Sri Gayatri Kavacham in English:
॥ śrī gāyatrī kavacam ॥
ōṁ asya śrīgāyatrīkavacasya, brahmā r̥ṣiḥ, gāyatrī chandaḥ, gāyatrī dēvatā, bhūḥ bījam, bhuvaḥ śaktiḥ, svaḥ kīlakaṁ, gāyatrī prītyarthaṁ japē viniyōgaḥ |
dhyānam –
pañcavaktrāṁ daśabhujāṁ sūryakōṭisamaprabhām |
sāvitrīṁ brahmavaradāṁ candrakōṭisuśītalām || 1 ||
trinētrāṁ sitavaktrāṁ ca muktāhāravirājitām |
varābhayāṅkuśakaśāhēmapātrākṣamālikām || 2 ||
śaṅkhacakrābjayugalaṁ karābhyāṁ dadhatīṁ varām |
sitapaṅkajasaṁsthāṁ ca haṁsārūḍhāṁ sukhasmitām || 3 ||
dhyātvaivaṁ mānasāmbhōjē gāyatrīkavacaṁ japēt || 4 ||
ōṁ brahmōvāca |
viśvāmitra mahāprājña gāyatrīkavacaṁ śr̥ṇu |
yasya vijñānamātrēṇa trailōkyaṁ vaśayēt kṣaṇāt || 5 ||
sāvitrī mē śiraḥ pātu śikhāyāṁ amr̥tēśvarī |
lalāṭaṁ brahmadaivatyā bhruvau mē pātu vaiṣṇavī || 6 ||
karṇau mē pātu rudrāṇī sūryā sāvitrikā:’mbikā |
gāyatrī vadanaṁ pātu śāradā daśanacchadau || 7 ||
dvijān yajñapriyā pātu rasanāyāṁ sarasvatī |
sāṅkhyāyanī nāsikāṁ mē kapōlau candrahāsinī || 8 ||
cibukaṁ vēdagarbhā ca kaṇṭhaṁ pātvaghanāśinī |
stanau mē pātu indrāṇī hr̥dayaṁ brahmavādinī || 9 ||
udaraṁ viśvabhōktrī ca nābhau pātu surapriyā |
jaghanaṁ nārasiṁhī ca pr̥ṣṭhaṁ brahmāṇḍadhāriṇī || 10 ||
pārśvau mē pātu padmākṣī guhyaṁ gōgōptrikā:’vatu |
ūrvōrōṅkārarūpā ca jānvōḥ sandhyātmikā:’vatu || 11 ||
jaṅghayōḥ pātu akṣōbhyā gulphayōrbrahmaśīrṣakā |
sūryā padadvayaṁ pātu candrā pādāṅgulīṣu ca || 12 ||
sarvāṅgaṁ vēdajananī pātu mē sarvadā:’naghā |
ityētatkavacaṁ brahman gāyatryāḥ sarvapāvanam || 13 ||
puṇyaṁ pavitraṁ pāpaghnaṁ sarvarōganivāraṇam |
trisandhyaṁ yaḥ paṭhēdvidvān sarvān kāmānavavāpnuyāt || 14 ||
sarvaśāstrārthatattvajñaḥ sa bhavēdvēdavittamaḥ |
sarvayajñaphalaṁ prāpya brahmāntē samavāpnuyāt |
prāpnōti japamātrēṇa puruṣārthāṁścaturvidhān || 15 ||
iti śrīviśvāmitrasaṁhitōktaṁ gāyatrīkavacaṁ |
Also Read:
Sri Gayatri Kavacham Lyrics in English | Hindi | Kannada | Telugu | Tamil
