Sri Gopala Stava in English:
॥ śrī gōpāla stavaḥ ॥
yēna mīnasvarūpēṇa vēdāssaṁrakṣitāḥ purā |
sa ēva vēdasaṁhartā gōpālaśśaraṇaṁ mama || 1 ||
pr̥ṣṭhē yaḥ kūrmarūpēṇa dadhāra dharaṇītalam |
sa ēva sr̥ṣṭisaṁhartā gōpālaśśaraṇaṁ mama || 2 ||
varāharūpassambhūtvā damṣṭāgrē yō mahīṁ dadhau |
sa bhūmibhāraharaṇō gōpālaśśaraṇaṁ mama || 3 ||
jagrāha yō nr̥siṁhasya rūpaṁ prahlādahētavē |
sa yōddhumudyatassamya-ggōpālaśśaraṇaṁ mama || 4 ||
yēna vāmanarūpēṇa vañcitō bali bhūmipaḥ |
sa ēva gōpanārībhi-rgōpālaśśaraṇaṁ mama || 5 ||
yēnēyaṁ jāmadagnyēna pr̥thvī niḥkṣatriyā kr̥tā |
sa ēva kṣatriyahitō gōpālaśśaraṇaṁ mama || 6 ||
daśāsyō dāśarathinā yēna rāmēṇa māritaḥ |
sa pañcāsyaprāptabalō gōpālaśśaraṇaṁ mama || 7 ||
kālindī karṣitā yēna rāmarūpēṇa kautukāt |
tajjalakrīḍanāsaktō gōpālaśśaraṇaṁ mama || 8 ||
yēna bauddhasvarūpēṇa lōkāḥ pāṣaṇḍamārpitāḥ |
sa ēva pāṣaṇḍaharō gōpālaśśaraṇaṁ mama || 9 ||
gamiṣyanti kṣayaṁ yēna rākṣasāḥ kalkirūpiṇā |
sa rākṣasagatērdātā gōpālaśśaraṇaṁ mama || 10 ||
gōvardhanō giriryēna sthāpitaḥ kañjavatkarē |
ulūkhalēna nasitō gōpālaśśaraṇaṁ mama || 11 ||
ēkādaśa rūpadhāmnāmāvaliṁ yō likhēddhr̥di |
kr̥ṣṇaprasādayuktaśca sa yāti paramāṁ gatim || 12 ||
iti śrīraghunāthācāryaviracaḥ śrīgōpālastavaḥ |
Also Read:
Sri Gopala Stavah Lyrics in Hindi | English | Kannada | Telugu | Tamil
