Templesinindiainfo

Best Spiritual Website

Siddha Gita Lyrics in Bengali

Siddha Geetaa in Bengali:

॥ সিদ্ধগীতা ॥
অস্ত্যস্তমিতসর্বাপদুদ্যৎসম্পদুদারধীঃ ।
বিদেহানাং মহীপালো জনকো নাম বীর্যবান্ ॥ ১ ॥

কল্পবৃক্ষোঽর্থিসার্থানাং মিত্রালানাং দিবাকরঃ ।
মাধবো বন্ধুপুষ্পাণাং স্ত্রীণাং মকরকেতনঃ ॥ ২ ॥

দ্বিজকৈরবশীতাংশুর্দ্বিষত্তিমিরভাস্করঃ ।
সৌজন্যরত্নজলধির্ভুবং বিষ্ণুরিবাস্থিতঃ ॥ ৩ ॥

প্রফুল্লবাললতিকে মঞ্জরীপুঞ্জপিঞ্জিরে ।
স কদাচিন্মধৌ মত্তে কোকিলালাপলাসিনি ॥ ৪ ॥

যয়ৌ কুসুমিতাভোগং সুবিলাসলতাঙ্গনম্ ।
লীলয়োপবনং কান্তং নন্দনং বাসবো যথা ॥ ৫ ॥

তস্মিন্বরবনে হৃদ্যে কেসরোদ্দামমারুতে ।
দূরস্থানুচরঃ সানুকুঞ্জেষু বিচচার হ ॥ ৬ ॥

অথ শুশ্রাব কস্মিংশ্চিত্তমালবনগুল্মকে ।
সিদ্ধানামপ্রদৃশ্যানাং স্বপ্রসঙ্গাদুদাহৃতাঃ ॥ ৭ ॥

বিবিক্তবাসিনাং নিত্যং শৈলকন্দরচারিণাম্ ।
ইমাঃ কমলপত্রাক্ষ গীতা গীতাত্মভাবনাঃ ॥ ৮ ॥

সিদ্ধা ঊচুঃ ।
দ্রষ্টুদৃশ্যসমায়োগাৎপ্রত্যযানন্দনিশ্চয়ঃ ।
যস্তং স্বমাত্মতত্ত্বোত্থং নিঃস্পন্দং সমুপাস্মহে ॥ ৯ ॥

অন্যে ঊচুঃ ।
দ্রষ্টৃদর্শনদৃশ্যানি ত্যক্ত্বা বাসনয়া সহ ।
দর্শনপ্রথমাভাসমাত্মানং সমুপাস্মহে ॥ ১০ ॥

অন্যে ঊচুঃ ।
দ্বয়োর্মধ্যগতং নিত্যমস্তিনাস্তীতি পক্ষয়োঃ ।
প্রকাশনং প্রকাশ্যানামাত্মানং সমুপাস্মহে ॥ ১১ ॥

অন্যে ঊচুঃ ।
যস্মিন্সর্বং যস্য সর্বং যতঃ সর্বং যস্মায়িদম্ ।
যেন সর্বং যদ্ধি সর্বং তৎসত্যং সমুপাস্মহে ॥ ১২ ॥

অন্যে ঊচুঃ ।
অশিরস্কং হকারান্তমশেষাকারসংস্থিতম্ ।
অজস্রমুচ্চরন্তং স্বং তমাত্মানমুপাস্মহে ॥ ১৩ ॥

অন্যে ঊচুঃ ।
সন্ত্যজ্য হৃদ্গুহেশানং দেবমন্যং প্রয়ান্তি যে ।
তে রত্নমভিবাঞ্ছন্তি ত্যক্তহস্তস্থকৌস্তুভাঃ ॥ ১৪ ॥

অন্যে ঊচুঃ ।
সর্বাশাঃ কিল সন্ত্যজ্য ফলমেতদবাপ্যতে ।
যেনাশাবিষবল্লীনাং মূলমালা বিলূয়তে ॥ ১৫ ॥

অন্যে ঊচুঃ ।
বুদ্ধ্বাপ্যত্যন্তবৈরস্যং যঃ পদার্থেষু দুর্মতিঃ ।
বধ্নাতি ভাবনাং ভূয়ো নরো নাসৌ স গর্দভঃ ॥ ১৬ ॥

অন্যে ঊচুঃ ।
উত্থিতানুত্থিতানেতানিন্দ্রিয়াহীন্পুনঃ পুনঃ ।
হন্যাদ্বিবেকদণ্ডেন বজ্রেণেব হরির্গিরীন্ ॥ ১৭ ॥

অন্যে ঊচুঃ ।
উপশমসুখমাহরেৎপবিত্রং
সুশমবতঃ শমমেতি সাধুচেতঃ ।
প্রশমিতমনসঃ স্বকে স্বরূপে
ভবতি সুখে স্থিতিরুত্তমা চিরায় ॥ ১৮ ॥

ইত্যার্ষে শ্রীবাসিষ্ঠমহারামায়ণে বাল্মিকীয়ে দেবদূতোক্তে
মোক্ষোপায়েষূপশমপ্রকরণে সিদ্ধগীতানামাষ্টমঃ সর্গঃ ॥ ৮ ॥

Also Read:

Siddha Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

Siddha Gita Lyrics in Bengali

Leave a Reply

Your email address will not be published. Required fields are marked *

Scroll to top