Sri Gayatri Kavacham in Kannada:
॥ ಶ್ರೀ ಗಾಯತ್ರೀ ಕವಚಂ ॥
ಓಂ ಅಸ್ಯ ಶ್ರೀಗಾಯತ್ರೀಕವಚಸ್ಯ, ಬ್ರಹ್ಮಾ ಋಷಿಃ, ಗಾಯತ್ರೀ ಛಂದಃ, ಗಾಯತ್ರೀ ದೇವತಾ, ಭೂಃ ಬೀಜಮ್, ಭುವಃ ಶಕ್ತಿಃ, ಸ್ವಃ ಕೀಲಕಂ, ಗಾಯತ್ರೀ ಪ್ರೀತ್ಯರ್ಥಂ ಜಪೇ ವಿನಿಯೋಗಃ |
ಧ್ಯಾನಂ –
ಪಂಚವಕ್ತ್ರಾಂ ದಶಭುಜಾಂ ಸೂರ್ಯಕೋಟಿಸಮಪ್ರಭಾಮ್ |
ಸಾವಿತ್ರೀಂ ಬ್ರಹ್ಮವರದಾಂ ಚಂದ್ರಕೋಟಿಸುಶೀತಲಾಮ್ || ೧ ||
ತ್ರಿನೇತ್ರಾಂ ಸಿತವಕ್ತ್ರಾಂ ಚ ಮುಕ್ತಾಹಾರವಿರಾಜಿತಾಮ್ |
ವರಾಭಯಾಂಕುಶಕಶಾಹೇಮಪಾತ್ರಾಕ್ಷಮಾಲಿಕಾಮ್ || ೨ ||
ಶಂಖಚಕ್ರಾಬ್ಜಯುಗಳಂ ಕರಾಭ್ಯಾಂ ದಧತೀಂ ವರಾಮ್ |
ಸಿತಪಂಕಜಸಂಸ್ಥಾಂ ಚ ಹಂಸಾರೂಢಾಂ ಸುಖಸ್ಮಿತಾಮ್ || ೩ ||
ಧ್ಯಾತ್ವೈವಂ ಮಾನಸಾಂಭೋಜೇ ಗಾಯತ್ರೀಕವಚಂ ಜಪೇತ್ || ೪ ||
ಓಂ ಬ್ರಹ್ಮೋವಾಚ |
ವಿಶ್ವಾಮಿತ್ರ ಮಹಾಪ್ರಾಜ್ಞ ಗಾಯತ್ರೀಕವಚಂ ಶೃಣು |
ಯಸ್ಯ ವಿಜ್ಞಾನಮಾತ್ರೇಣ ತ್ರೈಲೋಕ್ಯಂ ವಶಯೇತ್ ಕ್ಷಣಾತ್ || ೫ ||
ಸಾವಿತ್ರೀ ಮೇ ಶಿರಃ ಪಾತು ಶಿಖಾಯಾಂ ಅಮೃತೇಶ್ವರೀ |
ಲಲಾಟಂ ಬ್ರಹ್ಮದೈವತ್ಯಾ ಭ್ರುವೌ ಮೇ ಪಾತು ವೈಷ್ಣವೀ || ೬ ||
ಕರ್ಣೌ ಮೇ ಪಾತು ರುದ್ರಾಣೀ ಸೂರ್ಯಾ ಸಾವಿತ್ರಿಕಾಽಂಬಿಕಾ |
ಗಾಯತ್ರೀ ವದನಂ ಪಾತು ಶಾರದಾ ದಶನಚ್ಛದೌ || ೭ ||
ದ್ವಿಜಾನ್ ಯಜ್ಞಪ್ರಿಯಾ ಪಾತು ರಸನಾಯಾಂ ಸರಸ್ವತೀ |
ಸಾಂಖ್ಯಾಯನೀ ನಾಸಿಕಾಂ ಮೇ ಕಪೋಲೌ ಚಂದ್ರಹಾಸಿನೀ || ೮ ||
ಚಿಬುಕಂ ವೇದಗರ್ಭಾ ಚ ಕಂಠಂ ಪಾತ್ವಘನಾಶಿನೀ |
ಸ್ತನೌ ಮೇ ಪಾತು ಇಂದ್ರಾಣೀ ಹೃದಯಂ ಬ್ರಹ್ಮವಾದಿನೀ || ೯ ||
ಉದರಂ ವಿಶ್ವಭೋಕ್ತ್ರೀ ಚ ನಾಭೌ ಪಾತು ಸುರಪ್ರಿಯಾ |
ಜಘನಂ ನಾರಸಿಂಹೀ ಚ ಪೃಷ್ಠಂ ಬ್ರಹ್ಮಾಂಡಧಾರಿಣೀ || ೧೦ ||
ಪಾರ್ಶ್ವೌ ಮೇ ಪಾತು ಪದ್ಮಾಕ್ಷೀ ಗುಹ್ಯಂ ಗೋಗೋಪ್ತ್ರಿಕಾಽವತು |
ಊರ್ವೋರೋಂಕಾರರೂಪಾ ಚ ಜಾನ್ವೋಃ ಸಂಧ್ಯಾತ್ಮಿಕಾಽವತು || ೧೧ ||
ಜಂಘಯೋಃ ಪಾತು ಅಕ್ಷೋಭ್ಯಾ ಗುಲ್ಫಯೋರ್ಬ್ರಹ್ಮಶೀರ್ಷಕಾ |
ಸೂರ್ಯಾ ಪದದ್ವಯಂ ಪಾತು ಚಂದ್ರಾ ಪಾದಾಂಗುಳೀಷು ಚ || ೧೨ ||
ಸರ್ವಾಂಗಂ ವೇದಜನನೀ ಪಾತು ಮೇ ಸರ್ವದಾಽನಘಾ |
ಇತ್ಯೇತತ್ಕವಚಂ ಬ್ರಹ್ಮನ್ ಗಾಯತ್ರ್ಯಾಃ ಸರ್ವಪಾವನಮ್ || ೧೩ ||
ಪುಣ್ಯಂ ಪವಿತ್ರಂ ಪಾಪಘ್ನಂ ಸರ್ವರೋಗನಿವಾರಣಮ್ |
ತ್ರಿಸಂಧ್ಯಂ ಯಃ ಪಠೇದ್ವಿದ್ವಾನ್ ಸರ್ವಾನ್ ಕಾಮಾನವವಾಪ್ನುಯಾತ್ || ೧೪ ||
ಸರ್ವಶಾಸ್ತ್ರಾರ್ಥತತ್ತ್ವಜ್ಞಃ ಸ ಭವೇದ್ವೇದವಿತ್ತಮಃ |
ಸರ್ವಯಜ್ಞಫಲಂ ಪ್ರಾಪ್ಯ ಬ್ರಹ್ಮಾಂತೇ ಸಮವಾಪ್ನುಯಾತ್ |
ಪ್ರಾಪ್ನೋತಿ ಜಪಮಾತ್ರೇಣ ಪುರುಷಾರ್ಥಾಂಶ್ಚತುರ್ವಿಧಾನ್ || ೧೫ ||
ಇತಿ ಶ್ರೀವಿಶ್ವಾಮಿತ್ರಸಂಹಿತೋಕ್ತಂ ಗಾಯತ್ರೀಕವಚಂ |
Also Read:
Sri Gayatri Kavacham Lyrics in English | Hindi | Kannada | Telugu | Tamil