Sri Viththaleshashtakam Lyrics in Malayalam:
ശ്രീവിഠ്ഠലേശാഷ്ടകം
രഘുനാഥകൃതം
ശ്രീഗണേശായ നമഃ ।
കുരുസദസി കൃതാഭൂദ്ദ്രൌപദീവസ്ത്രശേഷാ
സകലനൃപവരേന്ദ്രാ യത്ര വക്തും ന ശക്താഃ ।
ഹരിചരണരതാങ്ഗീ യേന തത്രാത്മധീരാ
സ ഭവതു മമ ഭൂത്യൈ വിഠ്ഠലേശഃ സഹായഃ ॥ 1॥
പ്രഥമജനനപാപപ്രാപ്തസമ്പ്രേതദേഹൌ
സമയ ഇഹ മമാസ്മിന്കൃഷ്ണഭക്ത്യാ സമേതൌ ।
ഗലിതപതിതവേഷാവുദ്ധതൌ യേന സദ്യഃ
സ ഭവതു മമ ഭൂത്യൈ വിഠ്ഠലേശഃ സഹായഃ ॥ 2॥
കമലദലസുനേത്രേണൈവ ഭൂതേശമായാ-
തതിഭിരിവ ഹി യേന ഭ്രാമിതഃ സര്വലോകഃ ।
അഖിലജഗതി സര്വസ്വീയഭക്താഃ കൃതാര്ഥാഃ
സ ഭവതു മമ ഭൂത്യൈ വിഠ്ഠലേശഃ സഹായഃ ॥ 3॥
സകലയദുകുലേന്ദ്രോ യേന കംസോ ഹതോഽഭൂത്
ജനനസമയപൂര്വം ദേവകീശൂരയോശ്ച ।
പരിഹൃതമപി ദുഃഖം യാമികാ മോഹിതാശ്ച
സ ഭവതു മമ ഭൂത്യൈ വിഠ്ഠലേശഃ സഹായഃ ॥ 4॥
തപനദുഹിതുരന്തഃ കാലിയോ മാരിതഃ സന്
അലിഗണസുഹിതേഽസ്മിംസ്തത്ഫണേ യേന നൃത്യം ।
കൃതമപി ച തദംഭോ ലംഭിതം നിര്വിഷത്വം
സ ഭവതു മമ ഭൂത്യൈ വിഠ്ഠലേശഃ സഹായഃ ॥ 5॥
കപടകൃതശരീരാ പൂതനാ പ്രാപിതാഽഭ്രം
വ്രജപതിഗൃഹസുപ്താവേകപാദേന യേന ।
ശകട അസുരവേഷഃ പ്രേഷിതഃ സ്ഥാനനാശം
സ ഭവതു മമ ഭൂത്യൈ വിഠ്ഠലേശഃ സഹായഃ ॥ 6॥
പദനതിയുതഹസ്താ തോഷിതാ യേന കുന്തീ
ഹ്യസുരകുലസമൂഹാ ഹിംസിതാ വീര്യവന്തഃ ।
അഖിലഭുവനഭാരഃ പ്രേഷിതഃ സംലഘുത്വം
സ ഭവതു മമ ഭൂത്യൈ വിഠ്ഠലേശഃ സഹായഃ ॥ 7॥
അഖിലസുരകുലേന്ദ്രസ്യൈവ യേനാഭിമാനോ
ഗിരിവരധരണേന ക്ഷീണതാം പ്രാപിതശ്ച ।
ജലധരഭവധാരാഃ സംഹൃതാ ഗ്രാവയുക്താഃ
സ ഭവതു മമ ഭൂത്യൈ വിഠ്ഠലേശഃ സഹായഃ ॥ 8॥
വിട്ഠലേശാഷ്ടകമിദം പ്രാതരുത്ഥായ യഃ പഠേത് ।
ഭക്ത്യാ നത്വാ ച സുമനാഃ സ യാതി പരമാം ഗതിം ॥ 9॥
ഇതി രഘുനാഥകൃതം ശ്രീവിഠ്ഠലേശാഷ്ടകം സമ്പൂര്ണം ।