Sri Bhairavi Ashtottarashatanama Stotram Lyrics in Oriya:
॥ ଶ୍ରୀଭୈରଵ୍ୟଷ୍ଟୋତ୍ତରଶତନାମସ୍ତୋତ୍ରମ୍ ॥
ଅଥଵା ଶ୍ରୀତ୍ରିପୁରଭୈରଵୀ ଅଷ୍ଟୋତ୍ତରଶତନାମସ୍ତୋତ୍ରମ୍
॥ ଶ୍ରୀଗଣେଶାୟ ନମଃ ॥
॥ ଶ୍ରୀଉମାମହେଶ୍ଵରାଭ୍ୟାଂ ନମଃ ॥
॥ ଅଥ ଭୈରଵ୍ୟଷ୍ଟୋତ୍ତରଶତନାମସ୍ତୋତ୍ରପ୍ରାରଂଭଃ ॥
ଶ୍ରୀଦେଵ୍ୟୁଵାଚ ।
କୈଲାସଵାସିନ୍ଭଗଵନ୍ପ୍ରାଣେଶ୍ଵର କୃପାନିଧେ ।
ଭକ୍ତଵତ୍ସଲ ଭୈରଵ୍ୟା ନାମ୍ନାମଷ୍ଟୋତ୍ତରଂ ଶତମ୍ ॥ ୧ ॥
ନ ଶ୍ରୁତଂ ଦେଵଦେଵେଶ ଵଦ ମାଂ ଦୀନଵତ୍ସଲ ।
ଶ୍ରୀଶିଵ ଉଵାଚ ।
ଶୃଣୁ ପ୍ରିୟେ ମହାଗୋପ୍ୟଂ ନାମ୍ନାମଷ୍ଟୋତ୍ତରଂ ଶତମ୍ ॥ ୨ ॥
ଭୈରଵ୍ୟାଃ ଶୁଭଦଂ ସେଵ୍ୟଂ ସର୍ଵସମ୍ପତ୍ପ୍ରଦାୟକମ୍ ।
ୟସ୍ୟାନୁଷ୍ଠାନମାତ୍ରେଣ କିଂ ନ ସିଦ୍ଧ୍ୟତି ଭୂତଲେ ॥ ୩ ॥
ଓଂ ଭୈରଵୀ ଭୈରଵାରାଧ୍ୟା ଭୂତିଦା ଭୂତଭାଵନା ।
କାର୍ୟ୍ୟା ବ୍ରାହ୍ମୀ କାମଧେନୁଃ ସର୍ଵସମ୍ପତ୍ପ୍ରଦାୟିନୀ ॥ ୪ ॥
ତ୍ରୈଲୋକ୍ୟଵନ୍ଦିତା ଦେଵୀ ମହିଷାସୁରମର୍ଦ୍ଦିନୀ ।
ମୋହଘ୍ନୀ ମାଲତୀମାଲା ମହାପାତକନାଶିନୀ ॥ ୫ ॥
କ୍ରୋଧିନୀ କ୍ରୋଧନିଲୟା କ୍ରୋଧରକ୍ତେକ୍ଷଣା କୁହୂଃ ।
ତ୍ରିପୁରା ତ୍ରିପୁରାଧାରା ତ୍ରିନେତ୍ରା ଭୀମଭୈରଵୀ ॥ ୬ ॥
ଦେଵକୀ ଦେଵମାତା ଚ ଦେଵଦୁଷ୍ଟଵିନାଶିନୀ ।
ଦାମୋଦରପ୍ରିୟା ଦୀର୍ଘା ଦୁର୍ଗା ଦୁର୍ଗତିନାଶିନୀ ॥ ୭ ॥
ଲମ୍ବୋଦରୀ ଲମ୍ବକର୍ଣା ପ୍ରଲମ୍ବିତପୟୋଧରା ।
ପ୍ରତ୍ୟଙ୍ଗିରା ପ୍ରତିପଦା ପ୍ରଣତକ୍ଲେଶନାଶିନୀ ॥ ୮ ॥
ପ୍ରଭାଵତୀ ଗୁଣଵତୀ ଗଣମାତା ଗୁହେଶ୍ଵରୀ ।
କ୍ଷୀରାବ୍ଧିତନୟା କ୍ଷେମ୍ୟା ଜଗତ୍ତ୍ରାଣଵିଧାୟିନୀ ॥ ୯ ॥
ମହାମାରୀ ମହାମୋହା ମହାକ୍ରୋଧା ମହାନଦୀ ।
ମହାପାତକସଂହର୍ତ୍ରୀ ମହାମୋହପ୍ରଦାୟିନୀ ॥ ୧୦ ॥
ଵିକରାଲା ମହାକାଲା କାଲରୂପା କଲାଵତୀ ।
କପାଲଖଟ୍ଵାଙ୍ଗଧରା ଖଡ୍ଗଖର୍ପ୍ପରଧାରିଣୀ ॥ ୧୧ ॥
