Shri Hari Dhanya Ashtakam in Bengali:
শ্রীহরিধ্যানাষ্টকম্
বন্দে কান্ততনুং প্রশান্তবদনং বন্দে সুচক্রেক্ষণং
বন্দে মেঘনিভং মহাম্বুজকরং বন্দে পদালক্তকম্ ।
বন্দে কোটিরবিদ্যুতিধৃতিহরং বন্দে সুবর্ণান্বিতং
বন্দে নীলকলেবরং স্মিতহসং বন্দে সদা শ্রীহরিম্ ॥ ১ ॥
বন্দে শ্রোণিতটে সুপীতবসনং বন্দে মহাকৌস্তুভং
বন্দে শীর্ষপটে সুরম্যমুকুটং বন্দে লসন্মৌক্তিকম্ ।
বন্দে কঙ্কণরাজিতং করয়ুগে বন্দেতিভূষোজ্জ্বলং
বন্দে সুন্দরভালভাগতিলকং বন্দে সদা শ্রীহরিম্ ॥ ২ ॥
বন্দে চক্রকরং করে কমলিনং বন্দে গদাধারিণং
বন্দে শঙ্খধরং স্যমন্তককরং বন্দে বিলাসালয়ম্ ।
বন্দে সাগরকন্যকাপতিমণিং বন্দে জগত্স্বামিনং
বন্দে সত্ত্বময়ং বিহঙ্গগমনং বন্দে সদা শ্রীহরিম্ ॥ ৩ ॥
বন্দে বিশ্বপতিং সুরেশ্বরপতিং বন্দে ধরিত্রীপতিং
বন্দে লোকপতিং সুদর্শনপতিং বন্দেমরাণাং পতিম্ ।
বন্দে শঙ্খপতিং গদাবরপতিং বন্দে গ্রহাণাং পতিং
বন্দে তার্ক্ষপতিং চতুর্যুগপতিং বন্দে সদা শ্রীহরিম্ ॥ ৪ ॥
বন্দে ব্রহ্মপতিং মহেশ্বরপতিং বন্দেখিলানাং পতিং
বন্দে শার্ঙ্গপতিং বিকর্ত্তনপতিং বন্দে প্রজানাং পতিম্ ।
বন্দে য়জ্ঞপতিং চ কৌস্তুভপতিং বন্দে মুনীনাং পতিং
বন্দে ভক্তপতিং ভবার্ণবপতিং বন্দে সদা শ্রীহরিম্ ॥ ৫ ॥
বন্দে সর্বগুণেশ্বরং সুরবরং বন্দে ত্রিলোকীশ্বরং
বন্দে পাপবিঘাতকং রিপুহরং বন্দে শুভায়ত্তনম্ ।
বন্দে সাধুপতিং চরাচরপতিং বন্দে জনানাং পতিং
বন্দে গোলকধামনাথমনিশং বন্দে সদা শ্রীহরিম্ ॥ ৬ ॥
বন্দে শ্রীজগদীশ্বরং ক্ষিতিধরং বন্দে চ ধর্মদ্রুমং
বন্দে দৈত্যনিসূদনং কলিহরং বন্দে কৃপাকারকম্ ।
বন্দে কালকরালদণ্ডদহকং বন্দে সুমুক্তিপ্রদং
বন্দে সর্বসুখাস্পদং সুরগুরুং বন্দে সদা শ্রীহরিম্ ॥ ৭ ॥
বন্দে ন্যায়য়শোধিপং দুরিতহং বন্দে দয়াদায়কং
বন্দে জন্মহরং কুনীতিদমনং বন্দে সুকামপ্রদম্ ।
বন্দে ভক্তবিনোদনং মুনিনুতং বন্দে প্রজারঞ্জকং
বন্দেস্নাথপতিং দরিদ্রনৃপতিং বন্দে সদা শ্রীহরিম্ ॥ ৮ ॥
ইতি শ্রীব্রজকিশোরবিরচিতং শ্রীহরিধ্যানাষ্টকং সম্পূর্ণম্ ।
(নিদ্রাভঙ্গসময়ে লিখিতম্)
