Shri Hari Dhanya Ashtakam in Kannada:
ಶ್ರೀಹರಿಧ್ಯಾನಾಷ್ಟಕಮ್
ವನ್ದೇ ಕಾನ್ತತನುಂ ಪ್ರಶಾನ್ತವದನಂ ವನ್ದೇ ಸುಚಕ್ರೇಕ್ಷಣಂ
ವನ್ದೇ ಮೇಘನಿಭಂ ಮಹಾಮ್ಬುಜಕರಂ ವನ್ದೇ ಪದಾಲಕ್ತಕಮ್ ।
ವನ್ದೇ ಕೋಟಿರವಿದ್ಯುತಿಧೃತಿಹರಂ ವನ್ದೇ ಸುವರ್ಣಾನ್ವಿತಂ
ವನ್ದೇ ನೀಲಕಲೇವರಂ ಸ್ಮಿತಹಸಂ ವನ್ದೇ ಸದಾ ಶ್ರೀಹರಿಮ್ ॥ 1 ॥
ವನ್ದೇ ಶ್ರೋಣಿತಟೇ ಸುಪೀತವಸನಂ ವನ್ದೇ ಮಹಾಕೌಸ್ತುಭಂ
ವನ್ದೇ ಶೀರ್ಷಪಟೇ ಸುರಮ್ಯಮುಕುಟಂ ವನ್ದೇ ಲಸನ್ಮೌಕ್ತಿಕಮ್ ।
ವನ್ದೇ ಕಂಕಣರಾಜಿತಂ ಕರಯುಗೇ ವನ್ದೇತಿಭೂಷೋಜ್ಜ್ವಲಂ
ವನ್ದೇ ಸುನ್ದರಭಾಲಭಾಗತಿಲಕಂ ವನ್ದೇ ಸದಾ ಶ್ರೀಹರಿಮ್ ॥ 2 ॥
ವನ್ದೇ ಚಕ್ರಕರಂ ಕರೇ ಕಮಲಿನಂ ವನ್ದೇ ಗದಾಧಾರಿಣಂ
ವನ್ದೇ ಶಂಖಧರಂ ಸ್ಯಮನ್ತಕಕರಂ ವನ್ದೇ ವಿಲಾಸಾಲಯಮ್ ।
ವನ್ದೇ ಸಾಗರಕನ್ಯಕಾಪತಿಮಣಿಂ ವನ್ದೇ ಜಗತ್ಸ್ವಾಮಿನಂ
ವನ್ದೇ ಸತ್ತ್ವಮಯಂ ವಿಹಂಗಗಮನಂ ವನ್ದೇ ಸದಾ ಶ್ರೀಹರಿಮ್ ॥ 3 ॥
ವನ್ದೇ ವಿಶ್ವಪತಿಂ ಸುರೇಶ್ವರಪತಿಂ ವನ್ದೇ ಧರಿತ್ರೀಪತಿಂ
ವನ್ದೇ ಲೋಕಪತಿಂ ಸುದರ್ಶನಪತಿಂ ವನ್ದೇಮರಾಣಾಂ ಪತಿಮ್ ।
ವನ್ದೇ ಶಂಖಪತಿಂ ಗದಾವರಪತಿಂ ವನ್ದೇ ಗ್ರಹಾಣಾಂ ಪತಿಂ
ವನ್ದೇ ತಾರ್ಕ್ಷಪತಿಂ ಚತುರ್ಯುಗಪತಿಂ ವನ್ದೇ ಸದಾ ಶ್ರೀಹರಿಮ್ ॥ 4 ॥
ವನ್ದೇ ಬ್ರಹ್ಮಪತಿಂ ಮಹೇಶ್ವರಪತಿಂ ವನ್ದೇಖಿಲಾನಾಂ ಪತಿಂ
ವನ್ದೇ ಶಾರ್ಂಗಪತಿಂ ವಿಕರ್ತ್ತನಪತಿಂ ವನ್ದೇ ಪ್ರಜಾನಾಂ ಪತಿಮ್ ।
ವನ್ದೇ ಯಜ್ಞಪತಿಂ ಚ ಕೌಸ್ತುಭಪತಿಂ ವನ್ದೇ ಮುನೀನಾಂ ಪತಿಂ
ವನ್ದೇ ಭಕ್ತಪತಿಂ ಭವಾರ್ಣವಪತಿಂ ವನ್ದೇ ಸದಾ ಶ್ರೀಹರಿಮ್ ॥ 5 ॥
ವನ್ದೇ ಸರ್ವಗುಣೇಶ್ವರಂ ಸುರವರಂ ವನ್ದೇ ತ್ರಿಲೋಕೀಶ್ವರಂ
ವನ್ದೇ ಪಾಪವಿಘಾತಕಂ ರಿಪುಹರಂ ವನ್ದೇ ಶುಭಾಯತ್ತನಮ್ ।
ವನ್ದೇ ಸಾಧುಪತಿಂ ಚರಾಚರಪತಿಂ ವನ್ದೇ ಜನಾನಾಂ ಪತಿಂ
ವನ್ದೇ ಗೋಲಕಧಾಮನಾಥಮನಿಶಂ ವನ್ದೇ ಸದಾ ಶ್ರೀಹರಿಮ್ ॥ 6 ॥
ವನ್ದೇ ಶ್ರೀಜಗದೀಶ್ವರಂ ಕ್ಷಿತಿಧರಂ ವನ್ದೇ ಚ ಧರ್ಮದ್ರುಮಂ
ವನ್ದೇ ದೈತ್ಯನಿಸೂದನಂ ಕಲಿಹರಂ ವನ್ದೇ ಕೃಪಾಕಾರಕಮ್ ।
ವನ್ದೇ ಕಾಲಕರಾಲದಂಡದಹಕಂ ವನ್ದೇ ಸುಮುಕ್ತಿಪ್ರದಂ
ವನ್ದೇ ಸರ್ವಸುಖಾಸ್ಪದಂ ಸುರಗುರುಂ ವನ್ದೇ ಸದಾ ಶ್ರೀಹರಿಮ್ ॥ 7 ॥
ವನ್ದೇ ನ್ಯಾಯಯಶೋಧಿಪಂ ದುರಿತಹಂ ವನ್ದೇ ದಯಾದಾಯಕಂ
ವನ್ದೇ ಜನ್ಮಹರಂ ಕುನೀತಿದಮನಂ ವನ್ದೇ ಸುಕಾಮಪ್ರದಮ್ ।
ವನ್ದೇ ಭಕ್ತವಿನೋದನಂ ಮುನಿನುತಂ ವನ್ದೇ ಪ್ರಜಾರಂಜಕಂ
ವನ್ದೇಸ್ನಾಥಪತಿಂ ದರಿದ್ರನೃಪತಿಂ ವನ್ದೇ ಸದಾ ಶ್ರೀಹರಿಮ್ ॥ 8 ॥
ಇತಿ ಶ್ರೀವ್ರಜಕಿಶೋರವಿರಚಿತಂ ಶ್ರೀಹರಿಧ್ಯಾನಾಷ್ಟಕಂ ಸಮ್ಪೂರ್ಣಮ್ ।
(ನಿದ್ರಾಭಂಗಸಮಯೇ ಲಿಖಿತಮ್)
