்ரமாணேன ஹுத்வாக்³னௌ சந்த³னாஹுதிம் ।
வர்ஷகோடித்³வயம்ʼ போ⁴கை³ர்தி³வ்யை꞉ ஶிவபுரே வஸேத் ॥ 4-35 ॥
யாவத்கேஸரஸங்க்²யானம்ʼ குஸுமஸ்யானலே ஹுதம் ।
தாவத்³யுக³ஸஹஸ்ராணி ஶிவலோகே மஹீயதே ॥ 4-36 ॥
நாக³கேஸரபுஷ்பம்ʼ து குங்குமார்தே⁴ன கீர்திதம் ।
யத்ப²லம்ʼ சந்த³னஸ்யோக்தமுஶீரஸ்ய தத³ர்த⁴கம் ॥ 4-37 ॥
யத்புஷ்பதூ⁴பப⁴ஷ்யான்ன- த³தி⁴க்ஷீரக்⁴ருʼதாதி³பி⁴꞉ ।
புண்யலிங்கா³ர்சனே ப்ரோக்தம்ʼ தத்³தோ⁴மஸ்ய த³ஶாதி⁴கம் ॥ 4-38 ॥
ஹுத்வாக்³னௌ ஸமித⁴ஸ்திஸ்ரௌ ஶிவோமாஸ்கந்த³நாமபி⁴꞉ ।
பஶ்சாத்³த³த்³யாத்திலான்னானி ஹோமயீத யதா²க்ரமம் ॥ 4-39 ॥
பலாஶாங்குரஜாரிஷ்ட- பாலால்ய꞉(?) ஸமித⁴꞉ ஶுபா⁴꞉ ।
ப்ருʼஷதா³ஜ்யப்லுதா ஹுத்வா ஶ்ருʼணு யத்ப²லமாப்னுயாத் ॥ 4-40 ॥
பலாஶாங்குரஸங்க்²யானாம்ʼ யாவத³க்³னௌ ஹுதம்ʼ ப⁴வேத் ।
தாவத்கல்பான்மஹாபோ⁴கை³꞉ ஶிவலோகே மஹீயதே ॥ 4-41 ॥
தல்லக்ஷ்யமத்⁴யஸம்பூ⁴தம்ʼ ஹுத்வாக்³னௌ ஸமித⁴꞉ ஶுபா⁴꞉ ।
கல்பார்த⁴ஸம்ʼமிதம்ʼ காலம்ʼ போ⁴கா³ன்பு⁴ங்க்தே ஶிவே புரே ॥ 4-42 ॥
ஶமீஸமித்ப²லம்ʼ தே³யமப்³தா³னபி ச லக்ஷகம் ।
ஶம்யர்த⁴ப²லவச்சே²ஷா꞉ ஸமித⁴꞉ க்ஷீரவ்ருʼக்ஷஜா꞉ ॥ 4-43 ॥
திலஸங்க்²யாம்ʼஸ்திலான்ஹுத்வா ஹ்யாஜ்யாக்தா(?) யாவதீ ப⁴வேத் ।
தாவத்ஸ வர்ஷலக்ஷாம்ʼஸ்து போ⁴கா³ன்பு⁴ங்க்தே ஶிவே புரே ॥ 4-44 ॥
யாவத்ஸுரௌஷதீ⁴ரஜ்ஞஸ்(?) திலதுல்யப²லம்ʼ ஸ்ம்ருʼதம் ।
இதரேப்⁴யஸ்திலேப்⁴யஶ்ச க்ருʼஷ்ணானாம்ʼ த்³விகு³ணம்ʼ ப²லம் ॥ 4-45 ॥
லாஜாக்ஷதா꞉ ஸகோ³தூ⁴மா꞉ வர்ஷலக்ஷப²லப்ரதா³꞉ ।
த³ஶஸாஹஸ்ரிகா ஜ்ஞேயா꞉ ஶேஷா꞉ ஸ்யுர்பீ³ஜஜாதய꞉ ॥ 4-46 ॥
பலாஶேந்த⁴னஜே வஹ்னௌ ஹோமஸ்ய த்³விகு³ணம்ʼ ப²லம் ।
க்ஷீரவ்ருʼக்ஷஸம்ருʼத்³தே⁴ (அ)க்³னௌ ப²லம்ʼ ஸார்தா⁴ர்தி⁴கம்ʼ ப⁴வேத் ॥ 4-47 ॥
அஸமித்³தே⁴ ஸதூ⁴மே ச ஹோமகர்ம நிரர்த²கம் ।
அந்த⁴ஶ்ச ஜாயமான꞉ ஸ்யாத்³தா³ரித்³ர்யோபஹதஸ்ததா² ॥ 4-48 ॥
ந ச கண்டகிபி⁴ர்வ்ருʼக்ஷைரக்³னிம்ʼ ப்ரஜ்வால்ய ஹோமயேத் ।
ஶுஷ்கைர்னவை꞉ ப்ரஶஸ்தைஶ்ச காஷ்டை²ரக்³னிம்ʼ ஸமிந்த⁴யேத் ॥ 4-49 ॥
ஏவமாஜ்யாஹுதிம்ʼ ஹுத்வா ஶிவலோகமவாப்னுயாத் ।
தத்ர கல்பஶதம்ʼ போ⁴கா³ன்பு⁴ங்க்தே தி³வ்யான்யதே²ப்ஸிதான் ॥ 4-50 ॥
ஸ்ருசைகாஹிதமாத்ரேண வ்ரதஸ்யாபூரிதேன ச ।
யாஹுதிர்தீ³யதே வஹ்னௌ ஸா பூர்ணாஹுதிருச்யதே ॥ 4-51 ॥
ஏகாம்ʼ பூர்ணாஹுதிம்ʼ ஹுத்வா ஶிவேன ஶிவபா⁴வித꞉ ।
ஸர்வகாமமவாப்னோதி ஶிவலோகே வ்யவஸ்தி²த꞉ ॥ 4-52 ॥
அஶேஷகுலஜைர்ஸார்த⁴ம்ʼ ஸ ப்⁴ருʼத்யை꞉ பரிவாரித꞉ ।
ஆபூ⁴தஸம்ப்லவம்ʼ யாவத்³போ⁴கா³ன்பு⁴ங்க்தே யதே²ப்ஸிதான் ॥ 4-53 ॥
ததஶ்ச ப்ரலயே ப்ராப்தே ஸம்ப்ராப்ய ஜ்ஞானமுத்தமம் ।
ப்ரஸாதா³தீ³ஶ்வரஸ்யைவ முச்யதே ப⁴வஸாக³ராத் ॥ 4-54 ॥
ஶிவபூர்ணாஹுதிம்ʼ வஹ்னௌ பதந்தீம்ʼ ய꞉ ப்ரபஶ்யதி ।
ஸோ (அ)பி பாபரி நர꞉ ஸர்வைர்முக்த꞉ ஶிவபுரம்ʼ வ்ரஜேத் ॥ 4-55 ॥
ஶிவாக்³நிதூ⁴மஸம்ʼஸ்ப்ருʼஷ்டா ஜீவா꞉ ஸர்வே சராசரா꞉ ।
தே (அ)பி பாபவிநிர்முக்தா꞉ ஸ்வர்க³ம்ʼ யாந்தி ந ஸம்ʼஶய꞉ ॥ 4-56 ॥
ஶிவயஜ்ஞமஹாவேத்³யா ஜாயதே யே ந ஸந்தி வா ।
தே (அ)பி யாந்தி ஶிவஸ்தா²னம்ʼ ஜீவா꞉ ஸ்தா²வரஜங்க³மா꞉ ॥ 4-57 ॥
பூர்ணாஹுதிம்ʼ க்⁴ருʼதாபா⁴வே க்ஷீரதைலேன கல்பயேத் ।
ஹோமயேத³தஸீதைலம்ʼ திலதைலம்ʼ வினா நர꞉ ॥ 4-58 ॥
ஸர்ஷபேங்கு³டி³காஶாம்ர- கரஞ்ஜமது⁴காக்ஷஜம் ।
ப்ரியங்கு³பி³ல்வபைப்பல்ய- நாலிகேரஸமுத்³ப⁴வம்(?) ॥ 4-59 ॥
இத்யேவமாதி³கம்ʼ தைலமாஜ்யாபா⁴வே ப்ரகல்பயேத் ।
தூ³ர்வயா பி³ல்வபத்த்ரைர்வா ஸமித⁴꞉ ஸம்ப்ரகீர்திதா꞉ ॥ 4-60 ॥
அன்னார்த²ம்ʼ ஹோமயேத்க்ஷீரம்ʼ த³தி⁴ மூலப²லானி வா ।
திலார்த²ம்ʼ தண்டு³லை꞉ குர்யாத்³த³ர்பா⁴ர்த²ம்ʼ ஹரிதைஸ்த்ருʼணை꞉ ॥ 4-61 ॥
பரிதீ⁴நாமபா⁴வேன ஶரைர்வம்ʼஶைஶ்ச கல்பயேத் ।
இந்த⁴னாநாமபா⁴வேன தீ³பயேத்த்ருʼணகோ³மயை꞉ ॥ 4-62 ॥
கோ³மயாநாமபா⁴வேன மஹத்யம்ப⁴ஸி ஹோமயேத் ।
அபாமஸம்ப⁴வே ஹோமம்ʼ பூ⁴மிபா⁴கே³ மனோஹரே ॥ 4-63 ॥
விப்ரஸ்ய த³க்ஷிணே பாணாவஶ்வத்தே² தத³பா⁴வத꞉ ।
சா²க³ஸ்ய த³க்ஷிணே கர்ணே குஶமூலே ச ஹோமயேத் ॥ 4-64 ॥
ஸ்வாத்மாக்³னௌ ஹோமயேத்ப்ராஜ்ஞ꞉ ஸர்வாக்³னீநாமஸம்ப⁴வே ।
அபா⁴வே ந த்யஜேத்கர்ம கர்மயோக³விதௌ⁴ ஸ்தி²த꞉ ॥ 4-65 ॥
ஆபத்காலே (அ)பி ய꞉ குர்யாச்சி²வாக்³னேர்மனஸார்சனம் ।
ஸ மோஹகஞ்சுகம்ʼ த்யக்த்வா பராம்ʼ ஶாந்திமவாப்னுயாத் ॥ 4-66 ॥
ப்ராணாக்³னிஹோத்ரம்ʼ குர்வந்தி பரமம்ʼ ஶிவயோகி³ன꞉ ।
பா³ஹ்யகர்மவிநிர்முக்தா ஜ்ஞானத்⁴யானஸமாகுலா꞉ ॥ 4-67 ॥
॥ இதி ஶிவோபநிஷதி³ ஶாந்திக்³ருʼஹாக்³னிகார்யாத்⁴யாயஶ்சதுர்த²꞉ ॥
அதா²க்³னேயம்ʼ மஹாஸ்னானமலக்ஷ்மீமலநாஶனம் ।
ஸர்வபாபஹரம்ʼ தி³வ்யம்ʼ தப꞉ ஶ்ரீகீர்திவர்த⁴னம் ॥ 5-1 ॥
அக்³நிரூபேண ருத்³ரேண ஸ்வதேஜ꞉ பரமம்ʼ ப³லம் ।
பூ⁴திரூபம்ʼ ஸமுத்³கீ³ர்ணம்ʼ விஶுத்³த⁴ம்ʼ து³ரிதாபஹம் ॥ 5-2 ॥
யக்ஷரக்ஷ꞉பிஶாசானாம்ʼ த்⁴வம்ʼஸனம்ʼ மந்த்ரஸத்க்ருʼதம் ।
ரக்ஷார்த²ம்ʼ பா³லரூபாணாம்ʼ ஸூதிகானாம்ʼ க்³ருʼஹேஷு ச ॥ 5-3 ॥
யஶ்ச பு⁴ங்க்தே த்³விஜ꞉ க்ருʼத்வா அன்னஸ்ய வா பரிதி⁴த்ரயம்(?) ।
அபி ஶூத்³ரஸ்ய பங்க்திஸ்த²꞉ பங்க்திதோ³ஷைர்ன லிப்யதே ॥ 5-4 ॥
ஆஹாரமர்த⁴பு⁴க்தம்ʼ ச கீடகேஶாதி³தூ³ஷிதம் ।
தாவன்மாத்ரம்ʼ ஸமுத்³த்⁴ருʼத்ய பூ⁴திஸ்ப்ருʼஷ்டம்ʼ விஶுத்³த்⁴யதி ॥ 5-5 ॥
ஆரண்யம்ʼ கோ³மயக்ருʼதம்ʼ கரீஷம்ʼ வா ப்ரஶஸ்யதே ।
ஶர்கராபாம்ʼஸுநிர்முக்தமபா⁴வே காஷ்ட²ப⁴ஸ்மனா ॥ 5-6 ॥
ஸ்வக்³ருʼஹாஶ்ரமவல்லிப்⁴ய꞉ குலாலாலயப⁴ஸ்மனா ।
கோ³மயேஷு ச த³க்³தே⁴ஷு ஹீஷ்டகானி ச யேஷு ச ॥ 5-7 ॥
ஸர்வத்ர வித்³யதே ப⁴ஸ்ம து³꞉கா²பார்ஜநரக்ஷணம்(duHkhopAr) ।
ஶங்க²குந்தே³ந்து³வர்ணாப⁴மாத³த்³யாஜ்ஜந்துவர்ஜிதம் ॥ 5-8 ॥
ப⁴ஸ்மானீய ப்ரயத்னேன தத்³ரக்ஷேத்³யத்னவாம்ʼஸ்ததா² ।
மார்ஜாரமூஷிகாத்³யைஶ்ச நோபஹன்யேத தத்³யதா² ॥ 5-9 ॥
பஞ்சதோ³ஷவிநிர்முக்தம்ʼ கு³ணபஞ்சகஸம்ʼயுதம் ।
ஶிவைகாத³ஶிகாஜப்தம்ʼ ஶிவப⁴ஸ்ம ப்ரகீர்திதம் ॥ 5-10 ॥
ஜாதிகாருகவாக்காய- ஸ்தா²னது³ஷ்டம்ʼ ச பஞ்சமம் ।
பாபக்⁴னம்ʼ ஶாங்கரம்ʼ ரக்ஷா- பவித்ரம்ʼ யோக³த³ம்ʼ கு³ணா꞉(?) ॥ 5-11 ॥
ஶிவவ்ரதஸ்ய ஶாந்தஸ்ய பா⁴ஸகத்வாச்சு²ப⁴ஸ்ய ச ।
ப⁴க்ஷணாத்ஸர்வபாபானாம்ʼ ப⁴ஸ்மேதி பரிகீர்திதம் ॥ 5-12 ॥
ப⁴ஸ்மஸ்னானம்ʼ ஶிவஸ்னானம்ʼ வாருணாத³தி⁴கம்ʼ ஸ்ம்ருʼதம் ।
ஜந்துஶைவாலநிர்முக்தமாக்³னேயம்ʼ பங்கவர்ஜிதம் ॥ 5-13 ॥
அபவித்ரம்ʼ ப⁴வேத்தோயம்ʼ நிஶி பூர்வமனாஹ்ருʼதம் ।
நதீ³தடா³க³வாபிஷு கி³ரிப்ரஸ்ரவணேஷு ச ॥ 5-14 ॥
ஸ்னானம்ʼ ஸாதா⁴ரணம்ʼ ப்ரோக்தம்ʼ வாருணம்ʼ ஸர்வதே³ஹினாம் ।
அஸாதா⁴ரணமேவோக்தம்ʼ ப⁴ஸ்மஸ்னானம்ʼ த்³விஜன்மனாம் ॥ 5-15 ॥
த்ரிகாலம்ʼ வாருணஸ்னாநாத³னாரோக்³யம்ʼ ப்ரஜாயதே ।
ஆக்³னேயம்ʼ ரோக³ஶமனமேதஸ்மாத்³ஸார்வகாமிகம் ॥ 5-16 ॥
ஸந்த்⁴யாத்ரயே (அ)ர்த⁴ராத்ரே ச பு⁴க்த்வா சான்னவிரேசனே ।
ஶிவயோக்³யாசரேத்ஸ்னானமுச்சாராதி³க்ரியாஸு ச ॥ 5-17 ॥
ப⁴ஸ்மாஸ்த்ருʼதே மஹீபா⁴கே³ ஸமே ஜந்துவிவர்ஜிதே ।
த்⁴யாயமான꞉ ஶிவம்ʼ யோகீ³ ரஜன்யந்தம்ʼ ஶயீத ச ॥ 5-18 ॥
ஏகராத்ரோஷிதஸ்யாபி யா க³திர்ப⁴ஸ்மஶாயின꞉ ।
ந ஸா ஶக்யா க்³ருʼஹஸ்தே²ன ப்ராப்தும்ʼ யஜ்ஞஶதைரபி ॥ 5-19 ॥
க்³ருʼஹஸ்த²ஸ்த்ர்யாயுஷோங்காரை꞉ ஸ்னானம்ʼ குர்யாத்த்ரிபுண்ட்³ரகை꞉ ।
யதி꞉ ஸார்வாங்கி³கம்ʼ ஸ்னானமாபாத³தலமஸ்தகாத் ॥ 5-20 ॥
ஶிவப⁴க்தஸ்த்ரிதா⁴ வேத்³யாம்ʼ ப⁴ஸ்மஸ்னானப²லம்ʼ லபே⁴த் ।
ஹ்ருʼதி³ மூர்த்⁴னி லலாடே ச ஶூத்³ர꞉ ஶிவக்³ருʼஹாஶ்ரமீ ॥ 5-21 ॥
க³ணா꞉ ப்ரவ்ரஜிதா꞉ ஶாந்தா꞉ பூ⁴திமாலப்⁴ய பஞ்சதா⁴ ।
ஶிரோலலாடே ஹ்ருʼத்³பா³ஹ்வோர்ப⁴ஸ்மஸ்னானப²லம்ʼ லபே⁴த் ॥ 5-22 ॥
ஸம்ʼவத்ஸரம்ʼ தத³ர்த⁴ம்ʼ வா சதுர்த³ஶ்யஷ்டமீஷு ச ।
ய꞉ குர்யாத்³ப⁴ஸ்மனா ஸ்னானம்ʼ தஸ்ய புண்யப²லம்ʼ ஶ்ருʼனு ॥ 5-23 ॥
ஶிவப⁴ஸ்மனி யாவந்த꞉ ஸமேதா꞉ பரமாணவ꞉ ।
தாவத்³வர்ஷஸஹஸ்ராணி ஶிவலோகே மஹீயதே ॥ 5-24 ॥
ஏகவிம்ʼஶகுலோபேத꞉ பத்னீபுத்ராதி³ஸம்ʼயுத꞉ ।
மித்ரஸ்வஜனப்⁴ருʼத்யைஶ்ச ஸமஸ்தை꞉ பரிவாரித꞉ ॥ 5-25 ॥
தத்ர பு⁴க்த்வா மஹாபோ⁴கா³னிச்ச²யா ஸார்வகாமிகான் ।
ஜ்ஞானயோக³ம்ʼ ஸமாஸாத்³ய ப்ரலயே முக்திமாப்னுயாத் ॥ 5-26 ॥
ப⁴ஸ்ம ப⁴ஸ்மாந்திகம்ʼ யேன க்³ருʼஹீதம்ʼ நைஷ்டி²கவ்ரதம்(?) ।
அனேன வை ஸ தே³ஹேன ருத்³ரஶ்சங்க்ரமதே க்ஷிதௌ ॥ 5-27 ॥
ப⁴ஸ்மஸ்னானரதம்ʼ ஶாந்தம்ʼ யே நமந்தி தி³னே தி³னே ।
தே ஸர்வபாபநிர்முக்தா நரா யாந்தி ஶிவம்ʼ புரம் ॥ 5-28 ॥
இத்யேதத்பரமம்ʼ ஸ்னானமாக்³னேயம்ʼ ஶிவநிர்மிதம் ।
த்ரிஸந்த்⁴யமாசரேந்நித்யம்ʼ ஜாபீ யோக³மவாப்னுயாத் ॥ 5-29 ॥
ப⁴ஸ்மானீய ப்ரத³த்³யாத்³ய꞉ ஸ்னானார்த²ம்ʼ ஶிவயோகி³னே ।
கல்பம்ʼ ஶிவபுரே போ⁴கா³ன்பு⁴க்த்வாந்தே ஸ்யாத்³த்³விஜோத்தம꞉ ॥ 5-30 ॥
ஆக்³னேயம்ʼ வாருணம்ʼ மாந்த்ரம்ʼ வாயவ்யம்ʼ த்வைந்த்³ரபஞ்சமம் ।
