Templesinindiainfo

Best Spiritual Website

Shri Gopaladevashtakam Lyrics in Oriya | ଶ୍ରୀଗୋପାଲଦେଵାଷ୍ଟକମ୍

ଶ୍ରୀଗୋପାଲଦେଵାଷ୍ଟକମ୍ Lyrics in Oriya:

ମଧୁରମୃଦୁଲଚିତ୍ତଃ ପ୍ରେମମାତ୍ରୈକଵିତ୍ତଃ
ସ୍ଵଜନରଚିତଵେଷଃ ପ୍ରାପ୍ତଶୋଭାଵିଶେଷଃ ।
ଵିଵିଧମଣିମୟାଲଙ୍କାରଵାନ୍ ସର୍ଵକାଲଂ
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୧॥

ନିରୁପମଗୁଣରୂପଃ ସର୍ଵମାଧୁର୍ୟଭୂପଃ
ଶ୍ରିତତନୁରୁଚିଦାସ୍ୟଃ କୋଟିଚନ୍ଦ୍ରସ୍ତୁତାସ୍ୟଃ ।
ଅମୃତଵିଜୟିହାସ୍ୟଃ ପ୍ରୋଚ୍ଛଲଚ୍ଚିଲ୍ଲିଲାସ୍ୟଃ
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୨॥

ଧୃତନଵପରଭାଗଃ ସଵ୍ୟହସ୍ତସ୍ଥିତାଗଃ
ପ୍ରକଟିତନିଜକକ୍ଷଃ ପ୍ରାପ୍ତଲାଵଣ୍ୟଲକ୍ଷଃ ।
କୃତନିଜଜନରକ୍ଷଃ ପ୍ରେମଵିସ୍ତାରଦକ୍ଷଃ
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୩॥

କ୍ରମଵଲଦନୁରାଗସ୍ଵପ୍ରିୟାପାଙ୍ଗଭାଗ
ଧ୍ଵନିତରସଵିଲାସଜ୍ଞାନଵିଜ୍ଞାପିହାସଃ ।
ସ୍ମୃତରତିପତିୟାଗଃ ପ୍ରୀତିହଂସୀତଡାଗଃ
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୪॥

ମଧୁରିମଭରମଗ୍ନେ ଭାତ୍ୟସଵ୍ୟେଽଵଲଗ୍ନେ
ତ୍ରିଵଲିରଲସଵତ୍ତ୍ଵାତ୍ୟସ୍ୟ ପୁଷ୍ଟାନତତ୍ଵାତ୍ ।
ଇତରତ ଇହ ତସ୍ୟା ମାରରେଖେଵ ରସ୍ୟା
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୫॥

ଵହତି ଵଲିତହର୍ଷଂ ଵାହୟଂଶ୍ଚାନୁଵର୍ଷଂ
ଭଜତି ଚ ସଗଣଂ ସ୍ଵଂ ଭୋଜୟନ୍ ୟୋଽର୍ପୟନ୍ ସ୍ଵମ୍ ।
ଗିରିମୁକୁଟମଣିଂ ଶ୍ରୀଦାମଵନ୍ମିତ୍ରତାଶ୍ରୀଃ
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୬॥

ଅଧିଧରମନୁରାଗଂ ମାଧଵେନ୍ଦ୍ରସ୍ୟ ତନ୍ଵଂ-
ସ୍ତଦମଲହୃଦୟୋତ୍ଥାଂ ପ୍ରେମସେଵାଂ ଵିଵୃଣ୍ଵନ୍ ।
ପ୍ରକଟିତନିଜଶକ୍ତ୍ୟା ଵଲ୍ଲଭାଚାର୍ୟଭକ୍ତ୍ୟା
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୭॥

ପ୍ରତିଦିନମଧୁନାପି ପ୍ରେକ୍ଷ୍ୟତେ ସର୍ଵଦାପି
ପ୍ରଣୟସୁରସଚର୍ୟା ୟସ୍ୟ ଵର୍ୟା ସପର୍ୟା ।
ଗଣୟତୁ କତି ଭୋଗାନ୍ କଃ କୃତୀ ତତ୍ପ୍ରୟୋଗାନ୍
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୮॥

ଗିରିଧରଵରଦେଵସ୍ୟାଷ୍ଟକେନେମମେଵ
ସ୍ମରତି ନିଶି ଦିନେ ଵା ୟୋ ଗୃହେ ଵା ଵନେ ଵା ।
ଅକୁଟିଲହୃଦୟସ୍ୟ ପ୍ରେମଦତ୍ଵେନ ତସ୍ୟ
ସ୍ଫୁରତୁ ହୃଦି ସ ଏଵ ଶ୍ରୀଲଗୋପାଲଦେଵଃ ॥ ୯॥

ଇତି ଶ୍ରୀଵିଶ୍ଵନାଥଚକ୍ରଵର୍ତିଠକ୍କୁରଵିରଚିତସ୍ତଵାମୃତଲହର୍ୟାଂ
ଶ୍ରୀଗୋପାଲଦେଵାଷ୍ଟକଂ ସମ୍ପୂର୍ଣମ୍ ।

Shri Gopaladevashtakam Lyrics in Oriya | ଶ୍ରୀଗୋପାଲଦେଵାଷ୍ଟକମ୍

Leave a Reply

Your email address will not be published. Required fields are marked *

Scroll to top