Dasa Mahavidya Durga Devi Stotram

Sri Kamala Ashtottara Shatanama Stotram Lyrics in English

Sri Kamala Ashtottara Shatanamavali in English:

॥ śrī kamalā aṣṭōttaraśatanāmastōtram ॥
śrī śiva uvāca –
śatamaṣṭōttaraṁ nāmnāṁ kamalāyā varānanē |
pravakṣyāmyatiguhyaṁ hi na kadāpi prakāśayēt || 1 ||

ōṁ mahāmāyā mahālakṣmīrmahāvāṇī mahēśvarī |
mahādēvī mahārātri-rmahiṣāsuramardinī || 2 ||

kālarātriḥ kuhūḥ pūrṇānandādyā bhadrikā niśā |
jayā riktā mahāśaktirdēvamātā kr̥śōdarī || 3 ||

śacīndrāṇī śakranutā śaṅkarapriyavallabhā |
mahāvarāhajananī madanōnmathinī mahī || 4 ||

vaikuṇṭhanātharamaṇī viṣṇuvakṣaḥsthalasthitā |
viśvēśvarī viśvamātā varadā:’bhayadā śivā || 5 ||

śūlinī cakriṇī mā ca pāśinī śaṅkhadhāriṇī |
gadinī muṇḍamālā ca kamalā karuṇālayā || 6 ||

padmākṣadhāriṇī hyambā mahāviṣṇupriyaṅkarī |
gōlōkanātharamaṇī gōlōkēśvarapūjitā || 7 ||

gayā gaṅgā ca yamunā gōmatī garuḍāsanā |
gaṇḍakī sarayūstāpī rēvā caiva payasvinī || 8 ||

narmadā caiva kāvērī kēdārasthalavāsinī |
kiśōrī kēśavanutā mahēndraparivanditā || 9 ||

brahmādidēvanirmāṇakāriṇī vēdapūjitā |
kōṭibrahmāṇḍamadhyasthā kōṭibrahmāṇḍakāriṇī || 10 ||

śrutirūpā śrutikarī śrutismr̥tiparāyaṇā |
indirā sindhutanayā mātaṅgī lōkamātr̥kā || 11 ||

trilōkajananī tantrā tantramantrasvarūpiṇī |
taruṇī ca tamōhantrī maṅgalā maṅgalāyanā || 12 ||

madhukaiṭabhamathanī śumbhāsuravināśinī |
niśumbhādiharā mātā hariśaṅkarapūjitā || 13 ||

sarvadēvamayī sarvā śaraṇāgatapālinī |
śaraṇyā śambhuvanitā sindhutīranivāsinī || 14 ||

gandharvagānarasikā gītā gōvindavallabhā |
trailōkyapālinī tattvarūpā tāruṇyapūritā || 15 ||

candrāvalī candramukhī candrikā candrapūjitā |
candrā śaśāṅkabhaginī gītavādyaparāyaṇā || 16 ||

sr̥ṣṭirūpā sr̥ṣṭikarī sr̥ṣṭisaṁhārakāriṇī |
iti tē kathitaṁ dēvi ramānāmaśatāṣṭakam || 17 ||

trisandhyaṁ prayatō bhūtvā paṭhēdētatsamāhitaḥ |
yaṁ yaṁ kāmayatē kāmaṁ taṁ taṁ prāpnōtyasaṁśayam || 18 ||

imaṁ stavaṁ yaḥ paṭhatīha martyō
vaikuṇṭhapatnyāḥ parasādarēṇa |
dhanādhipādyaiḥ parivanditaḥ syāt
prayāsyati śrīpadamantakālē || 19 ||

iti śrī kamalāṣṭōttaraśatanāmastōtram |

Also Read:

Sri Kamala Ashtottarshat Naamavali Lyrics in Hindi | English |  Kannada | Telugu | Tamil