மானஸம்ʼ ஶாந்திதோயம்ʼ ச ஜ்ஞானஸ்னானம்ʼ ததா²ஷ்டமம் ॥ 5-31 ॥
ஆக்³னேயம்ʼ ருத்³ரமந்த்ரேண ப⁴ஸ்மஸ்னானமனுத்தமம் ।
அம்ப⁴ஸா வாருணம்ʼ ஸ்னானம்கார்யம்ʼ வாருணமூர்தினா ॥ 5-32 ॥
மூர்தா⁴னம்ʼ பாணினாலப்⁴ய ஶிவைகாத³ஶிகாம்ʼ ஜபேத் ।
த்⁴யாயமான꞉ ஶிவம்ʼ ஶாந்தம்மந்த்ரஸ்னானம்ʼ பரம்ʼ ஸ்ம்ருʼதம் ॥ 5-33 ॥
க³வாம்ʼ கு²ரபுடோத்கா²த- பவனோத்³தூ⁴தரேணுனா ।
கார்யம்ʼ வாயவ்யகம்ʼ ஸ்னானம்மந்த்ரேண மருதா³த்மனா ॥ 5-34 ॥
வ்யப்⁴ரே (அ)ர்கே வர்ஷதி ஸ்னானம்ʼ குர்யாதை³ந்த்³ரீம்ʼ தி³ஶம்ʼ ஸ்தி²த꞉ ।
ஆகாஶமூர்திமந்த்ரேண ததை³ந்த்³ரமிதி கீர்திதம் ॥ 5-35 ॥
உத³கம்ʼ பாணினா க்³ருʼஹ்ய ஸர்வதீர்தா²னி ஸம்ʼஸ்மரேத் ।
அப்⁴யுக்ஷயேச்சி²ரஸ்தேன ஸ்னானம்ʼ மானஸமுச்யதே ॥ 5-36 ॥
ப்ருʼதி²வ்யாம்ʼ யானி தீர்தா²னி ஸராம்ʼஸ்யாயதனானி ச ।
தேஷு ஸ்னாதஸ்ய யத்புண்யம்ʼ தத்புண்யம்ʼ க்ஷாந்திவாரிணா ॥ 5-37 ॥
ந ததா² ஶுத்⁴யதே தீர்தை²ஸ்தபோபி⁴ர்வா மஹாத்⁴வரை꞉ ।
புருஷ꞉ ஸர்வதா³னைஶ்ச யதா² க்ஷாந்த்யா விஶுத்³த்⁴யதி ॥ 5-38 ॥
ஆக்ருஷ்டஸ்தாடி³தஸ்தஸ்மாத³தி⁴க்ஷிப்தஸ்திரஸ்க்ருʼத ।
க்ஷமேத³க்ஷமமானானாம்ʼ ஸ்வர்க³மோக்ஷஜிகீ³ஷயா ॥ 5-39 ॥
யைவ ப்³ரஹ்மவிதா³ம்ʼ ப்ராப்திர்யைவ ப்ராப்திஸ்தபஸ்வினாம் ।
யைவ யோகா³பி⁴யுக்தானாம்ʼ க³தி꞉ ஸைவ க்ஷமாவதாம் ॥ 5-40 ॥
ஜ்ஞாநாமலாம்ப⁴ஸா ஸ்னாத꞉ ஸர்வதை³வ முனி꞉ ஶுசி꞉ ।
நிர்மல꞉ ஸுவிஶுத்³த⁴ஶ்ச விஜ்ஞேய꞉ ஸூர்யரஶ்மிவத் ॥ 5-41 ॥
மேத்⁴யாமேத்⁴யரஸம்ʼ யத்³வத³பி வத்ஸ வினா கரை꞉ ।
நைவ லிப்யதி தத்³தோ³ஷைஸ்தத்³வஜ்ஜ்ஞானீ ஸுநிர்மல꞉ ॥ 5-42 ॥
ஏஷாமேகதமே ஸ்னாத꞉ ஶுத்³த⁴பா⁴வ꞉ ஶிவம்ʼ வ்ரஜேத் ।
அஶுத்³த⁴பா⁴வ꞉ ஸ்னாதோ (அ)பி பூஜயன்னாப்னுயாத்ப²லம் ॥ 5-43 ॥
ஜலம்ʼ மந்த்ரம்ʼ த³யா தா³னம்ʼ ஸத்யமிந்த்³ரியஸம்ʼயம꞉ ।
ஜ்ஞானம்ʼ பா⁴வாத்மஶுத்³தி⁴ஶ்ச ஶௌசமஷ்டவித⁴ம்ʼ ஶ்ருதம் ॥ 5-44 ॥
அங்கு³ஷ்ட²தலமூலே ச ப்³ராஹ்மம்ʼ தீர்த²மவஸ்தி²தம் ।
தேனாசம்ய ப⁴வேச்சு²த்³த⁴꞉ ஶிவமந்த்ரேண பா⁴வித꞉ ॥ 5-45 ॥
யத³த⁴꞉ கன்யகாயாஶ்ச தத்தீர்த²ம்ʼ தை³வமுச்யதே ।
தீர்த²ம்ʼ ப்ரதே³ஶினீமூலே பித்ர்யம்ʼ பித்ருʼவிதோ⁴த³யம்(?) ॥ 5-46 ॥
மத்⁴யமாங்கு³லிமத்⁴யேன தீர்த²மாரிஷமுச்யதே ।
கரபுஷ்கரமத்⁴யே து ஶிவதீர்த²ம்ʼ ப்ரதிஷ்டி²தம் ॥ 5-47 ॥
வாமபாணிதலே தீர்த²மௌமம்நாம ப்ரகீர்திதம் ।
ஶிவோமாதீர்த²ஸம்ʼயோகா³த்குர்யாத்ஸ்னாநாபி⁴ஷேசனம் ॥ 5-48 ॥
தே³வாந்தை³வேன தீர்தே²ன தர்பயேத³க்ருʼதாம்ப⁴ஸா ।
உத்³த்⁴ருʼத்ய த³க்ஷிணம்ʼ பாணிமுபவீதீ ஸதா³ பு³த⁴꞉ ॥ 5-49 ॥
ப்ராசீனாவீதினா கார்யம்ʼ பித்ரூʼணாம்ʼ திலவாரிணா ।
தர்பணம்ʼ ஸர்வபூ⁴தாநாமாரிஷேண நிவீதினா ॥ 5-50 ॥
ஸவ்யஸ்கந்தே⁴ யதா³ ஸூத்ரமுபவீத்யுச்யதே ததா³ ।
ப்ராசீனாவீத்யஸவ்யேன நிவீதீ கண்ட²ஸம்ʼஸ்தி²தே ॥ 5-51 ॥
பித்ரூʼணாம்ʼ தர்பணம்ʼ க்ருʼத்வா ஸூர்யாயார்க்⁴யம்ʼ ப்ரகல்பயேத் ।
உபஸ்தா²ய தத꞉ ஸூர்யம்ʼ யஜேச்சி²வமனந்தரம் ॥ 5-52 ॥
॥ இதி ஶிவோபநிஷதி³ ஶிவப⁴ஸ்மஸ்னானாத்⁴யாய꞉ பஞ்சம꞉ ॥
அத² ப⁴க்த்யா ஶிவம்ʼ பூஜ்ய நைவேத்³யமுபகல்பயேத் ।
யத³ன்னமாத்மநாஶ்னீயாத்தஸ்யாக்³ரே விநிவேத³யேத் ॥ 6-1 ॥
ய꞉ க்ருʼத்வா ப⁴க்ஷ்யபோ⁴ஜ்யானி யத்னேன விநிவேத³யேத் ।
ஶிவாய ஸ ஶிவே லோகே கல்பகோடிம்ʼ ப்ரமோத³தே ॥ 6-2 ॥
ய꞉ பக்வம்ʼ ஶ்ரீப²லம்ʼ த³த்³யாச்சி²வாய விநிவேத³யேத் ।
கு³ரோர்வா ஹோமயேத்³வாபி தஸ்ய புண்யப²லம்ʼ ஶ்ருʼணு ॥ 6-3 ॥
ஶ்ரீமத்³பி⁴꞉ ஸ மஹாயானைர்போ⁴கா³ன்பு⁴ங்க்தே ஶிவே புரே ।
வர்ஷாணாமயுதம்ʼ ஸாக்³ரம்ʼ தத³ந்தே ஶ்ரீபதிர்ப⁴வேத் ॥ 6-4 ॥
கபித்த²மேகம்ʼ ய꞉ பக்வமீஶ்வராய நிவேத³யேத் ।
வர்ஷலக்ஷம்ʼ மஹாபோ⁴கை³꞉ ஶிவலோகே மஹீயதே ॥ 6-5 ॥
ஏகமாம்ரப²லம்ʼ பக்வம்ʼ ய꞉ ஶம்போ⁴ர்விநிவேத³யேத் ।
வர்ஷாணாம்யுதம்ʼ போ⁴கை³꞉ க்ரீட³தே ஸ ஶிவே புரே ॥ 6-6 ॥
ஏகம்ʼ வடப²லம்ʼ பக்வம்ʼ ய꞉ ஶிவாய நிவேத³யேத் ।
வர்ஷலக்ஷம்ʼ மஹாபோ⁴கை³꞉ ஶிவலோகே மஹீயதே ॥ 6-7 ॥
ய꞉ பக்வம்ʼ தா³டி³மம்ʼ சைகம்ʼ த³த்³யாத்³விகஸிதம்ʼ நவம் ।
ஶிவாய கு³ரவே வாபி தஸ்ய புண்யப²லம்ʼ ஶ்ருʼணு ॥ 6-8 ॥
யாவத்தத்³பீ³ஜஸங்க்²யானம்ʼ ஶோப⁴னம்ʼ பரிகீர்திதம் ।
தாவத³ஷ்டாயுதான்யுச்சை꞉ ஶிவலோகே மஹீயதே ॥ 6-9 ॥
த்³ராக்ஷாப²லானி பக்வானி ய꞉ ஶிவாய நிவேத³யேத் ।
ப⁴க்த்யா வா ஶிவயோகி³ப்⁴யஸ்தஸ்ய புண்யப²லம்ʼ ஶ்ருʼணு ॥ 6-10 ॥
யாவத்தத்ப²லஸங்க்²யானமுப⁴யோர்விநிவேதி³தம் ।
தாவத்³யுக³ஸஹஸ்ராணி ருத்³ரலோகே மஹீயதே ॥ 6-11 ॥
த்³ராக்ஷாப²லேஷு யத்புண்யம்ʼ தத்க²ர்ஜூரப²லேஷு ச ।
ததே³வ ராஜவ்ருʼக்ஷேஷு பாராவதப²லேஷு ச ॥ 6-12 ॥
யோ நாரங்க³ப²லம்ʼ பக்வம்ʼ விநிவேத்³ய மஹேஶ்வரே ।
அஷ்டலக்ஷம்ʼ மஹாபோ⁴கை³꞉ க்ருʼட³தே ஸ ஶிவே புரே ॥ 6-13 ॥
பீ³ஜபூரேஷு தஸ்யார்த⁴ம்ʼ தத³ர்த⁴ம்ʼ லிகுசேஷு ச ।
ஜம்பூ³ப²லேஷு யத்புண்யம்ʼ தத்புண்யம்ʼ திந்து³கேஷு ச ॥ 6-14 ॥
பனஸம்ʼ நாரிகேலம்ʼ வா ஶிவாய விநிவேத³யேத் ।
வர்ஷலக்ஷம்ʼ மஹாபோ⁴கை³꞉ ஶிவலோகே மஹீயதே ॥ 6-15 ॥
புருஷம்ʼ ச ப்ரியாலம்ʼ ச மதூ⁴ககுஸுமானி ச ।
ஜம்பூ³ப²லானி பக்வானி வைகங்கதப²லானி ச ॥ 6-16 ॥
நிவேத்³ய ப⁴க்த்யா ஶர்வாய ப்ரத்யேகம்ʼ து ப²லே ப²லே ।
த³ஶவர்ஷஸஹஸ்ராணி ருத்³ரலோகே மஹீயதே ॥ 6-17 ॥
க்ஷீரிகாயா꞉ ப²லம்ʼ பக்வம்ʼ ய꞉ ஶிவாய நிவேத³யேத் ।
வர்ஷலக்ஷம்ʼ மஹாபோ⁴கை³ர்மோத³தே ஸ ஶிவே புரே ॥ 6-18 ॥
வாலுகாத்ரபுஸாதீ³னி ய꞉ ப²லானி நிவேத³யேத் ।
ஶிவாய கு³ரவே வாபி பக்வம்ʼ ச கரமர்த³கம் ॥ 6-19 ॥
த³ஶவர்ஷஸஹஸ்ராணி ருத்³ரலோகே மஹீயதே ।
ப³த³ராணி ஸுபக்வானி திந்திடீ³கப²லானி ச ॥ 6-20 ॥
த³ர்ஶனீயானி பக்வானி ஹ்யாமலக்யா꞉ ப²லானி ச ।
ஏவமாதீ³னி சான்யானி ஶாகமூலப²லானி ச ॥ 6-21 ॥
நிவேத³யதி ஶர்வாய ஶ்ருʼணு யத்ப²லமாப்னுயாத் ।
ஏகைகஸ்மின்ப²லே போ⁴கா³ன்ப்ராப்னுயாத³னுபூர்வஶ꞉ ॥ 6-22 ॥
பஞ்சவர்ஷஸஹஸ்ராணி ருத்³ரலோகே மஹீயதே ।
கோ³தூ⁴மசந்த³காத்³யானி ஸுக்ருʼதம்ʼ ஸக்துப⁴ர்ஜிதம் ॥ 6-23 ॥
நிவேத³யீத ஶர்வாய தஸ்ய புண்யப²லம்ʼ ஶ்ருʼணு ।
யாவத்தத்³பீ³ஜஸங்க்²யானம்ʼ ஶுப⁴ம்ʼ ப்⁴ரஷ்டம்ʼ நிவேத³யேத் ॥ 6-24 ॥
தாவத்³வர்ஷஸஹஸ்ராணி ருத்³ரலோகே மஹீயதே ।
ய꞉ பக்வானீக்ஷுத³ண்டா³னி ஶிவாய விநிவேத³யேத் ॥ 6-25 ॥
கு³ரவே வாபி தத்³ப⁴க்த்யா தஸ்ய புண்யப²லம்ʼ ஶ்ருʼணு ।
இக்ஷுபர்ணானி சைகைகம்ʼ வர்ஷலோகம்ʼ ப்ரமோத³தே ॥ 6-26 ॥
ஸாகம்ʼ ஶிவபுரே போ⁴கை³꞉ பௌண்ட்³ரம்ʼ பஞ்சகு³ணம்ʼ ப²லம் ।
நிவேத்³ய பரமேஶாய ஶுக்திமாத்ரரஸஸ்ய து ॥ 6-27 ॥
வர்ஷகோடிம்ʼ மஹாபோ⁴கை³꞉ ஶிவலோகே மஹீயதே ।
நிவேத்³ய பா²ணிதம்ʼ ஶுத்³த⁴ம்ʼ ஶிவாய கு³ரவே (அ)பி வா ॥ 6-28 ॥
ரஸாத்ஸஹஸ்ரகு³ணிதம்ʼ ப²லம்ʼ ப்ராப்னோதி மானவ꞉ ।
கு³ட³ஸ்ய ப²லமேகம்ʼ ய꞉ ஶிவாய விநிவேத³யேத் ॥ 6-29 ॥
அம்ப³கோடிம்ʼ ஶிவே லோகே மஹாபோ⁴கை³꞉ ப்ரமோத³தே ।
க²ண்ட³ஸ்ய பலநைவேத்³யம்ʼ கு³டா³ச்ச²தகு³ணம்ʼ ப²லம் ॥ 6-30 ॥
க²ண்டா³த்ஸஹஸ்ரகு³ணிதம்ʼ ஶர்கராயா நிவேத³னே ।
மத்ஸண்டி³காம்ʼ மஹாஶுத்³தா⁴ம்ʼ ஶங்கராய நிவேத³யேத் ॥ 6-31 ॥
கல்பகோடிம்ʼ நர꞉ ஸாக்³ரம்ʼ ஶிவலோகே மஹீயதே ।
பரிஶுத்³த⁴ம்ʼ ப்⁴ருʼஷ்டமாஜ்யம்ʼ ஸித்³த⁴ம்ʼ சைவ ஸுஸம்ʼஸ்க்ருʼதம் ॥ 6-32 ॥
மாஸம்ʼ நிவேத்³ய ஶர்வாய ஶ்ருʼணு யத்ப²லமாப்னுயாத் ।
அஶேஷப²லதா³னேன யத்புண்யம்ʼ பரிகீர்திதம் ॥ 6-33 ॥
தத்புண்யம்ʼ ப்ராப்னுயாத்ஸர்வம்ʼ மஹாதா³னநிவேத³னே ।
பனஸானி ச தி³வ்யானி ஸ்வாதூ³னி ஸுரபீ⁴ணி ச ॥ 6-34 ॥
நிவேத³யேத்து ஶர்வாய தஸ்ய புண்யப²லம்ʼ ஶ்ருʼணு ।
கல்பகோடிம்ʼ நர꞉ ஸாக்³ரம்ʼ ஶிவலோகே வ்யவஸ்தி²த꞉ ॥ 6-35 ॥
பிப³ன்ஶிவாம்ருʼதம்ʼ தி³வ்யம்ʼ மஹாபோ⁴கை³꞉ ப்ரமோத³தே ।
தி³னே தி³னே ச யஸ்த்வாபம்ʼ வஸ்த்ரபூதம்ʼ ஸமாசரேத் ॥ 6-36 ॥
ஸுகா²ய ஶிவப⁴க்தேப்⁴யஸ்தஸ்ய புண்யப²லம்ʼ ஶ்ருʼணு ।
மஹாஸராம்ʼஸி ய꞉ குர்யாத்³ப⁴வேத்புண்யம்ʼ ஶிவாக்³ரத꞉ ॥ 6-37 ॥
தத்புண்யம்ʼ ஸகலம்ʼ ப்ராப்ய ஶிவலோகே மஹீயதே ।
யதி³ஷ்டமாத்மன꞉ கிஞ்சித³ன்னபானப²லாதி³கம் ॥ 6-38 ॥
தத்தச்சி²வாய தே³யம்ʼ ஸ்யாது³த்தமம்ʼ போ⁴க³மிச்ச²தா ।
ந ஶிவ꞉ பரிபூர்ணத்வாத்கிஞ்சித³ஶ்னாதி கஸ்யசித் ॥ 6-39 ॥
கிந்த்வீஶ்வரனிப⁴ம்ʼ க்ருʼத்வா ஸர்வமாத்மனி தீ³யதே ।
ந ரோஹதி யதா² பீ³ஜம்ʼ ஸ்வஸ்த²மாஶ்ரயவர்ஜிதம் ॥ 6-40 ॥
புண்யபீ³ஜம்ʼ ததா² ஸூக்ஷ்மம்ʼ நிஷ்ப²லம்ʼ ஸ்யாந்நிராஶ்ரயம் ।
ஸுக்ஷேத்ரேஷு யதா² பீ³ஜமுப்தம்ʼ ப⁴வதி ஸத்ப²லம் ॥ 6-41 ॥
அல்பமப்யக்ஷயம்ʼ தத்³வத்புண்யம்ʼ ஶிவஸமாஶ்ரயாத் ।
தஸ்மாதீ³ஶ்வரமுத்³தி³ஶ்ய யத்³யதா³த்மனி ரோசதே ॥ 6-42 ॥
தத்ததீ³ஶ்வரப⁴க்தேப்⁴ய꞉ ப்ரதா³தவ்யம்ʼ ப²லார்தி²னா ।
ய꞉ ஶிவாய கு³ரோர்வாபி ரசயேன்மணிபூ⁴மிகம் ॥ 6-43 ॥
நைவேத்³ய போ⁴ஜனார்த²ம்ʼ ய꞉ பத்த்ரை꞉ புஷ்பைஶ்ச ஶோப⁴னம் ।
