ശ്രീകൃഷ്ണനാമാഷ്ടകം Lyrics in Malayalam:
നിഖിലശ്രുതിമൌലിരത്നമാലാ
ദ്യുതിനീരാജിതപാദപങ്കജാന്ത ।
അയി മുക്തകുലൈരുപാസ്യമാനം
പരിതസ്ത്വാം ഹരിനാമ സംശ്രയാമി ॥ 1॥
ജയ നാമധേയ മുനിവൃന്ദഗേയ ഹേ
ജനരഞ്ജനായ പരമാക്ഷരാകൃതേ ।
ത്വമനാദരാദപി മനാഗ് ഉദീരിതം
നിഖിലോഗ്രതാപപടലീം വിലുമ്പസി ॥ 2॥
യദാഭാസോഽപ്യുദ്യന്‍ കവലിതഭവധ്വാന്തവിഭവോ
ദൃശം തത്ത്വാന്ധാനാമപി ദിശതി ഭക്തിപ്രണയിനീം ।
ജനസ്തസ്യോദാത്തം ജഗതി ഭഗവന്നാമതരണേ
കൃതീ തേ നിര്‍വക്തും ക ഇഹ മഹിമാനം പ്രഭവതി ॥ 3॥
യദ് ബ്രഹ്മസാക്ഷാത്കൃതിനിഷ്ഠയാപി
വിനാശമായാതി വിനാ ന ഭോഗൈഃ ।
അപൈതി നാമ സ്ഫുരണേന തത് തേ
പ്രാരബ്ധകര്‍മേതി വിരൌതി വേദഃ ॥ 4॥
അഘദമനയശോദാനന്ദനൌ നന്ദസൂനോ
കമലനയനഗോപീചന്ദ്രവൃന്ദാവനേന്ദ്രാഃ ।
പ്രണതകരുണകൃഷ്ണാവിത്യനേകസ്വരൂപേ
ത്വയി മമ രതിരുച്ചൈര്‍വര്‍ധതാം നാമധേയ ॥ 5॥
വാച്യോ വാചകമിത്യുദേതി ഭവതോ നാമ സ്വരൂപദ്വയം
പൂര്‍വസ്മാത് പരമേവ ഹന്ത കരുണാ തത്രാപി ജാനീമഹേ ।
യസ്തസ്മിന്‍ വിഹിതാപരാധനിവഹഃ പ്രാണീ സമന്താദ് ഭവേദ്
ആസ്യേനേദമുപാസ്യ സോഽപി ഹി സദാനന്ദാംബുധൌ മജ്ജതി ॥ 6॥
സൂദിതാശ്രിതജനാര്‍തിരാശയേ
രംയചിദ്ഘനസുഖസ്വരൂപിണേ ।
നാമ ഗോകുലമഹോത്സവായ തേ
കൃഷ്ണപൂര്‍ണവപുഷേ നമോ നമഃ ॥ 7॥
നാരദവീണോജ്ജീവനസുധോര്‍മിനിര്യാസമാധുരീപൂര ।
ത്വം കൃഷ്ണനാമ കാമം സ്ഫുര മേ രസനേ രസേന സദാ ॥ 8॥
ഇതി ശ്രീരൂപഗോസ്വാമിവിരചിതസ്തവമാലായാം ശ്രീനാമാഷ്ടകം സമ്പൂര്‍ണം ।
