Sri Bhuvaneswari Ashtottara Shatanama Stotram Lyrics in Kannada:
॥ ಶ್ರೀಭುವನೇಶ್ವರ್ಯಷ್ಟೋತ್ತರಶತನಾಮಸ್ತೋತ್ರಮ್ ॥
ಅಥ ಶ್ರೀಭುವನೇಶ್ವರ್ಯಷ್ಟೋತ್ತರಶತನಾಮಸ್ತೋತ್ರಮ್ ।
ಈಶ್ವರ ಉವಾಚ
ಮಹಾಸಮ್ಮೋಹಿನೀ ದೇವೀ ಸುನ್ದರೀ ಭುವನೇಶ್ವರೀ ।
ಏಕಾಕ್ಷರೀ ಏಕಮನ್ತ್ರೀ ಏಕಾಕೀ ಲೋಕನಾಯಿಕಾ ॥ 1 ॥
ಏಕರೂಪಾ ಮಹಾರೂಪಾ ಸ್ಥೂಲಸೂಕ್ಷ್ಮಶರೀರಿಣೀ ।
ಬೀಜರೂಪಾ ಮಹಾಶಕ್ತಿಃ ಸಂಗ್ರಾಮೇ ಜಯವರ್ಧಿನೀ ॥ 2 ॥
ಮಹಾರತಿರ್ಮಹಾಶಕ್ತಿರ್ಯೋಗಿನೀ ಪಾಪನಾಶಿನೀ ।
ಅಷ್ಟಸಿದ್ಧಿಃ ಕಲಾರೂಪಾ ವೈಷ್ಣವೀ ಭದ್ರಕಾಲಿಕಾ ॥ 3 ॥
ಭಕ್ತಿಪ್ರಿಯಾ ಮಹಾದೇವೀ ಹರಿಬ್ರಹ್ಮಾದಿರೂಪಿಣೀ ।
ಶಿವರೂಪೀ ವಿಷ್ಣುರೂಪೀ ಕಾಲರೂಪೀ ಸುಖಾಸಿನೀ ॥ 4 ॥
ಪುರಾಣೀ ಪುಣ್ಯರೂಪಾ ಚ ಪಾರ್ವತೀ ಪುಣ್ಯವರ್ಧಿನೀ ।
ರುದ್ರಾಣೀ ಪಾರ್ವತೀನ್ದ್ರಾಣೀ ಶಂಕರಾರ್ಧಶರೀರಿಣೀ ॥ 5 ॥
ನಾರಾಯಣೀ ಮಹಾದೇವೀ ಮಹಿಷೀ ಸರ್ವಮಂಗಲಾ ।
ಅಕಾರಾದಿಕ್ಷಕಾರಾನ್ತಾ ಹ್ಯಷ್ಟಾತ್ರಿಂಶತ್ಕಲಾಧರೀ ॥ 6 ॥
ಸಪ್ತಮಾ ತ್ರಿಗುಣಾ ನಾರೀ ಶರೀರೋತ್ಪತ್ತಿಕಾರಿಣೀ ।
ಆಕಲ್ಪಾನ್ತಕಲಾವ್ಯಾಪಿಸೃಷ್ಟಿಸಂಹಾರಕಾರಿಣೀ ॥ 7 ॥
ಸರ್ವಶಕ್ತಿರ್ಮಹಾಶಕ್ತಿಃ ಶರ್ವಾಣೀ ಪರಮೇಶ್ವರೀ ।
ಹೃಲ್ಲೇಖಾ ಭುವನಾ ದೇವೀ ಮಹಾಕವಿಪರಾಯಣಾ ॥ 8 ॥
ಇಚ್ಛಾಜ್ಞಾನಕ್ರಿಯಾರೂಪಾ ಅಣಿಮಾದಿಗುಣಾಷ್ಟಕಾ ।
ನಮಃ ಶಿವಾಯೈ ಶಾನ್ತಾಯೈ ಶಾಂಕರಿ ಭುವನೇಶ್ವರಿ ॥ 9 ॥
ವೇದವೇದಾಂಗರೂಪಾ ಚ ಅತಿಸೂಕ್ಷ್ಮಾ ಶರೀರಿಣೀ ।
ಕಾಲಜ್ಞಾನೀ ಶಿವಜ್ಞಾನೀ ಶೈವಧರ್ಮಪರಾಯಣಾ ॥ 10 ॥
ಕಾಲಾನ್ತರೀ ಕಾಲರೂಪೀ ಸಂಜ್ಞಾನಾ ಪ್ರಾಣಧಾರಿಣೀ ।
ಖಡ್ಗಶ್ರೇಷ್ಠಾ ಚ ಖಟ್ವಾಂಗೀ ತ್ರಿಶೂಲವರಧಾರಿಣೀ ॥ 11 ॥
ಅರೂಪಾ ಬಹುರೂಪಾ ಚ ನಾಯಿಕಾ ಲೋಕವಶ್ಯಗಾ ।
ಅಭಯಾ ಲೋಕರಕ್ಷಾ ಚ ಪಿನಾಕೀ ನಾಗಧಾರಿಣೀ ॥ 12 ॥
ವಜ್ರಶಕ್ತಿರ್ಮಹಾಶಕ್ತಿಃ ಪಾಶತೋಮರಧಾರಿಣೀ ।
ಅಷ್ಟಾದಶಭುಜಾ ದೇವೀ ಹೃಲ್ಲೇಖಾ ಭುವನಾ ತಥಾ ॥ 13 ॥
ಖಡ್ಗಧಾರೀ ಮಹಾರೂಪಾ ಸೋಮಸೂರ್ಯಾಗ್ನಿಮಧ್ಯಗಾ ।
ಏವಂ ಶತಾಷ್ಟಕಂ ನಾಮ ಸ್ತೋತ್ರಂ ರಮಣಭಾಷಿತಮ್ ॥ 14 ॥
ಸರ್ವಪಾಪಪ್ರಶಮನಂ ಸರ್ವಾರಿಷ್ಟನಿವಾರಣಮ್ ।
ಸರ್ವಶತ್ರುಕ್ಷಯಕರಂ ಸದಾ ವಿಜಯವರ್ಧನಮ್ ॥ 15 ॥
ಆಯುಷ್ಕರಂ ಪುಷ್ಟಿಕರಂ ರಕ್ಷಾಕರಂ ಯಶಸ್ಕರಮ್ ।
ಅಮರಾದಿಪದೈಶ್ವರ್ಯಮಮತ್ವಾಂಶಕಲಾಪಹಮ್ ॥ 16 ॥
ಇತಿ ಶ್ರೀರುದ್ರಯಾಮಲೇ ತನ್ತ್ರೇ ಭುವನೇಶ್ವರ್ಯಷ್ಟೋತ್ತರಶತನಾಮ ಸಮಾಪ್ತಮ್ ।
Also Read:
Shri Bhuvaneshvarya Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