யாவத்தத்பத்த்ரபுஷ்பாணாம்ʼ பரிஸங்க்²யா விதீ⁴யதே ॥ 6-44 ॥
தாவத்³வர்ஷஸஹஸ்ராணி ஸுரலோகே மஹீயதே ।
பலாஶகத³லீபத்³ம- பத்த்ராணி ச விஶேஷத꞉ ॥ 6-45 ॥
த³த்த்வா ஶிவாய கு³ரவே ஶ்ருʼணு யத்ப²லமாப்னுயாத் ।
யாவத்தத்பத்த்ரஸங்க்²யானமீஶ்வராய நிவேதி³தம் ॥ 6-46 ॥
தாவத³ப்³தா³யுதானாம்ʼ ஸ லோகே போ⁴கா³னவாப்னுயாத் ।
யாவத்தாம்பு³லபத்த்ராணி பூகா³ம்ʼஶ்ச விநிவேத³யேத் ॥ 6-47 ॥
தாவந்தி வர்ஷலக்ஷாணி ஶிவலோகே மஹீயதே ।
யச்சு²த்³த⁴ம்ʼ ஶங்க²சூர்ணம்ʼ வா கு³ரவே விநிவேத³யேத் ॥ 6-48 ॥
தாம்பூ³லயோக³ஸித்³த்⁴யர்த²ம்ʼ தஸ்ய புண்யப²லம்ʼ ஶ்ருʼணு ।
யாவத்தாம்பூ³லபத்த்ராணி சூர்ணமானேன ப⁴க்ஷயேத் ॥ 6-49 ॥
தாவத்³வர்ஷஸஹஸ்ராணி ருத்³ரலோகே மஹீயதே ।
ஜாதீப²லம்ʼ ஸகங்கோலம்ʼ லதாகஸ்தூரிகோத்பலம் ॥ 6-50 ॥
இத்யேதானி ஸுக³ந்தீ⁴னி ப²லானி விநிவேத³யேத் ।
ப²லே ப²லே மஹாபோ⁴கை³ர்வர்ஷலக்ஷம்ʼ து யத்னத꞉ ॥ 6-51 ॥
காமிகேன விமானேன க்ரீட³தே ஸ ஶிவே புரே ।
த்ருடிமாத்ரப்ரமாணேன கர்பூரஸ்ய ஶிவே கு³ரௌ ॥ 6-52 ॥
வர்ஷகோடிம்ʼ மஹாபோ⁴கை³꞉ ஶிவலோகே மஹீயதே ।
பூக³தாம்பூ³லபத்த்ராணாமாதா⁴ரம்ʼ யோ நிவேத³யேத் ॥ 6-53 ॥
வர்ஷகோட்யஷ்டகம்ʼ போ⁴கை³꞉ ஶிவலோகே மஹீயதே ।
யஶ்சூஏணாதா⁴ரஸத்பாத்ரம்ʼ கஸ்யாபி விநிவேத³யேத் ॥ 6-54 ॥
மோத³தே ஸ ஶிவே லோகே வர்ஷகோடீஶ்சதுர்த³ஶ ।
ம்ருʼத்காஷ்ட²வம்ʼஶக²ண்டா³னி ய꞉ ப்ரத³த்³யாச்சி²வாஶ்ரமே ॥ 6-55 ॥
ப்ராப்னுயாத்³விபுலான்போ⁴கா³ந்தி³வ்யாஞ்சி²வபுரே நர꞉ ।
மாணிக்யம்ʼ கலஶம்ʼ பாத்ரீம்ʼ ஸ்தா²ல்யாதீ³ன்பா⁴ண்ட³ஸம்புடான் ॥ 6-56 ॥
த³த்த்வா ஶிவாக்³ரஜஸ்தேப்⁴ய꞉ ஶிவலோகே மஹீயதே ।
தோயாதா⁴ரபிதா⁴னானி ம்ருʼத்³வஸ்த்ரதருஜானி வா ॥ 6-57 ॥
வம்ʼஶாலாபு³ஸமுத்தா²னி த³த்த்வாப்னோதி ஶிவம்ʼ புரம் ।
பஞ்சஸம்ʼமார்ஜனீதோயம்ʼ கோ³மயாஞ்ஜனகர்படான் ॥ 6-58 ॥
ம்ருʼத்கும்ப⁴பீடிகாம்ʼ த³த்³யாத்³போ⁴கா³ஞ்சி²வபுரே லபே⁴த் ।
ய꞉ புஷ்பதூ⁴பக³ந்தா⁴னாம்ʼ த³தி⁴க்ஷீரக்⁴ருʼதாம்ப⁴ஸாம் ॥ 6-59 ॥
த³த்³யாதா³தா⁴ரபாத்ராணி ஶிவலோகே ஸ க³ச்ச²தி ।
வம்ʼஶதாலாதி³ஸம்பூ⁴தம்ʼ புஷ்பாதா⁴ரகரண்ட³கம் ॥ 6-60 ॥
இத்யேவமாத்³யான்யோ த³த்³யாச்சி²வலோகமவாப்னுயாத் ।
ய꞉ ஸ்ருக்ஸ்ருவாதி³பாத்ராணி ஹோமார்த²ம்ʼ விநிவேத³யேத் ॥ 6-61 ॥
வர்ஷகோடிம்ʼ மஹாபா⁴கை³꞉ ஶிவலோகே மஹீயதே ।
ய꞉ ஸர்வதா⁴துஸம்ʼயுக்தம்ʼ த³த்³யால்லவணபர்வதம் ॥ 6-62 ॥
ஶிவாய கு³ரவே வாபி தஸ்ய புண்யப²லம்ʼ ஶ்ருʼணு ।
கல்பகோடிஸஹஸ்ராணி கல்பகோடிஶதானி ச ॥ 6-63 ॥
ஸ கோ³த்ரப்⁴ருʼத்யஸம்ʼயுக்தோ வஸேச்சி²வபுரே நர꞉ ।
விமானயானை꞉ ஶ்ரீமத்³பி⁴꞉ ஸர்வகாமஸமன்விதை꞉ ॥ 6-64 ॥
போ⁴கா³ன்பு⁴க்த்வா து விபுலாம்ʼஸ்தத³ந்தே ஸ மஹீபதி꞉ ।
மன꞉ஶிலாம்ʼ ஹரீதாலம்ʼ ராஜபட்டம்ʼ ச ஹிங்கு³லம் ॥ 6-65 ॥
கை³ரிகம்ʼ மணித³ந்தம்ʼ ச ஹேமதோயம்ʼ ததா²ஷ்டமம் ।
யஶ்ச தம்ʼ பர்வதவரம்ʼ ஶாலிதண்டு³லகல்பிதம் ॥ 6-66 ॥
ஶிவாயகு³ரவே வாபி தஸ்ய புண்யப²லம்ʼ ஶ்ருʼணு ।
கல்பகோடிஶதம்ʼ ஸாக்³ரம்ʼ போ⁴கா³ன்பு⁴ங்க்தே ஶிவே புரே ॥ 6-67 ॥
ய꞉ ஸர்வதா⁴ன்யஶிக²ரைருபேதம்ʼ யவபர்வதம் ।
க்⁴ருʼததைலநதீ³யுக்தம்ʼ தஸ்ய புண்யப²லம்ʼ ஶ்ருʼணு ॥ 6-68 ॥
கல்பகோடிஶதம்ʼ ஸாக்³ரம்ʼ போ⁴கா³ன்பு⁴ங்க்தே ஶிவே புரே ।
ஸமஸ்தகுலஜை꞉ ஸார்த⁴ம்ʼ தஸ்யாந்தே ஸ மஹீபதி꞉ ॥ 6-69 ॥
திலதே⁴னும்ʼ ப்ரத³த்³யாத்³ய꞉ க்ருʼத்வா க்ருʼஷ்ணாஜினே நர꞉ ।
கபிலாயா꞉ ப்ரதா³னஸ்ய யத்ப²லம்ʼ தத³வாப்னுயாத் ॥ 6-70 ॥
க்⁴ருʼததே⁴னும்ʼ நர꞉ க்ருʼத்வா காம்ʼஸ்யபாத்ரே ஸகாஞ்சனான் ।
நிவேத்³ய கோ³ப்ரதா³னஸ்ய ஸமக்³ரம்ʼ ப²லமாப்னுயாத் ॥ 6-71 ॥
த்³வீபிசர்மணி ய꞉ ஸ்தா²ப்ய ப்ரத³த்³யால்லவணாட⁴கம் ।
அஶேஷரஸதா³னஸ்ய யத்புண்யம்ʼ தத³வாப்னுயாத் ॥ 6-72 ॥
மரிசாடே⁴ன குர்வீத(?) மாரீசம்ʼ நாம பர்வதம் ।
த³த்³யாத்³யஜ்ஜீரகம்ʼ பூர்வமாக்³னேயம்ʼ ஹிங்கு³முத்தமம் ॥ 6-73 ॥
த³க்ஷிணே கு³ட³ஶுண்டீ²ம்ʼ ச நைர்ருʼதே நாக³கேஸரம் ।
பிப்பலீம்ʼ பஶ்சிமே த³த்³யாத்³வாயவ்யே க்ருʼஷ்ணஜீரகம் ॥ 6-74 ॥
கௌபே³ர்யாமஜமோத³ம்ʼ ச த்வகே³லாஶ்சேஶதை³வதே ।
குஸ்தும்ப³ர்யா꞉ ப்ரதே³யா꞉ ஸ்யுர்ப³ஹி꞉ ப்ராகாரத꞉ ஸ்தி²தா꞉ ॥ 6-75 ॥
ககுபா⁴மந்தராலேஷு ஸமந்தாத்ஸைந்த⁴வம்ʼ ந்யஸேத் ।
ஸபுஷ்பாக்ஷததோயேன ஶிவாய விநிவேத³யேத் ॥ 6-76 ॥
யாவத்தத்³தீ³பஸங்க்²யானம்ʼ ஸர்வமேகத்ர பர்வதே ।
தாவத்³வர்ஷஶதாதூ³ர்த்⁴வம்ʼ போ⁴கா³ன்பு⁴ங்க்தே ஶிவே புரே ॥ 6-77 ॥
கூஶ்மாண்ட³ம்ʼ மத்⁴யத꞉ ஸ்தா²ப்ய காலிங்க³ம்ʼ பூர்வதோ ந்யஸேத் ।
த³க்ஷிணே க்ஷீரதும்பீ³ம்ʼ து வ்ருʼந்தாகம்ʼ பஶ்சிமே ந்யஸேத் ॥ 6-78 ॥
படீஸான்யுத்தரே ஸ்தா²ப்ய கர்கடீமீஶதை³வதே ।
ந்யஸேத்³க³ஜபடோலாம்ʼஶ்ச மது⁴ரான்வஹ்னிதை³வதே ॥ 6-79 ॥
காரவேல்லாம்ʼஶ்ச நைர்ருʼத்யாம்ʼ வாயவ்யாம்ʼ நிம்ப³கம்ʼ ப²லம் ।
உச்சாவசானி சான்யானி ப²லானி ஸ்தா²பயேத்³ப³ஹி꞉ ॥ 6-80 ॥
அப்⁴யர்ச்ய புஷ்பதூ⁴பைஶ்ச ஸமந்தாத்ப²லபர்வதம் ।
ஶிவாய கு³ரவே வாபி ப்ரணிபத்ய நிவேத³யேத் ॥ 6-81 ॥
யாவத்தத்ப²லஸங்க்²யானம்ʼ தத்³தீ³பானாம்ʼ ச மத்⁴யத꞉ ।
தாவத்³வர்ஷஸஹஸ்ராணி ருத்³ரலோகே மஹீயதே ॥ 6-82 ॥
மூலகம்ʼ மத்⁴யத꞉ ஸ்தா²ப்ய தத்பூர்வே வாலமூலகம் ।
ஆக்³னேய்யாம்ʼ வாஸ்துகம்ʼ ஸ்தா²ப்ய யாம்யாயாம்ʼ க்ஷாரவாஸ்துகம் ॥ 6-83 ॥
பாலக்யம்ʼ நைர்ருʼதே ஸ்தா²ப்ய ஸுமுக²ம்ʼ பஶ்சிமே ந்யஸேத் ।
குஹத்³ரகம்ʼ ச வாயவ்யாமுத்தரே வாபி தாலிகீம் ॥ 6-84 ॥
குஸும்ப⁴ஶாகமைஶான்யாம்ʼ ஸர்வஶாகானி தத்³ப³ஹி꞉ ।
பூர்வக்ரமேண வின்யஸ்ய ஶிவாய விநிவேத³யேத் ॥ 6-85 ॥
யாவத்தன்மூலனாலானாம்ʼ பத்த்ரஸங்க்²யா ச கீர்திதா ।
தாவத்³வர்ஷஸஹஸ்ராணி ருத்³ரலோகே மஹீயதே ॥ 6-86 ॥
த³த்த்வா லபே⁴ன்மஹாபோ⁴கா³ன்கு³க்³கு³ல்வத்³ரே꞉ பலத்³வயம் ।
வர்ஷகோடித்³வயம்ʼ ஸ்வர்கே³ த்³விகு³ணம்ʼ கு³ட³மிஶ்ரிதை꞉ ॥ 6-87 ॥
கு³டா³ர்த்³ரகம்ʼ ஸலவணமாம்ரமஞ்ஜரிஸம்ʼயுதம் ।
நிவேத்³ய கு³ரவே ப⁴க்த்யா ஸௌபா⁴க்³யம்ʼ பரமம்ʼ லபே⁴த் ॥ 6-88 ॥
ஹஸ்தாரோப்யேண வா க்ருʼத்வா மஹாரத்னான்விதாம்ʼ மஹீம் ।
நிவேத³யித்வா ஶர்வாய ஶிவதுல்ய꞉ ப்ரஜாயதே ॥ 6-89 ॥
வஜ்ரேந்த்³ரநீலவைடூ³ர்ய- பத்³மராக³ம்ʼ ஸமௌக்திகம் ।
கீடபக்ஷம்ʼ ஸுவர்ணம்ʼ ச மஹாரத்னானி ஸப்த வை ॥ 6-90 ॥
யஶ்ச ஸிம்ʼஹாஸனம்ʼ த³த்³யான்மஹாரத்னான்விதம்ʼ ந்ருʼப꞉ ।
க்ஷுத்³ரரத்னைஶ்ச விவிதை⁴ஸ்தஸ்ய புண்யப²லம்ʼ ஶ்ருʼணு ॥ 6-91 ॥
குலத்ரிம்ʼஶகஸம்ʼயுக்த꞉ ஸாந்த꞉புரபரிச்ச²த³꞉ ।
ஸமஸ்தப்⁴ருʼத்யஸம்ʼயுக்த꞉ ஶிவலோகே மஹீயதே ॥ 6-92 ॥
தத்ர பு⁴க்த்வா மஹாபோ⁴கா³ன்ஶிவதுல்யபராக்ரம꞉ ।
ஆமஹாப்ரலயம்ʼ யாவத்தத³ந்தே முக்திமாப்னுயாத் ॥ 6-93 ॥
யதி³ சேத்³ராஜ்யமாகங்க்ஷேத்தத꞉ ஸர்வஸமாஹித꞉ ।
ஸப்தத்³வீபஸமுத்³ராயா꞉ க்ஷிதேரதி⁴பதிர்ப⁴வேத் ॥ 6-94 ॥
ஜன்மகோடிஸஹஸ்ராணி ஜன்மகோடிஶதானி ச ।
ராஜ்யம்ʼ க்ருʼத்வா ததஶ்சாந்தே புன꞉ ஶிவபுரம்ʼ வ்ரஜேத் ॥ 6-95 ॥
ஏததே³வ ப²லம்ʼ ஜ்ஞேயம்ʼ மகுடாப⁴ரணாதி³ஷு ।
ரத்னாஸனப்ரதா³னேன பாது³கே விநிவேத³யேத் ॥ 6-96 ॥
த³த்³யாத்³ய꞉ கேவலம்ʼ வஜ்ரம்ʼ ஶுத்³த⁴ம்ʼ கோ³தூ⁴மமாத்ரகம் ।
ஶிவாய ஸ ஶிவே லோகே திஷ்டே²தா³ப்ரலயம்ʼ ஸுகீ² ॥ 6-97 ॥
இந்த்³ரநீலப்ரதா³னேன ஸ வைடூ³ர்யப்ரதா³னத꞉ ।
மோத³தே விவிதை⁴ர்போ⁴கை³꞉ கல்பகோடிம்ʼ ஶிவே புரே ॥ 6-98 ॥
மஸூரமாத்ரமபி ய꞉ பத்³மராக³ம்ʼ ஸுஶோப⁴னம் ।
நிவேத³யித்வா ஶர்வாய மோத³தே காலமக்ஷயம் ॥ 6-99 ॥
நிவேத்³ய மௌக்திகம்ʼ ஸ்வச்ச²மேகபா⁴கை³கமாத்ரகம் ।
போ⁴கை³꞉ ஶிவபுரே தி³வ்யை꞉ கல்பகோடிம்ʼ ப்ரமோத³தே ॥ 6-100 ॥
கீடபக்ஷம்ʼ மஹாஶுத்³த⁴ம்ʼ நிவேத்³ய யவமாத்ரகம் ।
ஶிவாயாத்³ய꞉ ஶிவே லோகே மோத³தே காலமக்ஷயம் ॥ 6-101 ॥
ஹேம்னா க்ருʼத்வா ச ய꞉ புஷ்பமபி மாஷகமாத்ரகம் ।
நிவேத³யித்வா ஶர்வாய வர்ஷகோடிம்ʼ வஸேத்³தி³வி ॥ 6-102 ॥
க்ஷுத்³ரரத்னானி யோ த³த்³யாத்³தே⁴ம்னி ப³த்³தா⁴னி ஶம்ப⁴வே ।
மோத³தே ஸ ஶிவே லோகே கல்பகோட்யயுதம்ʼ நர꞉ ॥ 6-103 ॥
யதா² யதா² மஹாரத்னம்ʼ ஶோப⁴னம்ʼ ச யதா² யதா² ।
ததா² ததா² மஹத்புண்யம்ʼ ஜ்ஞேயம்ʼ தச்சி²வதா³னத꞉ ॥ 6-104 ॥
பூ⁴மிபா⁴கே³ ஸ(?)விஸ்தீருʼணே ஜம்பூ³த்³வீபம்ʼ ப்ரகல்பயேத் ।
அஷ்டாவரணஸம்ʼயுக்தம்ʼ நகே³ந்த்³ராஷ்டகபூ⁴ஷிதம் ॥ 6-105 ॥
தன்மத்⁴யே காரயேத்³தி³வ்யம்ʼ மேருப்ராஸாத³முத்தமம் ।
அனேகஶிக²ராகீர்ணமஶேஷாமரஸம்ʼயுதம் ॥ 6-106 ॥
ப³ஹி꞉ ஸுவர்ணனிசிதம்ʼ ஸர்வரத்னோபஶோபி⁴தம் ।
சது꞉ப்ரக்³ரீவகோபேதம்ʼ சக்ஷுர்லிங்க³ஸமாயுதம் ॥ 6-107 ॥
சதுர்தி³க்ஷு வனோபேதம்ʼ சதுர்பி⁴꞉ ஸம்ʼயுதை꞉ ஶரை꞉ ।
சதுர்ணாம்ʼ புரயுக்தேன ப்ராகாரேண ச ஸம்ʼயுதம் ॥ 6-108 ॥
மேருப்ராஸாத³மித்யேவம்ʼ ஹேமரத்னவிபூ⁴ஷிதம் ।
ய꞉ காரயேத்³வனோபேதம்ʼ ஸோ (அ)னந்தப²லமாப்னுயாத் ॥ 6-109 ॥
பூ⁴ம்யம்ப⁴꞉பரமாணூனாம்ʼ யதா² ஸங்க்²யா ந வித்³யதே ।
