ಶ್ರೀಕೃಷ್ಣನಾಮಾಷ್ಟಕಮ್ Lyrics in Kannada:
ನಿಖಿಲಶ್ರುತಿಮೌಲಿರತ್ನಮಾಲಾ
ದ್ಯುತಿನೀರಾಜಿತಪಾದಪಂಕಜಾನ್ತ ।
ಅಯಿ ಮುಕ್ತಕುಲೈರುಪಾಸ್ಯಮಾನಂ
ಪರಿತಸ್ತ್ವಾಂ ಹರಿನಾಮ ಸಂಶ್ರಯಾಮಿ ॥ 1॥
ಜಯ ನಾಮಧೇಯ ಮುನಿವೃನ್ದಗೇಯ ಹೇ
ಜನರಂಜನಾಯ ಪರಮಾಕ್ಷರಾಕೃತೇ ।
ತ್ವಮನಾದರಾದಪಿ ಮನಾಗ್ ಉದೀರಿತಂ
ನಿಖಿಲೋಗ್ರತಾಪಪಟಲೀಂ ವಿಲುಮ್ಪಸಿ ॥ 2॥
ಯದಾಭಾಸೋಽಪ್ಯುದ್ಯನ್ ಕವಲಿತಭವಧ್ವಾನ್ತವಿಭವೋ
ದೃಶಂ ತತ್ತ್ವಾನ್ಧಾನಾಮಪಿ ದಿಶತಿ ಭಕ್ತಿಪ್ರಣಯಿನೀಮ್ ।
ಜನಸ್ತಸ್ಯೋದಾತ್ತಂ ಜಗತಿ ಭಗವನ್ನಾಮತರಣೇ
ಕೃತೀ ತೇ ನಿರ್ವಕ್ತುಂ ಕ ಇಹ ಮಹಿಮಾನಂ ಪ್ರಭವತಿ ॥ 3॥
ಯದ್ ಬ್ರಹ್ಮಸಾಕ್ಷಾತ್ಕೃತಿನಿಷ್ಠಯಾಪಿ
ವಿನಾಶಮಾಯಾತಿ ವಿನಾ ನ ಭೋಗೈಃ ।
ಅಪೈತಿ ನಾಮ ಸ್ಫುರಣೇನ ತತ್ ತೇ
ಪ್ರಾರಬ್ಧಕರ್ಮೇತಿ ವಿರೌತಿ ವೇದಃ ॥ 4॥
ಅಘದಮನಯಶೋದಾನನ್ದನೌ ನನ್ದಸೂನೋ
ಕಮಲನಯನಗೋಪೀಚನ್ದ್ರವೃನ್ದಾವನೇನ್ದ್ರಾಃ ।
ಪ್ರಣತಕರುಣಕೃಷ್ಣಾವಿತ್ಯನೇಕಸ್ವರೂಪೇ
ತ್ವಯಿ ಮಮ ರತಿರುಚ್ಚೈರ್ವರ್ಧತಾಂ ನಾಮಧೇಯ ॥ 5॥
ವಾಚ್ಯೋ ವಾಚಕಮಿತ್ಯುದೇತಿ ಭವತೋ ನಾಮ ಸ್ವರೂಪದ್ವಯಂ
ಪೂರ್ವಸ್ಮಾತ್ ಪರಮೇವ ಹನ್ತ ಕರುಣಾ ತತ್ರಾಪಿ ಜಾನೀಮಹೇ ।
ಯಸ್ತಸ್ಮಿನ್ ವಿಹಿತಾಪರಾಧನಿವಹಃ ಪ್ರಾಣೀ ಸಮನ್ತಾದ್ ಭವೇದ್
ಆಸ್ಯೇನೇದಮುಪಾಸ್ಯ ಸೋಽಪಿ ಹಿ ಸದಾನನ್ದಾಮ್ಬುಧೌ ಮಜ್ಜತಿ ॥ 6॥
ಸೂದಿತಾಶ್ರಿತಜನಾರ್ತಿರಾಶಯೇ
ರಮ್ಯಚಿದ್ಘನಸುಖಸ್ವರೂಪಿಣೇ ।
ನಾಮ ಗೋಕುಲಮಹೋತ್ಸವಾಯ ತೇ
ಕೃಷ್ಣಪೂರ್ಣವಪುಷೇ ನಮೋ ನಮಃ ॥ 7॥
ನಾರದವೀಣೋಜ್ಜೀವನಸುಧೋರ್ಮಿನಿರ್ಯಾಸಮಾಧುರೀಪೂರ ।
ತ್ವಂ ಕೃಷ್ಣನಾಮ ಕಾಮಂ ಸ್ಫುರ ಮೇ ರಸನೇ ರಸೇನ ಸದಾ ॥ 8॥
ಇತಿ ಶ್ರೀರೂಪಗೋಸ್ವಾಮಿವಿರಚಿತಸ್ತವಮಾಲಾಯಾಂ ಶ್ರೀನಾಮಾಷ್ಟಕಂ ಸಮ್ಪೂರ್ಣಮ್ ।
