Shiva Tandav Stuti in Telugu:
॥ శివతాణ్డవ స్తుతిః ॥
దేవా దిక్పతయః ప్రయాత పరతః ఖం ముఞ్చతామ్భోముచః
పాతాళం వ్రజ మేదిని ప్రవిశత క్షోణీతలం భూధరాః |
బ్రహ్మన్నున్నయ దూరమాత్మభువనం నాథస్య నో నౄత్యతః
శంభోః సఙ్కటమేతదిత్యవతు వః ప్రోత్సారణా నన్దినః || ౧ ||
దోర్దణ్డద్వయలీలయాఽచలగిరిభ్రామ్యత్తదుచ్చైరవ-
ధ్వానోద్భీతజగద్భ్రమత్పదభరాలోలత్ఫణాగ్ర్యోరగమ్ |
భృఙ్గాపిఙ్గజటాటవీపరిసరోద్గఙ్గోర్మిమాలాచల-
చ్చన్ద్రం చారు మహేశ్వరస్య భవతాం నిఃశ్రేయసే మఙ్గళమ్ || ౨ ||
సన్ధ్యాతాణ్డవడమ్బర వ్యసనినో భర్గస్య చణ్డభ్రమి-
వ్యానృత్యద్భుజదణ్డమణ్డల భువో ఝంఝానిలాః పాన్తు వః
యేషాముచ్ఛలతాం జవేన ఝగితి వ్యూహేషు భూమీభృతా-
ముడ్డీనేషు బిడౌజసా పునరసౌ దమ్భోలిరాలోకితః || ౩ ||
శర్వాణీపాణితాలైశ్చలవలయఝణత్కారిభిః శ్లాఘ్యమానం
స్థానే సంభావ్యమానం పుళకితవపుషా శంభునా ప్రేక్షకేణ |
ఖేలత్పిచ్ఛాళికేకాకలకలకలితం క్రౌఞ్చమిద్వర్హియూనా
హేరమ్బాకాణ్డవబృంహాతరళితమనసస్తాణ్డవం త్వా ధినోతు || ౪ ||
దేవ-స్తై గుణ్యమేదాత్సృజతి వితనుతే సంహరత్యేష లోకా-
నస్యైవ వ్యాపినీభిస్తనుభిరపి జగద్వ్యాప్తమష్టభిరేవ ||
వన్ద్యో నాస్యేతి పశ్యన్నివ చరణగతః పాతు పుష్పాఞ్జలిర్వః
శంభోర్నృత్యావతారే వలయమణిఫణాఫూత్కృతైర్విప్రకీర్ణః || ౫ ||
ఇతి శివతాణ్డవస్తుతిః సమాప్తా ||
Also Read:
Shiva Tandava Stutih Lyrics in Marathi | Gujarati | Bengali | Kannada | Malayalam | Telugu