ஶிவாயதனபுண்யஸ்ய ததா² ஸங்க்²யா ந வித்³யதே ॥ 6-110 ॥
குலத்ரிம்ʼஶகஸம்ʼயுக்த꞉ ஸர்வப்⁴ருʼத்யஸமன்வித꞉ ।
கலத்ரபுத்ரமித்ரைஶ்ச ஸர்வஸ்வஜனஸம்ʼயுத꞉ ॥ 6-111 ॥
ஆஶ்ர்திதோபாஶ்ரிதை꞉ ஸர்வைரஶேஷக³ணஸம்ʼயுத꞉ ।
யதா² ஶிவஸ்ததை²வாயம்ʼ ஶர்வலோகே ஸ பூஜ்யதே ॥ 6-112 ॥
ந ச மானுஷ்யகம்ʼ லோகமாக³ச்சே²த்க்ருʼபணம்ʼ புன꞉ ।
ஸர்வஜ்ஞ꞉ பரிபூர்ணஶ்ச முக்த꞉ ஸ்வாத்மனி திஷ்ட²தி ॥ 6-113 ॥
ய꞉ ஶிவாய வனம்ʼ க்ருʼத்வா முதா³ப்³த³ஸலிலோத்தி²தம்(?) ।
தத்³த³ண்ட³கோபஶோப⁴ம்ʼ ச ஹஸ்தே குர்வீத ஸர்வதா³ ॥ 6-114 ॥
ஶோப⁴யேத்³பூ⁴தநாத²ம்ʼ வா சந்த்³ரஶாலாம்ʼ க்வசித்க்வசித் ।
வேதீ³ம்ʼ வாதா²ப்⁴யபத்³யந்த ப்ரோன்னதா꞉ ஸ்தம்ப⁴பங்க்தய꞉ ॥ 6-115 ॥
ஶாதகும்ப⁴மயீம்ʼ வாபி ஸர்வலக்ஷணஸம்ʼயுதாம் ।
ஈஶ்வரப்ரதிமாம்ʼ ஸௌம்யாம்ʼ காரயேத்புருஷோச்ச்²ரிதாம் ॥ 6-116 ॥
த்ரிஶூலஸவ்யஹஸ்தாம்ʼ ச வரதா³ப⁴யதா³யிகாம்ʼ ।
ஸவ்யஹஸ்தாக்ஷமாலாம்ʼ ச ஜடாகுஸுமபூ⁴ஷிதாம் ॥ 6-117 ॥
பத்³மஸிம்ʼஹாஸனாஸீனாம்ʼ வ்ருʼஷஸ்தா²ம்ʼ வா ஸமுச்ச்²ரிதாம் ।
விமானஸ்தா²ம்ʼ ரத²ஸ்தா²ம்ʼ வா வேதி³ஸ்தா²ம்ʼ வா ப்ரபா⁴ன்விதாம் ॥ 6-118 ॥
ஸௌம்யவக்த்ராம்ʼ கராலாம்ʼ வா மஹாபை⁴ரவரூபிணீம் ।
அத்யுச்ச்²ரிதாம்ʼ ஸுவிஸ்தீர்ணாம்ʼ ந்ருʼத்யஸ்தா²ம்ʼ யோக³ஸம்ʼஸ்தி²தாம் ॥ 6-119 ॥
குர்யாத³ஸம்ப⁴வே ஹேம்னஸ்தாரேண விமலேன ச ।
ஆரகூடமயீம்ʼ வாபி தாம்ரம்ருʼச்சை²லதா³ருஜாம் ॥ 6-120 ॥
அஶேஷகை꞉ ஸரூபைஶ்ச வர்ணகைர்வா படே லிகே²த் ।
குட்³யே வா ப²லகே வாபி ப⁴க்த்யா வித்தானுஸாரத꞉ ॥ 6-121 ॥
ஏகாம்ʼ ஸபரிவாராம்ʼ வா பார்வதீம்ʼ க³ணஸம்ʼயுதாம் ।
ப்ரதீஹாரஸமோபேதாம்ʼ(?) குர்யாதே³வாவிகல்பத꞉ ॥ 6-122 ॥
பீட²ம்ʼ வா காரயேத்³ரௌப்யம்ʼ தாம்ரம்ʼ பித்தலஸம்ப⁴வம் ।
சதுர்முகை²கவக்த்ரம்ʼ வா ப³ஹி꞉ காஞ்சனஸம்ʼஸ்க்ருʼதம் ॥ 6-123 ॥
ப்ருʼத²க்ப்ருʼத²க³னேகானி காரயித்வா முகா²னி து ।
ஸௌம்யபை⁴ரவரூபாணி ஶிவஸ்ய ப³ஹுரூபிண꞉ ॥ 6-124 ॥
நாநாப⁴ரணயுக்தானி ஹேமரௌப்யக்ருʼதானி ச ।
ஶிவஸ்ய ரத²யாத்ராயாம்ʼ தானி லோகஸ்ய த³ர்ஶயேத் ॥ 6-125 ॥
உக்தானி யானி புண்யானி ஸங்க்ஷேபேண ப்ருʼத²க்ப்ருʼத²க் ।
க்ருʼத்வைகேன மமைதேஷாமக்ஷயம்ʼ ப²லமாப்னுயாத் ॥ 6-126 ॥
மாது꞉ பிது꞉ ஸஹோபாயைர்(?) த³ஶபி⁴ர்த³ஶபி⁴꞉ குலை꞉ ।
கலத்ரபுத்ரமித்ராத்³யைர்ப்⁴ருʼத்யைர்யுக்த꞉ ஸ பா³ந்த⁴வை꞉ ॥ 6-127 ॥
அயுதேன விமானானாம்ʼ ஸர்வகாமயுதேன ச ।
பு⁴ங்க்தே ஸ்வயம்ʼ மஹாபோ⁴கா³னந்தே முக்திமவாப்னுயாத் ॥ 6-128 ॥
மண்ட³பஸ்தம்ப⁴பர்யந்தே கீலயேத்³த³ர்பணான்விதம் ।
அபி⁴ஷிச்ய ஜனா யஸ்மின்புஜாம்ʼ குவந்தி பி³ல்வகை꞉ ॥ 6-129 ॥
காலகாலக்ருʼதிம்ʼ க்ருʼத்வா கீலயேத்³ய꞉ ஶிவாஶ்ரமே ।
ஸர்வலோகோபகாராய பூஜயேச்ச தி³னே தி³னே ॥ 6-130 ॥
தூ⁴பவேலாப்ரமாணார்த²ம்ʼ கல்பயேத்³ய꞉ ஶிவாஶ்ரமே ।
க்ஷரந்தீம்ʼ பூர்யமாணாம்ʼ வா ஸதா³யாமே க⁴டீம்ʼ ந்ருʼப꞉ ॥ 6-131 ॥
ஏஷாமேகதமம்ʼ புண்யம்ʼ க்ருʼத்வா பாபவிவர்ஜித꞉ ।
ஶிவலோகே நர꞉ ப்ராப்ய ஸர்வஜ்ஞ꞉ ஸ ஸுகீ² ப⁴வேத் ॥ 6-132 ॥
ரத²யாத்ராம்ʼ ப்ரவக்ஷ்யாமி ஶிவஸ்ய பரமாத்மன꞉ ।
ஸர்வலோகஹிதார்தா²ய மஹாஶில்பிவிநிர்மிதாம் ॥ 6-133 ॥
ரத²மத்⁴யே ஸமாவேஶ்ய யதா² யஷ்டிம்ʼ து கீலயேத் ।
யஷ்டேர்மத்⁴யே ஸ்தி²தம்ʼ கார்யம்ʼ விமானமதிஶோபி⁴தம் ॥ 6-134 ॥
பஞ்சபௌ⁴மம்ʼ த்ரிபௌ⁴மம்ʼ வா த்³ருʼட⁴வம்ʼஶப்ரகல்பிதம் ।
கர்மணா ஸுநிப³த்³த⁴ம்ʼ ச ரஜ்ஜுபி⁴ஶ்ச ஸுஸம்ʼயுதம் ॥ 6-135 ॥
பஞ்சஶாலாண்டி³கைர்யுக்தம்ʼ நாநாப⁴க்திஸமன்விதம் ।
சித்ரவர்ணபரிச்ச²ன்னம்ʼ படைர்வா வர்ணகான்விதை꞉ ॥ 6-136 ॥
லம்ப³கை꞉ ஸூத்ரதா³ம்னா ச க⁴ண்டாசாமரபூ⁴ஷிதம் ।
பு³த்³பு³தை³ரர்த⁴சந்த்³ரைஶ்ச த³ர்பணைஶ்ச ஸமுஜ்ஜ்வலம் ॥ 6-137 ॥
கத³ல்யர்த⁴த்⁴வஜைர்யுக்தம்ʼ மஹாச்ச²த்த்ரம்ʼ மஹாத்⁴வஜம் ।
புஷ்பமாலாபரிக்ஷிப்தம்ʼ ஸர்வஶோபா⁴ஸமன்விதம் ॥ 6-138 ॥
மஹாரத²விமானே (அ)ஸ்மின்ஸ்தா²பயேத்³க³ணஸம்ʼயுதம் ।
ஈஶ்வரப்ரதிமாம்ʼ ஹேம்னி ப்ரத²மே புரமண்ட³பே ॥ 6-139 ॥
முக²த்ரயம்ʼ ச ப³த்⁴னீயாத்³ப³ஹி꞉ குர்யாத்ததா²ஶ்ரிதம் ।
புரே புரே ப³ஹிர்தி³க்ஷு க்³ருʼஹகேஷு ஸமாஶ்ரிதம் ॥ 6-140 ॥
சதுஷ்கம்ʼ ஶிவவக்த்ராணாம்ʼ ஸம்ʼஸ்தா²ப்ய ப்ரதிபூஜயேத் ।
தி³னத்ரயம்ʼ ப்ரகுர்வீத ஸ்னானமர்சனபோ⁴ஜனம் ॥ 6-141 ॥
ந்ருʼத்யக்ரீடா³ப்ரயோகே³ண கே³யமங்க³லபாட²கை꞉ ।
மஹாவாதி³த்ரநிர்கோ⁴ஷை꞉ பௌஷபூர்ணிமபர்வணி ॥ 6-142 ॥
ப்⁴ராமயேத்³ராஜமார்கே³ண சதுர்தே² (அ)ஹனி தத்³ரத²ம் ।
தத꞉ ஸ்வஸ்தா²னமானீய தச்சே²ஷமபி வர்த⁴யேத் ॥ 6-143 ॥
அவதா⁴ர்ய ஜக³த்³தா⁴த்ரீ ப்ரதிமாமவதாரயேத் ।
மஹாவிமானயாத்ரைஷா கர்தவ்யா பட்டகே (அ)பி வா ॥ 6-144 ॥
வம்ʼஶைர்னவை꞉ ஸுபக்வைஶ்ச கடம்ʼ குர்யாத்³ப⁴ரக்ஷமம்(?) ।
வ்ருʼத்தம்ʼ த்³விகு³ணதீ³ர்க⁴ம்ʼ ச சதுரஶ்ரமத⁴꞉ ஸமம் ॥ 6-145 ॥
ஸர்வத்ர சர்மணா ப³த்³த⁴ம்ʼ மஹாயஷ்டிஸமாஶ்ரிதம் ।
முக²ம்ʼ ப³த்³த⁴ம்ʼ ச குர்வீத வம்ʼஶமண்ட³லினா த்³ருʼட⁴ம் ॥ 6-146 ॥
கடே (அ)ஸ்மிம்ʼஸ்தானி வஸ்த்ராணி ஸ்தா²ப்ய ப³த்⁴னீத யத்னத꞉ ।
உபர்யுபரி ஸர்வாணி தன்மத்⁴யே ப்ரதிமாம்ʼ ந்யஸேத் ॥ 6-147 ॥
வர்ணகை꞉ குங்குமாத்³யைஶ்ச சித்ரபுஷ்பைஶ்ச பூஜயேத் ।
நாநாப⁴ரணபூஜாபி⁴ர்முக்தாஹாரப்ரலம்பி³பி⁴꞉ ॥ 6-148 ॥
ரத²ஸ்ய மஹதோ மத்⁴யே ஸ்தா²ப்ய பட்டத்³வயம்ʼ த்³ருʼட⁴ம் ।
அத⁴ரோத்தரபா⁴கே³ன மத்⁴யே சி²த்³ரஸமன்விதம் ॥ 6-149 ॥
கடியஷ்டேரதோ⁴பா⁴க³ம்ʼ ஸ்தா²ப்ய சி²த்³ரமயம்ʼ ஶுபை⁴꞉ ।
ஆப³த்³த்⁴ய கீலயேத்³யத்நாத்³யஷ்ட்யர்த⁴ம்ʼ ச த்⁴வஜாஷ்டகம் ॥ 6-150 ॥
கடஸ்ய ப்ருʼஷ்டம்ʼ ஸர்வத்ர காரயேத்படஸம்ʼவ்ருʼதம் ।
தத்படே ச லிகே²த்ஸோமம்ʼ ஸக³ணம்ʼ ஸவ்ருʼஷம்ʼ ஶிவம் ॥ 6-151 ॥
விசித்ரபுஷ்பஸ்ரக்³தா³ம்னா ஸமந்தாத்³பூ⁴ஷயேத்கடம் ।
ரவகை꞉ கிங்கிணீஜாலைர்க⁴ண்டாசாமரபூ⁴ஷிதை꞉ ॥ 6-152 ॥
மஹாபூஜாவிஶேஷைஶ்ச கௌதூஹலஸமன்விதம் ।
வாத்³யாரம்போ⁴பசாரேண மார்க³ஶோபா⁴ம்ʼ ப்ரகல்பயேத் ॥ 6-153 ॥
தத்³ரத²ம்ʼ ப்⁴ராமயேத்³யத்நாத்³ராஜமார்கே³ண ஸர்வத꞉ ।
தத꞉ ஸ்வாஶ்ரமமானீய ஸ்தா²பயேத்தத்ஸமீபத꞉ ॥ 6-154 ॥
மஹாஶப்³த³ம்ʼ தத꞉ குர்யாத்தாலத்ரயஸமன்விதம் ।
ததஸ்துஷ்ணீம்ʼ ஸ்தி²தே லோகே தச்சா²ந்திமிஹ தா⁴ரயேத் ॥ 6-155 ॥
ஶிவம்ʼ து ஸர்வஜக³த꞉ ஶிவம்ʼ கோ³ப்³ராஹ்மணஸ்ய ச ।
ஶிவமஸ்து ந்ருʼபாணாம்ʼ ச தத்³ப⁴க்தானாம்ʼ ஜனஸ்ய ச ॥ 6-156 ॥
ராஜா விஜயமாப்னோதி புத்ரபௌத்ரைஶ்ச வர்த⁴தாம் ।
த⁴ர்மநிஷ்ட²ஶ்ச ப⁴வது ப்ரஜானாம்ʼ ச ஹிதே ரத꞉ ॥ 6-157 ॥
காலவர்ஷீ து பர்ஜன்ய꞉ ஸஸ்யஸம்பத்திருத்தமா ।
ஸுபி⁴க்ஷாத்க்ஷேமமாப்னோதி கார்யஸித்³தி⁴ஶ்ச ஜாயதாம் ॥ 6-158 ॥
தோ³ஷா꞉ ப்ரயாந்து நாஶம்ʼ ச கு³ணா꞉ ஸ்தை²ர்யம்ʼ ப⁴ஜந்து வ꞉ ।
ப³ஹுக்ஷீரயுதா கா³வோ ஹ்ருʼஷ்டபுஷ்டா ப⁴வந்து வ꞉ ॥ 6-159 ॥
ஏவம்ʼ ஶிவமஹாஶாந்திமுச்சார்ய ஜக³த꞉ க்ரமாத் ।
அபி⁴வர்த்⁴ய தத꞉ ஶேஷமைஶ்வரீம்ʼ ஸார்வகாமிகீம் ॥ 6-160 ॥
ஶிவமாலாம்ʼ ஸமாதா³ய ஸதா³ஸீபரிசாரிக꞉ ।
ப²லைர்ப⁴க்ஷைஶ்ச ஸம்ʼயுக்தாம்ʼ க்³ருʼஹ்ய பாத்ரீம்ʼ நிவேஶயேத் ॥ 6-161 ॥
பாத்ரீம்ʼ ச தா⁴ரயேன்மூர்த்⁴னா ஸோஷ்ணீஷாம்ʼ தே³வபுத்ரக꞉ ।
அலங்க்ருʼத꞉ ஶுக்லவாஸா தா⁴ர்மிக꞉ ஸததம்ʼ ஶுசி꞉ ॥ 6-162 ॥
ததஶ்ச தாம்ʼ ஸமுத்க்ஷிப்ய பாணினா தா⁴ரயேத்³பு³த⁴꞉ ।
ப்ரப்³ரூயாத³பரஶ்சாத்ர ஶிவத⁴ர்மஸ்ய பா⁴ஜக꞉ ॥ 6-163 ॥
தோயம்ʼ யதா² க⁴டீஸம்ʼஸ்த²மஜஸ்ரம்ʼ க்ஷரதே ததா² ।
க்ஷரதே ஸர்வலோகானாம்ʼ தத்³வதா³யுரஹர்நிஶம் ॥ 6-164 ॥
யதா³ ஸர்வம்ʼ பரித்யஜ்ய க³ந்தவ்யமவஶைர்த்⁴ருவம் ।
ததா³ ந தீ³யதே கஸ்மாத்பாதே²யார்த²மித³ம்ʼ த⁴னம் ॥ 6-165 ॥
கலத்ரபுத்ரமித்ராணி பிதா மாதா ச பா³ந்த⁴வா꞉ ।
திஷ்ட²ந்தி ந ம்ருʼதஸ்யார்தே² பரலோகே த⁴னானி ச ॥ 6-166 ॥
நாஸ்தி த⁴ர்மஸமம்ʼ மித்ரம்ʼ நாஸ்தி த⁴ர்மஸம꞉ ஸகா² ।
யத꞉ ஸர்வை꞉ பரித்யக்தம்ʼ நரம்ʼ த⁴ர்மோ (அ)னுக³ச்ச²தி ॥ 6-167 ॥
தஸ்மாத்³த⁴ர்மம்ʼ ஸமுத்³தி³ஶ்ய ய꞉ ஶேஷாமபி⁴வர்த⁴யேத் ।
ஸமஸ்தபாபநிர்முக்த꞉ ஶிவலோகம்ʼ ஸ க³ச்ச²தி ॥ 6-168 ॥
உபர்யுபரி வித்தேன ய꞉ ஶேஷாமபி⁴வர்த⁴யேத் ।
தஸ்யேயமுத்தமா தே³யா யதஶ்சான்யா ந வர்த⁴தே ॥ 6-169 ॥
இத்யேவம்ʼ மத்⁴யமாம்ʼ ஶேஷாம்ʼ வர்த⁴யேத்³வா கனீயஸீம் ।
ததஸ்தேஷாம்ʼ ப்ரதா³தவ்யா ஸர்வஶோகஸ்ய ஶாந்தயே ॥ 6-170 ॥
யேனோத்தமா க்³ருʼஹீதா ஸ்யாச்ஶிவஶேஷா மஹீயஸீ ।
ப்ராபணீயா க்³ருʼஹம்ʼ தஸ்ய ததை²வ ஶிரஸா வ்ருʼதா ॥ 6-171 ॥
த்⁴வஜச்ச²த்த்ரவிமாநாத்³யைர்மஹாவாதி³த்ரநி꞉ஸ்வனை꞉ ।
க்³ருʼஹத்³வாரம்ʼ தத꞉ ப்ராப்தமர்சயித்வா நிவேஶயேத் ॥ 6-172 ॥
த³த்³யாத்³கோ³த்ரகலத்ராணாம்ʼ ப்⁴ருʼத்யானாம்ʼ ஸ்வஜனஸ்ய ச ।
தர்பயேச்சானதான்(?) ப⁴க்த்யா வாதி³த்ரத்⁴வஜவாஹகான் ॥ 6-173 ॥
ஏவமாதீ³யதே ப⁴க்த்யா ய꞉ ஶிவஸ்யோத்தமா க்³ருʼஹே ।
