Templesinindiainfo

Best Spiritual Website

Shri Vallabha Ashtakam 1 Lyrics in Bengali

Sri Vallabhashtakam 1 Lyrics in Bengali:

শ্রীবল্লভাষ্টকম্ ১

শ্রীমদ্বৃন্দাবনেন্দুপ্রকটিতরসিকানন্দসন্দোহরূপ-
স্ফূর্জদ্রাসাদিলীলাঽমৃতজলধিভরাক্রান্তসর্বোঽপি শশ্বত্ ।
তস্যৈষাত্মানুভাবপ্রকটনহৃদয়স্যাজ্ঞয়া প্রাদুরাসীদ্-
ভূমৌ য়ঃ সন্মনুষ্যাকৃতিরতিকরুণস্তং প্রপদ্যে হুতাশম্ ॥ ১॥

নাবির্ভূয়াদ্ভবাংশ্চেদধিধরণিতলং ভূতনাথোদিতাস-
ন্মার্গধ্বান্তান্ধতুল্যা নিগমপথপতৌ দেবসর্গেঽপি জাতাঃ ।
ঘোষাধীশং তদেমে কথমপি মনুজাঃ প্রাপ্নুয়ুর্নৈব দেবী-
সৃষ্টির্ব্যর্থা চ ভূয়ান্নিজফলরহিতা দেববৈশ্বানরৈষা ॥ ২॥

ন হ্যন্যো বাগধীশাচ্ছ্রুতিগণবচসাং ভাবমাজ্ঞাতুমীষ্টে
য়স্মাত্সাধ্বী স্বভাবং প্রকটয়তি বধূরগ্রতঃ পত্যুরেব ।
তস্মাচ্ছ্রীবল্লভাখ্য ত্বদুদিতবচনাদন্যথা রূপয়ন্তি
ভ্রান্তা য়ে তে নিসর্গত্রিদশরিপুতয়া কেবলান্ধন্তমোগাঃ ॥ ৩॥

প্রাদুর্ভূতেন ভূমৌ ব্রজপতিচরণাম্ভোজসেবাখ্যবর্ত্ম-
প্রাকট্যং য়ত্কৃতং তে তদুত নিজকৃতে শ্রীহুতাশেতি মন্যে ।
য়স্মাদস্মিংস্থিতো য়ত্কিমপি কথমপি ক্বাপ্যুপাহর্তুমিচ্ছ-
ত্যদ্ধা তদ্গোপিকেশঃ স্ববদনকমলে চারুহাসে করোতি ॥ ৪॥

উষ্ণত্বৈকস্বভাবোঽপ্যতিশিশিরবচঃপুঞ্জপীয়ূষবৃষ্টী-
রার্তেষ্বত্যুগ্রমোহাসুরনৃষু য়ুগপত্তাপমপ্যত্র কুর্বন্ ।
স্বস্মিন্ কৃষ্ণাস্যতাং ত্বং প্রকটয়সি চ নো ভূতদেবত্বমেত-
দ্যস্মাদানন্দদং শ্রীব্রজজননিচয়ে নাশকং চাসুরাগ্নেঃ ॥ ৫॥

আম্নায়োক্তং য়দম্ভোভবনমনলতস্তচ্চ সত্যং বিভোর্য-
ত্সর্গাদৌ ভূতরূপাদভবদনলতঃ পুষ্করং ভূতরূপম্ ।
আনন্দৈকস্বরূপাত্ত্বদধিভু য়দভূত্কৃষ্ণসেবারসাব্ধি-
শ্চানন্দৈকস্বরূপস্তদখিলমুচিতং হেতুসাম্যং হি কার্যে ॥ ৬॥

স্বামিচ্ছ্রীবল্লভাগ্নে ক্ষণমপি ভবতঃ সন্নিধানে কৃপাতঃ
প্রাণপ্রেষ্ঠব্রজাধীশ্বরবদনদিদৃক্ষার্তিতাপো জনেষু ।
য়ত্প্রাদুর্ভাবমাপ্নোত্যুচিততরমিদং য়ত্তু পশ্চাদপীত্থং
দৃষ্টেঽপ্যস্মিন্মুখেন্দৌ প্রচুরতরমুদেত্যেব তচ্চিত্রমেতত্ ॥ ৭॥

অজ্ঞানাদ্যন্ধকারপ্রশমনপটুতাখ্যাপনায় ত্রিলোক্যা-
মগ্নিত্ত্বং বর্ণিতং তে কবিভিরপি সদা বস্তুতঃ কৃষ্ণ এব ।
প্রাদুর্ভূতো ভবানিত্যনুভবনিগমাদ্যুক্তমানৈরবেত্য
ত্বাং শ্রীশ্রীবল্লভে মে নিখিলবুধজনা গোকুলেশং ভজন্তে ॥ ৮॥

ইতি শ্রীমদ্বিঠ্ঠলদীক্ষিতবিরচিতং শ্রীবল্লভাষ্টকং ১ সমাপ্তম্ ।

Shri Vallabha Ashtakam 1 Lyrics in Bengali

Leave a Reply

Your email address will not be published. Required fields are marked *

Scroll to top