Sri Harisharanashtakam Lyrics in Bengali:
॥ শ্রীহরিশরণাষ্টকম্ ॥
শ্রীগণেশায় নমঃ ॥
ধ্যেয়ং বদন্তি শিবমেব হী কেচিদন্যে
শক্তিং গণেশমপরে তু দিবাকরং বৈ ।
রূপৈস্তু তৈরপি বিভাসি য়তস্ত্বমেকস্-
তস্মাত্ত্বমেব শরণং মম শঙ্খপাণে ॥ ১ ॥
নো সোদরো ন জনকো জননী ন জায়া
নৈবাত্মজো ন চ কুলং বিপুলং বলং বা ।
সংদৃষ্যতে ন কিল কোঽপি সহায়কো মে
তস্মাত্ত্বমেব শরণং মম শঙ্খপাণে ॥ ২ ॥
নোপাসিতা মদমপাস্য ময়া মহান্তস্-
তীর্থানি চাস্তিকধিয়া নহি সেবিতানি ।
দেবার্চনং চ বিধিবন্ন কৃতং কদাপি
তস্মাত্ত্বমেব শরণং মম শঙ্খপাণে ॥ ৩ ॥
দুর্বাসনা মম সদা পরিকর্ষয়ন্তি
চিত্তং শরীরমপি রোগগণা দহন্তি ।
সঞ্জীবনং চ পরহস্তগতং সদৈব
তস্মাত্ত্বমেব শরণং মম শঙ্খপাণে ॥ ৪ ॥
পূর্বং কৃতানি দুরিতানি ময়া তু য়ানি
স্মৃত্বাখিলানি হৃদয়ং পরিকম্পতে মে ।
খ্যাতা চ তে পতিতপাবনতা তু য়স্মাত্
তস্মাত্ত্বমেব শরণং মম শঙ্খপাণে ॥ ৫ ॥
দুঃখং জরাজননজং বিবিধাশ্চ রোগাঃ
কাকশ্বসূকরজনির্নিরয়ে চ পাতঃ ।
ত্বদ্বিস্মৄতেঃ ফলমিদং বিততং হি লোকে
তস্মাত্ত্বমেব শরণং মম শঙ্খপাণে ॥ ৬ ॥
নীচোঽপি পাপবলিতোঽপি বিনিন্দিতোঽপি
ব্রূয়াত্তবাহমিতি য়স্তু কিলৈকবারম্ ।
তং য়চ্ছসীশ নিজলোকমিতি ব্রতং তে
তস্মাত্ত্বমেব শরণং মম শঙ্খপাণে ॥ ৭ ॥
বেদেষু ধর্মবচনেষু তথাগমেষু
রামায়ণেঽপি চ পুরাণকদম্বকে বা ।
সর্বত্র সর্ববিধিনা গদিতস্ত্বমেব
তস্মাত্ত্বমেব শরণং মম শঙ্খপাণে ॥ ৮ ॥
॥ ইতি শ্রীপরমহংসস্বামিব্রহ্মানন্দবিরচিতং
শ্রীহরিশরণাষ্টকং সম্পূর্ণম্ ॥