ஶோப⁴யா ராஜமார்கே³ண தஸ்ய த⁴ர்மப²லம்ʼ ஶ்ருʼணு ॥ 6-174 ॥
ஸமஸ்தபாபநிர்முக்த꞉ ஸமஸ்தகுலஸம்ʼயுத꞉ ।
ஶிவலோகமவாப்னோதி ஸப்⁴ருʼத்யபரிசாரக꞉ ॥ 6-175 ॥
தத்ர தி³வ்யைர்மஹாபோ⁴கை³ர்விமானை꞉ ஸார்வகாமிகை꞉ ।
கல்பானாம்ʼ க்ரீட³தே கோடிமந்தே நிர்வாணமாப்னுயாத் ॥ 6-176 ॥
ரத²ஸ்ய யாத்ராம்ʼ ய꞉ குர்யாதி³த்யேவமுபஶோப⁴யா ।
ப⁴க்ஷபோ⁴ஜ்யப்ரதா³னைஶ்ச தத்ப²லம்ʼ ஶ்ருʼனு யத்னத꞉ ॥ 6-177 ॥
அஶேஷபாபநிர்முக்த꞉ ஸர்வப்⁴ருʼத்யஸமன்வித꞉ ।
குலத்ரிம்ʼஶகமுத்³த்⁴ருʼத்ய ஸுஹ்ருʼத்³பி⁴꞉ ஸ்வஜனை꞉ ஸஹ ॥ 6-178 ॥
ஸர்வகாமயுதைர்தி³வ்யை꞉ ஸ்வச்ச²ந்த³க³மனாலயை꞉ ।
மஹாவிமானை꞉ ஶ்ரீமத்³பி⁴ர்தி³வ்யஸ்த்ரீபரிவாரித꞉ ॥ 6-179 ॥
இச்ச²யா க்ரீட³தே போ⁴கை³꞉ கல்பகோடிம்ʼ ஶிவே புரே ।
ஜ்ஞானயோக³ம்ʼ தத꞉ ப்ராப்ய ஸம்ʼஸாராத³வமுச்யதே ॥ 6-180 ॥
ஶிவஸ்ய ரத²யாத்ராயாமுபவாஸபர꞉ க்ஷமீ ।
புரத꞉ ப்ருʼஷ்ட²தோ வாபி க³ச்ச²ம்ʼஸ்தஸ்ய ப²லம்ʼ ஶ்ருʼணு ॥ 6-181 ॥
அஶேஷபாபநிர்முக்த꞉ ஶுத்³த⁴꞉ ஶிவபுரம்ʼ க³த꞉ ।
மஹாரதோ²பமைர்யானை꞉ கல்பாஶீதிம்ʼ ப்ரமோத³தே᳚ ॥ 6-182 ॥
த்⁴வஜச்ச²த்த்ரபதாகாபி⁴ர்தீ³பத³ர்பணசாமரை꞉ ।
தூ⁴பைர்விதானகலஶைருபஶோபா⁴ ஸஹஸ்ரஶ꞉ ॥ 6-183 ॥
க்³ருʼஹீத்வா யாதி புரத꞉ ஸ்வேச்ச²யா வா பரேச்ச²யா ।
ஸம்பர்காத்கௌதுகால்லாபா⁴ச்சி²வலோகே வ்ரஜந்தே தே ॥ 6-184 ॥
ஶிவஸ்ய ரத²யாத்ராம்ʼ து ய꞉ ப்ரபஶ்யதி ப⁴க்தித꞉ ।
ப்ரஸங்கா³த்கௌதுகாத்³வாபி தே (அ)பி யாந்தி ஶிவம்ʼ புரம் ॥ 6-185 ॥
நானாயத்நாதி³ஶேஷாந்தே நானாப்ரேக்ஷணகானி ச ।
குர்வீத ரத²யாத்ராயாம்ʼ ரமதே ச விபூ⁴ஷிதா ॥ 6-186 ॥
தே போ⁴கை³ர்விவிதை⁴ர்தி³வ்யை꞉ ஶிவாஸன்னா க³ணேஶ்வரா꞉ ।
க்ரீட³ந்தி ருத்³ரப⁴வனே கல்பானாம்ʼ விம்ʼஶதீர்னரா꞉ ॥ 6-187 ॥
மஹதா ஜ்ஞானஸங்கே⁴ன தஸ்மாச்சி²வரதே²ன ச ।
ப்ருʼத²க்ஜீவா ம்ருʼதா யாந்தி ஶிவலோகம்ʼ ந ஸம்ʼஶய꞉ ॥ 6-188 ॥
ஶ்ரீபர்வதே மஹாகாலே வாராணஸ்யாம்ʼ மஹாலயே ।
ஜல்பேஶ்வரே குருக்ஷேத்ரே கேதா³ரே மண்ட³லேஶ்வரே ॥ 6-189 ॥
கோ³கர்ணே ப⁴த்³ரகர்ணே ச ஶங்குகர்ணே ஸ்த²லேஶ்வரே ।
பீ⁴மேஶ்வரே ஸுவர்ணாக்ஷே காலஞ்ஜரவனே ததா² ॥ 6-190 ॥
ஏவமாதி³ஷு சான்யேஷு ஶிவக்ஷேத்ரேஷு யே ம்ருʼதா꞉ ।
ஜீவாஶ்சராசரா꞉ ஸர்வே ஶிவலோகம்ʼ வ்ரஜந்தி தே ॥ 6-191 ॥
ப்ரயாக³ம்ʼ காமிகம்ʼ தீர்த²மவிமுக்தம்ʼ து நைஷ்டி²கம் ।
ஶ்ரீபர்வதம்ʼ ச விஜ்ஞேயமிஹாமுத்ர ச ஸித்³தி⁴த³ம் ॥ 6-192 ॥
ப்ரஸங்கே³னாபி ய꞉ பஶ்யேத³ன்யத்ர ப்ரஸ்தி²த꞉ க்வசித் ।
ஶ்ரீபர்வதம்ʼ மஹாபுண்யம்ʼ ஸோ (அ)பி யாதி ஶிவம்ʼ புரம் ॥ 6-193 ॥
வ்ரஜேத்³ய꞉ ஶிவதீர்தா²னி ஸர்வபாபை꞉ ப்ரமுச்யதே ।
பாபயுக்த꞉ ஶிவஜ்ஞானம்ʼ ப்ராப்ய நிர்வாணமாப்னுயாத் ॥ 6-194 ॥
தீர்த²ஸ்தா²னேஷு ய꞉ ஶ்ராத்³த⁴ம்ʼ ஶிவராத்ரே ப்ரயத்னத꞉ ।
கல்பயித்வானுஸாரேண காலஸ்ய விஷுவஸ்ய ச ॥ 6-195 ॥
தீர்த²யாத்ராக³தம்ʼ ஶாந்தம்ʼ ஹாஹாபூ⁴தமசேதனம் ।
க்ஷுத்பிபாஸாதுரம்ʼ லோகே பாம்ʼஸுபாத³ம்ʼ த்வரான்விதம் ॥ 6-196 ॥
ஸந்தர்பயித்வா யத்னேன ம்லானலக்ஷ்மீமிவாம்பு³பி⁴꞉ ।
பாத்³யாஸனப்ரதா³னேன கஸ்தேன புருஷ꞉ ஸம꞉ ॥ 6-197 ॥
அஶ்னந்தி யாவத்தத்பிண்ட³ம்ʼ தீர்த²நிர்தூ⁴தகல்மஷா꞉ ।
தாவத்³வர்ஷஸஹஸ்ராணி தத்³தா³தாஸ்தே ஶிவே புரே ॥ 6-198 ॥
த³த்³யாத்³ய꞉ ஶிவஸத்த்ரார்த²ம்ʼ மஹிஷீம்ʼ ஸுபயஸ்வினீம் ।
மோத³தே ஸ ஶிவே லோகே யுக³கோடிஶதம்ʼ நர꞉ ॥ 6-199 ॥
ஆர்தாய ஶிவப⁴க்தாய த³த்³யாத்³ய꞉ ஸுபயஸ்வினீம் ।
அஜாமேகாம்ʼ ஸுபுஷ்டாங்கீ³ம்ʼ தஸ்ய புண்யப²லம்ʼ ஶ்ருʼணு ॥ 6-200 ॥
யாவத்தத்³ரோமஸங்க்²யானம்ʼ தத்ப்ரஸூதிகுலேஷு ச ।
தாவத்³வர்ஷஸஹஸ்ராணி ருத்³ரலோகே மஹீயதே ॥ 6-201 ॥
ம்ருʼது³ரோமாஞ்சிதாம்ʼ க்ருʼஷ்ணாம்ʼ நிவேத்³ய கு³ரவே நர꞉ ।
ரோம்ணி ரோம்ணி ஸுவர்ணஸ்ய த³த்தஸ்ய ப²லமாப்னுயாத் ॥ 6-202 ॥
க³ஜாஶ்வரத²ஸம்ʼயுக்தைர்விமானை꞉ ஸார்வகாமிகை꞉ ।
ஸானுக³꞉ க்ரீட³தே போ⁴கை³꞉ கல்பகோடிம்ʼ ஶிவே புரே ॥ 6-203 ॥
நிவேத்³யாஶ்வதரம்ʼ புஷ்டமது³ஷ்டம்ʼ கு³ரவே நர꞉ ।
ஸங்க³திம்ʼ ஸோபகரணம்ʼ போ⁴கா³ன்பு⁴ங்க்தே ஶிவே புரே ॥ 6-204 ॥
தி³வ்யாஶ்வயுக்தை꞉ ஶ்ரீமத்³பி⁴ர்விமானை꞉ ஸார்வகாமிகை꞉ ।
கோடிம்ʼ கோடிம்ʼ ச கல்பானாம்ʼ தத³ந்தே ஸ்யான்மஹீபதி꞉ ॥ 6-205 ॥
அபி யோஜனமாத்ராய ஶிபி³காம்ʼ பரிகல்பயேத் ।
கு³ரோ꞉ ஶாந்தஸ்ய தா³ந்தஸ்ய தஸ்ய புண்யப²லம்ʼ ஶ்ருʼணு ॥ 6-206 ॥
விமானானாம்ʼ ஸஹஸ்ரேண ஸர்வகாமயுதேன ச ।
கல்பகோட்யயுதம்ʼ ஸாக்³ரம்ʼ போ⁴கா³ன்பு⁴ங்க்தே ஶிவே புரே ॥ 6-207 ॥
சா²க³ம்ʼ மேஷம்ʼ மயூரம்ʼ ச குக்குடம்ʼ ஶாரிகாம்ʼ ஶுகம் ।
பா³லக்ரீட³னகானேதாநித்யாத்³யானபரானபி ॥ 6-208 ॥
நிவேத³யித்வா ஸ்கந்தா³ய தத்ஸாயுஜ்யமவாப்னுயாத் ।
பு⁴க்த்வா து விபுலான்போ⁴கா³ம்ʼஸ்தத³ந்தே ஸ்யாத்³த்³விஜோத்தம꞉ ॥ 6-209 ॥
முஸலோலூக²லாத்³யானி க்³ருʼஹோபகரணானி ச ।
த³த்³யாச்சி²வக்³ருʼஹஸ்தே²ப்⁴யஸ்தஸ்ய பூண்யப²லம்ʼ ஶ்ருʼணு ॥ 6-210 ॥
ப்ரத்யேகம்ʼ கல்பமேகைகம்ʼ க்³ருʼஹோபகரணைர்னர꞉ ।
அந்தே தி³வி வஸேத்³போ⁴கை³ஸ்தத³ந்தே ச க்³ருʼஹீ ப⁴வேத் ॥ 6-211 ॥
க²ர்ஜூரதாலபத்த்ரைர்வா சர்மணா வா ஸுகல்பிதம் ।
த³த்த்வா கோட்யாஸனம்ʼ வ்ருʼத்தம்ʼ ஶிவலோகமவாப்னுயாத் ॥ 6-212 ॥
ப்ராதர்னீஹாரவேலாயாம்ʼ ஹேமந்தே ஶிவயோகி³னாம் ।
க்ருʼத்வா ப்ரதாபனாயாக்³னிம்ʼ ஶிவலோகே மஹீயதே ॥ 6-213 ॥
ஸூர்யாயுதப்ரபா⁴தீ³ப்தைர்விமானை꞉ ஸார்வகாமிகை꞉ ।
கல்பகோடிஶதம்ʼ போ⁴கா³ன்பு⁴க்த்வா ஸ து மஹீபதி꞉ ॥ 6-214 ॥
ய꞉ ப்ராந்தரம்ʼ விதே³ஶம்ʼ வா க³ச்ச²ந்தம்ʼ ஶிவயோகி³னம் ।
போ⁴ஜயீத யதா²ஶக்த்யா ஶிவலோகே மஹீயதே ॥ 6-215 ॥
யஶ்ச²த்த்ரம்ʼ தா⁴ரயேத்³க்³ரீஷ்மே க³ச்ச²தே ஶிவயோகி³னே ।
ஸ ம்ருʼத꞉ ப்ருʼதி²வீம்ʼ க்ருʼத்ஸ்நாமேகச்ச²த்த்ராமவாப்னுயாத் ॥ 6-216 ॥
ய꞉ ஸமுத்³த⁴ரதே மார்கே³ மாத்ரோபகரணாஸனம் ।
ஶிவயோக³ப்ரவ்ருʼத்தஸ்ய தஸ்ய புண்யப²லம்ʼ ஶ்ருʼணு ॥ 6-217 ॥
கல்பாயுதம்ʼ நர꞉ ஸாக்³ரம்ʼ பு⁴க்த்வா போ⁴கா³ஞ்சி²வே புரே ।
தத³ந்தே ப்ராப்னுயாத்³ராஜ்யம்ʼ ஸர்வைஶ்வர்யஸமன்விதம் ॥ 6-218 ॥
அப்⁴யங்கோ³த்³வர்தனம்ʼ ஸ்னானமார்தஸ்ய ஶிவயோகி³ன꞉ ।
க்ருʼத்வாப்னோதி மஹாபோ⁴கா³ன்கல்பாஞ்சி²வபுரே நர꞉ ॥ 6-219 ॥
அபனீய ஸமுச்சி²ஷ்டம்ʼ ப⁴க்தித꞉ ஶிவயோகி³னாம் ।
த³ஶதே⁴னுப்ரதா³னஸ்ய ப²லமாப்னோதி மானவ꞉ ॥ 6-220 ॥
பஞ்சக³வ்யஸமம்ʼ ஜ்ஞேயமுச்சி²ஷ்டம்ʼ ஶிவயோகி³னாம் ।
தத்³பு⁴க்த்வா லப⁴தே ஶுத்³தி⁴ம்ʼ மஹத꞉ பாதகாத³பி ॥ 6-221 ॥
நாரீ ச பு⁴க்த்வா ஸத்புத்ரம்ʼ குலாதா⁴ரம்ʼ கு³ணான்விதம் ।
ராஜ்யயோக்³யம்ʼ த⁴னாட்⁴யம்ʼ ச ப்ராப்னுயாத்³த⁴ர்மதத்பரம் ॥ 6-222 ॥
யஶ்ச யாம்ʼ ஶிவயஜ்ஞாய க்³ருʼஹஸ்த²꞉ பரிகல்பயேத் ।
ஶிவப⁴க்தோ (அ)ஸ்ய மஹத꞉ பரமம்ʼ ப²லமாப்னுயாத் ॥ 6-223 ॥
ஶிவோமாம்ʼ ச ப்ரயத்னேன ப⁴க்த்யாப்³த³ம்ʼ யோ (அ)னுபாலயேத் ।
க³வாம்ʼ லக்ஷப்ரதா³னஸ்ய ஸம்பூர்ணம்ʼ ப²லமாப்னுயாத் ॥ 6-224 ॥
ப்ராத꞉ ப்ரத³த்³யாத்ஸக்⁴ருʼதம்ʼ ஸுக்ருʼதம்ʼ பா³லபிண்ட³கம் ।
தூ³ர்வாம்ʼ ச பா³லவத்ஸானாம்ʼ(?) தஸ்ய புண்யப²லம்ʼ ஶ்ருʼணு ॥ 6-225 ॥
யாவத்தத்³பா³லவத்ஸானாம்ʼ பானாஹாரம்ʼ ப்ரகல்பயேத் ।
தாவத³ஷ்டாயுதான்பூர்வைர்போ⁴கா³ன்பு⁴ங்க்தே ஶிவே புரே ॥ 6-226 ॥
வித⁴வாநாத²வ்ருʼத்³தா⁴னாம்ʼ ப்ரத³த்³யாத்³ய꞉ ப்ரஜீவனம் ।
ஆபூ⁴தஸ்ஸம்ப்லவம்ʼ யாவச்சி²வலோகே மஹீயதே ॥ 6-227 ॥
த³த்³யாத்³ய꞉ ஸர்வஜந்தூநாமாஹாரமனுயத்னத꞉ ।
த்ரி꞉ ப்ருʼத்²வீம்ʼ ரத்னஸம்பூர்ணாம்ʼ யத்³த³த்த்வா தத்ப²லம்ʼ லபே⁴த் ॥ 6-228 ॥
வினயவ்ரததா³னானி யானி ஸித்³தா⁴னி லோகத꞉ ।
தானி தேனைவ விதி⁴னா ஶிவமந்த்ரேண கல்பயேத் ॥ 6-229 ॥
நிவேத³யீத ருத்³ராய ருத்³ராண்யா꞉ ஷண்முக²ஸ்ய ச ।
ப்ராப்னுயாத்³விபுலான்போ⁴கா³ந்தி³வ்யாஞ்சி²வபுரே நர꞉ ॥ 6-230 ॥
புனர்ய꞉ கர்தரீம்ʼ த³த்³யாத்கேஶக்லேஶாபனுத்தயே ।
ஸர்வக்லேஶவிநிர்முக்த꞉ ஶிவலோகே ஸுகீ² ப⁴வேத் ॥ 6-231 ॥
நாஸிகாஶோத⁴னம்ʼ த³த்³யாத்ஸந்த³ம்ʼஶம்ʼ ஶிவயோகி³னே ।
வர்ஷகோடிம்ʼ மஹாபோ⁴கை³꞉ ஶிவலோகே மஹீயதே ॥ 6-232 ॥
நக²ச்சே²த³னகம்ʼ த³த்த்வா ஶிவலோகே மஹீயதே ।
வர்ஷலக்ஷம்ʼ மஹாபோ⁴கை³꞉ ஶிவலோகே மஹீயதே ॥ 6-233 ॥
த³த்த்வாஞ்ஜனஶலாகாம்ʼ வா லோஹாத்³யாம்ʼ ஶிவயோகி³னே ।
போ⁴கா³ஞ்சி²வபுரே ப்ராப்ய ஜ்ஞானசக்ஷுரவாப்னுயாத் ॥ 6-234 ॥
கர்ணஶோத⁴னகம்ʼ த³த்த்வா லோஹாத்³யம்ʼ ஶிவயோகி³னே ।
வர்ஷகோடிம்ʼ மஹாபோ⁴கை³꞉ ஶிவலோகே மஹீயதே ॥ 6-235 ॥
த³த்³யாத்³ய꞉ ஶிவப⁴க்தாய ஸூசீம்ʼ கௌபீனஶோத⁴னீம் ।
வர்ஷலக்ஷம்ʼ ஸ லக்ஷார்த⁴ம்ʼ ஶிவலோகே மஹீயதே ॥ 6-236 ॥
நிவேத்³ய ஶிவயோகி³ப்⁴ய꞉ ஸூசிகம்ʼ ஸூத்ரஸம்ʼயுதம் ।
வர்ஷலக்ஷம்ʼ மஹாபோ⁴கை³꞉ க்ரீட³தே ஸ ஶிவே புரே ॥ 6-237 ॥
த³த்³யாத்³ய꞉ ஶிவயோகி³ப்⁴ய꞉ ஸுக்ருʼதாம்ʼ பத்ரவேத⁴னீம் ।
வர்ஷலக்ஷம்ʼ மஹாபோ⁴கை³꞉ ஶிவலோகே மஹீயதே ॥ 6-238 ॥
த³த்³யாத்³ய꞉ புஸ்தகாதீ³னாம்ʼ ஸர்வகார்யார்த²கர்த்ருʼகாம் ।
பஞ்சலக்ஷம்ʼ மஹாபோ⁴கை³ர்மோத³தே ஸ ஶிவே புரே ॥ 6-239 ॥
ஶமீந்த⁴னத்ருʼணாதீ³னாம்ʼ த³த்³யாத்தச்சே²த³னம்ʼ ச ய꞉ ।
க்ரீட³தே ஸ ஶிவே லோகே வர்ஷலக்ஷசதுஷ்டயம் ॥ 6-240 ॥
ஶிவாஶ்ரமோபபோ⁴கா³ய லோஹோபகரணம்ʼ மஹத் ।
ய꞉ ப்ரத³த்³யாக்³குடா²ராத்³யம்ʼ தஸ்ய புண்யப²லம்ʼ ஶ்ருʼணு ॥ 6-241 ॥
யாவத்தத்ப²லஸங்க்²யானம்ʼ லோஹோபகரணே ப⁴வேத் ।
தாவந்தி வர்ஷலக்ஷாணி ஶிவலோகே மஹீயதே ॥ 6-242 ॥
ஶிவாயதனவித்தானாம்ʼ ரக்ஷார்த²ம்ʼ ய꞉ ப்ரயச்ச²தி ।
த⁴னு꞉க²ட்³கா³யுதா⁴தீ³னி தஸ்ய புண்யப²லம்ʼ ஶ்ருʼணு ॥ 6-243 ॥
ஏகைகஸ்மின்பரிஜ்ஞேயமாயுதே⁴ சாபி வை ப²லம் ।
வர்ஷகோட்யஷ்டகம்ʼ போ⁴கை³꞉ ஶிவலோகே மஹீயதே ॥ 6-244 ॥
ய꞉ ஸ்வாத்மபோ⁴க³ப்⁴ருʼத்யர்த²ம்ʼ குஸுமானி நிவேத³யேத் ।
ஶிவாய கு³ரவே வாபி தஸ்ய புண்யப²லம்ʼ ஶ்ருʼணு ॥ 6-245 ॥
யாவத³ன்யோ(அ)ன்யஸம்ப³ந்தா⁴ஸ்தஸ்யாம்ʼஶா꞉ பரிகீர்திதா꞉ ।
வர்ஷலக்ஷம்ʼ ஸ தாவச்ச ஶிவலோகே ப்ரமோத³தே ॥ 6-246 ॥
நஷ்டாபஹ்ருʼதமன்விஷ்ய புனர்வித்தம்ʼ நிவேத³யேத் ।
ஶிவாத்மகம்ʼ ஶிவாயைவ தஸ்ய புண்யப²லம்ʼ ஶ்ருʼணு ॥ 6-247 ॥
யாவச்சி²வாய தத்³வித்தம்ʼ ப்ராங்நிவேத்³ய ப²லம்ʼ ஸ்ம்ருʼதம் ।
நஷ்டமானீய தத்³பூ⁴ய꞉ புண்யம்ʼ ஶதகு³ணம்ʼ லபே⁴த் ॥ 6-248 ॥
தே³வத்³ரவ்யம்ʼ ஹ்ருʼதம்ʼ நஷ்டமன்வேஷ்யமபி யத்னத꞉ ।
ந ப்ராப்னோதி ததா³ தஸ்ய ப்ராப்னுயாத்³த்³விகு³ணம்ʼ ப²லம் ॥ 6-249 ॥
தாம்ரகும்ப⁴கடாஹாத்³யம்ʼ ய꞉ ஶிவாய நிவேத³யேத் ।
ஶிவாத்மகம்ʼ ஶிவாயைவ தஸ்ய புண்யப²லம்ʼ ஶ்ருʼணு ॥ 6-250 ॥
யாவச்சி²வாய தத்³வித்தம்ʼ ப்ராங்நிவேத்³ய ப²லம்ʼ ஸ்ம்ருʼதம் ।
நஷ்டமானீய தத்³பூ⁴ய꞉ புண்யம்ʼ ஶதகு³ணம்ʼ லபே⁴த் ॥ 6-251 ॥
ஸ்னானஸத்த்ரோபபோ⁴கா³ய தஸ்ய புண்யப²லம்ʼ ஶ்ருʼணு ।
யாவத்தத்ப²லஸங்க்²யானம்ʼ தாம்ரோபகரணே ஸ்தி²தம் ॥ 6-252 ॥
பலே பலே வர்ஷகோடிம்ʼ மோத³தே ஸ ஶிவே புரே ।
ய꞉ பத்த்ரபுஷ்பவஸ்தூனாம்ʼ த³த்³யாதா³தா⁴ரபா⁴ஜனம் ॥ 6-253 ॥
தத்³வஸ்துதா³துர்யத்புண்யம்ʼ தத்புண்யம்ʼ ஸகலம்ʼ ப⁴வேத் ।
த³த்த்வோபகரணம்ʼ கிஞ்சித³பி யோ வித்தமர்தி²னாம் ॥ 6-254 ॥
யத்³வஸ்து குருதே தேன தத்ப்ரதா³னப²லம்ʼ லபே⁴த் ।
ய꞉ ஶௌசபீதவஸ்த்ராணி க்ஷாராத்³யை꞉ ஶிவயோகி³னாம் ॥ 6-255 ॥
ஸ பாபமலநிர்முக்த꞉ ஶிவலோகமவாப்னுயாத் ।
ய꞉ புஷ்பபட்டஸம்ʼயுக்தம்ʼ படக³ர்ப⁴ம்ʼ ச கம்ப³லம் ॥ 6-256 ॥
ப்ரத³த்³யாச்சி²வயோகி³ப்⁴யஸ்தஸ்ய புண்யப²லம்ʼ ஶ்ருʼணு ।
தேஷாம்ʼ ச வஸ்த்ரதந்தூனாம்ʼ யாவத்ஸங்க்²யா விதீ⁴யதே ॥ 6-257 ॥
தாவத்³வர்ஷஸஹஸ்ராணி போ⁴கா³ன்பு⁴ங்க்தே ஶிவே புரே ।
ஶ்லக்ஷ்ணவஸ்த்ராணி ஶுக்லானி த³த்³யாத்³ய꞉ ஶிவயோகி³னே ॥ 6-258 ॥
சித்ரவஸ்த்ராணி தத்³ப⁴க்த்யா தஸ்ய புண்யப²லம்ʼ ஶ்ருʼணு ।
யாவத்தத்ஸூக்ஷ்மவஸ்த்ராணாம்ʼ தந்துஸங்க்²யா விதீ⁴யதே ॥ 6-259 ॥
தாவத்³யுகா³னி ஸம்போ⁴கை³꞉ ஶிவலோகே மஹீயதே ।
ஶங்க²பாத்ரம்ʼ து விஸ்தீர்ணம்ʼ பா⁴ண்ட³ம்ʼ வாபி ஸுஶோப⁴னம் ॥ 6-260 ॥
ப்ரத³த்³யாச்சி²வயோகி³ப்⁴யஸ்தஸ்ய புண்யப²லம்ʼ ஶ்ருʼணு ।
தி³வ்யம்ʼ விமானமாரூட⁴꞉ ஸர்வகாமஸமன்விதம் ॥ 6-261 ॥
கல்பகோட்யயுதம்ʼ ஸாக்³ரம்ʼ ஶிவலோகே மஹீயதே ।
ஶுக்த்யாதீ³னி ச பாத்ராணி ஶோப⁴னான்யமலானி ச ॥ 6-262 ॥
நிவேத்³ய ஶிவயோகி³ப்⁴ய꞉ ஶங்கா²ர்தே⁴ன ப²லம்ʼ லபே⁴த் ।
ஸ்பா²டிகானாம்ʼ ச பாத்ராணாம்ʼ ஶங்க²துல்யப²லம்ʼ ஸ்ம்ருʼதம் ॥ 6-263 ॥
ஶைலஜானாம்ʼ தத³ர்தே⁴ன பாத்ராணாம்ʼ ச தத³ர்த⁴கம் ।
தாலக²ர்ஜூரபாத்ராணாம்ʼ வம்ʼஶஜானாம்ʼ நிவேத³னே ॥ 6-264 ॥
அன்யேஷாமேவமாதீ³னாம்ʼ புண்யம்ʼ வார்க்ஷ்யார்த⁴ஸம்ʼமிதம் ।
வம்ʼஶஜார்த⁴ஸமம்ʼ புண்யம்ʼ ப²லபாத்ரநிவேத³னே ॥ 6-265 ॥
நானாபர்ணபுடாணாம்ʼ ச ஸாராணாம்ʼ வா ப²லார்த⁴கம் ।
யஸ்தாம்ரகாம்ʼஸ்யபாத்ராணி ஶோவ்ஹனான்யமலானி ச ॥ 6-266 ॥
ஸ்னானபோ⁴ஜனபானார்த²ம்ʼ த³த்³யாத்³ய꞉ ஶிவயோகி³னே ।
தாம்ராம்ʼ காம்ʼஸீம்ʼ த்ரிலோஹீம்ʼ வா ய꞉ ப்ரத³த்³யாத்த்ரிபாதி³காம் ॥ 6-267 ॥
போ⁴ஜனே போ⁴ஜனாதா⁴ரம்ʼ கு³ரவே தத்ப²லம்ʼ ஶ்ருʼணு ।
யாவத்தத்பலஸங்க்²யானம்ʼ த்ரிபாத்³யா போ⁴ஜனேஷு ச ॥ 6-268 ॥
தாவத்³யுக³ஸஹஸ்ராணி போ⁴கா³ன்பு⁴ங்க்தே ஶிவே புரே ।
லோஹம்ʼ த்ரிபாதி³கம்ʼ த³த்த்வா ஸத்க்ருʼத்வா ஶிவயோகி³னே ॥ 6-269 ॥
த³ஶகல்பான்மஹாபோ⁴கை³ர்னர꞉ ஶிவபுரே வஸேத் ।
ய꞉ ப்ரத³த்³யாத்த்ரிவிஷ்டம்ப⁴ம்ʼ பி⁴க்ஷாபாத்ரஸமாஶ்ரயம் ॥ 6-270 ॥
வம்ʼஶஜம்ʼ தா³ருஜம்ʼ வாபி தஸ்ய புண்யப²லம்ʼ ஶ்ருʼணு ।
தி³வ்யஸ்த்ரீபோ⁴க³ஸம்பன்னோ விமானே மஹதி ஸ்தி²த꞉ ॥ 6-271 ॥
சதுர்யுக³ஸஹஸ்ரம்ʼ து போ⁴கா³ன்பு⁴ங்க்தே ஶிவே புரே ।
பி⁴க்ஷாபாத்ரமுகா²ச்சா²த³ம்வஸ்த்ரபர்ணாதி³கல்பிதம் ॥ 6-272 ॥
த³த்த்வா ஶிவபுரே போ⁴கா³ன்கல்பமேகம்ʼ வஸேன்னர꞉ ।
ஸம்ʼஶ்ரயம்ʼ ய꞉ ப்ரத³த்³யாச்ச பி⁴க்ஷாபாத்ரே கமண்ட³லௌ ॥ 6-273 ॥
கல்பிதம்ʼ வஸ்த்ரஸூத்ராத்³யைஸ்தஸ்ய புண்யப²லம்ʼ ஶ்ருʼணு ।
தத்³வஸ்த்ரபூததந்தூனாம்ʼ ஸங்க்²யா யாவத்³விதீ⁴யதே ॥ 6-274 ॥
தாவத்³வர்ஷஸஹஸ்ராணி ருத்³ரலோகே மஹீயதே ।
ஸூத்ரவல்கலவாலைர்வா ஶிக்யபா⁴ண்ட³ஸமாஶ்ரயம் ॥ 6-275 ॥
ய꞉ க்ருʼத்வா தா³மனீயோக்த்ரம்ʼ ப்ரக்³ரஹம்ʼ ரஜ்ஜுமேவ வா ।
ஏவமாதீ³னி சான்யானி வஸ்தூனி விநிவேத³யேத் ॥ 6-276 ॥
ஶிவகோ³ஷ்டோ²பயோகா³ர்த²ம்ʼ தஸ்ய புண்யப²லம்ʼ ஶ்ருʼணு ।
யாவத்தத்³ரஜ்ஜுஸங்க்²யானம்ʼ ப்ரத³த்³யாச்சி²வகோ³குலே ॥ 6-277 ॥
தாவச்சதுர்யுக³ம்ʼ தே³ஹீ ஶிவலோகே மஹீயதே ।
யதா² யதா² ப்ரியம்ʼ வஸ்த்ரம்ʼ ஶோப⁴னம்ʼ ச யதா² யதா² ॥ 6-278 ॥
ததா² ததா² மஹாபுண்யம்ʼ தத்³தா³நாது³த்தரோத்தரம் ।
ய꞉ பந்தா²னம்ʼ தி³ஶேத்ப்ருʼஷ்டம்ʼ ப்ரணஷ்டம்ʼ ச க³வாதி³கம்ʼ ॥ 6-279 ॥
ஸ கோ³தா³னஸமம்ʼ புண்யம்ʼ ப்ரஜ்ஞாஸௌக்²யம்ʼ ச விந்த³தி ।
க்ருʼத்வோபகாரமார்தானாம்ʼ ஸ்வர்க³ம்ʼ யாதி ந ஸம்ʼஶய꞉ ॥ 6-280 ॥
அபி கண்டகமுத்³த்⁴ருʼத்ய கிமுதான்யம்ʼ மஹாகு³ணம்(?) ।
அன்னபானௌஷதீ⁴னாம்ʼ ச ய꞉ ப்ரதா³தாரமுத்³தி³ஶேத் ॥ 6-281 ॥
ஆர்தானாம்ʼ தஸ்ய விஜ்ஞேயம்ʼ தா³துஸ்தத்ஸத்³ருʼஶம்ʼ ப²லம் ।
ஶிவாய தஸ்ய ஸம்ʼருத்³த⁴ம்ʼ கர்ம திஷ்ட²தி யத்³வினா ॥ 6-282 ॥
தத³ல்பமபி யஜ்ஞாங்க³ம்ʼ த³த்த்வா யஜ்ஞப²லம்ʼ லபே⁴த் ।
அபி காஶகுஶம்ʼ ஸூத்ரம்ʼ கோ³மயம்ʼ ஸமிதி³ந்த⁴னம் ॥ 6-283 ॥
ஶிவயஜ்ஞோபயோகா³ர்த²ம்ʼ ப்ரவக்ஷ்யாமி ஸமாஸத꞉ ।
ஸர்வேஷாம்ʼ ஶிவப⁴க்தானாம்ʼ த³த்³யாத்³யத்கிஞ்சிதா³த³ராத் ।
த³த்த்வா யஜ்ஞப²லம்ʼ வித்³யாத்கிமு தத்³வஸ்துதா³னத꞉ ॥ 6-284 ॥
॥ இதி ஶிவோபநிஷதி³ ப²லோபகரணப்ரதா³னாத்⁴யாய꞉ ஷஷ்ட²꞉ ॥
அத² ஸ்வர்கா³பவர்கா³ர்தே² ப்ரவக்ஷ்யாமி ஸமாஸத꞉ ।
ஸர்வேஷாம்ʼ ஶிவப⁴க்தானாம்ʼ ஶிவாசாரமனுத்தமம் ॥ 7-1 ॥
ஶிவ꞉ ஶிவாய பூ⁴தானாம்ʼ யஸ்மாத்³தா³னம்ʼ ப்ரயச்ச²தி ।
கு³ருமூர்தி꞉ ஸ்தி²தஸ்தஸ்மாத்பூஜயேத்ஸததம்ʼ கு³ரும் ॥ 7-2 ॥
நாலக்ஷணே யதா² லிங்கே³ ஸாம்ʼநித்⁴யம்ʼ கல்பயேச்சி²வ꞉ ।
அல்பாக³மே கு³ரௌ தத்³வத்ஸாம்ʼநித்⁴யம்ʼ ந ப்ரகல்பயேத் ॥ 7-3 ॥
ஶிவஜ்ஞானார்த²தத்த்வஜ்ஞ꞉ ப்ரஸன்னமனஸம்ʼ கு³ரும் ।
ஶிவ꞉ ஶிவம்ʼ ஸமாஸ்தா²ய ஜ்ஞானம்ʼ வக்தி ந ஹீதர꞉ ॥ 7-4 ॥
கு³ரும்ʼ ச ஶிவவத்³ப⁴க்த்யா நமஸ்காரேண பூஜயேத் ।
க்ருʼதாஞ்ஜலிஸ்த்ரிஸந்த்⁴யம்ʼ ச பூ⁴மிவின்யஸ்தமஸ்தக꞉ ॥ 7-5 ॥
ந விவிக்தமனாசாந்தம்(?) சங்க்ரமந்தம்ʼ ததா²குலம் ।
ஸமாதி⁴ஸ்த²ம்ʼ வ்ரஜந்தம்ʼ ச நமஸ்குர்யாத்³கு³ரும்ʼ பு³த⁴꞉ ॥ 7-6 ॥
வ்யாக்²யானே தத்ஸமாப்தௌ ச ஸம்ப்ரஶ்னே ஸ்னானபோ⁴ஜனே ।
பு⁴க்த்வா ச ஶயனே ஸ்வப்னே நமஸ்குர்யாத்ஸதா³ கு³ரும் ॥ 7-7 ॥
க்³ராமாந்தரமபி⁴ப்ரேப்ஸுர்கு³ரோ꞉ குர்யாத்ப்ரத³க்ஷிணம் ।
ஸார்வாங்கி³கப்ரணாமம்ʼ ச புன꞉ குர்யாத்ததா³க³த꞉ ॥ 7-8 ॥
பர்வோத்ஸவேஷு ஸர்வேஷு த³த்³யாத்³க³ந்த⁴பவித்ரகம் ।
ஶிவஜ்ஞானஸ்ய சாரம்பே⁴ ப்ரவாஸக³மநாக³தௌ ॥ 7-9 ॥
ஶிவத⁴ர்மவ்ரதாரம்பே⁴ தத்ஸமாப்தௌ ச கல்பயேத் ।
ப்ரஸாத³னாய குபிதோ விஜித்ய ச ரிபும்ʼ ததா² ॥ 7-10 ॥
புண்யாஹே க்³ரஹஶாந்தௌ ச தீ³க்ஷாயாம்ʼ ச ஸத³க்ஷிணம் ।
ஆவார்ய பத³ஸம்ப்ராப்தௌ பவித்ரே சோபவிக்³ரஹே ॥ 7-11 ॥
உபானச்ச²த்த்ரஶயனம்ʼ வஸ்த்ரமாஸனபூ⁴ஷணம் ।
பாத்ரத³ண்டா³க்ஷஸூத்ரம்ʼ வா கு³ருஸக்தம்ʼ ந தா⁴ரயேத் ॥ 7-12 ॥
ஹாஸ்யநிஷ்டீ²வனாஸ்போ²டமுச்சபா⁴ஷ்யவிஜ்ருʼம்ப⁴ணம் ।
பாத³ப்ரஸாரணம்ʼ க³திம்ʼ ந குர்யாத்³கு³ருஸம்ʼநிதௌ⁴ ॥ 7-13 ॥
ஹீனான்னபானவஸ்த்ர꞉ ஸ்யாந்நீசஶய்யாஸனோ கு³ரோ꞉ ।
ந யதே²ஷ்டஶ்ச ஸந்திஷ்டே²த்கலஹம்ʼ ச விவர்ஜயேத் ॥ 7-14 ॥
ப்ரதிவாதே (அ)னுவாதே வா ந திஷ்டே²த்³கு³ருணா ஸஹ ।
அஸம்ʼஶ்ரயே ச ஸததம்ʼ ந கிஞ்சித்கீர்தயேத்³கு³ரோ꞉ ॥ 7-15 ॥
அந்யாஸக்தோ ந பு⁴ஞ்ஜானோ ந திஷ்ட²ன்னபராங்முக²꞉ ।
ந ஶயனோ ந சாஸீன꞉ ஸம்பா⁴ஸ்யேத்³கு³ருணா ஸஹ ॥ 7-16 ॥