କୁମାରୀ କୁଙ୍କୁମପ୍ରୀତା କୁଙ୍କୁମାରୁଣରଞ୍ଜିତା ।
କୌମୋଦକୀ କୁମୁଦିନୀ କୀର୍ତ୍ତ୍ୟା କୀର୍ତ୍ତିପ୍ରଦାୟିନୀ ॥ ୧୨ ॥
ନଵୀନା ନୀରଦା ନିତ୍ୟା ନନ୍ଦିକେଶ୍ଵରପାଲିନୀ ।
ଘର୍ଘରା ଘର୍ଘରାରାଵା ଘୋରା ଘୋରସ୍ଵରୂପିଣୀ ॥ ୧୩ ॥
କଲିଘ୍ନୀ କଲିଧର୍ମଘ୍ନୀ କଲିକୌତୁକନାଶିନୀ ।
କିଶୋରୀ କେଶଵପ୍ରୀତା କ୍ଲେଶସଙ୍ଘନିଵାରିଣୀ ॥ ୧୪ ॥
ମହୋତ୍ତମା ମହାମତ୍ତା ମହାଵିଦ୍ୟା ମହୀମୟୀ ।
ମହାୟଜ୍ଞା ମହାଵାଣୀ ମହାମନ୍ଦରଧାରିଣୀ ॥ ୧୫ ॥
ମୋକ୍ଷଦା ମୋହଦା ମୋହା ଭୁକ୍ତିମୁକ୍ତିପ୍ରଦାୟିନୀ ।
ଅଟ୍ଟାଟ୍ଟହାସନିରତା କଙ୍କଣନ୍ନୂପୁରଧାରିଣୀ ॥ ୧୬ ॥
ଦୀର୍ଘଦଂଷ୍ଟ୍ରା ଦୀର୍ଘମୁଖୀ ଦୀର୍ଘଘୋଣା ଚ ଦୀର୍ଘିକା ।
ଦନୁଜାନ୍ତକରୀ ଦୁଷ୍ଟା ଦୁଃଖଦାରିଦ୍ର୍ୟଭଞ୍ଜିନୀ ॥ ୧୭ ॥
ଦୁରାଚାରା ଚ ଦୋଷଘ୍ନୀ ଦମପତ୍ନୀ ଦୟାପରା ।
ମନୋଭଵା ମନୁମୟୀ ମନୁଵଂଶପ୍ରଵର୍ଦ୍ଧିନୀ ॥ ୧୮ ॥
ଶ୍ୟାମା ଶ୍ୟାମତନୁଃ ଶୋଭା ସୌମ୍ୟା ଶମ୍ଭୁଵିଲାସିନୀ ।
ଇତି ତେ କଥିତଂ ଦିଵ୍ୟଂ ନାମ୍ନାମଷ୍ଟୋତ୍ତରଂ ଶତମ୍ ॥ ୧୯ ॥
ଭୈରଵ୍ୟା ଦେଵଦେଵେଶ୍ୟାସ୍ତଵ ପ୍ରୀତ୍ୟୈ ସୁରେଶ୍ଵରି ।
ଅପ୍ରକାଶ୍ୟମିଦଂ ଗୋପ୍ୟଂ ପଠନୀୟଂ ପ୍ରୟତ୍ନତଃ ॥ ୨୦ ॥
ଦେଵୀଂ ଧ୍ୟାତ୍ଵା ସୁରାଂ ପୀତ୍ଵା ମକାରପଞ୍ଚକୈଃ ପ୍ରିୟେ ।
ପୂଜୟେତ୍ସତତଂ ଭକ୍ତ୍ୟା ପଠେତ୍ସ୍ତୋତ୍ରମିଦଂ ଶୁଭମ୍ ॥ ୨୧ ॥
ଷଣ୍ମାସାଭ୍ୟଂତରେ ସୋଽପି ଗଣନାଥସମୋ ଭଵେତ୍ ।
କିମତ୍ର ବହୁନୋକ୍ତେନ ତ୍ଵଦଗ୍ରେ ପ୍ରାଣଵଲ୍ଲଭେ ॥ ୨୨ ॥
ସର୍ଵଂ ଜାନାସି ସର୍ଵଜ୍ଞେ ପୁନର୍ମାଂ ପରିପୃଚ୍ଛସି ।
ନ ଦେୟଂ ପରଶିଷ୍ୟେଭ୍ୟୋ ନିନ୍ଦକେଭ୍ୟୋ ଵିଶେଷତଃ ॥ ୨୩ ॥
॥ ଇତି ଶ୍ରୀଭୈରଵ୍ୟଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ॥
Also Read:
Shri Bhairavi Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
