Sri Ganapathi Stava in English:
॥ śrī gaṇapati stavaḥ ॥
r̥ṣiruvāca-
ajaṁ nirvikalpaṁ nirākāramēkaṁ nirānandamānandamadvaitapūrṇam |
paraṁ nirguṇaṁ nirviśēṣaṁ nirīhaṁ parabrahmarūpaṁ gaṇēśaṁ bhajēma || 1 ||
guṇātītamānaṁ cidānandarūpaṁ cidābhāsakaṁ sarvagaṁ jñānagamyam |
munidhyēyamākāśarūpaṁ parēśaṁ parabrahmarūpaṁ gaṇēśaṁ bhajēma || 2 ||
jagatkāraṇaṁ kāraṇajñānarūpaṁ surādiṁ sukhādiṁ guṇēśaṁ gaṇēśam |
jagadvyāpinaṁ viśvavandyaṁ surēśaṁ parabrahmarūpaṁ gaṇēśaṁ bhajēma || 3 ||
rajōyōgatō brahmarūpaṁ śrutijñaṁ sadā kāryasaktaṁ hr̥dā:’cintyarūpam |
jagatkāraṇaṁ sarvavidyānidānaṁ parabrahmarūpaṁ gaṇēśaṁ natāḥ smaḥ || 4 ||
sadā satyayōgyaṁ mudā krīḍamānaṁ surārīnharantaṁ jagatpālayantam |
anēkāvatāraṁ nijajñānahāraṁ sadā viśvarūpaṁ gaṇēśaṁ namāmaḥ || 5 ||
tamōyōginaṁ rudrarūpaṁ trinētraṁ jagaddhārakaṁ tārakaṁ jñānahētum |
anēkāgamaiḥ svaṁ janaṁ bōdhayantaṁ sadā sarvarūpaṁ gaṇēśaṁ namāmaḥ || 6 ||
tamaḥ stōmahāraṁ janājñānahāraṁ trayīvēdasāraṁ parabrahmasāram |
munijñānakāraṁ vidūrē vikāraṁ sadā brahmarūpaṁ gaṇēśaṁ namāmaḥ || 7 ||
nijairōṣadhīstarpayantaṁ karādyaiḥ suraughāṅkalābhiḥ sudhāsrāviṇībhiḥ |
dinēśāṁśusantāpahāraṁ dvijēśaṁ śaśāṅkasvarūpaṁ gaṇēśaṁ namāmaḥ || 8 ||
prakāśasvarūpaṁ nabhō vāyurūpaṁ vikārādihētuṁ kalādhārarūpam |
anēkakriyānēkaśaktisvarūpaṁ sadā śaktirūpaṁ gaṇēśaṁ namāmaḥ || 9 ||
pradhānasvarūpaṁ mahattattvarūpaṁ dharācārirūpaṁ digīśādirūpam |
asatsatsvarūpaṁ jagaddhēturūpaṁ sadā viśvarūpaṁ gaṇēśaṁ natāḥ smaḥ || 10 ||
tvadīyē manaḥ sthāpayēdaṅghriyugmē janō vighnasaṅghātapīḍāṁ labhēta |
lasatsūryabimbē viśālē sthitō:’yaṁ janō dhvāntapīḍāṁ kathaṁ vā labhēta || 11 ||
vayaṁ bhrāmitāḥ sarvathā:’jñānayōgādalabdhāstavāṅghriṁ bahūnvarṣapūgān |
idānīmavāptāstavaiva prasādātprapannānsadā pāhi viśvambharādya || 12 ||
ēvaṁ stutō gaṇēśastu santuṣṭō:’bhūnmahāmunē |
kr̥payā parayōpētō:’bhidhātumupacakramē || 13 ||
Also Read:
Sri Ganapathi Stava Lyrics in English | Hindi | Kannada | Telugu | Tamil