Ashtottara Shatanama

Shri Bhuvaneshvarya Ashtottara Shatanama Stotram Lyrics in Telugu | Durga Slokam

Sri Bhuvaneswari Ashtottara Shatanama Stotram Lyrics in :

॥ శ్రీభువనేశ్వర్యష్టోత్తరశతనామస్తోత్రమ్ ॥

అథ శ్రీభువనేశ్వర్యష్టోత్తరశతనామస్తోత్రమ్ ।

ఈశ్వర ఉవాచ

మహాసమ్మోహినీ దేవీ సున్దరీ భువనేశ్వరీ ।
ఏకాక్షరీ ఏకమన్త్రీ ఏకాకీ లోకనాయికా ॥ ౧ ॥

ఏకరూపా మహారూపా స్థూలసూక్ష్మశరీరిణీ ।
బీజరూపా మహాశక్తిః సఙ్గ్రామే జయవర్ధినీ ॥ ౨ ॥

మహారతిర్మహాశక్తిర్యోగినీ పాపనాశినీ ।
అష్టసిద్ధిః కలారూపా వైష్ణవీ భద్రకాలికా ॥ ౩ ॥

భక్తిప్రియా మహాదేవీ హరిబ్రహ్మాదిరూపిణీ ।
శివరూపీ విష్ణురూపీ కాలరూపీ సుఖాసినీ ॥ ౪ ॥

పురాణీ పుణ్యరూపా చ పార్వతీ పుణ్యవర్ధినీ ।
రుద్రాణీ పార్వతీన్ద్రాణీ శఙ్కరార్ధశరీరిణీ ॥ ౫ ॥

నారాయణీ మహాదేవీ మహిషీ సర్వమఙ్గలా ।
అకారాదిక్షకారాన్తా హ్యష్టాత్రింశత్కలాధరీ ॥ ౬ ॥

సప్తమా త్రిగుణా నారీ శరీరోత్పత్తికారిణీ ।
ఆకల్పాన్తకలావ్యాపిసృష్టిసంహారకారిణీ ॥ ౭ ॥

సర్వశక్తిర్మహాశక్తిః శర్వాణీ పరమేశ్వరీ ।
హృల్లేఖా భువనా దేవీ మహాకవిపరాయణా ॥ ౮ ॥

ఇచ్ఛాజ్ఞానక్రియారూపా అణిమాదిగుణాష్టకా ।
నమః శివాయై శాన్తాయై శాఙ్కరి భువనేశ్వరి ॥ ౯ ॥

వేదవేదాఙ్గరూపా చ అతిసూక్ష్మా శరీరిణీ ।
కాలజ్ఞానీ శివజ్ఞానీ శైవధర్మపరాయణా ॥ ౧౦ ॥

కాలాన్తరీ కాలరూపీ సంజ్ఞానా ప్రాణధారిణీ ।
ఖడ్గశ్రేష్ఠా చ ఖట్వాఙ్గీ త్రిశూలవరధారిణీ ॥ ౧౧ ॥

అరూపా బహురూపా చ నాయికా లోకవశ్యగా ।
అభయా లోకరక్షా చ పినాకీ నాగధారిణీ ॥ ౧౨ ॥

వజ్రశక్తిర్మహాశక్తిః పాశతోమరధారిణీ ।
అష్టాదశభుజా దేవీ హృల్లేఖా భువనా తథా ॥ ౧౩ ॥

ఖడ్గధారీ మహారూపా సోమసూర్యాగ్నిమధ్యగా ।
ఏవం శతాష్టకం నామ స్తోత్రం రమణభాషితమ్ ॥ ౧౪ ॥

సర్వపాపప్రశమనం సర్వారిష్టనివారణమ్ ।
సర్వశత్రుక్షయకరం సదా విజయవర్ధనమ్ ॥ ౧౫ ॥

ఆయుష్కరం పుష్టికరం రక్షాకరం యశస్కరమ్ ।
అమరాదిపదైశ్వర్యమమత్వాంశకలాపహమ్ ॥ ౧౬ ॥

ఇతి శ్రీరుద్రయామలే తన్త్రే భువనేశ్వర్యష్టోత్తరశతనామ సమాప్తమ్ ।

Also Read:

Shri Bhuvaneshvarya Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil