శ్రీభువనేశ్వరీ పఞ్చకం అథవా ప్రాతఃస్మరణమ్ Lyrics in Telugu:
ప్రాతః స్మరామి భువనా-సువిశాలభాలం
మాణిక్య-మోఉలి-లసితం సుసుధాంశు-ఖణ్దమ్ ।
మన్దస్మితం సుమధురం కరుణాకటాక్షం
తామ్బూలపూరితముఖం శ్రుతి-కున్దలే చ ॥ ౧॥
ప్రాతః స్మరామి భువనా-గలశోభి మాలాం
వక్షఃశ్రియం లలితతుఙ్గ-పయోధరాలీమ్ ।
సంవిత్ ఘటఞ్చ దధతీం కమలం కరాభ్యాం
కఞ్జాసనాం భగవతీం భువనేశ్వరీం తామ్ ॥ ౨॥
ప్రాతః స్మరామి భువనా-పదపారిజాతం
రత్నోఉఘనిర్మిత-ఘటే ఘటితాస్పదఞ్చ ।
యోగఞ్చ భోగమమితం నిజసేవకేభ్యో
వాఞ్చాఽధికం కిలదదానమనన్తపారమ్ ॥ ౩॥
ప్రాతః స్తువే భువనపాలనకేలిలోలాం
బ్రహ్మేన్ద్రదేవగణ-వన్దిత-పాదపీఠమ్ ।
బాలార్కబిమ్బసమ-శోణిత-శోభితాఙ్గీం
విన్ద్వాత్మికాం కలితకామకలావిలాసామ్ ॥ ౪॥
ప్రాతర్భజామి భువనే తవ నామ రూపం
భక్తార్తినాశనపరం పరమామృతఞ్చ ।
హ్రీఙ్కారమన్త్ర-మననీ జననీ భవానీ
భద్రా విభా భయహరీ భువనేశ్వరీతి ॥ ౫॥
యః శ్లోకపఞ్చకమిదం స్మరతి ప్రభాతే
భూతిప్రదం భయహరం భువనామ్బికాయాః ।
తస్మై దదాతి భువనా సుతరాం ప్రసన్నా
సిద్ధం మనోః స్వపదపద్మ-సమాశ్రయఞ్చ ॥
ఇతి శ్రీదత్తాత్రేయానన్దనాథ-విరచితం శ్రీభువనేశ్వరీ-పఞ్చకమ్
ఏవమ్ శ్రీభువనేశ్వరీ ప్రాతఃస్మరణమ్ సమ్పూర్ణమ్ ।
