Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Shri Ramashtaprasastutih Lyrics in Oriya

Shri Ramashtaprasastutih Lyrics in Oriya

28 Views

Shri Ramashtaprasa Stutih Text in Oriya:

ଶ୍ରୀରାମାଷ୍ଟପ୍ରାସସ୍ତୁତିଃ

କର୍ତା କଞ୍ଜଭଵାତ୍ମନା ତ୍ରିଜଗତାଂ ଭର୍ତା ମୁକୁନ୍ଦାତ୍ମନା
ହର୍ତା ୟଶ୍ଚ ହରାତ୍ମନାଘମଖିଲଂ ସ୍ମର୍ତା ଚ ୟସ୍ୟୋଜ୍ଝତି ।
ଧର୍ତାରଂ ଧନୁଷଃ ଶରୈସ୍ସହ ତମାଦର୍ତାରମାର୍ତାନ୍ଵୟଂ
ସର୍ତାରୋଽପ୍ୟପଥେ ଶ୍ରିତା ରଘୁପତିଂ ଵର୍ତାମହେ ନିର୍ଭୟାଃ ॥ ୧॥

କାରାଗାରସମାନସଂସୃତିନିରାକାରାୟ ସଚ୍ଚିନ୍ମୟଂ
ଧୀରା ୟଂ ଶରଣଂ ଵ୍ରଜନ୍ତି ଭୁଵନେ ନୀରାଗମୋହସ୍ମୟାଃ ।
ତାରାଦେଵରମୁଖ୍ୟଵାନରପରୀଵାରାୟ ନୀରାକର-
ସ୍ଫାରାଟୋପହରାୟ ରାଵଣଜିତେ ଵୀରାୟ ତସ୍ମୈ ନମଃ ॥ ୨॥

କିଂ ଦେଵୈରିତରୈଃ ପ୍ରପନ୍ନଭରଣେ ସନ୍ଦେହକୃଦ୍ଭିର୍ନୃଣାଂ
ଵିନ୍ଦେୟଂ ୟଦି ତାନ୍ ଵିମୂଢ ଇତି ମାଂ ନିନ୍ଦେୟୁରାର୍ୟା ନ କିମ୍ ।
କିଂ ଦେୟଂ କିମଦେୟମିତ୍ୟଵିଦୁରଂ ତଂ ଦେହିନାମିଷ୍ଟଦଂ
ଵନ୍ଦେ କଞ୍ଚନ ଵଞ୍ଚନାମୃଗରିପୁଂ ମନ୍ଦେତରଶ୍ରେୟସେ ॥ ୩॥

ଗାତ୍ରେଷୁ ଶ୍ରମମଗ୍ନିମାନ୍ଦ୍ୟମୁଦରେ ନେତ୍ରେ ଜଡତ୍ଵଂ ସହ
ଶ୍ରୋତ୍ରେଣାଦିଶତୀ ଜରା ଵିଶତି ଚେତ୍ କୋଽତ୍ରେରୟେନ୍ମାସ୍ତ୍ଵିତି ।
ଦାତ୍ରେ ୟତ୍ତୁ ନମୋଽଧୁନାଽପି କଲୟେ ସ୍ତୋତ୍ରେଣ ଵିତ୍ତାଶୟା
ମୈତ୍ରେ ଜନ୍ମଜୁଷେ କୁଲେ କୃତନତିର୍ନେତ୍ରେ ତଦୁଜ୍ଝାମ୍ୟହମ୍ ॥ ୪॥

ଜାତୋ ୟୋ ମିହିରାନ୍ଵୟେ ନିୟମିନା ନୀତୋ ମଖଂ ରକ୍ଷିତୁଂ
ଶାତୋଦର୍ୟପି ୟେନ ଗୌତମମୁନେଃ ପୂତୋପଲତ୍ଵଂ ଜହୌ ।
ଛାତୋମାପତିକାର୍ମୁକଂ ସଦସି ୟଂ ସୀତୋପଲେଭେ ପତିଂ
ନାତୋ ରାଘଵତୋଽପରଂ ଶରଣମିତ୍ୟାତୋଦ୍ୟମାଘୋଷୟେ ॥ ୫॥

ନାହଂ ପୁତ୍ରକଲତ୍ରମିତ୍ରଵିଷୟେ ସ୍ନେହଂ ଵିହାତୁଂ କ୍ଷମଃ
ସାହଙ୍କାରମିଦଂ ମନଶ୍ଚ ନ କୃତୋତ୍ସାହଂ ଗୁରୂପାସନେ ।
ଦେହଂ ନଶ୍ଵରମନ୍ତକସ୍ୟ ନ ଦୟା ହା ହନ୍ତ ତେନୋଜ୍ଝିତୁଂ
ମୋହଂ ନୌମି ରୁଚା ଵିଡମ୍ବିତପୟୋଵାହଂ ରଘୂଣାଂ ପତିମ୍ ॥ ୬॥

ଶ୍ରୀହୀନଂ ଵ୍ୟଥୟନ୍ତି ୟେ ଧନମଦାଦେହୀତି ୟାହୀତି ତାନ୍
ଵାହୀକାନିଵ ନ ସ୍ମରାମ୍ୟପି ପତୀନ୍ ଦୋହୀୟସୀନାଂ ଗଵାମ୍ ।
ଦେହୀତୀରିତମନ୍ତରେଣ ଦଦତେ ୟୋ ହୀହିତଂ ଦେହିନାଂ
ପାହୀତି ବ୍ରୁଵତୋ ରଘୂଦ୍ଵହ ଦୟାଵାହୀ ସ ସେଵ୍ୟୋଽସି ମେ ॥ ୭॥

ଶ୍ରୁତ୍ଵା ଵେଦଶିରାଂସି ତନ୍ନିଗଦିତଂ ମତ୍ଵା ୟଥାଵନ୍ନରଃ
ସ୍ମୃତ୍ଵାଽଭୀକ୍ଷ୍ଣମିଦଂ ଲଭେତ ଵିଶୟଂ ହିତ୍ଵାଽଽତ୍ମସାକ୍ଷାତ୍କୃତିମ୍ ।
ୟତ୍ତ୍ଵାହ କ୍ରମମିତ୍ଥମାଗମଶିରସ୍ତତ୍ତ୍ଵାଵବୋଧୋଦୟେ
ସତ୍ତ୍ଵାକାର ତଦେଵ ରାମ ସୁଲଭଂ ନ ତ୍ଵାମନତ୍ଵା ନୃଣାମ୍ ॥ ୮॥

ହନ୍ତୁଂ ପ୍ରାକ୍ତନଦୁଷ୍କୃତାନି ଜଗତାଂ ମନ୍ତୁଂ ଭୃଶାନିତ୍ୟତାଂ
କନ୍ତୁଂ ଜେତୁମମୁତ୍ର ଚେହ ସମୁପାରନ୍ତୁଂ ଫଲେଷ୍ଵାଦରାତ୍ ।
ୟନ୍ତୁଂ ସେନ୍ଦ୍ରିୟଜାତମାଗମଶିରୋ ଗନ୍ତୁଂ ଚ ଵକ୍ତ୍ରାଦ୍ଗୁରୋଃ
ତନ୍ତୁଂ ଚଣ୍ଡକରାନ୍ଵୟସ୍ୟ କଲୟେ ତଂ ତୁଙ୍ଗଚାପଂ ପ୍ରଭୁମ୍ ॥ ୯॥

ଇତି ଶ୍ରୀରାମାଷ୍ଟପ୍ରାସସ୍ତୁତିଃ ସମାପ୍ତା ।

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *