ଶ୍ରୀଭୁଵନେଶ୍ଵରୀ ପଞ୍ଚକଂ ଅଥଵା ପ୍ରାତଃସ୍ମରଣମ୍ Lyrics in Oriya:
ପ୍ରାତଃ ସ୍ମରାମି ଭୁଵନା-ସୁଵିଶାଲଭାଲଂ
ମାଣିକ୍ୟ-ମୋଉଲି-ଲସିତଂ ସୁସୁଧାଂଶୁ-ଖଣ୍ଦମ୍ ।
ମନ୍ଦସ୍ମିତଂ ସୁମଧୁରଂ କରୁଣାକଟାକ୍ଷଂ
ତାମ୍ବୂଲପୂରିତମୁଖଂ ଶ୍ରୁତି-କୁନ୍ଦଲେ ଚ ॥ ୧॥
ପ୍ରାତଃ ସ୍ମରାମି ଭୁଵନା-ଗଲଶୋଭି ମାଲାଂ
ଵକ୍ଷଃଶ୍ରିୟଂ ଲଲିତତୁଙ୍ଗ-ପୟୋଧରାଲୀମ୍ ।
ସଂଵିତ୍ ଘଟଞ୍ଚ ଦଧତୀଂ କମଲଂ କରାଭ୍ୟାଂ
କଞ୍ଜାସନାଂ ଭଗଵତୀଂ ଭୁଵନେଶ୍ଵରୀଂ ତାମ୍ ॥ ୨॥
ପ୍ରାତଃ ସ୍ମରାମି ଭୁଵନା-ପଦପାରିଜାତଂ
ରତ୍ନୋଉଘନିର୍ମିତ-ଘଟେ ଘଟିତାସ୍ପଦଞ୍ଚ ।
ୟୋଗଞ୍ଚ ଭୋଗମମିତଂ ନିଜସେଵକେଭ୍ୟୋ
ଵାଞ୍ଚାଽଧିକଂ କିଲଦଦାନମନନ୍ତପାରମ୍ ॥ ୩॥
ପ୍ରାତଃ ସ୍ତୁଵେ ଭୁଵନପାଲନକେଲିଲୋଲାଂ
ବ୍ରହ୍ମେନ୍ଦ୍ରଦେଵଗଣ-ଵନ୍ଦିତ-ପାଦପୀଠମ୍ ।
ବାଲାର୍କବିମ୍ବସମ-ଶୋଣିତ-ଶୋଭିତାଙ୍ଗୀଂ
ଵିନ୍ଦ୍ଵାତ୍ମିକାଂ କଲିତକାମକଲାଵିଲାସାମ୍ ॥ ୪॥
ପ୍ରାତର୍ଭଜାମି ଭୁଵନେ ତଵ ନାମ ରୂପଂ
ଭକ୍ତାର୍ତିନାଶନପରଂ ପରମାମୃତଞ୍ଚ ।
ହ୍ରୀଙ୍କାରମନ୍ତ୍ର-ମନନୀ ଜନନୀ ଭଵାନୀ
ଭଦ୍ରା ଵିଭା ଭୟହରୀ ଭୁଵନେଶ୍ଵରୀତି ॥ ୫॥
ୟଃ ଶ୍ଲୋକପଞ୍ଚକମିଦଂ ସ୍ମରତି ପ୍ରଭାତେ
ଭୂତିପ୍ରଦଂ ଭୟହରଂ ଭୁଵନାମ୍ବିକାୟାଃ ।
ତସ୍ମୈ ଦଦାତି ଭୁଵନା ସୁତରାଂ ପ୍ରସନ୍ନା
ସିଦ୍ଧଂ ମନୋଃ ସ୍ଵପଦପଦ୍ମ-ସମାଶ୍ରୟଞ୍ଚ ॥
ଇତି ଶ୍ରୀଦତ୍ତାତ୍ରେୟାନନ୍ଦନାଥ-ଵିରଚିତଂ ଶ୍ରୀଭୁଵନେଶ୍ଵରୀ-ପଞ୍ଚକମ୍
ଏଵମ୍ ଶ୍ରୀଭୁଵନେଶ୍ଵରୀ ପ୍ରାତଃସ୍ମରଣମ୍ ସମ୍ପୂର୍ଣମ୍ ।