த்³ருʼஷ்ட்வைவ கு³ருமாயாந்தமுத்திஷ்டே²த்³தூ³ரதஸ்த்வரம் ।
அனுஜ்ஞாதஶ்ச கு³ருணா ஸம்ʼவிஶேச்சானுப்ருʼஷ்ட²த꞉ ॥ 7-17 ॥
ந கண்ட²ம்ʼ ப்ராவ்ருʼதம்ʼ குர்யான்ன ச தத்ராவஸக்திகாம் ।
ந பாத³தா⁴வனஸ்னானம்ʼ யத்ர பஶ்யேத்³கு³ரு꞉ ஸ்தி²த꞉ ॥ 7-18 ॥
ந த³ந்ததா⁴வநாப்⁴யங்க³மாயாமோத்³வர்தனக்ரியா꞉ ।
உத்ஸர்க³பரிதா⁴னம்ʼ ச கு³ரோ꞉ குர்வீத பஶ்யத꞉ ॥ 7-19 ॥
கு³ருர்யத³ர்பயேத்கிஞ்சித்³க்³ருʼஹாஸன்னம்ʼ தத³ஞ்ஜலௌ ।
பாத்ரே வா புரத꞉ ஶிஷ்யஸ்தத்³வக்த்ரமபி⁴வீக்ஷயன் ॥ 7-20 ॥
யத³ர்பயேத்³கு³ரு꞉ கிஞ்சி தன்னம்ர꞉ புரத꞉ ஸ்தி²த꞉ ।
பாணித்³வயேன க்³ருʼஹ்ணீயத்ஸ்தா²பயேத்தச்ச ஸுஸ்தி²தம் ॥ 7-21 ॥
ந கு³ரோ꞉ கீர்தயேந்நாம பரோ(அ)க்ஷமபி கேவலம் ।
ஸமானஸஞ்ஜ்ஞமன்யம்ʼ வா நாஹ்வயீத ததா³க்²யயா ॥ 7-22 ॥
ஸ்வகு³ருஸ்தத்³கு³ருஶ்சைவ யதி³ ஸ்யாதாம்ʼ ஸமம்ʼ க்வசித் ।
கு³ரோர்கு³ருஸ்தயோ꞉ பூஜ்ய꞉ ஸ்வகு³ருஶ்ச ததா³ஜ்ஞயா ॥ 7-23 ॥
அநிவேத்³ய ந பு⁴ஞ்ஜீத பு⁴க்த்வா சாஸ்ய நிவேத³யேத் ।
நாவிஜ்ஞாப்ய கு³ரும்ʼ க³ச்சே²த்³ப³ஹி꞉ கார்யேண கேனசித் ॥ 7-24 ॥
கு³ர்வாஜ்ஞயா கர்ம க்ருʼத்வா தத்ஸமாப்தௌ நிவேத³யேத் ।
க்ருʼத்வா ச நைத்யகம்ʼ ஸர்வமதீ⁴யீதாஜ்ஞயா கு³ரோ꞉ ॥ 7-25 ॥
ம்ருʼத்³ப⁴ஸ்மகோ³மயஜலம்ʼ பத்த்ரபுஷ்பேந்த⁴னம்ʼ ஸமித் ।
பர்யாப்தமஷ்டகம்ʼ ஹ்யேதத்³கு³ர்வர்த²ம்ʼ து ஸமாஹரேத் ॥ 7-26 ॥
பை⁴ஷஜ்யாஹாரபாத்ராணி வஸ்த்ரஶய்யாஸனம்ʼ கு³ரோ꞉ ।
ஆனயேத்ஸர்வயத்னேன ப்ரார்த²யித்வா த⁴னேஶ்வரான் ॥ 7-27 ॥
கு³ரோர்ன க²ண்ட³யேதா³ஜ்ஞாமபி ப்ராணான்பரித்யஜேத் ।
க்ருʼத்வாஜ்ஞாம்ʼ ப்ராப்னுயான்முக்திம்ʼ லங்க⁴யந்நரகம்ʼ வ்ரஜேத் ॥ 7-28 ॥
பர்யடேத்ப்ருʼதி²வீம்ʼ க்ருʼத்ஸ்னாம்ʼ ஸஶைலவனகானனாம் ।
கு³ருபை⁴ஷஜ்யஸித்³த்⁴யர்த²மபி க³ச்சே²த்³ரஸாதலம் ॥ 7-29 ॥
யதா³தி³ஶேத்³கு³ரு꞉ கிஞ்சித்தத்குர்யாத³விசாரத꞉ ।
அமீமாம்ʼஸ்யா ஹி கு³ரவ꞉ ஸர்வகார்யேஷு ஸர்வதா² ॥ 7-30 ॥
நோத்தா²பயேத்ஸுகா²ஸீனம்ʼ ஶயானம்ʼ ந ப்ரபோ³த⁴யேத் ।
ஆஸீனோ கு³ருமாஸீனமபி⁴க³ச்சே²த்ப்ரதிஷ்டி²தம் ॥ 7-31 ॥
பதி² ப்ரயாந்தம்ʼ யாந்தம்ʼ ச யத்நாத்³விஶ்ரமயேத்³கு³ரும் ।
க்ஷித்பிபாஸாதுரம்ʼ ஸ்னாதம்ʼ ஜ்ஞாத்வா ஶக்தம்ʼ ச போ⁴ஜயேத் ॥ 7-32 ॥
அப்⁴யங்கோ³த்³வர்தனம்ʼ ஸ்னானம்ʼ போ⁴ஜநஷ்டீ²வமார்ஜனம் ।
கா³த்ரஸம்ʼவாஹனம்ʼ ராத்ரௌ பாதா³ப்⁴யங்க³ம்ʼ ச யத்னத꞉ ॥ 7-33 ॥
ப்ராத꞉ ப்ரஸாத⁴னம்ʼ த³த்த்வா கார்யம்ʼ ஸம்ʼமார்ஜனாஞ்ஜனம் ।
நானாபுஷ்பப்ரகரணம்ʼ ஶ்ரீமத்³வ்யாக்²யானமண்ட³பே ॥ 7-34 ॥
ஸ்தா²ப்யாஸனம்ʼ கு³ரோ꞉ பூஜ்யம்ʼ ஶிவஜ்ஞானஸ்ய புஸ்தகம் ।
தத்ர திஷ்டே²த்ப்ரதீக்ஷம்ʼஸ்தத்³கு³ரோராக³மனம்ʼ க்ரமாத் ॥ 7-35 ॥
கு³ரோர்நிந்தா³பவாத³ம்ʼ ச ஶ்ருத்வா கர்ணௌ பிதா⁴பயேத் ।
அன்யத்ர சைவ ஸர்பேத்து நிக்³ருʼஹ்ணீயாது³பாயத꞉ ॥ 7-36 ॥
ந கு³ரோரப்ரியம்ʼ குர்யாத்பீடி³தஸ்தாரிதோ (அ)பி வா ।
நோச்சாரயேச்ச தத்³வாக்யமுச்சார்ய நரகம்ʼ வ்ரஜேத் ॥ 7-37 ॥
கு³ருரேவ பிதா மாதா கு³ருரேவ பர꞉ ஶிவ꞉ ।
யஸ்யைவ நிஶ்சிதோ பா⁴வஸ்தஸ்ய முக்திர்ன தூ³ரத꞉ ॥ 7-38 ॥
ஆஹாராசாரத⁴ர்மாணாம்ʼ யத்குர்யாத்³கு³ருரீஶ்வர꞉ ।
ததை²வ சானுகுர்வீத நானுயுஞ்ஜீத காரணம் ॥ 7-39 ॥
யஜ்ஞஸ்தபாம்ʼஸி நியமாத்தானி வை விவிதா⁴னி ச ।
கு³ருவாக்யே து ஸர்வாணி ஸம்பத்³யந்தே ந ஸம்ʼஶய꞉ ॥ 7-40 ॥
அஜ்ஞானபங்கநிர்மக்³னம்ʼ ய꞉ ஸமுத்³த⁴ரதே ஜனம் ।
ஶிவஜ்ஞானாத்மஹஸ்தேன கஸ்தம்ʼ ந ப்ரதிபூஜயேத் ॥ 7-41 ॥
இதி ய꞉ பூஜயேந்நித்யம்ʼ கு³ருமூர்திஸ்த²மீஶ்வரம் ।
ஸர்வபாபவிநிர்முக்த꞉ ப்ராப்னோதி பரமம்ʼ பத³ம் ॥ 7-42 ॥
ஸ்னாத்வாம்ப⁴ஸா ப⁴ஸ்மனா வா ஶுக்லவஸ்த்ரோபவீதவான் ।
தூ³ர்வாக³ர்ப⁴ஸ்தி²தம்ʼ புஷ்பம்ʼ கு³ரு꞉ ஶிரஸி தா⁴ரயேத் ॥ 7-43 ॥
ரோசனாலப⁴னம்ʼ குர்யாத்³தூ⁴யயேதா³த்மனஸ்தனும் ।
அங்கு³லீயாக்ஷஸூத்ரம்ʼ ச கர்ணமாத்ரே ச தா⁴ரயேத் ॥ 7-44 ॥
கு³ருரேவம்ʼவித⁴꞉ ஶ்ரீமாந்நித்யம்ʼ திஷ்டே²த்ஸமாஹித꞉ ।
யஸ்மாஜ்ஜ்ஞானோபதே³ஶார்த²ம்ʼ கு³ருராஸ்தே ஸதா³ஶிவ꞉ ॥ 7-45 ॥
தா⁴ரயேத்பாது³கே நித்யம்ʼ ம்ருʼது³வர்மப்ரகல்பிதே ।
ப்ரக்³ருʼஹ்ய த³ண்ட³ம்ʼ ச²த்த்ரம்ʼ வா பர்யடேதா³ஶ்ரமாத்³ப³ஹி꞉ ॥ 7-46 ॥
ந பூ⁴மௌ வின்யஸேத்பாத³மந்தர்தா⁴னம்ʼ வினா கு³ரு꞉ ।
குஶபாத³கமாக்ரம்ய தர்பணார்த²ம்ʼ ப்ரகல்பயேத் ॥ 7-47 ॥
பாத³ஸ்தா²னானி பத்த்ராத்³யை꞉ க்ருʼத்வா தே³வக்³ருʼஹம்ʼ விஶேத் ।
பாத்ராஸ்தரிதபாத³ஶ்ச(?) நித்யம்ʼ பு⁴ஞ்ஜீத வாக்³யத꞉ ॥ 7-48 ॥
ந பாதௌ³ தா⁴வயேத்காம்ʼஸ்யே லோஹே வா பரிகல்பிதே ।
ஶௌசயேத்த்ருʼணக³ர்பா⁴யாம்ʼ த்³விதீயாயாம்ʼ ததா²சமேத் ॥ 7-49 ॥
ந ரக்தமுல்ப³ணம்ʼ வஸ்த்ரம்ʼ தா⁴ரயேத்குஸுமானி ச ।
ந ப³ஹிர்க³ந்த⁴மால்யானி வாஸாம்ʼஸி மலினானி ச ॥ 7-50 ॥
கேஶாஸ்தீ²னி கபாலானி கார்பாஸாஸ்தி²துஷாணி ச ।
அமேத்⁴யாங்கா³ரப⁴ஸ்மானி நாதி⁴திஷ்டே²த்³ரஜாம்ʼஸி ச ॥ 7-51 ॥
ந ச லோஷ்டம்ʼ விம்ருʼத்³னீயான்ன ச சி²ந்த்³யாந்நகை²ஸ்த்ருʼணம் ।
ந பத்த்ரபுஷ்பமூல்யானி வம்ʼஶமங்க³லகாஷ்டி²தாம் ॥ 7-52 ॥
ஏவமாதீ³னி சான்யானி பாணிப்⁴யாம்ʼ ந ச மர்த³யேத் ।
ந த³ந்தகா²த³னம்ʼ குர்யாத்³ரோமாண்யுத்பாடயேன்ன ச ॥ 7-53 ॥
ந பத்³ப்⁴யாமுல்லிகே²த்³பூ⁴மிம்ʼ லோஷ்டகாஷ்டை²꞉ கரேண வா ।
ந நகா²ம்ʼஶ்ச நகை²ர்வித்³யான்ன கண்டூ³யேந்நகை²ஸ்தனும் ॥ 7-54 ॥
முஹுர்முஹு꞉ ஶிர꞉ ஶ்மஶ்ரு ந ஸ்ப்ருʼஶேத்கரஜைர்பு³த⁴꞉ ।
ந லிக்ஷாகர்ஷணம்ʼ குர்யாதா³த்மனோ வா பரஸ்ய வா ॥ 7-55 ॥
ஸௌவர்ண்யரௌப்யதாம்ரைஶ்ச ஶ்ருʼங்க³த³ந்தஶலாகயா ।
தே³ஹகண்டூ³யனம்ʼ கார்யம்ʼ வம்ʼஶகாஷ்டீ²கவீரணை꞉(?) ॥ 7-56 ॥
ந விசித்தம்ʼ ப்ரகுர்வீத தி³ஶஶ்சைவாவலோகயன் ।
ந ஶோகார்தஶ்ச ஸந்திஷ்டே²த்³தூ⁴த்வா பாணௌ கபோலகம் ॥ 7-57 ॥
ந பாணிபாத³வாக்சக்ஷு꞉- ஶ்ரோத்ரஶிஶ்னகு³தோ³த³ரை꞉ ।
சாபலானி ந குர்வீத ஸ ஸர்வார்த²மவாப்னுயாத் ॥ 7-58 ॥
ந குர்யாத்கேனசித்³வைரமத்⁴ருவே ஜீவிதே ஸதி ।
லோககௌதூஹலம்ʼ பாபம்ʼ ஸந்த்⁴யாம்ʼ ச பரிவர்ஜயேத் ॥ 7-59 ॥
ந குத்³வாரேண வேஶ்மானி நக³ரம்ʼ க்³ராமமாவிஶேத் ।
ந தி³வா ப்ராவ்ருʼதஶிரா ராத்ரௌ ப்ராவ்ருʼத்ய பர்யடேத் ॥ 7-60 ॥
நாதிப்⁴ரமணஶீல꞉ ஸ்யான்ன விஶேச்ச க்³ருʼஹாத்³க்³ருʼஹம் ।
ந சாஜ்ஞானமதீ⁴யீத ஶிவஜ்ஞானம்ʼ ஸமப்⁴யஸேத் ॥ 7-61 ॥
ஶிவஜ்ஞானம்ʼ பரம்ʼ ப்³ரஹ்ம ததா³ரப்⁴ய ந ஸந்த்யஜேத் ।
ப்³ரஹ்மாஸாத்⁴ய ச யோ க³ச்சே²த்³ப்³ரஹ்மஹா ஸ ப்ரகீர்தித꞉ ॥ 7-62 ॥
க்ருʼதாஞ்ஜலி꞉ ஸ்தி²த꞉ ஶிஷ்யோ லகு⁴வஸ்த்ரமுத³ங்முக²꞉ ।
ஶிவமந்த்ரம்ʼ ஸமுச்சார்ய ப்ராங்முகோ² (அ)த்⁴யாபயேத்³கு³ரு꞉ ॥ 7-63 ॥
நாக³த³ந்தாதி³ஸம்பூ⁴தம்ʼ சதுரஶ்ரம்ʼ ஸுஶோப⁴னம் ।
ஹேமரத்னசிதம்ʼ வாபி கு³ரோராஸனமுத்தமம் ॥ 7-64 ॥
ந ஶுஶ்ரூஷார்த²காமாஶ்ச ந ச த⁴ர்ம꞉ ப்ரத்³ருʼஶ்யதே ।
ந ப⁴க்திர்ன யஶ꞉ க்ரௌர்யம்ʼ ந தமத்⁴யாபயேத்³கு³ரு꞉ ॥ 7-65 ॥
தே³வாக்³னிகு³ருகோ³ஷ்டீ²ஷு வ்யாக்²யாத்⁴யயனஸம்ʼஸதி³ ।
ப்ரஶ்னே வாதே³ (அ)ந்ருʼதே (அ)ஶௌசே த³க்ஷிணம்ʼ பா³ஹுமுத்³த⁴ரேத் ॥ 7-66 ॥
வஶே ஸததனம்ர꞉ ஸ்யாத்ஸம்ʼஹ்ருʼத்யாங்கா³னி கூர்மவத் ।
தத்ஸம்ʼமுக²ம்ʼ ச நிர்க³ச்சே²ந்நமஸ்காரபுரஸ்ஸர꞉ ॥ 7-67 ॥
தே³வாக்³னிகு³ருவிப்ராணாம்ʼ ந வ்ரஜேத³ந்தரேண து ।
நார்பயேன்ன ச க்³ருʼஹ்ணீயாத்கிஞ்சித்³வஸ்து தத³ந்தரா ॥ 7-68 ॥
ந முகே²ன த⁴மேத³க்³னிம்ʼ நாத⁴꞉குர்யான்ன லங்க⁴யேத் ।
ந க்ஷிபேத³ஶுசிம்ʼ வஹ்னௌ ந ச பாதௌ³ ப்ரதாபயேத் ॥ 7-69 ॥
த்ருʼணகாஷ்டா²தி³க³ஹனே ஜந்துபி⁴ஶ்ச ஸமாகுலே ।
ஸ்தா²னே ந தீ³பயேத³க்³னிம்ʼ தீ³ப்தம்ʼ சாபி தத꞉ க்ஷிபேத் ॥ 7-70 ॥
அக்³னிம்ʼ யுக³பதா³னீய தா⁴ரயேத ப்ரயத்னத꞉ ।
ஜ்வலந்தம்ʼ ந ப்ரதீ³பம்ʼ ச ஸ்வயம்ʼ நிர்வாபயேத்³பு³த⁴꞉ ॥ 7-71 ॥
ஶிவவ்ரதத⁴ரம்ʼ த்³ருʼஷ்ட்வா ஸமுத்தா²ய ஸதா³ த்³ருதம் ।
ஶிவோ (அ)யமிதி ஸங்கல்ப்ய ஹர்ஷித꞉ ப்ரணமேத்தத꞉ ॥ 7-72 ॥
போ⁴கா³ந்த³தா³தி விபுலான்லிங்கே³ ஸம்பூஜித꞉ ஶிவ꞉ ।
அக்³னௌ ச விவிதா⁴ம்ʼ ஸித்³தி⁴ம்ʼ கு³ரௌ முக்திம்ʼ ப்ரயச்ச²தி ॥ 7-73 ॥
மோக்ஷார்த²ம்ʼ பூஜயேத்தஸ்மாத்³கு³ருமூர்திஸ்த²மீஶ்வரம் ।
கு³ருப⁴க்த்யா லபே⁴ஜ்ஜ்ஞானம்ʼ ஜ்ஞானான்முக்திமவாப்னுயாத் ॥ 7-74 ॥
ஸர்வபர்வஸு யத்னேன ஹ்யேஷு ஸம்பூஜயேச்சி²வம் ।
குர்யாதா³யதனே ஶோபா⁴ம்ʼ கு³ருஸ்தா²னேஷு ஸர்வத꞉ ॥ 7-75 ॥
நரத்³வயோச்ச்²ரிதே பீடே² ஸர்வஶோபா⁴ஸமன்விதே ।
ஸம்ʼஸ்தா²ப்ய மணிஜம்ʼ லிங்க³ம்ʼ ஸ்தா²னே குர்யாஜ்ஜக³த்³தி⁴தம் ॥ 7-76 ॥
அன்னபானவிஶேஷைஶ்ச நைவேத்³யமுபகல்பயேத் ।
போ⁴ஜயேத்³வ்ரதினஶ்சாத்ர ஸ்வகு³ரும்ʼ ச விஶேஷத꞉ ॥ 7-77 ॥
பூஜயேச்ச ஶிவஜ்ஞானம்ʼ வாசயீத ச பர்வஸு ।
த³ர்ஶயேச்சி²வப⁴க்தேப்⁴ய꞉ ஸத்பூஜாம்ʼ பரிகல்பிதாம் ॥ 7-78 ॥
ப்ரியம்ʼ ப்³ரூயாத்ஸதா³ தேப்⁴ய꞉ ப்ரதே³யம்ʼ சாபி ஶக்தித꞉ ।
