Shiva Stotram

Shivaatharvasheersham Lyrics in Malayalam | Malayalam Shlokas

Shivaatharvasheersham in Malayalam:

॥ ശിവാഥര്വ ശീര്ഷം ॥
ഓം ദേവാ ഹ വൈ സ്വര്ഗലോകമായംസ്തേ രുദ്രമപൃച്ഛന് കോ ഭവാനിതി |
സോഽബ്രവീദഹമേകഃ പ്രഥമമാസീദ്വര്ത്താമി ച
ഭവിഷ്യാമി ച നാന്യഃ കശ്ചിന്മത്തോ വ്യതിരിക്ത ഇതി |

സോഽന്തരാദന്തരം പ്രാവിശദ്ദിശശ്ചാന്തരം പ്രാവിശത് |
സോഽഹം നിത്യാനിത്യോ വ്യക്താവ്യക്തോ ബ്രഹ്മാ ബ്രഹ്മാഹം പ്രാഞ്ചഃ
പ്രത്യഞ്ചോഽഹം ദതിണാഞ്ച ഉദഞ്ചോഽഹമമധശ്ചോര്ധ്വശ്ചാഹം
ദിശശ്ച പ്രതിദിശശ്ചാഹം പുമാനപുമാന് സ്ത്രിയശ്ചാഹം
സാവിത്ര്യഹം ഗായത്ര്യഹം ത്രിഷ്ടുബൂജഗത്യനുഷ്ടുപ് ചാഽഹം
ഛന്ദോഽഹം സത്യോഽഹം ഗാര്ഹപത്യോ ദക്ഷിണാഗ്നിരാഹവനീയോഽഹം
ഗൗരഹം ഗൗര്യഹമൃഗഹം യജുരഹം സാമാഹമഥര്വാംഗിരസോഽഹം
ജ്യേഷ്ഠോഽഹം ശ്രേഷ്ഠോഽഹം വരിഷ്ഠോഽഹമാസ്വരോം നമ ഇതി ||

യ ഇദമഥര്വശിരോ ബ്രാഹ്മണോഽധീതേ |
അശ്രോത്രിയഃ ശ്രോത്രിയോ ഭവതി |
അനുപനീത ഉപനീതോ ഭവതി |
സോഽഗ്നിപൂതോ ഭവതി |
സ വായുപൂതോ ഭവതി |
സ സൂര്യപൂതോ ഭവതി |
സ സോമപൂതോ ഭവതി |
സ സത്യപൂതോ ഭവതി |
സ സര്വൈര്വേദൈര്ജ്ഞാതോ ഭവതി |
സര്വൈര്വേദൈരനുധ്യാതോ ഭവതി |
സ സര്വേഷു തീര്ഥേഷു സ്നാതോ ഭവതി |
തേന സര്വൈഃ ഋതുഭിരിഷ്ടം ഭവതി |

ഗായത്ര്യാഃ ഷഷ്ഠിസഹസ്രാണി ജപ്താനി ഭവന്തി |
പ്രണവാനാമയുതം ജപ്തം ഭവതി |

സ ചതുഷഃ പങ്ക്തിം പുനാതി |
ആസപ്തമാത് പുരുഷയുഗാന്പുനാതീത്യാഹ ഭഗവാനഥര്വശിരഃ

സകൃജ്ജപ്ത്വൈവ ശുചിഃ സ പൂതഃ കര്മണ്യോ ഭവതി |
ദ്വിതീയം ജപ്ത്വാ ഗണാധിപത്യമവാപ്നോതി |

തൃതീയം ജപ്ത്വൈവമേവാനുപ്രവിശത്യോം സത്യമോം സത്യമോം സത്യം |

ഇത്യഥര്വവേദേ ശിവാഥാര്വശീര്ഷം സംപൂര്ണം ||

Also Read:

Shivaatharvasheersham Lyrics in Gujarati | Bengali | Marathi |  Kannada | Malayalam |  Telugu