Panchaka

Shri Hanumat Pancha Chamaram Lyrics in Oriya

ଶ୍ରୀହନୂମତ୍ ପଞ୍ଚ ଚାମରମ୍ Lyrics in Oriya:

ନମୋଽସ୍ତୁ ତେ ହନୂମତେ ଦୟାଵତେ ମନୋଗତେ
ସୁଵର୍ଣପର୍ଵତାକୃତେ ନଭସ୍ସ୍ଵତଃ ସୁତାୟ ତେ ।
ନ ଚାଞ୍ଜନେୟ ତେ ସମୋ ଜଗତ୍ତ୍ରୟେ ମହାମତେ
ପରାକ୍ରମେ ଵଚଃକମେ ସମସ୍ତସିଦ୍ଧିସଙ୍କ୍ରମେ ॥ ୧॥

ରଵିଂ ଗ୍ରସିଷ୍ଣୁରୁତ୍ପତନ୍ ଫଲେଚ୍ଛୟା ଶିଶୁର୍ଭଵାନ୍
ରଵେର୍ଗୃହୀତଵାନହୋ ସମସ୍ତଵେଦଶାସ୍ତ୍ର୍କମ୍ ।
ଭଵନ୍ମନୋଜ୍ଞଭାଷଣଂ ବଭୂଵ କର୍ଣଭୂଷଣଂ
ରଘୂତ୍ତମସ୍ୟ ମାନସାଂବୁଜସ୍ୟ ପୂର୍ଣତୋଷଣମ୍ ॥ ୨॥

ଧରାତ୍ମଜାପତିଂ ଭଵାନ୍ ଵିଭାଵୟନ୍ ଜଗତ୍ପତିଂ
ଜଗାମ ରାମଦାସତାଂ ସମସ୍ତଲୋକଵିଶ୍ରୁତାମ୍ ।
ଵିଲଙ୍ଘ୍ୟ ଵାରିଧିଂ ଜଵାତ୍ ଵିଲୋକ୍ୟ ଦୀନଜାନକୀଂ
ଦଶାନନସ୍ୟ ମାନସଂ ଦଦାହ ଲଙ୍କୟା ସମମ୍ ॥ ୩॥

ଵିଲୋକ୍ୟ ମାତରଂ କୃଶାଂ ଦଶାନନସ୍ୟ ତଦ୍ଵନେ
ଭଵାନଭାଷତ ପ୍ରିୟଂ ମନୋହରଂ ଚ ସଂସ୍କୃତମ୍ ।
ସମସ୍ତଦୁଷ୍ଟରକ୍ଷସାଂ ଵିନାଶକାଲସୂଚନଂ
ଚକାର ରାଵଣାଗ୍ରତଃ ନୟେନ ଵା ଭୟେନ ଵା ॥ ୪॥

ମହାବଲୋ ମହାଚଲଂ ସମୁହ୍ୟ ଚୌଷଧିପ୍ରଭଂ
ଭଵାନ୍ ରରକ୍ଷ ଲକ୍ଷ୍ମଣଂ ଭୟାଵହେ ମହାଵହେ ।
ମହୋପକାରିଣଂ ତଦା ଭଵନ୍ତମାତ୍ମବାନ୍ଧଵଂ
ସମସ୍ତଲୋକବାନ୍ଧଵୋଽପ୍ୟମନ୍ୟତ ସ୍ଵୟଂ ଵିଭୁଃ ॥ ୫॥

ଭଵାଂଶ୍ଚ ୟତ୍ର ୟତ୍ର ତତ୍ ଶୃଣୋତି ରାମକୀର୍ତନଂ
କରୋତି ତତ୍ର ତତ୍ର ଭୋଃ ସଭାଷ୍ପମସ୍ତକାଞ୍ଜଲିଂ ।
ପ୍ରଦେହି ମେଽଞ୍ଜନାସୁତ ତ୍ଵଦୀୟଭକ୍ତିଵୈଭଵଂ
ଵିଦେହି ମେ ନିରଞ୍ଜନଂ ଚ ରାମଦାସଦାସତାମ୍ ॥ ୬॥

ଅଗଣ୍ୟପୁଣ୍ୟଵାନ୍ ଭଵାନ୍ ଅନନ୍ୟଧନ୍ୟଜୀଵନଃ
ଵିମୁଚ୍ୟ ମୌକ୍ତିକସ୍ରଜଂ ଦଦୌ ଧରାତ୍ମଜା ମୁଦା ।
ଭଵନ୍ତମାଲିଲିଙ୍ଗ ୟଦ୍ ରଘୂତ୍ତମଃ ସ୍ଵୟଂ ଵଦନ୍
ଇଦଂ ହି ମେ ହନୂମତଃ ପ୍ରଦେୟସର୍ଵମିତ୍ୟହୋ ॥ ୭॥

ଵିଦେହରାଜନନ୍ଦିନୀମନୋହରେ ଵରେ ପରେ
ଵିଦେହମୁକ୍ତିଦାୟକେ ଵିଧେହି ମେ ମନୋ ହରେ ।
କ୍ଷଣଂ କ୍ଷଣଂ ନିରୀକ୍ଷଣଂ ଭଵେଦ୍ ୟଥା ମୟି ପ୍ରଭୋଃ
ତଥା ନିଵେଦୟସ୍ଵ ମଦ୍ଦଶାଂ ଦଶାନନାନ୍ତକେ ॥ ୮॥

ଇଦଂ ଚ ପଞ୍ଚଚାମରଂ ଗୃହାଣ ଦାସକଲ୍ପିତଂ
ସମୀରଣାତ୍ମସଂଭଵ ପ୍ରମୋଦମାନଚେତସା ।
ରିପୂନ୍ ଷଡାନ୍ତରାନ୍ ଵିନାଶୟାଶୁ ଦୁର୍ଦମାନ୍
ପୁନର୍ଭଵାଖ୍ୟକର୍ଦମାତ୍ ଵିମୁଚ୍ୟ ପାହି ପାହି ମାମ୍ ॥ ୯॥