ஏவம்ʼ க்ருʼதே விஶேஷேண ப்ரஸீத³தி மஹேஶ்வர꞉ ॥ 7-79 ॥
சி²ன்னம்ʼ பி⁴ன்னம்ʼ ம்ருʼதம்ʼ நஷ்டம்ʼ வர்த⁴தே நாஸ்தி கேவலம் ।
இத்யாத்³யான்ன வதே³ச்ச²ப்³தா³ன்ஸாக்ஷாத்³ப்³ரூயாத்து மங்க³லம் ॥ 7-80 ॥
அதே⁴னும்ʼ தே⁴னுமித்யேவ ப்³ரூயாத்³ப⁴த்³ரமப⁴த்³ரகம் ।
கபாலம்ʼ ச ப⁴கா³லம்ʼ ஸ்யாத்பரமம்ʼ மங்க³லம்ʼ வதே³த் ॥ 7-81 ॥
ஐந்த்³ரம்ʼ த⁴னுர்மணித⁴னுர்தா³ஹகாஷ்டா²தி³ சந்த³னம் ।
ஸ்வர்யாதம்ʼ ச ம்ருʼதம்ʼ ப்³ரூயாச்சி²வீபூ⁴தம்ʼ ச யோகி³னம் ॥ 7-82 ॥
த்³விதா⁴பூ⁴தம்ʼ வதே³ச்சி²ன்னம்ʼ பி⁴ன்னம்ʼ ச ப³ஹுதா⁴ ஸ்தி²தம் ।
நஷ்டமன்வேஷணீயம்ʼ ச ரிக்தம்ʼ பூர்ணாபி⁴வர்தி⁴தம் ॥ 7-83 ॥
நாஸ்தீதி ஶோப⁴னம்ʼ ஸர்வமாத்³யமங்கா³பி⁴வர்த⁴னம் ।
ஸித்³தி⁴மத்³ப்³ரூஹி க³ச்ச²ந்தம்ʼ ஸுப்தம்ʼ ப்³ரூயாத்ப்ரவர்தி⁴தம் ॥ 7-84 ॥
ந ம்லேச்ச²மூர்க²பதிதை꞉ க்ரூரை꞉ ஸந்தாபவேதி³பி⁴꞉ ।
து³ர்ஜனைரவலிப்தைஶ்ச க்ஷுத்³ரை꞉ ஸஹ ந ஸம்ʼவதே³த் ॥ 7-85 ॥
நாதா⁴ர்மிகந்ருʼபாக்ராந்தே ந த³ம்ʼஶமஶகாவ்ருʼதே ।
நாதிஶீதஜலாகீர்ணே தே³ஶே ரோக³ப்ரதே³ வஸேத் ॥ 7-86 ॥
நாஸனம்ʼ ஶயனம்ʼ பானம்ʼ நமஸ்காராபி⁴வாத³னம் ।
ஸோபானத்க꞉ ப்ரகுர்வீத ஶிவபுஸ்தகவாசனம் ॥ 7-87 ॥
ஆசார்யம்ʼ தை³வதம்ʼ தீர்த²முத்³தூ⁴தோத³ம்ʼ ம்ருʼத³ம்ʼ த³தி⁴ ।
வடமஶ்வத்த²கபிலாம்ʼ தீ³க்ஷிதோத³தி⁴ஸங்க³மம் ॥ 7-88 ॥
யானி சைஷாம்ʼ ப்ரகாராணி மங்க³லானீஹ கானிசித் ।
ஶிவாயேதி நமஸ்க்ருʼத்வா ப்ரோக்தமேதத்ப்ரத³க்ஷிணம் ॥ 7-89 ॥
உபானச்ச²த்த்ரவஸ்த்ராணி பவித்ரம்ʼ கரகம்ʼ ஸ்ரஜம் ।
ஆஸனம்ʼ ஶயனம்ʼ பானம்ʼ த்⁴ருʼதமன்யைர்ன தா⁴ரயேத் ॥ 7-90 ॥
பாலாஶமாஸனம்ʼ ஶய்யாம்ʼ பாது³கே த³ந்ததா⁴வனம் ।
வர்ஜயேச்சாபி நிர்யாஸம்ʼ ரக்தம்ʼ ந து ஸமுத்³ப⁴வம் ॥ 7-91 ॥
ஸந்த்⁴யாமுபாஸ்ய குர்வீத நித்யம்ʼ தே³ஹப்ரஸாத⁴னம் ।
ஸ்ப்ருʼஶேத்³வந்தே³ச்ச கபிலாம்ʼ ப்ரத³த்³யாச்ச க³வாம்ʼ ஹிதம் ॥ 7-92 ॥
ய꞉ ப்ரத³த்³யாத்³க³வாம்ʼ ஸம்யக்ப²லானி ச விஶேஷத꞉ ।
க்ஷேத்ரமுத்³தா³மயேச்சாபி தஸ்ய புண்யப²லம்ʼ ஶ்ருʼணு ॥ 7-93 ॥
யாவத்தத்பத்த்ரகுஸும- கந்த³மூலப²லானி ச ।
தாவத்³வர்ஷஸஹஸ்ராணி ஶிவலோகே மஹீயதே ॥ 7-94 ॥
க்ருʼஶரோகா³ர்தவ்ருʼத்³தா⁴னாம்ʼ த்யக்தானாம்ʼ நிர்ஜனே வனே ।
க்ஷுத்பிபாஸாதுராணாம்ʼ ச க³வாம்ʼ விஹ்வலசேதஸாம் ॥ 7-95 ॥
நீத்வா யஸ்த்ருʼணதோயானி வனே யத்னாத்ப்ரயச்ச²தி ।
கரோதி ச பரித்ராணம்ʼ தஸ்ய புண்யப²லம்ʼ ஶ்ருʼணு ॥ 7-96 ॥
குலைகவிம்ʼஶகோபேத꞉ பத்னீபுத்ராதி³ஸம்ʼயுத꞉ ।
மித்ரப்⁴ருʼத்யைருபேதஶ்ச ஶ்ரீமச்சி²வபுரம்ʼ வ்ரஜேத் ॥ 7-97 ॥
தத்ர பு⁴க்த்வா மஹாபோ⁴கா³ன்விமானை꞉ ஸார்வகாமிகை꞉ ।
ஸ மஹாப்ரலயம்ʼ யாவத்தத³ந்தே முக்திமாப்னுயாத் ॥ 7-98 ॥
கோ³ப்³ராஹ்மணபரித்ராணம்ʼ ஸக்ருʼத்க்ருʼத்வா ப்ரயத்னத꞉ ।
முச்யதே பஞ்சபி⁴ர்கோ⁴ரைர்மஹத்³பி⁴꞉ பாதகைர்த்³ருதம் ॥ 7-99 ॥
அஹிம்ʼஸா ஸத்யமஸ்தேயம்ʼ ப்³ரஹ்மசர்யமகல்கதா ।
அக்ரோதோ⁴ கு³ருஶுஶ்ரூஷா ஶௌசம்ʼ ஸந்தோஷமார்ஜவம் ॥ 7-100 ॥
அஹிம்ʼஸாத்³யா யமா꞉ பஞ்ச யதீனாம்ʼ பரிகீர்திதா꞉ ।
அக்ரோதா⁴த்³யாஶ்ச நியமா꞉ ஸித்³தி⁴வ்ருʼத்³தி⁴கரா꞉ ஸ்ம்ருʼதா꞉ ॥ 7-101 ॥
த³ஶலாக்ஷணிகோ த⁴ர்ம꞉ ஶிவாசார꞉ ப்ரகீர்தித꞉ ।
யோகீ³ந்த்³ராணாம்ʼ விஶேஷேண ஶிவயோக³ப்ரஸித்³த⁴யே ॥ 7-102 ॥
ந விந்த³தி நரோ யோக³ம்ʼ புத்ரதா³ராதி³ஸங்க³த꞉ ।
நிப³த்³த⁴꞉ ஸ்னேஹபாஶேன மோஹஸ்தம்ப⁴ப³லீயஸா ॥ 7-103 ॥
மோஹாத்குடும்ப³ஸம்ʼஸக்தஸ்த்ருʼஷ்ணயா ஶ்ருʼங்க²லீக்ருʼத꞉ ।
பா³லைர்ப³த்³த⁴ஸ்து லோகோ (அ)யம்ʼ முஸலேநாபி⁴ஹன்யதே ॥ 7-104 ॥
இமே பா³லா꞉ கத²ம்ʼ த்யாஜ்யா ஜீவிஷ்யந்தி மயா வினா ।
மோஹாத்³தி⁴ சிந்தயத்யேவம்ʼ பரமார்தௌ² ந பஶ்யதி ॥ 7-105 ॥
ஸம்பர்காது³த³ரே ந்யஸ்த꞉ ஶுக்ரபி³ந்து³ரசேதன꞉ ।
ஸ பித்ரா கேன யத்னேன க³ர்ப⁴ஸ்த²꞉ பரிபாலித꞉ ॥ 7-106 ॥
கர்கஶா꞉ கடி²னா ப⁴க்ஷா ஜீர்யந்தே யத்ர ப⁴க்ஷிதா꞉ ।
தஸ்மின்னேவோத³ரே ஶுக்ரம்ʼ கிம்ʼ ந ஜீர்யதி ப⁴க்ஷ்யவத் ॥ 7-107 ॥
யேனைதத்³யோஜிதம்ʼ க³ர்பே⁴ யேன சைவ விவர்தி⁴தம் ।
தேனைவ நிர்க³த்ம்ʼ பூ⁴ய꞉ கர்மணா ஸ்வேன பால்யதே ॥ 7-108 ॥
ந கஶ்சித்கஸ்யசித்புத்ர꞉ பிதா மாதா ந கஸ்யசித் ।
யத்ஸ்வயம்ʼ ப்ராக்தனம்ʼ கர்ம பிதா மாதேதி தத்ஸ்ம்ருʼதம் ॥ 7-109 ॥
யேன யத்ர க்ருʼதம்ʼ கர்ம ஸ தத்ரைவ ப்ரஜாயதே ।
பிதரௌ சாஸ்ய தா³ஸத்வம்ʼ குருதஸ்தத்ப்ரசோதி³தௌ ॥ 7-110 ॥
ந கஶ்சித்கஸ்யசிச்ச²க்த꞉ கர்தும்ʼ து³꞉க²ம்ʼ ஸுகா²னி ச ।
கரோதி ப்ராக்தனம்ʼ கர்ம மோஹால்லோகஸ்ய கேவலம் ॥ 7-111 ॥
கர்மதா³யாத³ஸம்ப³ந்தா⁴து³பகார꞉ பரஸ்பரம் ।
த்³ருʼஶ்யதே நாபகாரஶ்ச மோஹேனாத்மனி மன்யதே ॥ 7-112 ॥
ஈஶ்வராதி⁴ஷ்டி²தம்ʼ கர்ம ப²லதீஹ ஶுபா⁴ஶுப⁴ம் ।
க்³ராமஸ்வாமிப்ரஸாதே³ன ஸுக்ருʼதம்ʼ கர்ஷணம்ʼ யதா² ॥ 7-113 ॥
த்³வயம்ʼ தே³வத்வமோக்ஷாய மமேதி ந மமேதி ச ।
மமேதி ப³த்⁴யதே ஜந்துர்ன மமேதி விமுச்யதே ॥ 7-114 ॥
த்³வ்யக்ஷரம்ʼ ச ப⁴வேன்ம்ருʼத்யுஸ்த்ர்யக்ஷரம்ʼ ப்³ரஹ்ம ஶாஶ்வதம் ।
மமேதி த்³வ்யக்ஷரம்ʼ ம்ருʼத்யுஸ்த்ர்யக்ஷரம்ʼ ந மமேதி ச ॥ 7-115 ॥
தஸ்மாதா³த்மன்யஹங்காரமுத்ஸ்ருʼஜ்ய ப்ரவிசாரத꞉ ।
விதூ⁴யாஶேஷஸங்கா³ம்ʼஶ்ச மோக்ஷோபாயம்ʼ விசிந்தயேத் ॥ 7-116 ॥
ஜ்ஞாநாத்³யோக³பரிக்லேஶம்ʼ குப்ராவரணபோ⁴ஜனம் ।
குசர்யாம்ʼ குநிவாஸம்ʼ ச மோக்ஷார்தீ² ந விசிந்தயேத் ॥ 7-117 ॥
ந து³꞉கே²ன வினா ஸௌக்²யம்ʼ த்³ருʼஶ்யதே ஸர்வதே³ஹினாம் ।
து³꞉க²ம்ʼ தன்மாத்ரகம்ʼ ஜ்ஞேயம்ʼ ஸுக²மானந்த்யமுத்தமம் ॥ 7-118 ॥
ஸேவாயாம்ʼ பாஶுபால்யே ச வாநிஜ்யே க்ருʼஷிகர்மணி ।
துல்யே ஸதி பரிக்லேஶே வரம்ʼ க்லேஶோ விமுக்தயே ॥ 7-119 ॥
ஸ்வர்கா³பவர்க³யோரேகம்ʼ ய꞉ ஶீக்⁴ரம்ʼ ந ப்ரஸாத⁴யேத் ।
யாதி தேனைவ தே³ஹேன ஸ ம்ருʼதஸ்தப்யதே சிரம் ॥ 7-120 ॥
யத³வஶ்யம்ʼ பராதீ⁴னைஸ்த்யஜனீயம்ʼ ஶரீரகம் ।
கஸ்மாத்தேன விமூடா⁴த்மா ந ஸாத⁴யதி ஶாஶ்வதம் ॥ 7-121 ॥
யௌவனஸ்தா² க்³ருʼஹஸ்தா²ஶ்ச ப்ராஸாத³ஸ்தா²ஶ்ச யே ந்ருʼபா꞉ ।
ஸர்வ ஏவ விஶீர்யந்தே ஶுஷ்கஸ்னிக்³தா⁴ன்னபோ⁴ஜனா꞉ ॥ 7-122 ॥
அனேகதோ³ஷது³ஷ்டஸ்ய தே³ஹஸ்யைகோ மஹான்கு³ணஹ் ।
யாம்ʼ யாமவஸ்தா²மாப்னோதி தாம்ʼ தாமேவானுவர்ததே ॥ 7-123 ॥
மந்த³ம்ʼ பரிஹரன்கர்ம ஸ்வதே³ஹமனுபாலயேத் ।
வர்ஷாஸு ஜீர்ணகடவத்திஷ்ட²ன்னப்யவஸீத³தி ॥ 7-124 ॥
ந தே (அ)த்ர தே³ஹின꞉ ஸந்தி யே திஷ்ட²ந்தி ஸுநிஶ்சலா꞉ ।
ஸர்வே குர்வந்தி கர்மாணி விக்ருʼஶா꞉ பூர்வகர்மபி⁴꞉ ॥ 7-125 ॥
துல்யே ஸத்யபி கர்தவ்யே வரம்ʼ கர்ம க்ருʼதம்ʼ பரம் ।
ய꞉ க்ருʼத்வா ந புன꞉ குர்யான்னானாகர்ம ஶுபா⁴ஶுப⁴ம் ॥ 7-126 ॥
தஸ்மாத³ந்தர்ப³ஹிஶ்சிந்தாமனேகாகாரஸம்ʼஸ்தி²தாம் ।
ஸந்த்யஜ்யாத்மஹிதார்தா²ய ஸ்வாத்⁴யாயத்⁴யானமப்⁴யஸேத் ॥ 7-127 ॥
விவிக்தே விஜனே ரம்யே புஷ்பாஶ்ரமவிபூ⁴ஷிதே ।
ஸ்தா²னம்ʼ க்ருʼத்வா ஶிவஸ்தா²னே த்⁴யாயேச்சா²ந்தம்ʼ பரம்ʼ ஶிவம் ॥ 7-128 ॥
யே (அ)திரம்யாண்யரண்யானி ஸுஜலானி ஶிவானி து ।
விஹாயாபி⁴ரதா க்³ராமே ப்ராயஸ்தே தை³வமோஹிதா꞉ ॥ 7-129 ॥
விவேகின꞉ ப்ரஶாந்தஸ்ய யத்ஸுக²ம்ʼ த்⁴யாயத꞉ ஶிவம் ।
ந தத்ஸுக²ம்ʼ மஹேந்த்³ரஸ்ய ப்³ரஹ்மண꞉ கேஶவஸ்ய வா ॥ 7-130 ॥
இதி நாமாம்ருʼதம்ʼ தி³வ்யம்ʼ மஹாகாலாத³வாப்தவான் ।
விஸ்தரேணானுபூர்வாச்ச ருʼஷ்யாத்ரேய꞉(?) ஸுநிஶ்சிதம் ॥ 7-131 ॥
ப்ரஜ்ஞாமதா² விநிர்மத்²ய(?) ஶிவஜ்ஞானமஹோத³தி⁴ம் ।
ருʼஷ்யாத்ரேய꞉ ஸமுத்³த்⁴ருʼத்ய ப்ராஹேத³மணுமாத்ரகம் ॥ 7-132 ॥
ஶிவத⁴ர்மே மஹாஶாஸ்த்ரே ஶிவத⁴ர்மஸ்ய சோத்தரே ।
யத³னுக்தம்ʼ ப⁴வேத்கிஞ்சித்தத³த்ர பரிகீர்திதம் ॥ 7-133 ॥
த்ரிதை³வத்யமித³ம்ʼ ஶாஸ்த்ரம்ʼ முனீந்த்³ராத்ரேயபா⁴ஷிதம் ।
திர்யங்மனுஜதே³வானாம்ʼ ஸர்வேஷாம்ʼ ச விமுக்தித³ம் ॥ 7-134 ॥
நந்தி³ஸ்கந்த³மஹாகாலாஸ்த்ரயோ தே³வா꞉ ப்ரகீர்திதா꞉ ।
சந்த்³ராத்ரேயஸ்ததா²த்ரிஶ்ச ருʼஷ்யாத்ரேயோ முனித்ரயம் ॥ 7-135 ॥
ஏதைர்மஹாத்மபி³꞉ ப்ரோக்தா꞉ ஶிவத⁴ர்மா꞉ ஸமாஸத꞉ ।
ஸர்வலோகோபகாரார்த²ம்ʼ நமஸ்தேப்⁴ய꞉ ஸதா³ நம꞉ ॥ 7-136 ॥
தேஷாம்ʼ ஶிஷ்யப்ரஶிஷ்யைஶ்ச ஶிவத⁴ர்மப்ரவக்த்ருʼபி⁴꞉ ।
வ்யாப்தம்ʼ ஜ்ஞானஸர꞉ ஶார்வம்ʼ விகசைரிவ பங்கஜை꞉ ॥ 7-137 ॥
யே ஶ்ராவயந்தி ஸததம்ʼ ஶிவத⁴ர்மம்ʼ ஶிவார்தி²னாம் ।
தே ருத்³ராஸ்தே முனீந்த்³ராஶ்ச தே நமஸ்யா꞉ ஸ்வப⁴க்தித꞉ ॥ 7-138 ॥
யே ஸமுத்தா²ய ஶ்ருʼண்வந்தி ஶிவத⁴ர்மம்ʼ தி³னே தி³னே ।
தே ருத்³ரா ருத்³ரலோகேஶா ந தே ப்ரக்ருʼதிமானுஷா꞉ ॥ 7-139 ॥
ஶிவோபநிஷத³ம்ʼ ஹ்யேதத³த்⁴யாயை꞉ ஸப்தபி⁴꞉ ஸ்ம்ருʼதம் ।
ருʼஷ்யாத்ரேயஸகோ³த்ரேண முனினா ஹிதகாம்யயா ॥ 7-140 ॥
॥ இதி ஶிவோபநிஷதி³ ஶிவாசாராத்⁴யாய꞉ ஸப்தம꞉ ॥
॥ இதி ஶிவோபநிஷத்ஸமாப்தா ॥
Also Read:
Shiva Upanishad Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil